رد على الشاعر \ ناصر السياري

بسم الله الرحمن الرحيم
الشاعر\ مشعل عسام التريباني الشمري في 12\12\1435هـ
((رد على الشاعر\ ناصر السياري))
انتشرت قصيده لشاعراسمه ناصر السياري يسب شعراء هالوقت يقول فيها
الشــــعر صـــار يباع في كل دكان = بالمكتبه والفرن هـــو والبقاله
الشعر هو شعر السديري وراكان = وشــــعر النصافي ياتنهت وشاله
ورديت عليه بهذه الابيات المتواضعه اقول

غلطـــان ياراع الــتمــاثيل غلطان = ليتك تركت الشــــعر مـالك ومــــاله
الشـــــــعر باقي ماانتهي ياكحيلان = عــندالرجال اهل الـــــوفا والجـماله
يقلدون الشـــــــــعر لولٍ ومرجان = ويرفون نظم المفرده عـــــن خماله
عمالقه واشــــعارهم شــانها شان = فريس شــــــعرٍ والقوافــــــي خياله
الشــــــــــعرمهوملك لفلان وفلان = كلن حســــــب عــــــرفه يورد حباله
وانته جوادك جت بلاسرج وعنان = وصارت على فريس الاشــعارعاله
يالفارس اللــي من مواريث فرسان = وين انت غادي يازعيم الشـــــــكاله
غيرك من الفريس ندّر وشـــــجعان = الخصم يرمــــونه بحـد الســــــلاله
طوفانهم غطى علـــــى كل طوفان = مـــــن يقرب الطــــوفان ياعــزتاله
الشـــــــــــعرماينباع في كل (دكان) = ولاكل من يرغـــب بالاشـــعار قاله
لو تدبل الاســــــــعاروتزيد الاثمان = الناس مــــاترخص كـــــرايم حلاله
الشعر شـــعر الهاجري وابن جدلان = اهل البحـــورالمعجـــزه والجــزاله
والشــــعر شــــعرابن بديع وضيدان = وعـــبدالله ابن عون بحــــرالاصاله
هذا نموذج مــــن هوامــــيرالالحان = ولو ابي اعـــــددهم تطول المقاله
الشـــــــعرمن عهد ابن ثابت اليا الان = مااحدٍ يحصــــره بس لاهله وآله

صح لسانك وعلا شانك قصيده جزله وكلماته جزله ومعناه جزل 0 تحياتي لأبو / عبد الرحمن ,,

الصدقت القول ولا هجيت الشاعر لله درك يابطل

دمت ودااااام وجودك وابداااعك يامدرستنا

تستحق فايف ستار

صح لسانك يابن عسام وتشكر على هالرد الوافي والمختصر وانت وافي ولاعليك تعدي .
نعم ماقلته صحيح وحقيقه الشعر ليس ملك لفلان وفلنتان
من الناس والطيّب يفرض نفسه من اين ما كان ويجب ان تكون الشوفه بعيده عند الكثير من الناس
وعلى ماقالوا عيال العجز يعجزون تسلم عسى الله يعافيك ويسلمك من كل شر وصح لسانك ولقد انبت عن الجميع
لاهنت استاذنا الفاضل وبارك الله لك وفيك ووفقنا واياك لما يحب ويرضى
تقبل خالص ودي وتقديري

شاعرنا الكبير مقاماً القدير مشعل عسام التريباني
ابو عبدالرحمن
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح لسانك وعلا شانك قصيده جزله وكلماته جزله ومعناه جزل 0 تحياتي لأبو / عبد الرحمن ,

بهلول الزميلي
شكرالك على المرور والاطرى الله لايهينك

الصدقت القول ولا هجيت الشاعر لله درك يابطل

دمت ودااااام وجودك وابداااعك يامدرستنا

تستحق فايف ستار

محمد الذرفي
شكرالك على المروروالاطرى الله لايهينك

صح لسانك يابن عسام وتشكر على هالرد الوافي والمختصر وانت وافي ولاعليك تعدي .
نعم ماقلته صحيح وحقيقه الشعر ليس ملك لفلان وفلنتان
من الناس والطيّب يفرض نفسه من اين ما كان ويجب ان تكون الشوفه بعيده عند الكثير من الناس
وعلى ماقالوا عيال العجز يعجزون تسلم عسى الله يعافيك ويسلمك من كل شر وصح لسانك ولقد انبت عن الجميع
لاهنت استاذنا الفاضل وبارك الله لك وفيك ووفقنا واياك لما يحب ويرضى
تقبل خالص ودي وتقديري

محمد سوعان
شكرالك على المروروالاطرى الله لايهينك

شاعرنا الكبير مقاماً القدير مشعل عسام التريباني
ابو عبدالرحمن
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

مشرفنا العام ابو غازي
شكرالك على المروروالاطرى الله لايهينك

كفو بيض الله وجهك يابو عبدالرحمن
صح لسانك بحجم الكون