آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 01-12-2009   #21


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي هيئة الحسبة



هيئة الأمر بالمعروف والنهي عن المنكر " رجال الحسبة "


كم من فضيلة أحيوها . . وكم من رذيلة قضوا عليها


لهم أياد على المجتمع أجمع


قد يبدر من بعضهم أخطاء أو سوء تصرف ناتج عن جهل أو مآشآبه

لكن حينها علينا ألا نعمم أو نكيل بمكيالين ، بل تنغمر في بحر حسناتهم


والمخطئ سينال مايتناسب مع خطأه من جزاء



يظل في الجانب الآخر من يتصيد في الماء العكر

لهم ولمن يحشو عقولهم توجهت هذه الأبيات


أتمنى أن تنال استحسانكم


هيئة الحسبة


صحيح الرجال انواع وان الهبال صنوف=وصحيح البعض لو تغسله سبع مايطهر
أيا هيه يامحارب هل الدين المعروف=تبي تدفن المعروف وتكثر المنكر
هبيل تبي تحجب ضيا شمسها بكفوف=تظن البحر من جرية السفن يتكدر
ترا الدين من دونه جميعا نصير صفوف=واللي يرشقه بالما جعله الولي أبتر
هذولا حماة الشرع يالعارض المنتوف=هذولا بهم ربي دفع وش كثر من شر
هذولا الفتن دونه غدوا كالحجاب وقوف=هذولا نخيل شامخ بالسما ومثمر
هذولا اسود النية بهم دايما مكشوف=على صيانة الأعراض صدوا هل المسكر
هذولا على الكاهن كما البارق العاصوف=يجيه الذي يخشاه وابليس مايشعر
هذولا لإقامة شرع رب العباد عكوف=أيا وين من تلقى على راحتك يسهر
هذولا إليا منه غدا بالعباد عزوف=من اللي سواهم للملا بالله يذكر
هذولا يالولاهم تبي مايهول تشوف=هذولا لهم فضل مع أيامنا يكبر
هذولا هذولا ولاتحيط الوصوف حروف=هم لسادس الاركان يالايمي منبر
أيا مبغض الهيئة ترا ماعليك حسوف=ترا مطاوع الشيطان لابده ويدحر
ترا الشمس لو صابه ببعض الزمان كسوف=ثواني وترجع شارقة للنظر تبهر
ترا هيئة الحسبه ولو تنسبون زيوف=صباح ومساء لله على نعمته نشكر




 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 07-12-2009   #22


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي يالبا بسمتك والله . .




يالبا بسمتك والله . .




ألا يادحيم لو تدري أجآوب ورقها لآنآح
خفوقي للحزن مخزن يسر الجرح لاصآبه

دهآليز من الضيقه واخبره يالصحيب فسآح
بصيص آمآلها قفل بوجهي بآقي أبوآبه

مشاريع العمر تنجح إلامن حووطت بكفآح
سوى مشروعي الرآهن يشيب الصبر مآجآبه

لأن اللي صنع لأجله يحآرب فكرة الإنجآح
ولكني عجزت اقنع خفوق رآح يشقآبه

اقول اترك مشآريعه كفآية مآتطيق جرآح
ولآتدخل بحور الحب لو مسكنك في غآبه

اقول ابعد . . اقول انسه لعلك تهجع وترتآح
عيوني لآومرت الدمع قالت : صآرت طلآبه !

تأقلم . . عيش من دونه . . كفآية عيشة الأترآح
ترى في غيرها سلوه لو الأحزآن غلآبه

عط الإيعآز بالبسمه ليا أبدى من معآك مزآح
عط الإيعآز لو مرة لريم تملك إعجآبه

كفآيه عشقك الوحده . . وجلسآتك مع الأشبآح
كفآيه طردك المقفي واللي صآبك من أسبآبه

نظر لي في ذهول وقال : تجهل مهنة الجرآح
أمآمك درس تطبيقي : خفوق وفآقد أحبآبه

هي المشروع في عمري . . ولا أبغى من سواها أربآح
ولو ضآقت بي الدنيا وكل كشر بنآبه

انا في حبها مأسور . . أنا من حبها مجتاح
خفوقي تملكه مبطي وتآمر به وتنهى به

أحبه كثر دقآتي . . وأبي أكتم ولكن باح
يزورن طيفها لا أظلم علي الليل وأحيا به

يالبا بسمتك والله . . يالبا المبسم الذبآح
يالبا عودك اللين . . وجسم يتعب ثيآبه

يالبا شعرك الضآفي . . يالبا خدك الوضاح
فديت عيونك الحلوه . . مع السلهآم بأهدآبه

فديت المعطف الوردي . . وريحة عطرك الفوآح
وهمسك . . مشيتك . . كلك يانور العين خلآبه

وش أوصف . . وش أخلي . . جمآلك يعجز الشرآح
ولآفآقه سوى حبي . .هوآك أعجز عن إعرآبه

كرهت النآس . . فآرقته . . ولآزم بآبي المفتآح
وخص اللي على قلبي تمآرس قآسي إرهآبه

دخيل الحب والأشوآق . . كم لي ما اهتني بمرآح
وإلامني سئلت اقبل علي الدمع بإجابه

أمانه يادحيم أخر مراسيلك مع الإصبآح
لأني ما اعرف التخصيص والنغمآت تتشآبه

يفز القلب يحسبها رجوع الغالي اللي رآح
اقبل رآس ذآك اليوم واحفل فيه لآجآبه

وإذا قبله على موتي سمعتوا يآدحيم صيآح
أمآنه كان بك خوة قفوا بالنعش في بابه


زاهي الخليوي


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 26-12-2009   #23


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي حظي اللي حطني بأول القاعه




حظي اللي حطني بأول القاعه



حظي اللي حطني بأول القاعه=واحرجن قدم الملا عند دكتوري
يسألن والعلم بالدرس من ساعه=يوم مر اسم الغضي داخل سطوري
ذكرياته جتلي اليوم منصاعه=يوم شفته مقبله جيت من فوري
كم لها ترفض لنا تعلن الطاعه=كم لها ضد العقل موقفه ثوري
أبحرت بي ونشرت عالي شراعه=أشهد اني حينها فاقد شعوري
يم خل يجهر الشمس بشعاعه=يستلف بدر الدجا منه النوري
للعيون مشاهده غاية إمتاعه=من جماله تحسب انه من الحوري
لابتسم قلت ألطف بخافقي راعه=والله اني بك عن البيض مسحوري
ياحياتي ليه الايام خداعه=من فراقك صرت أقاسي من الجوري
خافقي لامن ذكر لحظة وداعه=منيته لو للغضي يقدر يزوري
قال أجب خص المقيريد بأصباعه=مادرى اني غيبتي تشبه حظوري
قمت ارقع لكن العين دماعه=تفضح الولهان لو ينطق الزوري
خافقي لو باعن الخل ماباعه=حبها متغلغل داخل جذوري
لي أمل لاقيل الايام جماعه=في طوابير السعد وانتظر دوري




زاهي الخليوي


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 03-02-2010   #24


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي عودة سلطان



عودة سلطان


ياهلا يامرحبابك سيدي
عد مزن به غطاريف رعدي

مملكتنا نورت بقدومكم
والجباه لشكر ربي تسجدي

ياهلا حييت وأحييت القلوب
ربعت من عقب ماهي جرهدي

يوم ربي بالشفا والعافية
مدكم لله وحده نحمدي

والله إنه عيد ياعز الوطن
والله إنه ليلة تنمجدي

منها الأيام غيرتها بدت
والليالي شفتها له تحسدي

من يلوم الشعب لاغنى طرب
فرحته بوصولكم ماتعهدي

من يلومه وأنت له مثل الأبو
انت خيرك عم يالوجه الندي

من كبار السن للي بالمهد
كلها ياسيدي لك تشهدي

أنت عون لليتامى والرمل
ياسناد اللي فلا له مسندي

كم معاق من بعد جودك مشى
كم كفيف لامشى مايهتدي

كم سقيم مات لولا مدكم
مدكم يحيي سوى اللي ملحدي

ياسليل العز يامجد العرب
هامتك تعلا على نجم الجدي

ياولي العهد يايمنى السعد
ياعوين الحاكم المتوحدي

سيد السادات سلطان العرب
ذاك (ابو متعب) عسى مايفقدي

لولب الحكام مهيوب الجناب
فزعة المضيوم سقم المعتدي

له يدينن بيض بالعالم جميع
يعجز لساني لو أبي أعددي

يكفي أن الشعب بالألسن لهج
والدعاء في كل لحظة يصعدي

ياعظيم الشان ومجيب الدعاء
اطلبك يارب وارفع لك يدي

تحفظه من كل مكروه وبلا
و(أبو خالد) خير من له يعضدي

والشجاع (النايف) الشهم السخي
قامع الإرهاب غش المفسدي

دآم عزك ياوطن بوجودهم
ذخرنا تيجاننا بالمشهدي

ترخص الأرواح لو هي غالية
والعدا حنا لهم بالمرصدي

والصلاة إعداد حبات الثرى
مع سلامه للرسول محمد


زاهي الخليوي


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 05-03-2010   #25


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي السعيرة



بالأمس جابن مسلط للسعيره=غير التمشي للمغالط طواري
يامن يفلج بيننا باسم أميره=نسل الشيوخ اللي بفعله نماري
ننشد صغيرن عن ملاقى كبيره=خوف التكلف ملزمن بالمذاري
زال الذرى ياعل بالأمر خيره=مع طيب في كل الأوضاع داري
حلو ن نباه من الوجيه السفيره=واما الكرم والطيب ماله مجاري
عذر ولكن قال حرم وجيره=إن كان مريتوا تمرون داري
ياقل ناسن باللوازم نظيره=ماقلتها طامع ولا انا مداري
الله يديم أهل الصخا بكل ديره=والله يقطع كل عفن متواري


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 16-04-2010   #26


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي يافتنة الجيل






مسائكم ورد


العذر عن الغياب المستقطع

وعسى ان تكفر هذه عن خطايا غيابي وتحوز على اعجابكم


يافتنة الجيل ..

غلطان يوم إني تهمت المراسيل=حسبتهم مايوصلون الرسايل
ماطعت من كثر علي الأقاويل=ماجال في صدري من الشك جايل
ياأم العيون الناعسات المظاليل=سكرتي بوجهي جميع الوسايل
مشاعري كم له بسجنك مكابيل=ودموع عيني مثل وبل المخايل
عفت الرقاد وعفت زين التعاليل=ذوقي نقاذ ولاورى السهر طايل
أباعد اللي ينشرون الأباطيل=وارتاح بالبر عن وزيز الموبايل
ليه الصدود وقطع حبل المواصيل=وأدري بقلبك مارضابي بدايل
ترفقي بالقلب يافتنة الجيل=لو إن في قلبي جروحك جلايل
تسوين عندي لابسات الخلاخيل=لولا التغلي كان مالك مثايل
روفي بحالي بالليال المقابيل=حبك دليلي لو تضيع الدلايل
خوذي تقهوي من عروقي فناجيل=مادام لك بين الحنايا نزايل



زاهي الخليوي النماصي



 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 20-06-2010   #27


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي وأنا أدري: من أسباب الغنج ذابت الطبلة !!



وأنا أدري: من أسباب الغنج ذابت الطبلة !! ..
يلوم العواذل عنترة في هوى عبله=هذولا العواذل طبعهم بعده وقبله
يلومن هبيل ماعرف لذة الهوى=وانا العين لحظة لابعدت ينهمر وبله
يلوم المتيم والمتيم جوارحه=تبرا منه منشان فكرة وتنشبله
يقول الطبيب اذنك ترا اللي بها صمم=وانا أقول تكفى صوتها القلب يطرب له
تحير (سعادة البيه) بأسباب علتي=وانا ادري من اسباب الغنج ذابت الطبله
يحذرني الجوال والشوق غالبن=وأذاني تبي تشكره عجزت لاتعرب له
تباطت أذاني صوت معسولة الحكي=يابايباي ياوصل كتبلي وابا أكتب له
انا (ياأدعج العينين) دنياي عفتها=سوى صوتك اللي بسرة القلب تجذب له
الا (يانحيل الخصر) لو شفت رزتي=بدونك (حسين الدل) تر حالتي ذبله
أيا (مورد الخدين) (ياقاهر القمر)=جديلك طوال الروس تآقف تعجب له
حشيت الكرز والتوت من صافي العسل=وانا الضامي اللي جاك يرجيك تسكب له
سحرته بحبك وابتلش في عواذلك=عطه رشفة تخلط له الشرق والقبلة
مادام أننا نهوى ونعشق لبعضنا =على ويش يستنكر عذولك ويشجب له !!


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 24-07-2010   #28


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي ‏يامطوعنا و لو يطول الوقت ماخليت خلي



مساء الخير

هذي قصيدة موجهة لي من الشاعر: فايز ظليل النماصي

‏يامطوعنا و لو يطول الوقت ماخليت خلي ..

يامطوعنا وش اللي جاك قلي =زدت كم ركعه بنا وحنا نصلي
ماهي بعادتك تسهى يامطوع = منهو اللي مشغلك ياشيخ قلي
كان عندك شي قلي لاتردد = قول وش عندك ترى حيرت عقلي
وكان ماعلمتني وش فيه قلبك = تر عيونك قبل لاتحكي حكن لي
مير علمني عسا الله لايهينك =يارفيقي وين هو قلبك مولي
كل ماشفتك يابو صالح تفكر = ولانشدتك قلت ماشي حصلي
والمصيبه كل ماجاتك رساله = تنفرد عن جملة الناس وتولي
ماعرفتك زين يازاهي ولكن = وجهك المردود ماهو جايز لي
نوب تهرب من مصابيح المدينه = ونوب أشوفك بالمدينه مسفهلي
ونوب تحبس دمعتك في وسط عينك = ونوب ألاحظها على خدك تهلي
الوكاد اليوم ماأنت الأولاني = لو تظاهر بالسعادة والتسلي



وهذا الرد على رائعته:



جاء كتاب من خوي مصخرلي=لانتخى لك بالشدايد مايزلي
جا كتابه خالطه مسك وعنبر=وياسمين وكادي وزهور فلي
يشتكيني واشتكي من حب نونه=نونه اللي كنها بدر مطلي
نونه اللي حبها خرم خفوقي=والمدامع من عقب بعده شكن لي
قبلها ماكان لي بالعشق حاجة=وبعدها ماعاد في قلبي محلي
قبلها كان الكدر شي طبيعي=والسعادة من لقاها أمر جبلي
له خيال ماتغيب عن عيوني=مايفارقني ولو فارقت ظلي
كنت أحسبه مرتسم داخل جفوني=واتضح لـ((صبي عيني)) مستحلي
ياأبو نادر واعذابي من هواها=يالخوي مافاد صبري والتسلي
الهوى مافاد به كثر التحرز=وان مشيته عن دروبه ماتزلي
لاتلوم القلب في صاف الثنايا=لو يطول الوقت ماخليت خلي


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 12-08-2010   #29


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي يقول من قلبه تقلل ينهشه داب



يقول من قلبه تقلل ينهشه داب..


يقول من قلبه تقل ينهشه داب=يقول من لقى الزمان يتحداه
ما أظن يابو ذياب تنفع بي أطباب=ومن الذهول العين ماحدرت ماه
بي ضيقة لو قسمت بين الأصحاب=أشواهم اللي موتته غاية مناه
بي ضيقة لوهي بطفل المهد شاب=لوهي بأجا يخر من عظم بلواه
ياكن نزع الروح بي كل ماجاب=بعض البشر في معرض الهرج طرياه
واعض أصابيع الندم بين الأنياب=واندب بعال الصوت لاواحلولاه
الموت علق بي ثمانين ****=مامت لاوالموت مامنه منجاه
تقل عيوني للمثارات طلاب=والنوم في وجه السويط المسماه
ياعينها عين أشقر شاف الاسراب=وقت الهداد وخابر فعل يمناه
واختار له من جملة الصيد ماطاب=اختار خرب فوق شي تمناه
حول به وخضب من الدم مخلاب=وأشبع ربوع عقب هده تحراه
والسحر الاسود كامن تحت الأهداب=لو المعكلي شاف سلهامها تاه
وجديلها ضافي تقل فصل جلباب=سبيب أصيل في نهار المثاراه
مهر مع النمصان تفرح بالاطلاب=فكاكة البل ياسعد من تنصاه
والوجه لاطلت تظن القمر غاب=زاد النضارة فيه مورد شفاياه
واما جمال الروح طاغي وجذاب=عقل وثقل غير الحلا الخلق يكساه
سوت هنيا بأيسر الصدر له باب=ألين صار ببسرة القلب سكناه
ياليت ماحليت بالبعد يا آب=متحري فرقى الغضي واتحاشاه
غارق ببحر الياس ولا الرجا خاب=اطعم منه واستفرشه واتغطاه
تقطعت من دونها كل الاسباب=واتبع خفوق ما احتمل جور فرقاه
ما انسى عديل الروح وبرب الارباب=مادمت حي حالف ماتناساه
يالورق نوحي كان فارقت الاحباب=ثم اندبي حظ عثر دون لقياه


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:30


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام