ديوان الشاعر / مشعل عسام التريباني

بسم الله الرحمن الرحيم
الشاعر\ مشعل عسام التريباني الشمري
مدح ورد ثنا بالاخ الغالي حمود شطي الحسيني الشمري في 21\6\1437هـ

مدح ورد ثنا بالاخ الغالي حمود شطي الحسيني الشمري

	الشعر ياقصّر عن اصحاب الافعال=مابه حلا لوكـــثروه الشــــواعــير ياصـــارمـايحفظ تواريـــخ الابطال=كبار العطايا طايلــين الاشـــــــابير هات القلم وافـــتح مغالــيق الاقـفال=عن ريهجان الجم خل الشـــخاتير نبــــــي نحفـظ الفعل يبــقا للاجـيال=نحتن على فولاذ خـــل الطباشـــير فعل الكريم اللي علـــى عاتقه شــال=حملٍ يعجّــزمــن بغا يفعل الخـــير حمود بن شـــطـي حمل كل الاثقـال=يعل يفــــدونه حضـــــات الدنانـير اللــــي كفل يتمان جاره ولاســــــال=عطا حـــلاله للضعوف المقاصــير يوم ان جـــارالبيت وافــــته الاجـال=مادور المكســـب زبون المناعــير قال اقعدو با البيت مافــيه مــــرحال=نبي العوض من عند وال المقاير انا اشهد انه با الكرم مضرب امثال=الشامخ اللي صخرالجود تصخير انت المحيط اللي به الســفن تجتال=وانت السحاب اللي يجيله تباشير وانت الصخايامعـرب الجــد والخال=وانت الذي فعلك يفوق التصاوير وانت الــوفا ملكك مــن الجـال للجا=بحرن تضيع بك الجمل والتعابير اخـــو الهيافا مفخــرة كل الاجيال =زبن الجـــلاوي باالليال المــدابير ياعل يفـداك الردي عاشـــــق المال=اللــــي يبرر للهــــــزيلات تبرير

بسم الله الرحمن الرحيم
الشاعر\مشعل عسام التريباني الشمري
((البشر تتبع كثيرين الحلال))في29\4\1437هـ

البشر تتبع كثيرين الحلال

	البشـــر تتبع كـــثيرين الحلال=شيّخهم والضعيــّف همّشـوه لو كثير المال مايســــوى ريال=طبّلوا خلــف الثري وشـيّخوه انظرالشاشات واســـمع مايقال=كل خبلٍ للخضــــيراء طـيّروه وعرضوا خلفه وطشــوا بالعقال=واجحفوا له بالمديح وطيّشـوه وانتفخ راس الضعيّف واستشال=وفصلوا له ثوب نمر ولبّسوه وقالوا انه من كريمين السبال=شــــــيخته مبطي على جده وابوه وصدّق انه شيخ مافيها جدال=وحطوا اسمه شيخ شمل وبروزوه وعلّق الصـــوره وبروزها وقال=حطوا اسمي بالسجل وعلّقوه وصيروه هـــديب شـــــيال الثقال=مارفـي تاج الزعامه دهوروه وانا اقول امدح علـــى قد الفعال=كل طيّب فـي فعولـــــه بينوه ماركلمة شـــــــيخ صعبه يارجال=جـــنبوا ثوب العـريه جنبوه كيف تلبس ثوب وكمومه طــوال=مايفــيدك ملبسه لو كبروه مازهَــى شـــيل الثقال الا الجمال=علموا شيخ الدراهم علموه الشـــجر ياجاه صلف الريح مال=ينثني للريح لوهم عدّلوه والعواصــــف مايهــــزن الجبال=راسيٍ ظلع الهَدَى ما زحزحوه

بسم الله الرحمن الرحيم
هذه الابيات رد ثنا با الاخ محمد مفلح المزبورالجرواني الشمري
حيث انه تنازل عن ادية ابنه الذي وافته المنيه على اثر حادث مروري
هو وواحد ثاني معه وكانوكلهم بسيارة ولدعمي والاخ محمد مفلح تنازل بيض الله وجهه وكثر الله امثاله والله لو نكتب دواوين ماوفينا نصف طيبه اخو المعاياء
الشاعر\ مشعل عسام التريباني الشمري في 9\6\1437هـ
ايه المعايا اليا جاب النفوس انفعال = تخضع لهم كل هامات الصعاب وتذل

سابقات الصوت ..!!!

	يستاهل الطايله رجلا يحـــب الجـــــــزال=محمد اللــــــــــــي لباغ الطيب مضرب مثل محـــــــمد اخــــو المعايامحـــتمين التوال=راسن يعشــــــــــــــق العلا للواطيه مانزل صــــــبرت وقت المصاب وطلت مالايطال=فـــــــــي وقت فقدالعزيزوباالمصاب الجلل ترفع لك البيض في قمة ســـــفوح الجبال=عســــــاك تلبس بياض الوجه لبس الحلل اخـــوالمعايا رفـــيع الجــاه قــــــرم العيال=اللــــــــــي حمل با المراجل مايعيق الزمل انا اشهد انه عريب الساس واف الخصال=وانا اشـــــــــــــهدانه تجمّل وارتكا للحـمل وانا اشهد انه مــن الامجــاد باالكـــف كال=وان اشــــــــهد انه كـــريم ولابطيبه جـدل ياعل يفــــدونه اللـــــــــــي يعــبدون الريال=وياعل عمره يفوق شــــــعيب ماهـو بااقل حــيثه بذل باالمــكارم مــــايفوق الخـــــيال=يعطـــــــي نفيس البضاعه مايعـرف البخل ياراعــــــــي المــد مدك فـــوق حد المحال=فعلك يفوق القصـــــــيد وفـوق كل الجمل ايه انت هــــداج جــمّك مـــاغطــته الرمال=بحــــــــــرالصخا فيه يغـرق كل حيّن نزل من روس ربعن اليا ركب الرشـــــا للمحال=عـــــدوهم فـــــــــي منامــه ماتهنّا وغفل مــن لابتـن ياحصـــــــل باالعلم روح وتعال=يروون حـــــد المصقل ياحصـل ماحصـل ايه المعايا هــلا الطــوله كـــرام الســـــــبال=تاريخهم با الشــــــــــهامه باقــين لايزل خلـقت زمـــول المحامــل للحـمــول الـــثقال=زملٍ تشــــــــــيل الثقايل ماتعــرف الملل ايه المعايا الياجـــا باالـــنفـــوس انفـــعـــال=لهم الصعايب تلين ويكــتســـيها الخــجل من فعلهم يقزئمّـــن شـــــــــــــامخات الجبال=وتخضع لهم كل هامات الصــعاب وتذل

بسم الله الرحمن الرحيم
الشاعر\مشعل عسام التريباني الشمري
تعرفت على رجال من قبيلة شمر واكثرهم والله ماطب بيتي من خلقته بس عرفني عن طريق بن عمه ويوم صارالحادث على بن عمي ودريو اتصلو بي وقالو ليش ماتعلمنا قلت ماعلمت احد لان الاديه قليله وكفو ربعي الدهمان وشمر نبيه للكبيره الله لايجيبه ماقتنعو وقطوكلهم وفرضت قطتهم وطلق واحد منهم طلاق الا تاخذه وخذيته واللي طلق اكثركم يعرفه هو الشاعرطلاع مسند الزميلي وكتبت هذه الابيات بهم وكتبت فيه قصيده لحاله واليكم القصيده الاولى بهم كلهم
((اشهد انه صح معرفت الرجال اكبر تجاره))في 20\5\1437هـ

اشهد انه صح معرفت الرجال تجارهـ

	اشهد انه صح معرفة الرجال اكـــبر تجاره=وانكم ياتاج راســــــــي معـــــــرفتكم مكســــبلي انتم اللي عرفكم مكسب وفرقاكم خســـــاره=وانتم اللـــــــــي نفتخـر فيكم ربوع وعـــــزوتلي وانتم اللي كل ماذكركم غشا راسي صطاره=وانتم اللــــــــــي فيكم افخر والصعاب يذللن لي وانتم اشــــبال الاسـود اللي بهم زود ونماره=وانتم اللي عن ســــــموم القيض فيكم نستظلي وانتم اللـــــي بالعلوم الغانمه لكم الصـــــداره=وانتم اللـــــــــــي فيكم الصعبات باذن الله تحلي والله انــي لو كتبت الشـــعر فيكم فــي جداره=مالحقت العشـــــــر من معروفكم لو جيت كلي القلم هو والمحابروالمشــــــــاعــر واحتظاره=لو تســــــــــجل ماوفت فــي مدحكم ياعزوتلي دايم شــــــــمرعلـــى العليا يجــي فيهم غياره=ودايمن شـــــــــــــــمرلهم عاده حماتن للمتلي ودايم شــــمرعلى الطوله بهم زود وجســـاره=ودايمن شمرلجزلات الســــــــــوالف تسـتحلي ودايمن شمر كما نارن على راس الزباره(=ساري الظلماالياعسعس ظلام الليل فيهم يستدلي

ملاحظه
ندعوكم لحضور الحفل الذي سوف يقام في قصر الراسي بحائل
يوم الجمعه ليلة السبت الموافق 15\16\7\1437هـ بمناسبة
انتهى الاديه المقرره علينا بسبب حادث بن العم صالح عبدالله الغافل التريباني
وتكريما للاخ محمد بن مفلح المزبور الجرواني اللي تنازل عن الاديه
حيث ان الحادث راح ضحيته شخصين واحد الجرواني والثاني اللي قطو
له الربع نتحفظ على اسمه احتراما لقبيلته رحم الله المتوفين جميعا
التواصل عن طريقي انا شخصيا مرحبا بالجميع

بسم الله الرحمن الرحيم
الشاعر\مشعل عسام التريباني الشمري
((عيوني بصيره))في 11\6\14237هـ

عيوني بصيره

	عيوني بصيره واعرف الطيب وابي الطيب=لكــن يدينــــي ردها القل عــن دربه توي عــــرفــت انه اليا قــل مـــابا الجـــيب=تخلا الرجل عن كل شــــــين يفكربه لكــن عـــزاي الــقل للــــرجل مـــابه عـيب=والمال مــــاعــز الردي لو تفاخــربه ضعيف الجهد يبقا ردي دون شـــــك وريب=يهــــوم لكـــن قلــت المال تغـــــدربه معذور ياراســـــي ولو يكتســـيك الشـــــيب=العمر يمضـــــي والزمن يزدحم كربه بغـــيت العلــــوم الغـــانمــه مــالقيت مجيب=وجدعت ســــيف الجود مالي ولادربه تحملت في صدري هموم البشـــــــر يالذيب=وانا مـــادريت ان البطـا غــيّر الــتربه اقوم واقعد واشـــــــــــغل الفكــــــرثم اغيب=وتجيني خيول الفكر سربه ورى سربه ابا افعل ولكن للاســـــــــف ماقدرت اصيب=وجــــواد الفقـــير اليا ركبها تقنطـــربه زمانن يهاب به الثعل والاســــــــــد ماهيب=عسا الله يعين اللي غثا الوقت يمكربه

بسم الله الرحمن الرحيم
(من لا يشكر الناس لا يشكر الله) ابيات رد ثنا في الاخ طلاع مسند الزميلي الشمري سوى بي معروف بيض الله وجهه والله ماينسي والصراحه والله اني لوكتبت فيه معلقات ماوفيته ربع الربع مماقام به من معروف لايمكن ننساه مدى الحياه
الشاعر\مشعل عسام التريباني الشمري
((اشهد انك يالزميلي معزه للصديق))في20\5\1437هـ

اشهد انك يالزميلي معزه للصديق

	اشـــــهد انك يالزميلــــي معــزه للصديق=واشـــــهد انك وافي الشـــــبر مافيها جدال انت ياطـــــلاع ياراعــــي الكــف الطليق=ياصخـــي الكف يالقرم شـــــــــــيال الثقال واشهد انك ســــعدعين القــرابه ووالرفيق=يابعــــد مــــن يكـــنزالمـــــال عـباد الـريال راسين مالك شــــبيهن ســوى قمة طــويق=بيّنن مالك حليّن ســــــــوى قطب الشــمال شــــــافين باذن الله انته كما طعم الرحــيق=صاطين صارم وصيدك جــزيلات الفعال وانت والله فــزعة المبتلا ياحــل ضــــــيق=وانت والله بيئرتيما ومشــــــــــروب الـزلال وانت والله ياالزميلــــي لنا مثل الشـــــقــيق=واعتبرني محــزمك فـــي صعـيبات الليال انت نجم ســــــهيل نجمن جنوبي له شــعيق=وانت شط النيل مثلك واجاء مثلك ظــلال وانت بحرالطيب به زورق الامجادســـــــيق=وانت مرسى زورق المجد بك يابوطـلال وانت وصفك كل جزل الوصايف بك تلــيق=وان وصفتك ودي اصفك صياد الجزال

بسم الله الرحمن الرحيم
الشاعر\مشعل عسام التريباني الشمري
((حريصٍ على ورثي من المال))في15\6\1437هـ

((حريصٍ على ورثي من المال))

	حريصٍ على ورثي من المال عقب العود=ورثت الصخا عقبه عسا ابوي للجنه مـــاهمنـــي دنيا الــفنا نقصـــها والــــزود=المال مهوفرض عين ولهو ســـــــنه المال ملفاه الــفنا والجســـــــــــــــــد للدود=وتبقا العلـــوم لطــيّب الذكــــر يحينّه بعض البشــــــــريموت ذكره وهو موجود=وبعض البشــــرلو مات الافعال يبقنّه يقولون وشـــبك تحــيي الماضــي المعهود=والناس وصلت للفضــــى وارتفع فنّه وانا اقـــول احــب الطيب حــبٍ بدون حدود=هــــــذي غـــريزه ما اتخـــلا عنه لنّه عليها مربينـــي عســــاه برغد وســــــعود=عـــــودٍ عســـــا حــــور النعـيم يتلقّنه بالمســـك والعمـــبر وزاكــــي عبير العود=ومن سلســـبيل الخلد باالكاس يســــقنّه فـــــــــي جنة الفردوس تجري تحته خدود=ويقطــف ثمــرها فـــي سهوله بلا منّه لانه كــــريمٍ شــــــامخٍ مثل وصف الطود=ماحسّـــــب الاموال بالبنك واشـــــقنّه

بسم الله الرحمن الرحيم
ابيات متواضعه باالشيخ محمد بن نواف العلي لعلها تنال اعجابه واعجاب الجميع
الشاعر\مشعل عسام التريباني الشمري في 28\6\1437هـ

((يابغيت الوناسه والعلوم الجزال))

يابغيت الوناسه والعلوم الجزال

	يابغيت الوناســــــــــه والعلوم الجزال=واجــتماع الـرجال وطـــرد هم الضــمير والقصيد المشرف في حضور الرجال=والقصص والســـوالف والنهار القصـــير روح ســـــــــيرلبو ممدوح قرم العيال=هـــــومحــمــدولـــد نواف نفـح العـــــبير شيخ عبده هلا الطوله كريم الســــــبال=شـــــيخته ماخذاها مـــن مشـورة مشير شـــــــــيخته من جدوده محتمين التوال=روس قومٍ على العدوان شـــرٍ شــــــرير للصــــديق الموالـــــي كاالقراح الزلال=وللعدى ذوق ســــــــــمٍ صارين قمطرير مجلســــــــــه مدهلٍ لاهل الوفا والكمال=مـــدهلٍ للكــــبير ومــــــدهلٍ للصـــغير شـــــيخنا اللـــي من الامجاد بالكف شال=سيفنا اللي على العدوان حده شــــــطير ابو مممــدوح راه الباع واف الخصــــال=مقدم اهل الشـــــــــــهامه بالنهار الكبير الصخا والتواضـــع مــن صــفات الثقال=وانت وزنك ثقيل وضــــوفعلك مـــنير يابعـــد مـــــن حـــياته خـــدمـــتٍ للريال=يجمع الفلس ماحسّــــب لجـــوع الفقير يجمعون الدراهم مـــن حـــرام وحـــلال=ويكرمون الغنــي من شـــان ماله كثير انت هـداج تيما فــي ربوع الشـــــــــمال=وانت ظلع السرات اللي بوصفه شهير لاغــــــرابه وجــدك فــيه مضـرب مثال=للـــرجـــوله وقــــو الباس فعله مــثير راســــــيٍ بالمراجل مثل شـــــــم الجبال=صـــافــــــيٍ للقرابه مثل مـــي الغدير

بسم الله الرحمن الرحيم
هذا فرحان بن رشيد الظفيري دايم يمدح شمر ويمدح حائل واهلها وهو طبعا خواله شمر وصلتني منه قصيده طويله من عرضها يقول
العروس اللي هله مجده خذوه= بالسيوف وبالخيول المسرجات
ورديت عليه بهذه الابيات وهو حقه اكبر من القصيد صراحه
اقول (( ابيات متواضعه ردثنا بالاخ فرحان))
الشاعر\مشعل عسام التريباني الشمري في 11\8\1437هـ

ابيات رد ثنا بالاخ فرحان رشيد الظفيري

	قــــرّبو بوك الصحـــيفه قرّبوه=والقلم جيبوه لـــــي هو والدوات وافتحو مغلاق فكري وازهموه=قولتٍ له هات جـزل القاف هات والقرين اللي معي لي حضّروه=وعلموه يجــــودلــــي بالمفردات راكب اللـــي من حفيزه وردوه=ابيضٍ لــونه تقل قطــعة طـخات كن صوته يوم ســـــلفه حركوه=زغرتت غطــروفتن غيدى فتات يم ابو فارس جوابــــي وصلوه=عــــدذرات اللــــرمال الــذاريات له ســـــــــلامي ياجماعه بلغوه=راعـــــي الطوله زبون الجاذيات للوفي فرحان خطــي ســـــلموه=الصديق اللــــــي علومه غانمات وبا النيابه لـــــــــي جبينه قبلوه=الوفـــي اللـــــي يروم المعجزات زاكي الانســاب من جده وابوه=من سلاطينن زحازيحن دوهات الظفير اهل البويت اللــي بنوه=للدخيل اللــي طلب درب النجات بيتهم بين القبايل شــــــــــيدوه=فـــــــــي تواريخن للاخر باقيات بالشــــــهامه والكــرامه بينوه=والقصــــص تبقا تداولها الروات من زبنهم عن خصيمه زبنوه=ندرن يروون حــــــــد المرهفات مــن دخل ببــيوتهم هم ظللوه=ومن يعاديهم يبــــي يذهب شتات

بسم الله الرحمن الرحيم
الشاعر\مشعل عسام التريباني الشمري
((خطك لفاني))في30\4\1437هـ

((خطك لفاني))

	خطك لفاني يازبون المخاســــير=يا القـرم يا الـــــزيزوم دمث الجنابي يامرحبا عـدادما رفــرف الطير=واعـــداد ماتقــراء حــروف الكتابي غالــــي ولك عندي معزه وتقدير=قبل الخطــاب وبعد كــــزالخطــابي ياخال والله عــندنا منزلك غــــير=غالــــــــي علينا يازبون الصــعابي ياعل يفـــدونك ضــــعوفٍ معاثير=عـــبادة الــدرهــم كـــبار المـخابي والاْلسن اللي مثل وصف المناشير=طعانة المقفـــــي بروس الحـرابي ثقال النفوس قليلين المســــــــــافير=اللــــي يلقّون الصـــديق العـلابي قال المثل حـــذراك مـن نافخ الكير=من يقربه ثوبه ينوشــــه خـرابي انزل منازل مبعدين المشــــــــاوير=منازل الاحرار روس الهضـابي والخاتمه منـــي تمسـو علـــــى خير=واقبل تحياتــــي ورد الجوابي