12-03-2009 | #1 |
|
حفل شمر بالكويت بمناسبة انشاء مبرة باسم ضاري الطواله
ماضي الجنفاوي - ابو جمال - علي المبرد - صلاح محمد الشمري ************************************************** ******** اقيم ملتقلى لقبيلة شمر بالكويت على شرف الشيخ0 برغش بن محمد الطواله بمناسبة انشاء الاسلم لمبرة باسم الشيخ ضاري بن برغش الطواله بمنطقة الجهراء وذلك نظرا لمواقف الشيخ ضاري بن برغش الطواله لحماية الجهراء في حرب الجهراء 1920 م ومعه الاسلم وبعض من قبيلة شمر الموجودين بالكويت حينها وقد شاركت بهذه القصيدة واتمنى ان احصل على باقي قصائد الشعراء المشاركين وانزلها هنا وهم علي المبرد وصلاح محمد الشمري وميزر الطواله وعبدالكريم الجباري وماضي الجنفاوي وانا . --------------------------------------------------------------------------------------------------------------- مبرة ضاري الطواله الإهداء للشيخ برغش بن محمد بن ضاري الطواله
في دار حكامٍ ... تبيّن ثناها = للي وقف معها على مر الأزمان عقيل سعود المنيس الشمريدار الكويت اللي يذري ذراها = للي للفى بأيلول واللي بنيسان دارٍ لأبو ناصر وشعبه حماها = في موقفٍ واحد تقل رصف بنيان دارٍ وفا سكانها من وفاها = واما الكرم يشهد على الفعل دسمان وقفت أرحّب وأنتخي واتباها = في حفلةٍ ضاري لها صار عنوان مبرة .. باسمه وفي محتواها = الخير للمحتاج وأنواع الإحسان تضفي على الجهرا تخص فقراها = واللي يجي ملهوف من كل الأوطان يا جالها من عوز يطلب عطاها = تضفي على المحتاج من وين ما كان ما تنشده عن رحلته كيف جاها = تهتم بالإحسان وحقوق الإنسان مبرةٍ.. للخير يالله عساها = أجرٍ مضاعف يرجح بكل ميزان نطلب من الباري يضاعف جزاها = للشيخ أخو صلفه سلايل كحيلان شيخٍ علوم الطيب جمله حواها = يشهد له القصر الحمر يوم الأكوان نادوه بالشيمه ... ولبا نداها = يتليه باللقوات ذربين الأيمان شمر وهو من روسها وومراها = هم ذخرنا من دور برغش وعدوان الأسره اللي وقفتي من غلاها = من برغش الأول تسلسل إلى الان مشاعري هاضت وعقلي هداها = يعلن محبتنا لهم سر وإعلان لن الطواله تختلف عن سواها = في سرعة النخوه وفي زرقت الزان ما يرحلون من النذر عن عداها = من دون نقص بغيرهم شانهم شان تشهد لهم سلمى وإجا مع قراها = وضلع العصام ويشهد الضلع رمان ومواقفٍ بالجوف مأحدٍ نساها = وقصايد العوني على الفعل برهان يوم المراجل غاليٍٍ مشتراها = سقتوا بها ياهل الوفا غال الأثمان وكان الليال السود دارت رحاها = عندي كلامٍ مختصر قدر الأمكان عندي لكم كلمه وهذا غطاها = ضاري مثل ضاري بزوغات الاذهان وبرغش عضيده كان غيّم سماها = يبين يا غطّى على الجو دخّان يا قال كلمة بأمر ربي حماها = ما هو من اللي يعتذر لك بالأديان كم من قضيه بين شمر رفاها = وكم مستحق لفزعته راح كسبان يمشي مماشي لأخو صلفه مشاها = غير الحميّه للمساكين مزبان من ضاق به كل الوطا مع فضاها = يزبن لابن ضاري محمد كحيلان كم من عجوز جت برجوىضناها = واعتق ولدها من قضيّه وسجان ولا كل من رام الحموله قواها = ما يرتكي يا غير مثله بليهان وقصيدتي وختامها مبتداها = هلا بكم من قلب وشعور ولسان في ديرةٍ واجب علينا ثناها = الله يحفظ شعبها بأمن وآمان الخميس...........5/3/2009 |
|
12-03-2009 | #2 |
|
صح لسانك يابو جمال
ونعم برغش وبضاري وبالطواله جميعا والله يوفقهم لماهو خير وهذي خطوه جميله من الشيخ برغش الطواله أطال الله في عمره وألبسه ثوب العافيه وكم تمنيت أن الكويت ردت لهم الجميل لما بذلوه في معركة الجهراء الشهيره اللتي هي أشهر من نار على علم هبوا الاسلم ومن معهم من شمر لنجدة الجهراء وفدوها بارواحهم اللتي هي أغلى مايملكون وتحقق لهم النصر من عند الله ولكن يابو جمال ماذا قدمت لهم الكويت ؟؟ أنا أعرف رجال قدموا الغالي والرخيص لاجل الكويت وكانوا رحمهم الله من اللذين شاركوا في معركة الجهراء بل أيضا عيالهم التحقوا بالجيش الكويتي ولم تكافئهم الكويت على مابذلوه حتى الجنسيه بخلت بها عليهم !!!! وهاهم عادوا الى ديارهم بعد غربة دامت قرابة 80 عام فعسى الله أن يبدلهم دارا خيرا من دارهم وأن يرحمهم ويغفر لهم وأن يطول في عمر عيالهم .... لاهنت يابو جمال وصح لسانك |
|
12-03-2009 | #3 |
الإدارة
|
صح السانك يابو جمال
والف نعم بـ برغش وبضاري وبالطواله جميعا والله يوفقهم لماهو خير فعله ... يستاهلون المدح الشيوخ تقبل خالص التحايا |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
13-03-2009 | #9 |
|
والله ونعم بالمادح والممدوح صح لسانك والله نعم بهم هم ركن من اركان شمر وتاريخهم يشرف الاجواد ويستاهلون الي يكرمهم لو بعد التاريخ هذا تقديري |
|
مواقع النشر (المفضلة) |
الكلمات الدلالية (Tags) |
مبرة, الطواله, انشاء, بمناسبة, بالكويت, باسم, حفل, شمر, ضاري |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام