آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 16-09-2012   #11


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي الصاااارم اللي بالمهمات بتاع,,, الناااايف



الصاااارم اللي بالمهمات بتاع!!!


هلت سحابة خافقي بين الاضـلاع=واسترسل الرعاد والبـرق لاحـي
طماع في شوفة هوى البال طمـاع=مير البلى حظ ٍ نخيتـه وطاااحـي
فكرت في حالي وقلبت الاوضـاع=وجيت استريح وخافقي ماستراحي
تشـب باطرافـه دوافيـر صنـاع=وداويت جرح وجا بداله جراحـي
ملتاع ياقلبي مـن الوجـد ملتـاع=ياطول صبرك بالمجي والمراحـي
لأظلم عليك الليل تجـزع وترتـاع=مثل الغرير اللي يعشق الصباحـي
يصير للهاجـوس مشتـا ومربـاع=وللهم باطراف المحانـي مراحـي
غيرك سعيد وماشكى ضيم واوجاع=وانته جرعت المرّ كنـه قراحـي
ومادام سقمك طال والوقـت لـواع=اشهر كما حر ٍ خفـق بالجناحـي
ترى الفضا ممدود وفجوجه وسـاع=والله كريـم ولايحـب الشحاحـي
والقاف لاجاله على الجرح ميقـاع=يطيب هاجوسـه ويبعـد مشاحـي
بالذات لاخصيت ممدوح الاطبـاع=ورفعت صوتي واستمع لي وصاحي
ابشر بعزك جـاي نخـوة وفـزاع=والهم عن كتفـي لكتفـه يزاحـي
ينقل على كتفه من الحمل مارتـاع=حملي على صدر السنافي وشاحـي
الصـارم اللـي بالمهمـات بتـاع=احزام جنـب وبالمهمـة سلاحـي


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 28-09-2012   #12


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي من خان قلب ٍ فيه تكّـبر هقاويه ,, النااايف



من خان قلب ٍ فيه تكّـبر هقاويه ,, النااايف !!!

الشعر لامنـّه دعتني قوافيه = الحرف عن مكنون قلبي لكم باح
يجوزللقلب الشقاوي يناديه=ويجوز للدمعة تحدر ليا راح
يجوز يرجع لاسمع صوت داعيه=ويجوز مايرجع ولو شاف ملواح
من باع وش يسوى بقاموس شاريه = ومن يشتري ماباع لوجاته ارباح
من يفتح إسموعه لناس ٍ تناجيه = يجيب يوم العيد قدّام الافراح
من خان قلب ٍ فيه تكّـبر هقاويه= يخون ذاته لو مع َ ظلّ الاشباح
من طاح من كفي وعيني تراعيه = كنه خرز سبحه تركته ليا طاح
ميزان تقديره رجح في مساويه =عديت حسناته على فص مسباح
لاناشدٍ عنّـه ولاني بناعيه = سود الليال إتلبسه ثوب الاتراح
مثل الخـِيـَال الياتقافت مناشيه= تصد عيني ماتبي معه مشواح
والاذن صمى ماتبي عاد طاريه= لوكان غنى من عنا القلب سواااح
يجوز حرفي ينكتب في معاليه = لوكان اسدد فيه من حرفي رماح
ماخطيه في قافي لياصرت راميه = ومايرفعه غيري 80 مداح


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 01-10-2012   #13


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي حي الرفيق اللي رقى كل مرقاب



حي الرفيق اللي رقى كل مرقاب !!!

حي الرفيق اللي رقى كل مرقاب = مـَاكـَـرّ شيوخ ومعتلي في جنابه
يقراء بيوت ٍ مبهمات ٍ للاعراب = ويجيب حامض علمها في جوابه
اشفيت خاطر صاحبك بين الاجناب= وزان القصيد وزان خط الكتابه
خليت للمعنى مقابيس وشهاب = والحرف جاء له في وجودك مهابه
كانت بيوت مداعبه بين الاقراب = وصارت قصيد ٍ نايفات ٍ هضابه
ابشر بمن ياقف لها ستر وحجاب = ويرقى بها بين السماء والسحابه
ويقطع لها فيزة تجول مع اركاب = ويروي زهرها من شخاتر إعذابه
حتى يسيـّر صيتها كل الاقطاب = وتـحـلّ عـنـّي بالمجالس إنيابه
والوي لها عنق المخاليق باعجاب = تقلط على زين النبا ماتهابه
ولاتحسبني لنت لعيون الاحباب = إطويق يـَعـّرفْ عزته من رقا به
تدري متى تعلن حدادك وتنصاب = لاضاعت الهقوه بحضرة جنابه
تدري متى تحرق همومك بمشهاب = لاجاتك الزله من ادنى القرابه
تدري متى تبدي مشاريه وعتاب = لاصار لك شخص ٍ سكنت بلبابه
تدري متى تفخر بربعك والانساب = لاصار لك بين الاجانيب لابه
تدري متى للشعر تقدير وحساب = لاصار مثلك واحد ٍ في حسابه
لوشاب قاف الشعر لاجلك يجي شاب= لو بيني وبينه تقوم الحرابه
الشعر له شرواك عاشق وخطاب = اليا التفت يمه عطاه وسمابه
يقطف نواويره بعد خاطره طاب= ويجرّ صوته من عناه وذهابه
يسج لو صدره بها فاس حطاب = يصبر ولو جاء للضلوع انحطابه
يسج في بيد ٍ عن عيون الاغراب= روح عليها الخير ينثر ربابه
غب ّ المطر يمشي ولايحسب حساب = ومرافقه من حكمته يقتدابه
يبغى نزول ٍ تـّكثرّ اهلا وترحاب= من خايع المشقوق لين الغرابه


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 04-10-2012   #14


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي آرسـمـك حـلـم ,, النايف





 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 13-10-2012   #15


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي شااااادي العشااااق ,, الناااااايف



من الجديد

اتمنى تنااااااال اعجاااابكم


شااااادي العشااااق ,, الناااااايف !!!


مفقود حلقة وصل يالترف مفقود = وانته على عمياك سايح وجوال
درب السعاده مع معاليك مسدود = والوقت ميلها وحظي معه مال
ياشادي العشاق قـلـّي متى الجود = ناي الحزن يبكي وعمر الشقا طال
لاتستمع في قولة سهود ومهود= الخافي اعظّم من تعابير الاشكال
ايامنا بيض وغدى لونها سود = وافراحنا تلبس على راسها شال
حبل الجفا بيدين الاقدار ممدود = بيني وبين الفَـرّحْ مقطوع الارسال
حنـّت خلوج القلب مع حنـّة الذود= تذرف مدامعها على ثاوي الحال
والمزنه اللي وسطها برق ورعود= طاحت لها في مهجتي دمعة اطفال
والغيمة اللي جات في نوّها زود= طافت رياض القلب ماهلّ وبـّال
اطلالنا تشكي تضاريسها النود = هاذاه فال القلب والتالي إعقال
انا اشهداني مانويت إبدي إسدود = ولا ابدي خفى قلبي على كل رجال
لو كان في قلبي من فراقه إلهود = ولاطاب لي وياه ياربعي الفال


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 14-10-2012   #16


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي هديه لبو طارق محمد الشميلي



هديه لبو طارق محمد الشميلي !!!

يامرحبا عداد همال الامطار = واعداد من لبى ببيته وطافي
بالصاحب اللي له معزه ومقدار=يستاهل التقدير هاك السنافي
ضيف ٍعلى الكرسي وبالقلب له دار=من حشمته نظمت زين القوافي
لو كان من بيني ومابينه إديار = لكن عندي فالحشا له مضافي
اغليه والله عالم ٍ كل الاسرار = غلا الرجال اهل القلوب النظافي
عساه في دنياه من ضمن الاخيار= عسى سنينه كل ابوها عوافي
وفالاخره في جنة ٍ كلها انهار = ومن حوض سيدنا شرب له غرافي
وختامها مني تحيه ومعذار = ان كان حرفي ماوفى للسنافي


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 21-10-2012   #17


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي كــــــــان.... قصدك تـــنــتقــــم.... الناااااايف



من الارشيف اتمنى تنال رضاكم

كــــــــان.... قصدك تـــنــتقــــم.... الناااااايف !!!


عــقـــب مـاســويــت فــيـــه وش تــبـــا بــجــروحــي=لــيــه تــســأل ياحـبـيـبـي عــــن جـــــروح أهــدابـــك
أسـئـلـتــك الـــلـــي تـــجـــول بــخــاطــرك يـــاروحـــي=مــاتــفـــيـــد مـــــعـــــذبٍ ذاق الـــعـــنــــا بــاســبـــابـــك
وش يفيدك ؟وش بتجني؟ وش هو المصلوحي=لــوعــرفـــت انـــــــي أعـــانــــي لــوعــتـــي بـغــيــابــك
روح فــــي دربــــك وانـــــا فـــــي يـمــتــي بــاروحـــي=لــــك عـلـيــه لـوصـدفـتـك مـااسـئـلـك وش جــابــك
ماأنـكـر انــك كـنـت جـرحـي وأنـــت كـــل فـروحــي=ولاأنـكـر انــي كـنـت هـايـم بـــك وكـنــت اشـقـابـك
وكـــــان قــصـــدك تـنـتـقــم يـاغـايـتــي مـسـمـوحــي=شـوفـنــي قــدمــك وســــو الــلــي تــبــي فـاحـبـابــك
مـابـقــي لــــك غــيــر تـذبـحـنـي وتــزهــق روحـــــي=تـعـلـن الـنـايـف ضـحـيـه مــــن ضـحـايــا ارهــابــك
الله اكــــبـــــر الله اكــــبـــــر يـــاحـــمـــام الــــدوحـــــي=أســجــعــي بــالــصــوت والاّ هـــاجـــري لاســـرابـــك
أسجـعـي بالـصـوت نـشــوى خـفـفـي لـــي نـوحــي=مـابـقـي لـــي غـيــرك انــتــي أسـمـعــك واشـقـابــك


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 02-11-2012   #18


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي مساجله مع الشاعر هزاع الفديع العتيبي والنايف



مساجله بيني وبين الشاعر هزاع الفديع العتيبي

النااااااااايف!!!

لابن الفديع أسوق جزل القوافي= شرّد البيوت مخصصات ٍ لهزاع
غفل البكار مبيدات الفيافي =ماجابهن للسوق جالب وبياع
حطيت وسمي فوقهن يالسنافي = من شان لايطمع بهن كل طماع
جنـّك بعلمي عقب بحّت الخوافي = وفكيت صندوق الضماير للابداع
علّك بخير ويا عساك متعافي = ياسبْع ياللي ناجبينك من إسباع
لولا غلاك اللي بقلبي يشافي = مابحّت سدي بين رامي ورماع
خليتها بين الضلوع النحافي= ولبسّتها جوخ ٍ من الصبر وقناع
السالفه وقت ٍ عجاج وسوافي = يبحث خفا الرجال لوكان بتاع
ميزان عدله صار فيه انحرافي = يشيّب منه الراس والقلب يرتاع
ماعاش فيه الاَ الخمام الضعافي = إمعود ٍ نفسه على الضعف مطواع
اللي على اللقمه يدينه ضوافي = جيعان ضيف اللاش ويدينه شباع
لعل جنسه فالبلد مايشافي = ولعل صيته ماتناقله الاسماع
والاَ كريم النفس يلقى التجافي = يصدّ عنه الوقت لأحتاج فزاع
لو إنه أبْحرّ في جميع المرافي = وقته يكيل البؤس بالمد والصاع
رده ليا من شان وقته عوافي = الله يبدل صيف الايام مرباع
ماهيب دايم للنشاما حفافي = لابد ماترزم وتبرق وتنداع
وختامها للحرف زان المطافي = ونظمت فص اللول للقرم هزاع



0000 رد الشاعر هزاااع !!!

هجسي ليا اطلق لي محابيل : قافي = تنقادلي عوب الشرايد وتنصاع
حرش الجنوب ملوفحات الهيافي = لا عجرفت بازوارها تضرب القاع
جرد الرّقاب العيس عوج الضّلافي= تذعن وانا عند اللّزوم آخطل اذراع
كسبي من الجزلات حمّ الشّعافي = استاقها واطو الخطر : طوية اشراع
و آرد على عدٍ قراحٍ وصافي = عدٍ على شانه وجب فك الآقطاع
اسري وحول المعطيات التفافي= اهندب الحوني : مخومس وروباع
حيث الهدف من وقفتي وانصرافي = تحليل معنى طايل الشبر والباع
مثله مثل بندر و صقر النّصافي = بيته يجي مليان مضمون وايقاع
غنّى ويوم انّه لمس جرح خافي= قامت قيامة خاطري خلف الآضلاع
ترجف ورا الحدب النّحاف الروافي = رجف انفجارٍ ذيع في شتّى الآصقاع :
بدايته تشرح لها صدر وافي = ونهايته تدبلها كبد صعصاع
ثورة مشاعر واجتماعٍ ثقافي = حتّم على قلبي يلبّي ندا الدّاع
والسّالفة سود الليالي يا كافي !!= ما جت على مشهاة ذربين الآطباع
في نصفها الّاول : تصيح المطافي = وفي نصفها الثّاني : صراعات ونزاع !!
والله يكافي من ( ثالْثْة الآثافي ) = خطرٍ تهزّ عروش واتدّهور اوضاع
هذي فتنها مقبلاتٍ مقافي = ضعاينٍ تملا وسيعات الآرواع
اتحطّ للطيّب سجون ومنافي = وايقزّر الدّنيا معاناة وصراع
وهو حفيد امخضّبين الشّلافي = اللّي مضاربها عميقات ووساع
ناسٍ قبل وقت الرّخا والكفافي = ما ضيّعوا درب المراجل والآسناع
ايبرّكون اذناب حيل وهرافي = اللّي من السّمنة تمريع تمرياع
وهيل مصبّه من حلوق المصافي = على الجمر ماهو بدافور صْنَّاع
كرامةٍ للّي من البعد لافي= وابها لهم في عالي المجد مطلاع
خَلّوني احضّر واحطّ اعترافي = يومٍ انّ للهاجوس مدخل ومطلاع
ما زانت الدّنيا سوا للهلافي = ثعلٍ حياته كلّها مكر وخداع





 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 02-12-2012   #19


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي الد في غيرك لعانه وتظليل ,,,, الناايف



الد في غيرك لعانه وتظليل ,,,, الناايف !!!

خيل المشاعر ليلها البارحه ليل= شيءٍ مرج منها وشيءٍ قلايع
ميدانها صدرٍ كوته الغرابيل=وفرسانها هم ٍ بدت له طلايع
اول ضحايا خيلها هدة الحيل=وطرف ٍ شقي من لذة النوم جايع
وجسمٍ ذوى ماعاد إبه ذرة الحيل=وعينن مدامعها تفيض الودايع
ودام الرجا بايام عمر ٍ مقابيل=الطيب في راعيه ماهو بضايع
ياللي سبيت القلب من غير تقبيل=قلب ٍ عصى غيرك وجاك انت طايع
انا اشهد انك تستحق المواصيل=يامفخرة جيلك بك الحسن ذايع
لاتستمع فيني كلام العواذيل=لا تحطني مابين شاري وبايع
تراي ماساويت بك باقي الجيل=وعرشك لحاله في علو الرفايع
غلاك فالشريان يجري كما النيل=وهذا يسبب موت كل الربايع
وبنات فكري عن غلا غيركم حيل=لو لاعها من لايع الوجد لايع
مادام لك فالقلب حصن ومداهيل=غيرك يجي عطشان ويروح جايع
عندي على ذلك وثيقه وتدليل=وارضى بحكمك ياحسين الطبايع
الد في غيرك لعانه وتظليل=امشي بمبدأ باب سد الذرايع
اضحك ليا غضتك ببعض المراسيل=يامصدر الهامي بنظم الروايع
يلوم قلبي فيك قلب ٍ كما الفيل=ماذاق من مرّ الفراق الفجايع
ماقالبه وقته على الحط والشيل=مابار حظه في جميع الصنايع
وختامها فنجال بن ٍ مع الهيل=في حاجرٍ ريح النفل فيه فايع


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


قديم 26-12-2012   #20


الصورة الرمزية النايف
النايف متصل الآن

بيانات اضافيه [ + ]
 رقم العضوية : 493
 تاريخ التسجيل :  07 - 01 - 2007
 أخر زيارة : 07-07-2015 (07:53)
 المشاركات : 418 [ + ]
 التقييم :  138
لوني المفضل : Cadetblue
افتراضي ماني بحاجه لعطف ٍ كله صناعي ,, النااايف



ماني بحاجه لعطف ٍ كله صناعي ,, النااايف !!!

لاتنشد القلب ليـّه القلب مجروحي = دامك سبب علّته ماشوف له داعي
يكفيه ماجاه من لوعات وجروحي= لولا محانيه غاد ٍ قلبي امزاعي
لولاي اسليه وأعذّل على روحي = ضاقت بي أفجوج ربي لو هي وساعي
لكن لاتتعبه تراه مذبوحي = روّح بفالك تبا تتحسن أوضاعي
ماني بحاجة مسكن يوم وتروحي = ولاني بحاجه لعطف ٍ كله صناعي
ولاني بحاجه تجاملني لمصلوحي= دام المشاعر بقلبك زيف وخداعي
شفنا دلال الغلا مركاه وتفوحي = لكنّ فنجالها مايشـّـف الاوجاعي
من شان ذلك فمان الله مسموحي = لا لك عليـّه ولالي فيكم اطماعي
اللي حصل منك يكفيني ومدموحي = لكن حذرى يبين السر ويذاعي


 
 توقيع : النايف

ياللي مخاصمني وقصدك تحدّا= تراك في هجرك وصدك تماديت
إن كان في نياف قصدك تردّا= كم هقوة ٍ ضاعت بغيرك وصديت


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:24


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام