آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 11-03-2015   #11


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي لا عاش رجال ٍ تردى بخويه






لا عاش رجال ٍ تردى بخويه
ياهيه جنب عن هروج المطافيق=وإحذر تطب النار والنار حيه
لا ضاق صدري جاوبتني الطواريق=كنه على صدرك جنود السريه
أطلع على الجوكر مثل قمة إطويق=وأرجع وأنا نفسي عزيزه غنيه
عندي على فعلك شهود ومواثيق=إرحل وطيبك ما مسحته يديه
موقف أليم وقفلته الصناديق=لا عاش رجال ٍ تردى بخويه
أول تجيني جارح ٍصدرك الضيق=و آرد على شانك حياض المنيه
واليوم تنصاني بهرج التلافيق=مالك مكاسب غير كسب الخطيه
هذي نصيحه مثل راس الشواهيق=ترى الدراهم يالخوي راس حيه
اما تكسبك الوجيه المطاليق=ولا خسرت الجود وأهل الحميه




دمتم بخير جميعاً

أحمد فرج الأسلمي
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 30-03-2015   #12


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي مايفترق وقتي عن الأمس واليوم



مايفترق وقتي عن الأمس واليوم
لا تنشدن ياخوك ما عندي إعلوم=مالي ومال إمكثرين الطلايب
مايفترق وقتي عن الأمس واليوم=أضحك وفي صدري أمور ومصايب
شفها على وجهي علامات ووسوم=هذي من الماضي صدوف وعجايب
ماكني إلا من غثى البال منجوم=ماكني إلا طحت وسط اللهايب
ياكثر ناسٍ تلبس عقال وهدوم=وجوفه من الداخل جروح و حرايب
والله يابيتٍ من الراس مرسوم=ما يفهمه ياخوك من كان خايب
ماني على بعض الرجاجيل مليوم=لو عشت عمري طولت الوقت غايب
أحدن يبيك العمر مخطي ومهموم=وأحدن يبيك العمر تضحك وطايب
ماكل شخصٍ يا عشيري بزيزوم=ولا كل شخص ٍللصعيبات جايب
وماكل شيٍ ياعشيري يبي يدوم=ماغير حرف ٍ دونته الكتايب
هذي هي الدنيا تبي راي وعزوم=و ياحظ منهو بأول العمر تايب


ودمتم بخير
أحمد الأسلمي


 

قديم 07-04-2015   #13


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي لو الشعر ينقاس وسط المكاييل



لو الشعر ينقاس وسط المكاييل
يالله جنبني هل القال والقيل=اللي خذو بالكذب جوله و صوله
و يالله جنبني صدوف ٍ مقابيل=إن كان فيها ضيم أو شي حوله
ما عاد تنفعني وناسه و تعليل=ولا فاد بي شعر ٍأخطه و أقوله
صحيح شاعر معتلي اشبه إسهيل=وآرد على جم ٍغزير ٍو أنوله
لكن حصل لي من زماني بهاذيل=وهموم في صدري تزاحم خيوله
وكسبت من طيبي كثير المحاصيل=وشربت من كاس السطر و الرجوله
واللي علينا أرسلوه المهابيل=والله فلا ياصل كلام ٍيقوله
ومنهو علينا دايم يحط و يشيل=يبعد مادام النفس ماهي عجوله
عندي بنيخي كل ابوهم حلاحيل=يعني برفعت صبع ينهار طوله
وان كان جوله بالسماء معتلي حيل=عندي حرار إمٌدَرَبه لجل جوله
أهدهم وقت الشقاء و الغرابيل=أهدهم لا حان دور البطوله
وانا بحط الهيل وسط المعاميل=واشوف لي بيت ٍسريع ٍ و أقوله
لو الشعر ينقاس وسط المكاييل=كسرت ميزان الشعر في سهوله



ودمتم بخير
أحمد فرج الأسلمي

.
.
.



 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 14-04-2015   #14


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي الشتاء و الليل و الحب الدفين



الشتاء و الليل و الحب الدفين
الـشـتـاء والـلـيل والـبـرد الـدفـين=والـسماء و النجم مع كوكب زحل
والـعـناء و الـنـوح و الـدمع الـحزين=والـرعـد و الـبـرق و الـمـاء لا نـزل
والـبـكـاء والــصـد و دروب الانــيـن=والـقسى والـلين وطـيوف الـوصل
والـوعـد والـعـذر و ايــام الـسـنين=والـصـدق والـكذب وأنـواع الـجهل
والـغـلا والـحـب و اســرار الامـين=والـحـيا والـخوف وأشـكال الـخجل
و الـفقر و الـهم و الـقلب الـرهين=و الـدفـا و الـبـرد و احــلام الأمــل
والـغـنـا والــمـال وأنـــواع الـبـنـين=والـزعل والـصمت وأصـوات الجدل
والشعر والحرف والوصف الحسين=والـشـجر و الـورد و مـلوك الـنحل
كـنـهـا عـقـبـك تــقـول الله يـعـين=مـن جـروح و غـم وأحـزان وفشل
فــي غـيابك مـا أبـي حـبي يـبين=ورجـعـتك يـمي كـلام بـلا عـمل
" الـخـلاصه " يـا عـيوني كـلمتين=إبـتـعد عـني و يـكفي مـا حصل !!



دمتم بخير

أحمد فرج الأسلمي
.
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 19-04-2015   #15


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي لا صرت مبدع نصهم صارو أصنـام ..!




لا صرت مبدع نصهم صارو أصنـام ..!
لا صرت مبدع نصهم صارو أصنـام=والنــص الأخـر يا رفيقي جماهير
أحد ٍ معي و أحد ٍ مفخخ لي ألغــآم=وأحد ٍ من الفرحه يبي يشيل و يطير
و أنا بروح البر و أمشي بالأقــدام=و أسج عن ضـوء البلد والمخـاسير
مع خـوة ٍحطـيتها درع و حـزام=ما هي بخــوة جــامعين الدنــانير
هـــذا رفيـق ٍجــاهز ٍما بعد نـام=وهــذا رفيـق ٍٍرايــح ٍياخذ الطـير
وهــذا رفيـق ٍجايب ٍعفش و خيام=وهــذا رفيـق ٍبالمحطه مسك سير
ناصل شعيب ٍســايل ٍعــدة أيــام=ما داجـته كــود النيــاق المغــاتير
ومعنا رفيـق ٍعـجل ماهــو بـيـلام=متشـفق ٍللكيف وســط المبــاهير
واليا شربنا الكيف فالكـبش قــدام=سـريع عـاجل نسـلخه دون تأخــير
سمين ضـهره كن ما وسطه عـظام=حتى العظم ياخوك من دون تكسيـر
واليا قضـينا راعـي الطـير مقـدام=على الهدد والصيد و ملاعب الطـير
وحان الهدد والطير شفق ٍمن العام=حر ٍأصل ماهـو بـوكـري ولا جـير
وأليا إنتهض نومـاس بالجـو ما حام=مـا كــنه إلا صـار بالجــو تفجــير
حــول بها كــنه مــوقت بالأرقـام=للصــاحب الي قدره خــوش تقدير
وختــامها صــلو على خير الآنــام=اعــداد حجــاج ٍبمــكه طــوابــير



أحمد فرج الأسلمي
ودمتم بخير
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 11-05-2015   #16


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي أحب شخص ولا ( هجرته .. هجرته )..



أحب شخص ولا ( هجرته .. هجرته )..
اليا مدحت أمدح من الناس شخصين=شخص ٍكفو وإلا كريم ٍ عرفته
المدح عندي مثلما السيف حدين=إن ما رفعت الشخص وإلا تركته
مدح ٍيجي عكس ٍعلى شخصكم شين=ومدح ٍيجي يمك ولو ما طلبته
واللي يبي مدحي لناس مقفين=يبطي ولا حرفي عشانه كتبته
واللي يبي قربي مراحب و سهلين=دامه يبي قربي ف أنا ما منعته
ياما شكينا وأكثر الناس شاكين=و إنردد الكلمه : ( فقدته .. فقدته )
يعني تروح انت و يجي ناس ثانين=وكم واحد ٍقبلك بشعري وصفته
عزاه يا وقت ٍسكنا به الحين=فيه المصالح .. فيه قولت سلبته
وهذي العبارة حطها بين ( قوسين )={ الحب الأول دافنه لو ذكرته }
وكانك دريت .. فأكثر الناس دارين=أحب شخص ولا ( هجرته .. هجرته )


أحمد فرج الأسلمي

ودمتم بخير
.
.
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 13-05-2015   #17


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي البارحه ما بين راحل و نزال & تبرق حروفي مثل برق المخيله



البارحه ما بين راحل و نزال & تبرق حروفي مثل برق المخيله
البارحه ما بين راحل و نزّال=تبرق حروفي مثل برق المخيله
أراقب المنشى على كل الأحوال=وأرجع على ماضي السنين الجميله
الشعر خيل وفوقه اليوم خيال=كنه على البيدا فتح للأصيله
صغير سن ومرتوي طيب الافعال=رباني العود و جنيت الحصيله
لا ياعلي أحرص على طيّب الفال=وجنب رجالٍ ما تشيل الثقيله
وأقفل على هرج الملاقيف الاقفال=خله غريبٍ ضاع و أخطى دليله
الناس صارت بالمناظر والازوال=واليا أحتمى الموقف تجر الفشيله
كم ناس عاشت بالمظاهر والأشكال=أكبر فعايلهم تسوق الرذيله
وكم من صغيرٍ يعتبر مجد و ظلال=اليا بغيت العلم لازم تجيله
الشعر مثل النار في لحظة إشعال=والا كما بنٍ تزيّن بهيله
اليا كتبنا نضرب الجال بالجال=تهتـز سلمى و الجبال الطويله
واليا بطشنا بطشنا ماله أمثال=تشهد لنا ماضي السنين الصقيله
بعض الشعر هرجٍ من عقول جهال=وبعض الشعر يشفي القلوب العليله
أحدٍ بشعره يا علي يجمع أموال=وأحدٍ وربي كل أبوها جزيله
أحدٍ يجيب الشعر مُحكم بالأقوال=وأحدٍ هبيل و مادحٍ له هبيله
أحدٍ مريض و كل وقتٍ على حال=وأحدٍ حرام إنك تدور بديله
كتبتها من دون عمدان و أميال=لا طآح شطرٍ قام خيه يشيله
تبقى مثل نقش الصخر مر الاجيال=يقراء بها راع العقل الف ليله
وختامها صلو على خير مرسال=اللي طريق الخير وضح دليله


أحمد فرج الأسلمي

ودمتم بخير
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 10-06-2015   #18


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي شفنا الردى بالوقت زاد إرتفاعه & و المشكله يلقى دعايات و إعجاب !



شفنا الردى بالوقت زاد إرتفاعه & و المشكله يلقى دعايات و إعجاب !
أحد ٍعلى ربعه كثير النفاعه=وأحد ٍعلى ربعه سروق ٍ و نهاب
صار المجامل كل يوم ٍو ساعه=حتى الحقيقه دونها سور و أبواب
شفنا الردى بالوقت زاد إرتفاعه=و المشكله يلقى دعايات و إعجاب !
العار عار ٍ ما يطاق إستماعه=يظلله من كان خايب و مرتاب
انا ولد عود ٍ عزيزه طباعه=ماني ولد هيس ٍ منافق و كذاب
عندي على جزل القصايد براعه=مثل الذهب يصغي لها كل الأصحاب
ماجيت أدور في حياتي إذاعه=ولا جيت أدور لي لقب بين الألقاب
و ما جيت أكمل للحريق إندلاعه=لا شك في صدري مشاريه و عتاب
ويطري علي شطر ٍ تزايد شعاعه=الروس روس ٍلو يغارون الأذناب



أحمد فرج الأسلمي

دمتم بخير


 

قديم 17-06-2015   #19


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي لا تجرح الوالد ليا جاء يخاطبك & غيرك تمنى رجعته لو دقايق





لا تجرح الوالد ليا جاء يخاطبك & غيرك تمنى رجعته لو دقايق
يالآدمي ربك عظيم ٍ يراقبك=اللي كتب رزقك ورزق الخلايق
إحرص على دينك وفعلك ومذهبك=دامك على الجنه شفوق ٍو شايق
فعلك بليا دين لا شك يذهبك=ومثلك يعرف العمر كنه دقايق
هذا كلامي كانه اليوم يعجبك=هذا كلامي كان تبغى الحقايق
لا تخاطب الجاهل لو إنه يكذبك=بكرى مع الأيام يلقى الوثايق
ولا تجرح الوالد ليا جاء يخاطبك=غيرك تمنى رجعته لو دقايق
وإحذر على أمك تنزل حواجبك=اضحك تبسم لو همومك توايق
وإليا بغيت العرس شدد ركايبك=إبحث عن اللي ما تجيب الحرايق
ولا تتبع المزيون بالحب يعطبك=إحرص على أم الدين وتعيش رايق
ولا يزعلك شي ٍمن أبعد قرايبك=خلك على ربعك وسيع البنايق
ولا تزعل العالم تجيك و تحاربك=تتعب ولا تقدر تزيل العوايق
واللي نقل نمه بيتعب و يتعبك=لا تصدقه لو كان أغلى الرفايق
دامي نصحتك فالنهاية يحاسبك=رب ٍكتب رزقك ورزق الخلايق


أحمد فرج الأسلمي

ودمتم بخير
.
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 23-06-2015   #20


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي يالله دخيلك مابقى شي ما بان & كل القوافي في حياتي شهايد



يالله دخيلك مابقى شي ما بان & كل القوافي في حياتي شهايد
يا وين أبلقالي مع العالم إنسان=ياقف معي ضد الليال الشدايد
يالله دخيلك مابقى شي ما بان=كل القوافي في حياتي شهايد
مرات أقول إني مضيع و غلطان=وأترك أنا درب الشعر و القصايد
ومرات أقول إني وطن بين الأوطان=أسكب على بحر القصايد فرايد
شاعر ولي منهج على كل الأوزان=لو بعت أنا شعري بيشرى قلايد
تلقى قصيدي بالصحف دوم عنوان=لأنه على ما قيل صعب ٍو كايد
أكتب ولا أرجي من فلان وفلان=يشدني طبع الشيم و العوايد
ماهمني لو قالو الناس ظميان=أظمى شعر وأنظم حروفي جدايد
وماهمني لو قالو الناس زعلان=أرقى على روس الجبال النوايد
طبع ٍتعلمته من الوالد إحسان=على الذي لا شك بالجود رايد
رحل وذكره باقي ٍعبر الأزمان=لا شك علمني كثير الفوايد
وطبع ٍتعلمته من الذيب سرحان=يعني لا مني جعت روحت صايد
بلبس حزامي والشعر فيه ديوان=وأبقى لعكفين الشوارب سنايد


أحمد فرج الأسلمي

ودمتم بخير
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:23


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام