عجـلان ابن رمال

عجلان ابن رمال داهية من دواهــي شمر كما يصفونه له قصائد كثيرة
يتناقلها الناس أخترت لكم من قصائده هذه الأبيات.

يــاقلب أشــوفك نـاوي للمــذاليف = مــاتنثبــر مــا حــاصلٍ لك طلــوعـي
صكن عليك محنيــات مهـــاديــف = وصكن عليـك محنيــات الضلــوعــي
قلبي يجاوب خلج بدو هـــراجيف = حيرانهن مــع ذيهبــان النجــوعــي
قلبي تذكـــر دار ربـعٍ بهـم حيف = نـاخــذ بهــرجتهم سبـوع السبوعي
اللابة اللي بـالقسى تكرم الضيف = تـفــرقــو من عقب ذيـك الجمـوعـي
وان قيل لعيون البنات الغطاريف = عند الركـايب يــذبـحـون الفزوعــي
غـدن بهم عسرات الأيام ياسيف = تجـلـبن غـبــر الـلـيــالـي ربـوعــي
ياللـه طلبتك ياوسيع الأطـاريف = تلم حبل الــوصـــل بين القطــوعــي

همس الشمال

يالله طلبتك ياوسيع الاطاريف

................ تلم حبل الوصل بين القطوعي

تسلم يمينك أنتقاء رائع

لشاعر له ثقله وداهيه من دواهي شمر

حفظكِ الرحمن

تسلم ياهمس الشمال

اختيار جداً رائع بارك الله فيك

لك كل الود

عشت والله تسلم اخوي همس الشمال

الأخـــوة الأعـــزاء
الروقي
المشــرف العام
و مــلاهــد
أسعدني مــروركــم ولكــم مني كــل الأحتــرام

همس الشمال



صح الله لسان شاعرها

وتسلم يمينك

الغــــاليــة ريم الفلا
أسعــدني مرورك ولكي كـــل الـــود

والف نعم بك وبعجلان ابن رمال
صح السانك والسانوه يالطيب

أخي ابو قنــاة اسعدني مــروركـ
ولك مني كــل التقــديــر

همس الشمال

لاهنت يالغالي على نقل مثل هذهـ القصائد

ولاشكـ ان عجلان بن رمال شخصيه غنيه عن التعريف

وياليت تنقل لنا من قصائده الكثير

يابعد حيي