ســـوريـــا

البارحة ماني بيم التعاليل=والهم من كثر الصواديف طايل
ماغير أحط من الهواجيس وآشيل=والكبد يصلها لهيب الملايل
ماهيضني زاهيات الخلاخيل=ولاشوقني ماشطات الجدايل
أنهت !! وافكر فـالليال المقابيل=وزفر !! على وقت مريرٍ ومايل
وقتٍ يهوّل راضع الصدر تهويل=ويكشر بنابه لولد الحمايل
لافي يدي حيلة ولاعاد بي حيل=والضيم مكّن بالضلوع النحايل
يا عز تالي ياهلي لأنصف الليل=ترزم علي بقعاء بهم وغلايل
يا ضيقةٍ مثل الجبال المثاقيل=لو زال أجا همي فلاهو بزايل
اشوف وتشوفون قهر الرجاجيل=في سوريا ما بين صايل وجايل
شيبانهم تذبح كما تذبخ الحيل=واطفالهم ترمى بذيك الشعايل
نسوانهم تكشفن يا هل الخيل=وصاحن يبن فزعة عريب السلايل
وشبابهم تنخى الرجال المشاكيل=تبي السلاح اليوم والعمر زايل
وين الرجال مزبنين الهلاهيل=وين الشيوخ موبتين الفعايل
وين العرب واهل الخليج الأسابيل=وين القبايل مسرجين الأصايل
(وين الطنايا وين شرابة الهيل=وين الرجال اللي تشيل الثقايل)
قد قاله العوني بذيك المراسيل=ينخى الزحول مضيفين النزايل
وأنا بقوله للرجال المداهيل=أهل الزنود مولعين الفتايل
وينه تميم المجد وين الحلاحيل=أهل المفاخر والسيوف الصقايل
وينه بني وايل هل الرمح والخيل=وينه صناديد الوغى والصلايل
وينه عتيبة لاطمين المعاييل=ذبّاحة الحايل كرام السبايل
وينه مطير وحرب عدالة الميل=وين العزاوي وين سبع القبايل
ياآل العرب يكفي مهونة وتذليل=ليا متى والدم في حمص سايل
ليا متى درعا عذاب وغرابيل=ليا متى ضيم الرجاجيل طايل
ياسوريا صبراً على الغبن والويل=بمشاية الله حكم بشار زايل
يالله يا منشي حقوق المخاييل=أجبر عزانا بالنفوس الرحايل
وصلاة ربي عد وبل الهماليل=على النبي اعداد ما سال سايل

.



.

لاهنت ياشوق البنت
لله درك ع هالشعور النبيل
صح السانك اخوي عبدالعزيز العليوي
تقديري لحضرة جنابك

اللهم صل على محمد وعلى آله وصحبه أجمعين

الشاعر عبدالعزيز العليوي
صح نبضك وسلم قلبك يالنشمي

نسأل الله ان يعجّل بنصرهم وان يثبت اقدامهم


الشاعرعبد العزيز العليوي

صح لسانك وعلا شانك

لاهنت

اخوي عبدالعزيز العليوي
ابدعت وامتعت واجزلت الابداع
صح لسانك وجادبيانك وبيض الله وجهك
على هذه القصيده الاكثر من رائعه صراحه
قصيده وافيه ومعاني ساميه ومفرداد مميزه
واسال الله العلي العظيم انه يصلح احوال المسلمين
اشكرك من اعماق القلب يالغالي تحياتي لشخك الكريم

شاعرنا القدير عبدالعزيز العليوي
صح السانك مدد بلا عدد
خالص التحايا لسمو شخصك النبيل

اشوف وتشوفون قهر الرجاجيـل
في سوريا ما بين صايل وجايـل
شيبانهم تذبح كما تذبـخ الحيـل
واطفالهم ترمى بذيـك الشعايـل
نسوانهم تكشفن يا هـل الخيـل
وصاحن يبن فزعة عريب السلايل


اي والله نشوف ولانملك الا الدعاء لهـــــــــــــــــم

اللهم فرج كربهم وكن في عونهـــــــم يارحمن يارحيم

الشاعر الراقي / عبد العزيز العليوي

صح لسانك وجاد بيانك يالذيب لاهنت لاهنت

صح لسانك شاعرنا القدير

عبد العزيز العليوي ............... )

صح لسآنك يالنشمي على هذه القصيده التي
حركت قلوب سآكنه وجآمده ...
ويشهد الله انني تمنيت لوكُنت رجل بعد هذه القصيده ؟
( ونعم فيك وفي لآبتي التي شملتُها بالمديح )
ونعم بكل القبآيل ...
(والدعاء مستمر لهم بإذن الله )(ربي ينصرهم )

عبدالعزيز العليوي
صح السانك يالنشمي
تقديري لحضرة جنابك