آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 13-12-2012   #21


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي ياهيه ياصانع المعروف



0000 ياهيه ياصانع المعروف !!!

ياهيه ياصانع المعروف=في ناس مايستحقونه
اهل الردى طبعهم معروف=لوتفعل الطيب ينسونه
يستاهله واحدٍموصوف=بالطيب والجود والعونه
ان جالهم بالزمان صدوف=في حزة الضيق ينصونه
البعض يطلب منه مصروف=ويدس في البنك مليونه
وان صار له بالزمان ظروف=لوجالهم مايسرونه
لوكان صديقهم ملهوف=ولجالهم مايعزونه
فعل الردى عندهم مالوف=الطيب بالعكس يجزونه
لكن رد النظر وتشوف=من يعرف الطيب ويصونه
ولاتلحق اللي فعلت حسوف=الطيب مايختلف لونه
افعل ورب العباد يشوف=وابذل والارزاق مضمونه
تراك بين الرجاء والخوف=دنياك ماهي بمامونه
يارب باحوالنا تروف=ماغيرك الناس يرجونه


 

قديم 17-12-2012   #22


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي خلاص انا ركبت قلبٍ صناعي



0000 خلاص انا ركبت قلبٍ صناعي!!!

شفت العنى من صدك اشكال وانواع=من نار هجرك قاسي القلب ماعي
عندك على تعذيبي انواع الابداع=تضغط على قلبي وتلوي ذراعي
تليت قلبي تل من بين الاضلاع=واقفيت به يابو العيون الوساعي
خلاص انا قررت يازين الاطباع=اعلن وداعك وانت تعلن وداعي
عذب على كيفك ترى مابه اوجاع=خلاص انا ركبت قلبٍ صناعي
ابلاستيك القلب قاسي ولاماع=اكوه بهجرانك لنا لاتراعي
واهديت لك قلبٍ نصحته ولاانصاع=على فراقك يالغضي مااستطاعي
ياما نهيته عنك لاشك ماطاع=ماطاع يدله رغم كل المساعي
ماابيه قلبٍ من هوى حبك التاع=في بحر حبك ياهوى البال ضاعي
اهديت لك قلبي ولافيه مرجاع=تستاهله وانا كريم وشجاعي
عذب على كيفك ترى مابه اوجاع=خلاص انا ركبت قلبٍ صناعي


 

قديم 22-12-2012   #23


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي صديقي اللي من اول مايفارقني



لغز مكشوف عليه جايزه
0000 صديقي اللي من اول مايفارقني !!!


صـديـقـي الـلــي مـــن اول مايفـارقـنـي=دايــم مـعـي فــي بـــراد الـوقــت وبـحــره
خمسه وعشرين عام وهـو مصادقنـي=وان غاب عني يضيق الصدر ويضره
مــااروح لــي فــي مـكــان الا يرافـقـنـي=الـنـفــس لـمـرافـقـة شـــــرواه مـضــطــره
والــيــوم طــالــت صـداقـتـنــا وزهـقــنــي=واعـلـنـت هـجــره وتـركــة خــوتــه مــــره
هـــذا خـوي(ن)بـنـار الـحــب محـرقـنـي=يــامــا ويــامــا خــوي(ن)ضــر مــاســره
واللـي ماهـو فـي كلامـي ذا مصدقنـي=ينـشـد عـــن اضـــراره الـدكـتـور ويـمــره
يالله مـــــن رفـقــتــه يـــــارب تـعـتـقـنــي=وتغـفـر ذنـوبـي وتكفيـنـي عـنــى شـــره


 

قديم 24-12-2012   #24


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي الرد المتوقع على سلمي لي على قلبك كثير السلام



0000 سلمي لي على قلبك كثير السلام!!!

سلمي لي على قلبك كثير السلام=ثم قولي ترى قلبي يسلم عليه
وإدري اني عقب فرقاك ماصرت انام=لين ادور علاج النوم ثم اشتريه
واعناها عيوني كل ماجاء الظلام=لاقبل الليل هلت دمعها ماتبيه
تسهر الليل كله والاوادم نيام=والسبايب قسا قلبك عليك اشتكيه
كيف يقسا بعد مالان هذا حرام=ليه يقسا على قلبي وهو مهتويه
قلبي اللي تولع فيك صابه هيام=كم حاولت انصحه وانهاه وازريت فيه
ياحبيبه ترى ماني على مايرام=حاولي في علاج الحال لاتتركيه
مايفيد القصيد ولايفيد الكلام=مير شوفي لنا حلٍ سريع ووجيه
وعذاب المولع من سهوم الغرام=لو تصدا لها لابد تقضي عليه
ماتطيب الجروح ولاتروح الالام=لين خله يداويها بلمسة يديه
مير خلي قسا وانا علي الحرام=ان قلبي عليه اشفق من امه وابيه
لي ثلاث اسنوات احس ماني تمام=والسبب من حبيبي حسبي الله عليه
ليه يقطع حبال الوصل دون اهتمام=في هوانا وانا قصدي وشعري نزيه
قفّل ابواب حبه ليه بأية نظام=يقطع الوصل مع محبوبه اللي يبيه
والله انه له بقلبي مكان ومقام=فاتحٍ باب قلبي له على مصرعيه
اقري اقري بيوت الشعر قبل الختام=واعرفي وش هو المطلوب ثم احفظيه


الرد المتوقع على قصيدتي اعلاه
0000 الرد المتوقع على قصيدتي اعلاه!!!

مرحـبـا بالمسـلـم عـد وبـل الـغـمـام=ياهلا به وانا والقلب رحبـت فيـه
ياهـلا بالقصيـده ياجماعـه مـادام=انـهـا مــن رفيـق(ن)ودنـا مانـسـيـه
له بقلبي مكـان ولـه غـلا واحتـرام=وكـل مالـه بقلبـي هوفرضـهـا علـيـه
اشهد انه حشيم ومن رجـال حشـام=وشاعر(ن)منتهى الاخـلاق واللـي يليـه
من رجال لهم بالطيب والشعر زام=من نوادر بني غيدان بيض الوجيـه
والمعـانـي جميـلـه والقصـايـد تـمــام=لاكتبـهـاابـوسـامـي كـل(ن)اثنى عليه
لوقصد بي مـن الاشعـار ماهوحـرام=يكتب الشعر في وأقـراه واشيـد فيـه
ادري انه تولـع بـي عزيـز المقـام=ليتـنـي يــوم ولعـتـه تولـعـت فـيـه
وادري انه على هالحال له كم عام=الله انــــه يـعـافـيـنـا ولايـبـتـلـيـه
اه واتـل قلبـي تـل دلــو المـقـام=كـل مااقـرا بيوت(ن)سطرتهـا يـديـه
سـلـمـولـي عـلـى الشاعر جزيـل الــســلام=هـيـه يالـلـي تجـونـه سلمـولـي علـيـه
ثـم قولـوا تـرى مالـه بقلبـي مـرام=حتى لـو كـان يبغانـي ترانـي ماابيـه
شايب(ن)صار عمره حول خمسين عام=وانا تـوي صغيـره والجمـال احتويـه
والله اني فلاارضى ياوجيـه الكـرام=لــو يحججـنـي لمـكـه عـلــى منكـبـيـه
بلـغـوه الـسلام وسلـمـوه الـوســام=فوق صفحة قصيـده رمـز منـي اليـه
ماعلـيـه الـمــلام ولاعـلــي الـمــلام=كلـهـا رسالـة(ن)مـنّـه وردي عـلـيـه



طبعا القصيدتان اعلاه كتبتها من نسج الخيال

للتسليه والمشاركه وهكذا توقعت الرد


 

قديم 30-12-2012   #25


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي لصار معي0سعود0وسعود0ورشيد



0000 لصار معي0سعود0وسعود0ورشيد !!!

جوني وقالوا ودنا انا نتخاوى = نبا نسافر يم لندن ومدريد
قلت اسمحولي يا وجيه النداوى=عسى سفرنا لديره الغرب مايعيد
الغرب غرب ولا لنا فيه ماوى=ولا عندنا للي يبا يروح تاييد
مانروح لديار الكفر والمهاوى=حنا نخاف الله ونخشى المناقيد
اناخوي اللي يحب المخاوى=فوق الجيوب اللي عليها صناديد
الى عقدنا الراي مابه مراوى=نقطع طواريق الخلا لوهي بعيد
ننام في جوٍ ذيابه تعاوى=اخير من نوم على دافي (البيد)
بارض خلا منها العليل يتداوى= لسار في وادٍ سيوله تراديد
جوه وجو (ام الضباب)يتساوى=ومن اين ما وجهت تلقا به الصيد
يا زينها هدت صقور تهاوى=على الارانب والحباري ملا بيد
بفياض 0 لا فيها 0 بدو 0 لا قراوى= غير الظباء ووعول كبر المفاريد
ليال نقْضيها وكنا جلا وى= عندي تصير ايامها كنهاعيد
وكل الهموم اللي بقلبي تشاوى=لاصار معي 0 سعود0وسعود 0 ورشيد


 

قديم 06-01-2013   #26


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي غلطه بسيطه فرقت بين الاحباب



0000 غلطه بسيطه فرقت بين الاحباب !!!

غلطه بسيطه فرقت بين الاصحاب=يالله دخيلك من صدوف الخطايا
اللي زعل بذلت له كل الاسباب=ووضحت له مفهوم حسن النوايا
امس اطلبه واليوم لي صار طلاب=واقول يستاهل فريد المزايا
وان كان له حق ومطاليب واعتاب=يبشر بمطلوبه حميد السجايا
هذا الذي مادونه اصحاب واحباب=متخيره من بين كل البرايا
وصد وتركني في متاهات الانشاب=وقطع مواصيله ونسي الوصايا
هو اجنبي ويعيش بديار الاجناب=ولااعرف ابوه وديرته والدنايا
ولاحط عندي غير كلمات بكتاب=وانا اعتبرها من ثمين الهدايا
لو اعرف دياره تعونت الاقراب=واتعبت من شانه رجال ومطايا
ياما نصحت القلب لاشك ماتاب=عن حب من سوا بحالي سوايا
ملوك الجمال اهل الوصايف والانساب=ماعوضني عنه يااهل الحكايا
من دونهم قفلت باب ورى باب=يعوضني ربي جزيل العطايا
عقبه ولو خيرت في كل ماطاب=ماشوقني نادرات الحلايا
المسأله ماهي هوايات واعجاب=عشقٍ يهددني بسهم المنايا
من طاح به شباب اوطاح شياب=يشب نار الود بين الحنايا
قفلت باب الود من عقب ماغاب=وتركت شعرٍ يستبيح الخطايا


 

قديم 16-01-2013   #27


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي بعض الصداقه ماتسمى صداقه



0000 بعض الصداقه ماتسمى صداقه!!!

شينه ليا بار الصديق بصديقه=خان الموده والوفاء والصداقه
اللي قبل مده طريقي طريقه=اليوم غير سيرته واتفاقه
عقب المعزه والحبال الوثيقه=اقفى بدون اسباب والعهد باقه
وانا ماادور من يخون برفيقه=من يتبع المقفين قطاع ساقه
من صد عني قلت له في حريقه=حتى لو انه من خيار الرفاقه
مهما حصل تبقى الحقيقه حقيقه=لو زيفت يااهل العلوم الدقاقه
هذا الصحيح اللي عليه الوثيقه=بعض العلاقه ماتسمى علاقه


 

قديم 27-01-2013   #28


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي أغيب لاحدتني ظروفي أغيب



0000 أغيب لاحدتني ظروفي أغيب !!!

اغيـب لحدتنـي ظروفـي اغيـب=واحضر ليا جابتني اشواق الاحبـاب
لاحباب0 والا لباقي الناس مااجيـب=لكن لبعض الناس تجذبنـي اسبـاب
اسباب 0تجعلني قريّـب محاضيـب=مااقدر على فرقاء المحبين ياعقـاب
ياعقاب 0عذبني هوى الزين تعذيـب=ماادله ولو ساعه لياغبت وان غـاب
ان غاب 0عقّب في فوادي لواهيـب=مااصبر بدونه لو تصبـرت كـذاب
كذاب 0لو اني تظاهـرت بالطيـب=قلبي من اسبابه لـه سنيـن ماطـاب
ماطاب 0وبراسي بدأ يطلع الشيـب=من سبته شيّب براسي وانـا شـاب
شاب 0وحصل لي في زماني عواقيب=واسكت ولو يحصل معانـاه وعتـاب
عتاب0 من لايعرف الطيب والعيـب=وماذاق من لوعات تلعات الارقـاب
ارقاب 0واوصاف جميلـه واساليـب=تملك قلوب اهل المعرْفـه والالبـاب
الباب0 من مثلك لهـم راي مصيـب=يوخذ برايك لوحصل بعض الانشاب
انشاب 0حالت دون كـل المطاليـب=وأعلنت باللي صارلاصحاب واجناب


 

قديم 04-02-2013   #29


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي ملوك العشق ماادري وش بلاهم



0000 ملوك العشق ماادري وش بلاهم !!!


ملوك العشق ماادري وش بلاهم=بسهم العشق يرمون اقتلاهم
ويمضون الطريق ولا عليهم=وينسون الضحايا من قساهم
ضحايا العشق مايحصى عددهم=سقاهم سم ماادري وش سقاهم
بسهم الحب كم راحت ضحيه=فهل نحتاج من عبره،سواهم؟
سهام العشق واسباب المنايا=مع اللي بالجمال الله عطاهم
عيون اللي تمتع به سحرها=وقلبه راح ضمن اللي بلاهم
يقوله واحدٍ منهم وفيهم=بأن العشق هو سبة عماهم


 

قديم 12-03-2013   #30


الصورة الرمزية نداء الغيداني
نداء الغيداني متصل الآن

بيانات اضافيه [ + ]
 رقم العضوية : 3414
 تاريخ التسجيل :  07 - 09 - 2012
 أخر زيارة : 16-06-2013 (04:29)
 المشاركات : 653 [ + ]
 التقييم :  110
 اوسمتي
شاعر متميز 
لوني المفضل : Cadetblue
افتراضي قصيده جديده بثوب جديد



0000 قصيده جديده بثوب جديد!!!

القصايد تجي وتروح في كل ساعه نوب في ربع ساعه=بعض منها سمان وبعض منها ضعافي مانحب الضعافي
والله انا نحاول قدرة الاستطاعه كان فيه استطاعه=نجتهد بالبيوت ونجتهد بالقوافي زين بعض القوافي
والعوارف تعرف اللي بشعره براعه كان عنده براعه=ياخذون الثقال ويتركون الخفافي مايبون الخفافي
كم قصيده قريناها لبعض الجماعه فيه غير الجماعه=نقتدي في قصايد كل وافي وكافي كم وافي وكافي
وانت يالشاعر اللي وافيٍ كيل صاعه كل شعرك طماعه=مثل عبدالله زويبن وغيره ولافي وابن دومان وافي
وغيرهم واجد الشعار في كل اذاعه واستمع للاذاعه=كم وكم مبدعٍ بالشعر وايضا سنافي غير شعره سنافي
وانت ياللي قصيدك تحت نور الاشاعه بان تحت الاشاعه=فيه كسرٍ يشافي فيه ضعفٍ يشافي كل شئٍ يشافي
القرايح مواهب والقصايدبضاعه ويش عندك بضاعه=كان عندك بضاعه هاتها لاتخافي ليه دايم تخافي
القصايد فرايد والتحدي شجاعه خل عندك شجاعه=لوتحديت نفسك صرت في جو صافي عمت في بحر صافي
امنع النفس عن رغباتها والدناعه كان عندك مناعه=لاتطاوع هوايات النفوس الهوافي دام ماانته بهافي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:41


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام