آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 07-09-2014   #21


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي أنا لو بغيت أسج و أسلا مع السالين



أنا لو بغيت أسج و أسلا مع السالين

أنا لو بغيت أسج و أسلا مع السالين=هواجيس قلبي يامحمد يسجّنه
تسجه هجوسه سج ركبن هله مضمين=دليلتهم أخطا العد في لاهب الكنه
شبابٍ صغير وعايشن في كنف عودين=وابوه الامير ويسرج الغوج ويعنّه
يبا الفايهه لا قالوا الليل جاء ثلثين=لكن الفجوج الشاسعه خيّبت ظنه
وبعد ماتغير ظن قايدهم المسكين=بدت يبست الارياق مع يبست الشنه
تشوف الرهق فيهم وتشره على الماشين=غداء بالرجال من الضماء والوهق لنّه
تقدم على الباقين قرمٍ من الوافين=مخرم خشوم وجده العوص يتلنه
تذكر صباه اللي مضى والموارد زين=وصمدهن صميد الراس والعد وردنّه
عليهن عيالن للعدو يكحلون العين=على اكوار حيلن نازح البعد يدننّه
حراير جماليات من ساس هجن حسين=حثاث الوعر مع نازح البيد ياطنه
عليهن نبا ننصى بلادٍ شجرها تين=تحت كوشة الاتراك يانعنبو فنّه
غرضنا نبا نسباه من ديرة العفنين=ونمد الحبال ومطلع سهيل ينصنه


الشاعرعيد بن بجاد بن شده العتيبي


 

قديم 09-09-2014   #22


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي البارحه نومي هجوس وملائل



البارحه نومي هجوس وملائل

البارحه نومي هجوس وملائل=طلع شعاع الصبح والجفن مانام
من هاجسي ما أمسيت ياأولاد وائل=ولاتنفع الحجه بلانسك وحرام
والصدق له نيشان والكذب زائل=الصدق مثل النور جلاي الاظلام
والطيب بالطيّب حميد الخصائل=تلقاه بالطيّب مواثيق وحزام
واخصكم ياكاسبين النفائل=والا الردي ماحل عندي ولاقام
اخص ستر معكرشات الجدائل=ستر البنات اللي على خدودها وشام
هلال ابن صقار للصدق قائل=وحمود ومناور طحاطيح وكرام
ويحيى حسين القرم وافي شمائل=الطيب طبعه للمناعير مقدام
وعبدالمجيد مع الرياجيل نائل=حي الشباب اللي على المرجله قام
يفداكم اللي عال مع كل عائل=ويشطخ ويمطخ بالخطيا والاوهام
وده يوضِّح موقفه بالدلائل=مثل السجين اللي يهدد بالاعدام
يبى يحاسبني على كل فائل=وانا ليا غنيت فسرت الأحلام
ألعب هجيني في جديد المثائل=وفي جوهر الموضوع سخرت الاقلام
سار القلم بالطرس والحبر شائل=يرعف على بيض الورق بين الابهام
لوكان ماودي بهرج الهبائل=لكن تغث النفس ياهلال الأقزام
بعض الضعوف اللي عن الدرب مائل=مثل (.....) اللي يبى قيد وخطام
ماله علاقه مع عيال الحمائل=طير الرخم مايطرح الصيد لوحام
وانتم رجال وتفهمون المسائل=واهل مرؤه من مصاطير وحشام
واهل المهار المكرمات الاصائل=واهل الدلال اللي منى كل صوام
من نسل وائل من كبار القبائل=عناز تنطح كل ظاري وضرعام
من الحجاز الى فياض الخمائل=حامين ديرتكم من فلول الاروام
ومن ديرة الايداء الى اطراف حائل=ومن دومة الجندل الى دولة الشام
خويكم في منزل العز طائل=وحريبكم في منزل الذل ينضام
وتم الكلام اللي نضمته على ائل=وصلوا على من هد بالبيت الاصنام




عيد بن بجاد بن شده العتيبي


 

قديم 11-09-2014   #23


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي ياصاح انا في عالي الرجم عديت



ياصاح انا في عالي الرجم عديت

ياصاح انا في عالي الرجم عديت=والعين بالمنهاج تفتي قدمها
سيرت في بعض الفيافي ومريت=منازلٍ رمل الصحاري دمرها
انا اشهد اني في هواها تعنيت=والنفس يالهراج طول سقمها
ماني موضح فيه غيري عناتيت=ومعنا القصايد ذمتٍ في ذممها
بادين بالمعنا وانا معهم الفيت=وانا مقدر نهجها واحترمها
وصاحبك يالهراج عنده تثابيت=مدرك وديدان المعاني فهمها
واليوم في صدره لهود وتناهيت=وسج القدم في دنيته وغتنمها
يبى يشب النار بالتوت والزيت=وفي كوشت الطواش يلحم سهمها
ويش لون يالهراج بالعين لديت=في خزنة التاجر وقيمت غنمها
وطبيت بالاسواق وخفيت وابديت=وانته تعرف حيودها من رضمها
مع عيد يالهراج لاتشعم الليت=قدر كبار القوم وحفض شيمها
لايجرفك تيار سيل السباريت=ورسائل العراف يرعف قلمها
وتبلش ناسٍ بالوغى جا لها صيت=وعليك يالهراج تنفض علمها
ناسٍ تزنجر مع شيوخ العفاريت=شمس المعارف مهرةٍ من مهرها
اليا عطوك البيت زوزمت بالبيت=العجف تاكل عظمها مع لحمها


عيد بجاد بن شده


 

قديم 13-09-2014   #24


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي انا اشهد شهادة حق ماينقل المعروف



انا اشهد شهادة حق ماينقل المعروف

انا اشهد شهادة حق ماينقل المعروف=عميلٍ هذا ميزه وعرفه وتقديره
بصير العيون الشهب والمخ مايشوف=سليط السان اللي طوالن جراجيره
حليف النوايا السود والجوهر الزهوف=زهوفً على الاجواد من ضعف تفكيره
يجيب العلوم العوج والطيب عنه يطوف=على كل عذاله غلط ياالله الخيره
عليهم يقلد لعبت الجاهل الملقوف:=تجاهل حقوق الناس بالدين والجيره
يسب الرجال اللي تذري نهار الخوف=وهو ما عرف وش له من اللي على غيره
نصحته وانا ناصح ولاني عنه مكلوف=وعلى كلمتي ياكثر ظلمه وتزويره
ظلمني ردي الراس بالكلمه الجحوف=وانا لو بغيت اشناه بانت خوابيره
تبين العلوم اللي بها رونقٍ مكشوف=يسولف بها القاضي ويفتي نواطيره


عيد بجاد بن شده


 

قديم 14-09-2014   #25


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي ياكاسر الدرسعي في كل الاوضاعي



ياكاسر الدرسعي في كل الاوضاعي

ياكاسر الدرسعي في كل الاوضاعي=جواهر الشعر لاتخدش شمايلها
ماودي اخبرك عن سيفي ومقشاعي=وبشوت الاجواد لاتلبس سمايلها
السوق طبه واخذ بالمد والصاعي=وعباقر الناس لاتنكر جمايلها
انا اعسف العوص واسم بكرة الراعي=ومصادر العلم ننهل من دلايلها
شاعر ولي بالبحور الهوج مرماعي=وبعض الشواعير ماثمن مثايلها
العب على الدرسعي لاصوت الداعي=وعلوم بعض البشر ماني بقايلها
ياللي علينا تلد العين وتراعي=هقاوي النفس لاتجلب هوايلها
وان كان ودك تشغل كل مذياعي=ترا الاسود الضواري في خمايلها
زيرها منه يالقتات ترتاعي=لاطبت المعركه بانت فعايلها


الشاعر عيد بن شده


 

قديم 15-09-2014   #26


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي ياشيخ تنشدني عن اللي جرى لي



ياشيخ تنشدني عن اللي جرى لي

ياشيخ تنشدني عن اللي جرى لي=واليوم انا حلقي من الكدح مبحوح
ياما تعبت لجاهلٍ ماصفالي=وياما جرحت الخصم من شان مجروح
وياما تعبت مع الرفيق الموالي=لا فاح صدره من ظروف الدهر فوح
وياما كسب زندي وياما غدالي=مايدري السباح عن كل سابوح
سريت مع شول(ن) شعاه الجفالي=وعانقت قطعان الضعن عزب وسروح
وعسيت مسهاج الودق بالمفالي=مع درب نصبن جاح نبت الوطا جوح
مزنن تحدر من ثقيل الخيالي=سيله يشق القاع مع كل صحصوح
ورافقت عودأ من خيار الرجالي=وكتبت حرف الابجديه على
ومسيت كور ام الرسن بالحبالي:=حمرأ تحت ركابها تبعد الشوح:
تروج كما حرأ مع الجو جالي=بنت البعير اللي مع البدو ممدوح
تقطع رهاريه السهل والرمالي:=لاصار راكبها من الناس طحطوح
وان شدوا البدوان تلقا حلالي:=سودأ ذخاير جد ماهيب شرشوح
لاهيجن الراعي يجيها جفالي=فيها صطر لاعارض البوش ساموح
وسجيت مع غرون من الناس غالي=غرون عليها الوسم ياشيخ مطروح:
لو شفتها ياشيخ شفت الجمالي:=ماناشها رسم الدبق داخل الروح:
الردف شط حوار بين المتالي=بين الهجال اللي رعت مقفر الدوح
تبدي لي الخافي وتخفي مجالي:=غرون معي ياشيخ بالهر ج مملوح:
مثل الشهد هرجه نقي ومثالي=بس الكلام ونظرت العين مسموح:
والشعر غنيته بطرق الهلالي:=والدرسعي ولابجدي بحت به بوح:
وجريت مسحوب الهجيني لحالي:=لاضاق صدري من حكي كل سرسوح
واليوم مالي يالبناخي مجالي:=ماعاد لي في منهج الشعر مصلوح
اقفى شباب العمر واقبل زوالي=والعود سجل زلته كل شابوح
والموج غطى نايفات الجبالي=والنوخذه يضحك على كل سابوح
وكنسلت كل اللي طرى في خيالي=وصديت عن زادٍ تولاه مشفوح
وعفت الرجال اهل اللغى والجدالي=تجار هرج وتخلط الكذب بمزوح
وان جات بالصملات راحوا ثعالي=بعد الشجاعه ضاع ذابح وذابوح



الشاعر عيد بجاد بن شده


 

قديم 17-09-2014   #27


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي العود غنا من الهاجوس



العود غنا من الهاجوس

العود غنا مع الهاجوس=بالدرسعي ياولد غنا
عودٍ يجوس المعاني جوس=كان المحاحيل صرنا
لاغيطل الجاهل المنحوس=وهجوس الافكار فزنا
ياخذ طواريق بالمنكوس=ماهوب من قوم هونا
مايدعي فكرة المجوس=الله من الكفر يامنا
عساك في جنة الفردوس=يامقدم الهيل والبنا
ماتشرب الشاهي الكبوس=ولا تشري الفجل والحنا
دايم تشجع على الناموس=وتوصي الانس والجنا


عيد بن شده


 

قديم 21-09-2014   #28


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي يقول عيد بجاد والقول تاكيد



يقول عيد بجاد والقول تاكيد
يقول عيد بجاد والقول تاكيد=واخص شيخٍ من رجال اللزومي
الله يبيض وجه سلمان ياعبيد=بياضٍ اكبر من هضاب الجثومي
قرمٍ ولد صنديد والجد صنديد=والله يجيره من خطير السهومي
يستاهل البيضاء خيار الاواليد=شومي لبو راكان يابنت شومي
طلق الحجاج اليا هبا كل رعديد=سلمان ابن مروي حفيد القرومي
الطيب فطره فيه ماهوب تقليد=يومٍ بعض الناس منه محرومي
عليك بالمطنوخ ياعندل الصيد=اللي جنابه عنك ياجلى الهمومي



الشاعر عيد بجاد بن شده


 

قديم 21-09-2014   #29


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي قصه ومجاراه بين عدة شعار



قصيدة المعلمه سارة
في احدى المدارس
عندما شافت حبيبها
جاي يسجل بنته

((قصيدة المعلمه والردود عيها))
قالت:

يانوره بالله اسمعي لاتصدين =يابنت حرن مركزه بالصداره
شي جرالي قسم القلب قسمين =وابلا ملامه افهمي للعبارة
باول دوام المدرسه يوم الأثنين =معلمه في وجه باب الأداره
وقفت باللجنه على سادس اثنين =مثل المجند ينتظر للأشاره
هاذي تنادي وهاذي ابله انا وين =زحمه وتو اليوم بأول نهاره
اصوت لثنتين وبيدي ثنتين =نوره مضاوي عايشه مي ياره
وسمعت صوتن رجع القلب لسنين =صوت الذي اسمه بنقش السواره
اختي عن اذنش ناقل البنت هالحين =تفضلي الأوراق والأستماره
عجزت لا اجاوب ولا ارمش العين =طول سكوتي وهو طال انتظاره
حسيت ان الدم مثل البراكين =شريان قلبي وصل حد انفجاره
ورفعت راسي وصارت العين بالعين =ولمحت في عينه سواة الشراره
هو هو والا واهمه يامسلمين =زوله ورفعة حاجبه مع سماره
لا ماتغير فيه ياكود شيين =حف الشنب والشيب زاد بوقاره
اتلا علاقتنا ثلاثه وتسعين =باول حلاة العمر قبل انكساره
الشاهد الله ماحصل بيننا شين =ولا يخدش احساس بنت وعذاره
نعم الحبيب اللين الطيب الزين =ونعم الرفيق اللي حفظ حق جاره
ياوجه ابوي الوجه مرحب وسهلين =لا يابعد روح ومعاليق ساره
ودي المه وودي اصيح بس وين =مثل الكسير اللي نشب وسط غاره
مايستطيع المشي من دون رجلين =وحوله جنودن تشتهر بالشطاره
ياللأسف هالحين صرنا غريبين =حكم القدر واصدر علينا قراره
الهم والغربال والفقد والبين =وانا اسيره تنتظر للزياره
ويلي على لاماك ويلاه ياحسين =يامن يجمعنا واسوق البشاره
ساره وسكت له لحظه كنها سنين =واقفا واشوفه يوم شب الزقاره

((رد حسين على قصيده معشوقته القديمه ساره))

يامرحبا ياغايتي ياهلاوين =يابنت عودن فيه طيب ونعاره
لا يابعد كل البنات المزايين =يافرحت المظلوم يوم انتصاره
من يوم ماغبتي وانا ماني بزين =ضايق واحس القلب طال انتظاره
دايم على بالي وانتي تمرين =واقول يفدوها جميع العذاره
لو الليالي ترجع لعشرة اسنين =ماكان شفتي الشيب زاد بوقاره
لا مانسيتك من ثلاثة وتسعين =وشلون ابنسى حب واضح مساره
تدرين شاللي هزني يوم الأثنين =واللي ذبح قلبي بأول نهاره
زولك لمحته يوم كنتي تمشين =بين الصفوف اقبال باب الأداره
وفز الخفوق وقلت ياربي تعين =هي هي ولاهي شبيهه لساره
جيتك وقلت ابنقل البنت هالحين =تفضلي الأوراق والأستماره
طول سكاتك والبلا العين بالعين =ضقت واحس بضغط مدري حراره
وخانتني الدمعه وطاحت من العين =كني طفل يبكي مضيع دياره
بحط بنتي عندك بسادس اثنين =عشان اكثر جيتي بالزياره
واليا دخلت الصف لازم تخشين =اسمي لانه مسجلن بالسواره
وامانتك انك عليها تخافين =لحدن يضايقها بأيت عباره
بصارحك في شي يمكن تحسين=ان الزمن اقفى علينا قطاره
انا سمعت ان اكبر عيالك حسين =وانتي اكيد انك سمعتي بساره

اما البيت الاخير أليييييم


((رد شاعر سعودي معلم بسكاكا))

قريت قاف حسين ثم سالت العين=ولا ادري علام الدمع زاد انهماره
ياحسين مالومك تحسر على الزين=عشرة عمر والعشق واضح مساره
بقيت وافي له من سنين وسنين=واكبر دليل مسمي البنت ساره
ولجل الغلا سمت ولدها على حسين=عزالله انك تستحق الصداره
ياحسين تدري ليه ابكي من البين=وقلبي كسير وزاد فيه انكساره
ذكرتني ياحسين ياحسين ياحسين=بالغالي اللي له بقلبي وقاره
علمي بهم ياحسين اربع وتسعين=وهالحين ماادري وين صارت دياره
قفّت من الخفجي ولاادري على وين=وانا نقلت الجوف وعيني لداره
ياحسين حبه ساطين بالشرايين=وعساي اشوفه مثل ماشفت ساره

((رد الشاعر عيد بجاد المرشدي العتيبي
مجاراة للمعلمه ساره وحسين))

طار الكرى يابنت والعلم شاره=يامعلمه جزل المعاني لفتني
في منتدى الهيلا قريت العباره=قريتها يامعلمه واعجبتني
هيضني الطاروق من نضم ساره=باللحونها يابو عوض ذكرتني
ذكرت وقت(ن) فات فنه وكاره=وهجوس فكري يامحمد كوتني
الفكر مندود المحبين زاره=والذاكره بفكارها غربلتني
ذكرت ناس بالبداوه نماره=وذكرت غرون بالنقاء عاشقتني
غرون غرير قض قذلة جماره=جمايره فوق الردايف شعتني
اقفا وانا قفيت مامن زياره=وخبارها يابو عوض خافيتني
وذكرت مسراح الضعن له كراره=مع خايع قفر(ن) خلا واتعبتني
بوش(ن) عياها فيه زود وجداره=سود(ن) سهاويات تسعين متني


 

قديم 25-09-2014   #30


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي القلب ياوصل العتيبي يفوعي



(واقلبي اللي من مكانه يزوعي)
(واقلبي اللي من مكانه يزوعي)

وآقلبي اللي من مكانه يزوعي=خطراً مطيره لو ماله احمايه
محتار من وقتاً اسهومه تروعي=وقت المظاهر والفتن والدعايه
وقتن يمشيني علي غير طوعي=يرسل افزوعه لان يبحث خفايه
سيفه على كل الموارد بتوعي=حاولت اقاوم واثر ماله انهايه
قلب العنا من شوف عيني جزوعي=تكفخ اهمومه كل ماهب حايه
عصر الثلوث وصبح يوم الربوعي=محدن كشفني وين ياصل مدايه
ابطي مع الهوجاس باول اسبوعي=واخر اسبوعي فيه يقرب مسايه
تطري اهمومي والاوادم اهجوعي=همي موصيها عليه اوصايه
قضيت نومي بين كفي وكوعي=وخذت من كل الهموم الكفايه
صديت عن مجلس خباث الطبوعي=اهل النميمه موصلين الحكايه
قفلت عن مجلس للغاهم اسموعي=وقدمت عن ممشاء اخطاهم اخطايه
سدي دفنته خلف حدب الضلوعي=وطويت عن بعض الموارد ارشايه

الشاعر وصل الله العالي العتيبي

((مــجـاراة عيدبن بجاد العتيبي للشاعر وصل الله العالي العتيبي))
(القلب ياوصل العتيبي يفوعي)

القلب ياوصل العتيبي يفوعي=فوع العديم اللي سمع له حدايه
حدايةٍ ينخابها كل دوعي=وغرايبٍ ترهق مذيع الوشايه
شبت شبايبها بروس الشموعي=ومدور الغرات عاف الجبايه
هواجسك ياوصل سبة طلوعي=وقصايدك ياوصل سبة عنايه
ياوصل فرعك واحد من فروعي=وعصاء يمينك باللوازم عصايه
وان كان لي مدخال مديت بوعي=والمال قبل الجاه سقته ودايه
انا تراني بالعتيبي جزوعي=وعزه بدار القوم والله منايه
واللي سوالفهم طلوع ورجوعي=مالي بهم لوكان نجع قصرايه
وترا الزهوف اللي حصانه قضوعي=وروابعه ياوصل دايم دعايه
لامسه الحبل القوي البتوعي=يروغ عن شرواك شين الرمايه
وسوالفه ياوصل فيها خنوعي=وان حده الدندون رام النهايه
مدي يرجِّح له ثمانين صوعي=عيبٍ على شرواه يلحق مدايه

الشاعر عيد بجاد بن شده العتيبي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:35


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام