ديوان الشاعر / سميحان السويدي

بسم الله الرحمن الرحيم



هذه القصيدة اسناداً للشاعر والأخ العزيز/



..سويلم بن محمد السويدي..

قــبــل مـايـفـتـح بــنـوكٍ وصرافه = والـزمــان لـكـل الاجــواد لــحاحي

	راكـب اللي يـطــرب النفس زفزافه = مـنـوة اللي منوته قطعة الضاحي دايمٍ فـي مــقــدم الجيش مزهافه = بالنـفـود ومـع جراهيد صحصاحي حمرناً تـشبه من الــريــم وواصافه = من مـلكها مـالـكـن كــل الارباحي بالـسبق لــو حــاول الجيش ماطافه = تـسـبـق اللي بالـجـنـاحين لفاحي راعـيـه مـاعـطاه وافـي مــع اعلافه = مـــاتــذوق الا نـبــاةً بـالابــراحي و الاصــايــل مـاتــنـاحـي لـعسافه = طــوعــةً فـي كل مايريد ماتناحي راكــبـه يـفـهــم لمــمشـاه واهدافه = وبــه مـسـداً بـالمــهـمات ياراحي مــرسله بـرســالـةً داخــل اضرافه = داخـلــه لمــوثـق الـعـلـم شـراحي من الرياض اللي به العدل وانصافه = وبه حريب الظلم للشعب منصاحي هـو عـدو الـشـر ومـحـارب احــلافه = وقــايـد الدوله على نهج الاصلاحي دمـوع عـيـنـه لاجـل الايـتام ذرافه = ابو متعب زاهــياً كــل الامــداحي لـديــرةً بــه رايــة المـــجــد رفـافه = مـاوجـد بـه من على الزاد شحاحي قــبــل مـايـفـتـح بــنـوكٍ وصرافه = والـزمــان لـكـل الاجــواد لــحاحي حـايـل اللي حـاتـم الجـود باطرافه = مــوقـدة حـاتم سناء ضوها ضاحي وللـبـلـد خـلــه بـيـمـناه طـوافــه = مع ســها لٍ زاميه وقت الاصباحي للــجبــل تـشبـه لـســرحان بحيافه = طـــوعــةً ماهمها شوف الاشباحي ويـاتـعـدت لـلـجـبـل زاد خـفـخافه = كــايــدين اللي بالابــحــار سباحي مـع سـهـال الـريـد زافـه ورا زافـه = ديــار ربـعي تاصله وقت الامراحي لاتــعـداء الــفــال يـاوافـقــك وافه = من تـضيـف اكــيـد للكبش ذباحي لابـتي وافـيـن وتـكـــرم اضـيـافه = شوفت الضيفان من ضمن الافراحي ويـاخـذيـت لـواجبك قدر وضيافه = ومــذن الاصــبـاح نــادا بـالافلاحي واصــل المــشــوار واحــذر لمــيقافه = بــاقــياً من دون ماتريد مشواحي ويـاوصلت لــشرق حــبران واشرافه = والــتـقـاء حــد النـوازي بـلولاحي فـي ذلـولـك لازمٍ تـمــشي الــرافه = انت فـي مـمـشـاك للـنفد نطاحي ومــشيها بـالـهـون ماسبب اتلافه = تـوصـلك لـديـار مهدين الارواحي يــوم وقـت الـــرمح والناس سيافه = تـاصـل الـعــدوان لو موقعه ناحي والـبـدو تــدعيك بالصوات واشوافه = ولازمٍ تــلــقى مـن الـبدو سراحي انـشـده والـبـدو للــطــرق وصــافه = وعندهم في وصفهم عرف وايضاحي وعند اللي من عندهم تبدا الانكافه = نـوخــه عـقـب المــشـاوير ترتاحي عند شـهــمٍ مــجـد الاجداد باكنافه = وحــافــظــاً قصر المروات ماطاحي طيـبٍ والـطـيـب مــعروف باسلافه = ومن بقى يحفظ مهمات من راحي ابـو غـافــل حــافــظ المـجـد واعرافه = مـوفـقـــاً بـالطيب والعقل رجاحي والـكــرم مــرات بـه يـاصل اسرافه = واخــذن به تــاج ووســام ووشاحي سـويـلـم اللــي سمعته بالفخر نافه = ومن ســعى للطيب بالفعل نجاحي فـدوته من عاش فـي راس مهيافه = والردا لـــلاش بـالــفـعـل يـجتاحي يالاديـب الجـــو وش شـفت باغلافه = اسئلك يـــوم انت للمسئلة صاحي شفت حقد الناس والبغـض وخلافه = وللــعفـون ادوار بالــحل وامـداحي وشفت انا الوافين خــــدام لاسفافه = والــخســارة مــاتـــهمه والارباحي ونفس اخوك اليوم يامسندي عافه = وردكــم للمشكلة فــيــه الايضاحي يــاســويـــلـم بالـرجـاجيل عرافه = وانت منهــم فاهمن قصد ميلاحي

الشاعر/سميحان بن فهد السويدي الشمري

جيت البدو ثم شفت قطعـان الاذواد =وبيـت الــشعـر لازال بالمـــجد حــيا

	جيت البدو ثم شفت قطعـان الاذواد =وبيـت الــشعـر لازال بالمـــجد حــيا بيت الشعر يملك رصـيدٍ بالأمـــجاد=رمــز الكرامة والــــــوفا و الــــحميا يوم الزمن قاسي علـى كل الأجـواد=رمز الــــــكرم بيت الشعر له و صيا كـــم خيرٍ مــن حر مالـه بهن جـــاد= لـو الزمن جـــوره على الناس ســيا وأفيد اللي عـن سيرة الــبدو نشاد = تاريـخهم فــي كــــل مجدٍ غنـــيا للمجد مـــــن مـاض التــــواريـخ رواد = كـــلٍ عــلى تـاريخ مجده و فــيا أيامهم تمضي مـثل وصـــف الأعياد =ماهـو نفـــاق أفـعال طـــبعٍ بــريا رجالهم مـــاله عــــن المـــجد رداد= لو جـار وقــته وافـي الـــفعل عــيا مـن أيام قــل المــال والنقـص بالزاد= كـــــلٍ عـــلى ضيفه كـــريمٍ بــهيا يوم الطعام يجاب مـــــن سوق بغداد=والـــناس بالأفـــعال ماهم ســويا والطيب يوجد لـــه زعــامات وأسياد= تجــــود بالمـــاجود بالـــلي تهـيا ياما ذكــرهم بالــــوفا كـل قـــصاد = تاريخــهم معروف ماهـــو خفــيا وأخاف أنــا مــن قول حاسد ونـقاد = وإلا ولــــد لاشٍ خبـــيــثٍ رديــــا الحضر يوجد له تــــواريخ وأمـــجاد = كـــــمٍ شــهــيمٍ بالـمراجل قـصيا لا شك مـن زرعـــــــه للأرزاق حصاد =و يسـقيه مـن جــم القليب الرويـا أما الــبدو ياتون به بـــعد الأنـــكاد = لــكن المـوفق بالمـراجل شــقيـا خمسة عشر ليله عـلى الوجــــه مداد = مـع مــثلهن يمكـن يصير المجيـا ونوب السلامة عندهـــم رأس الأفواد = مــع الطريق اللـي مسيره مد يـا والــدور هـــذا غــير والـخـير به زاد = لـــكن الـهوى بالجـو ماهو نقـيا النــــاس يشكـــونه جماعات وافـراد =دورٍ عــلى الأجواد ماهـو رضيـا قليل بالمــيدان مـــن ياصل المـــــاد = كـــل البشـر مشيه ضعيفٍ بطـيا مع سوق الأسهم صارت النـاس تنقاد =ولحــدٍ فـهم ممـشاه لعبـة عمـيا يذكر به الـــهامور للـــمبتدي صـــاد =الـظالم اللــي يـأكل اللحـــم نــيا الناس مطــلوبة مــن المــــال الأزواد =والمــــال راح ولابـقاله بــــقـــيا المســعد اللـي منـزله وســط الانفاد = وبيت الشعر ضله عن الشمس فـيا وإلا نـزل فــي وسـط فسيح الاجلاد= ورد عــــلى عـــدٍ جــــوانبه طـيا ياما ينوض البرق مــــع صوت رعـاد = وتهب بالرحمة هـــبوب الـــسقـيا يبعد عــن أصوات المدينة والإجهاد = مـن القوت في بيته كفاف الكفـيا ويركب ذلـولٍ فوقه الـخرج وشـداد = ألــــذ مــــن قـصــرٍ بحي الـعلـيا

الشاعر/ سميحان بن فهد السويدي

بسم الله الرحمن الرحيم
وجهين لعملةً واحده داوود الشريان ومجلس الشورة

داوود الشريان

	برنامجك ياولد شريان=اصبح مثل مجلس الشوره تضييع للوقت بالمجان=ماغير الاصوات والصوره اثنينكم بالحكي كذبان=والناس تضحك ومسروره واليوم هرج التلاعب بان=ومشاهد الكذب منشوره والخط يقراء من العنوان=وقت المجامل مضى دوره الشعب من لعبكم زعلان=وصدورهم شب تنوره ينخون اللي يحكم الاوطان=الحكم بالشرع دستوره بامره يجي واضح البرهان=وتبين لعبات مستوره عبد الله في نظرته ميزان=للحق والحال ميسوره ونايف ولي العهد لاهان=مبادي الخير بحضوره ومعهم وزير لوفاء سلمان=مع شورهم متفق شوره وفي جاه اللي ينشي الامزان=دوله هل الحق منصوره

ملاحظة هذه الابيات قبل ثلاث سنوات

الشاعر/سميحان بن فهد السويدي

بسم الله الرحمن الرحيم

اركان حكم الدولة المبنية

	ارفــــع ياتركي باســــمنا برقـيه=لمتعــــب ولــــد رمز البلاد البا ني وزير حرس معروف وقت الهيه=ظــباطهــــم وافرادهــم شجعانـي قــــل المدارس ترفــــع التحــيه=لابـــو الجمــــيع ونائبه سلـــمانـي اركــــان حكــــم الدولة المـبنيه=على شـــــريعة منــشي الامزاني بالدين ماهــــي دولةً رجــعـــيه=مامـــثلها فــــي كامـــل الاوطـاني وسنة رســـوله بالهـــدى نبــيه=المــقـــتدي به كامـــل الايمـــانـي وكان العــدو عـــنده نواياء سـيه=بالحــــال يرجـــع خايبن خسرانـي كـــل الحرس باعــتاده الحــربيه=دون الوطــــن ماهـــــب للعدواني مــافـــيه لارحـــمه ولامـــاويــــه=عدوهــم بالمعـــركــــــــة ينهانــي ومــــدارس الامــــجاد مــيه ميه=باعـــتادها فـــي ساحة الميدانـي

الشاعر سميحان بن فهد الشمري

بسم الله الرحمن الرحيم

تعبير مشاعر

ولازال جمهور الخيانات باقي

	ياسوريا رحتي مراح العراقي= مثل ماراحت بالخيانه فلسطين ولازال جمهور الخيانات باقي= ويحارب الوحده والاخلاق والدين همه يجي بين العروبه شقاقي= قبل وعد بالفور بالامر بادين على التخاذل للعروبه تلاقي= اكبر هموم العرب سرق الملايين باللهو واللذات والمال شاقي= موتى مشاعر داخل اجساد حيين صار التعامل بالحيل والنفاقي= ياحيف بالخذلات والذل راضين حتى الادب حطو لشانه سباقي= ياما دخل بحماه خبل ومجانين واخر زمن حطو مزاين نياقي= في شي ماينفع للاسلام لاهين ومع الرياضه للقلوب احتراقي=وللواجب اللازم بالافكار ناسين لابد من يوماً يتم الفراقي= ويسجل التاريخ للزين والشين

الشاعر/ سميحان بن فهد السويدي

مشاركة بحفل الشيخ الامعط بن عبيد بن برجس العردان المقام على شرف قبيلة حرب وبعض شيوخ ووجهاء القبايل الاخرى في قرية الحفير يوم الجمعة ليلة السبت الموافق 1435/2/17

وسام الفخر والتاج ملبوسي اليوم= يصار امثل بالمحافل قبيله

	وسام الفخر والتاج ملبوسي اليوم= يصار امثل بالمحافل قبيله دامي سويدي طيب الجمع مفهوم= ربعي هل البلها فعوله جزيله اعطوني تفويضاً موثق ومختوم= بالشعر اشارك باسمهم وانتميله بالحفل اللي يرتاح به كل مهموم= واهل الوفاء من كل صوبً تجيله بضيافة اللي صار للطيب زيزوم= الشيخ بن عردان فعله دليله شيخاً ولد شيخاً وتاريخ مرسوم= من برجس الاول اليادور جيله الامعط بالأمجاد والطيب ملزوم= لانه سليل المرجله والفضيله ولايمدح الرجال بالاكل والنوم=يمدح بفعله والرجال اتعنيله عز الله انه بالمهمات صيروم= وتاريخ مجداً مايجوز اتعديله وابوه زيزوم الكرم مفني الكوم= كم مرةً قلك صحونن ثقيله هداج تيماء بالروى دوم كيهوم=عساه في برد الجنان الظليله ومن بلابةً كله زحازيح وقروم= اولاد الازمل محتمين الدبيله سبع الجموع اللي هيبونه القوم= ويركون في كبد المعادي مليله ويزبن عليهم كل مبلي ومضيوم=واللي زبنهم وصلته مستحيله والناس له تاريخ وافعال وسلوم=تبقى ودورات الزمن ماتزيله ومنهم امين المجد بالفعل وعلوم= الامعط اللي كل مجداً حصيله باسمه مع اخوانه واسم ربعه اعموم=يامرحباء في كاسبين النفيله الله يحيي كل من كان معزوم= والله يحيي من حضر في سبيله يامرحبا حييت مكرم ومحشوم= كل النشامى له مكانه جليله نحيي قبيلة حرب حرابة الروم= عدوانهم عادة بخوف وذليله وفاضل رقاء في راس عالي ومزموم= حراً شهر بالعاليات الطويله ابن ثروي فعله خصيم اهل الزوم= وفعله يسجل في رصيد القبيله حرب العربيه يوم زاحم ومزحوم= فرسانهم يزهون ركب الاصيله والي حضر مع حرب له قدر وقدوم= اشرف مجاليس الشرف يستويله اهل الفخر واهل المواجيب وعزوم= بأفعالهم مافيه هسه وميله ومن يمدح بالافعال مايلحقه لوم=ولاحداً سمع لاقوال ناسٍ هبيله ولاتقبل الامداح والفعل مزعوم= والمدح دون افعال عيب وفشيله وشمر معازيبٍ ولاتقبل السوم= على سلومه والوفاء تحتميله لهم مع العلياء تواريخ ورسوم= ومن راح ياتي بالمهمة بديله افعال ماهي اقوال تزييف وحلوم= ومتونهم حمل المراجل اتشيله

الشاعر/ سميحان بن فهد السويدي

بسم الله الرحمن الرحيم

هذه الابيات عبارة عن وصية للابن غالب الله يحفظه ويحفظ الجميع من شرور الدنياء

شـمـاتـة الـنــاس شــــر و لاتـعـرظـلـه=احــذر تـعـرض لسـيـرة مـسـلـمٍ غـايــب

	ياغالـب اسمـع كـلام وابــوك واحفظـلـه=عساك تسمع كلام النصح و الصايـب النـفـس فــي طـاعـة الرحـمـن روظـلــه=الـديـن حـبـل النـجـاة وحـظـك الطـايـب الله مـوصـيـك حـــذرا الـعـهــد تنـقـظـلـه=ماينقض العهـد غيـر الخايـن الخايـب لازم جـنــاح الـرحــم بــالــذل تخـفـظـلـه=وصـيـة الـلـي قـبـل فــي تـوبـة التـايـب وشـمـاتـة الـنــاس شــــر و لاتـعـرظـلـه=احــذر تـعـرض لسـيـرة مـسـلـمٍ غـايــب الابـخـيــراً وعــلــم الـخـيــر يــفــر ظــلــه=من واحـــداً مـاوجـدلـه واحـــداً نـايــب احرص على المرجله بالفعل وانهظله=من شح بالمال معروفـاً ماهـو طايـب وتـر المـراجـل شبـيـه الصـيـد يركظـلـه=من لادركه شاب ماهو مدركـه شايـب والمجلـس اللـي قلـيـل الـعـرف فوظـلـه=من سبته صار وصفه مجلسٍ سايب النفـس عـن مجلـسـه تنـهـاه وتعظـلـه=ـترا ردي الـمـعـرفــة خـافــقــه ذايـــــب لـــــو يـنــشــدك بـالاجــابــة لاتـلـفـظـلــه=ردك علـى مـثـل هــذا مايـجـي صـايـب وعـزيــمــة الـغــيــر حـــــذرا لاتـريـظــلــه=درب السـنـع لاتصـيـر لفرجـتـه هـايـب مــيــزان تـقـديـركــم بـالــحــال لاحـظــلــه=لابــــد مــــن كـلــمــةً يـجـيـبـهـا جــايـــب وكــرامــت الــرجــل يـتـعــب مايـعـوظـلـه=واللـي رضـي بالاهانـة نـاقـصٍ عـايـب

الشاعر/سميحان بن فهد السويدي

السلام عليكم
قصيدة اتشرف بنقلها لكم شاركت فيها بمناسبة حفل الشيخ الامعط بن عبيد العردان
والتي نقلتها وبثتها قناة الأصايل يوم الثلاثاء ليلة الإربعاء 27 / صفر / 1435 هـ

ستين عام القدس يشكي ولازال

	ستين عام القدس يشكي ولازال=وحـــل القضية ضنتي مستحاله لعبه خطيره والسبب كثر الاهمال=يــــومٍ كـــــلاً قـال مالي ومـــاله يومٍ كلاً قال بالــــشان بالحــــــال=وخلوا فلسطين الجريحة لحــاله كل يوم ياتي له من الغرب مرسال=لكن الهــــدف كله نفاق وظلاله وجمع العرب يشجب وينكر للافعال=ويطلب من الغرب اليهود العداله وهم البلا والشــر في كل الاحوال=ولـــهــــــم بتدمير العروبة رساله لبنان والصـــــومال من فعل الانذال=ومشاكل الســودان تعطي دلاله وشعب العراق يعيش بالغبن واذلال=ياحـــيف ترضـى بالمهونة رجاله والظـــلم خــلى القرد بهدوم رجـال=وله منصــبٍ عالي مقابل عـماله يامدعي قــصة حلبـــجة والانفــــال=ترضى بتقسيم الوطن واحتلاله

الشاعر/سميحان بن فهد السويدي