السيف

أخواني وخواتي منسوبي ومرتادي هذا الصرح الشامخ
السلام عليكم ورحمة الله وبركاته / عيدكم مبارك وكل عام وأنتم بخير وصحه 0

البال من صكات الأيام مضكوك =من هاجس بالقلب والجسم دقّي
هات القلم يامسندي وحضّر البوك = نبضات قلبي والمشاعر تدقّي
والعين كن بحجرها نابتٍ شوك= شوك الحماط اليابس المستدقّي
يادك به من جاير الوقت داكوك= مثل الجراد المنتشر يوم بقّي
لوما يحكمنّه مهاديف أشبوك= رصف الضلوع الحاكمه كان طقّي
ونعمل بشور اللي مع النّاس مبروك= ولا نشاور اللي لرفاقه يشقّي
اللي لياضاقت على الضيق خلوك= وضيم الرجال يشقق القلب شقّي
بعض الأوادم عرفته نقص وشكوك= ولاكل رجلٍ لثناء يستحقّي
والنفس يدركها من الأمر مدروك= وروس الجبال الملس مابه ترقّي
نداريه والضغط يدوكها دوك= نفسٍ عنيده وللأوامر تعقّي
وأن كان عدوانك على الضيق حدوك = وضاعت هقاوي بكل رجلٍ يهقّي
ودون الحقوق الحارمة حيل ضاموك= وحدوك عفنين النوايا بعقّي
السيف لولى العوج ماعيج للحوك= عاجوه للحق المخالف بدقّي
ولا يوقف الأشرار والشر ياجوك = يا صار مال لخشم المعادي تدقّي
ومن لا نفع في ساعة الضيق بالصوك = بالأخرة ما غير ربك يتقّي
ولا يحاسبك عن فعل عمك ولا أبوك= وفرش تحتها الشوك تر ما توقّي
لا تقول أنا شيخ وأبن شيخ واملوك= أن كان مال الطائلة تستحقّي
وأن قل ماب أيدك صدوا وعافوك = حتى الولد ممكن يجي منه عقّي
وان ما حمدوك النّاس أكيد سبوك= ولا كاسبٍ مدح ولا مستحقّي
تعيش صعلوك وتموت صعلوك = لا معطيٍ حق ولا خذت حقّي

صح السانك
من روع ماسمعت
مبدع دايم الله يحفضك
تقبل مروري

السيـف لولـى العـوج ماعـيـج للـحـوك= عــاجــوه لـلـحــق الـمـخـالـف بــدقّـــي
وأن قـل مـاب أيــدك صــدوا وعـافـوك= حتـى الـولـد ممـكـن يـجـي مـنـه عـقّـي

اخوي بهلول
صح لسانك مليارات بل ترليونات على هذه القصيده الاكثر من رائعه
هذه تعتبر من شيخات القصيد يابهلول اقتبست هذه الابيات لانهن ذكرني
بقصايد الابطال رحمهم الله تعالى البيت الاول ذكرني قصيدة الامير بن رشيد
السيف لولا العوج هو ليه ينعاج = اسال استاد السيف هو ليه عانيه
والبيت الثاني ذكرني قصيدة مدري منهي له لكن ياصف قليل المال بالسراج
يقول اليا قضا قازك حدى الربع طفاك
انا ضيعت الشطر الثاني من البيت

بهلول الزميلي

صح لسانك - وسمتّ مشاعرك - ف جميل يا(بهلول)

مابحت به من حسن ألقول -

بهلول الزميلي


مليون صح لسانك


جزل ولاتقول الا الجزل


دمت شامخ

بهلول الزميلي
صح لسانك ملايين يالنشمي
تحياتي لك

شاعرنا القدير بهلول الزميلي
ابو نواف
عيدك مبارك
صح لسانك يالعزوة مدد بلا عدد
خالص التحايا لسمو شخصك النبيل

بعض الأوادم عرفته نقص وشكوك
ولاكل رجلٍ لثناء يستحقّي
والنفس يدركها من الأمر مدروك
وروس الجبال الملس مابه ترقّي

صح لسانك اخوي الكريم على هالابيات الراقيه
كلها جزله لاكن اعجبني ما اختزلت منها .
تقبل مروري

حياك الله اخوي بهلول الزميلي وصح الله لسانك على جميل ابداعك
مبدع اخوي بهلول وفقك رب العالمين لمافيه الخير

شاعرنا الداهية

الحكيم

المطنووووووووووووووووووووووووووووووووخ


بهلول الزميلي


قصيدتك هذه من ماء الذهب

وأنت من نوادر المذاهب ومناجم الذهب

صح لسانك... وفكرك

وفقك الله اينما تحل وترحل

تحياتي وتقديري واحترامي لسمو شخصك الأصيل