ديوان الشاعر / أحمد الجريفاني

للي غلاهم وفا واخلاص وش جابك !!!

	يا سارق الفرح وش موزيك تجرحني=والله ما ادري بتال الوقت وش صابك ما اخطيت لجل اعترف واطلب تسامحني=لو قلت شيٍّ غلط حسًّبت لحسابك ظنيتك بكثر تجريحك تمازحني=ما خذتها جد ليش اني من احبابك ما جا ببالي بسيف الغدر تذبحني=يللي رميت الوفا مع بالي ثيابك حفظت سرك وش يخليك تفضحني=صرت اتهرب عن العالم من اسبابك ظنيتك الحب والاخلاص تمنحني=وظنيت عندك رهيف احساس يرقى بك كنت اتغنّى ويعجب مسمعي لحني=والروح تطرب ليا قمت اتغنى بك واليا حكيت اسمعك حكيك يفرحني=وابيت وجلان لامن طوّل غيابك ولاطعت من هو عن ملاقاك ينصحني=لو طعتهم يا عذابي ما بلشنابك تقول للناس لو يزعل يصالحني=تحسبني عبد حسنك خادم اهدابك اباسالك بس يا ليتك تصارحني=للي غلاهم وفا واخلاص وش جابك

من ارشيفي .. قصيدتي با الاميرة نوارة شمر 2006

قصيدتي با الاميرة نوارة شمر 2006 !!!

	يا بنت ما درستي الطيب تدريـس=ولا وضع لك يا العزيزه بمعيار كنزن ورثتي من كنوز السناعيـس=ما زينك زنتيه يا بنت الاخيار الجود عندك غيث ما ياسعه كيس=والليل من دونك شكى فقد الاقمـار يا عزوتي من يعرفك يلعن ابليس=ما صنفوا مثلك بقاموس الامهـار تواضعك ماله حـدود ومقاييـس=يشهد بطيبك يا ابنة العم شعار لو تسالين الليل والخيل والعيس=عن الطنايا جاوبك قبلهن جار جنايزن ما بينهم نذلن او هيس=وهم صانعين المجد والعز والكار ولا يرتضون يقال ماتوا محابيس= وخيولهم ما يطربه عزف مزمار ولا صابهم خفه ولا من هواجيس= ولا يقبل احدن منهم زواج مسيار يا الغاليه نفتي بصدق الاحاسيس=ما هو تصنع ينعرف سلم الاحرار من عاشرك ما يقربنه وساويـس=مرتاح باله ما سمع غادي اشوار نفسك رفيعه عن هروج الدنافيـس=مثل الجبل ما حركه هرج ثرثار لك سيرتن كله شمـوخ ونواميـس=ولك في قلوب الناس قدرن ومقدار المجد ماهو لعب يحتاج تـا سيـس=ما ينشرى بفلوس يفدنـه اعمـار

رد الاميرة نوارة شمر 2006 !!!

	هيْ الاصاله والكرم والنواميس= والطيب والنخوه بناسي هل الدار (صدى) بعثها بيت بالشعر ماقيس= باعظم وفاء عطّرْه نخوه للاخيار وانهلّ طيبٍ فاق كل المقاييس= ذلّل ظروفٍ بانيه حولي اسوار حرك بي اشواقٍ لطيب المجاليس= واشعل فتيل الوجد للادهم البار واليوم جيت اطرف عيون المناجيس= اللي تغنو يوم غابت لي انوار انا فدا لاغلى طقوس وتضاريس= وانا فدا للي دعوني بالاشعار اجي لهم غصبٍ على الظرف وبليس= وارسي باجا واقولها سر وجهار اجا له بقلبي شموع وفوانيس= ماينطفي ضيّه ولو صار ماصار أنا لاجا جيت بعزومٍ مشاويس= وطريا المفارق ماتساور للافكار ببذل مشاعر مع وفاء وارخي الكيس= وافديه في عمري لاجل فيه تذكار ذكرى هلي ذكرى شيوخ السناعيس= اللي طواريهم على البال مدرار

____________
نوارة شمر

الاجودي يصبر ودمحاته كثار !!!

	اسمح لي انسى كل شي(ن) معك صار=ساعدني امسح زايف الذكرياتي اخطيت في حقي وغلطاتك كبار=ارجوك تبعد يا شقى عن حياتي عيبي صدوق وعيبك انسان قمار=اللي بقلبي تسمعه من شفاتي تحب راسي ثم تبدا با الاعذار=تظن ضعفي يا خطا في سكاتي من رحمتي جاملتك مرار ومرار=وغديت لك مثل القراح الفراتي وانا احترق وبداخلي لاهب النار=وانته ولا فكرت يوم بهناتي ان كان لك قلبن مصنع من حجار = انا فوادي ما صنع من حصاتي شاعر حنون احفظ مواثيق واسرار=ارعى الحقوق وشيمتي هي غناتي في سبة العشره تحملت الامرار=ما اظن به حي(ن) يسوي سواتي لي سيرتن يشهد على صدقه اخيار=ما دمت واثق حقي ابدي صفاتي اهوى الطرب وتهزني قرعة الطار=واعرف ربي وابتهل في صلاتي افخر بربعي واعشق العز والكار=وارضى بكل اللي من الرب ياتي اشرب قهوة الهيل ما اطيق مسمار=واضمد جراح الحفاة العراتي ما تعرفيني زين يا بنت الاخيار=ليش اني امسح دمعتي في عباتي والله لو انك زبده وبنت جمار=عقب الذي عانيت مالي مباتي الاجودي يصبر ودمحاته كثار =الا الخشم ما عقب لمسه سكاتي

الحظ لامنه وقف ما يدفي!!!

	اقول انا وشنوح عيني ترفي=عساه خير ولا يجي شي ثاني يوم ادلهم الليل والصوت خفي=جتني رساله من عنودٍّ تعاني تقول حظي طول عمره مقفي=حاولت تعديله ولكن عصاني رديت : مثلك ماحصل يوم شفي=دايم همومي واصله لين اذاني عشرين عام معذب ولا يكفي=حتى الفرح ساعة ذكرته نساني اكذب على نفسي واجامل واخفي=ماهو ريا مجبور اجاري زمان محدٍّ بوسط النار يقدر يطفي=ولا ترتضي نفس العزيز الهواني يا عزوتي خليك دايم بصفي=هذا قدرنا كلنا بامتحاني حطي يمينك يا الجريحه بكفي=ولا يهمك هرج قاصي وداني دنياك هذي ما بها مستخفي=ما ونست غير الرخم والحصاني الحظ لا منه وقف ما يدفي=ما يلتفت لا قال هذا مكاني

الــــــــــــــواثــــــــــقه!!!

	كم هنوفٍ قدرها فوق بعيون الجميع=ما طِلِب منها تخضّع ولا رمي العباه واثقه خطواتها حيل ما همه وضيع=ما يصيده رامي السهم لامنّه رماه ما تحرّت مدح مادح محارشها يضيع=كل من حاول كسر بابها عوّد وراه ماتلفّق بالقفا هرج منزلها رفيع=لو حقيرٍ سبها ما تكلم في قفاه موقفه دايم مع الناس برهان و شفيع=ما حلا بنت العرب لا تحلّت بالأنآه إن تعرض له مغفّل لقى صدرٍ وسيع=وإن هضم حقه رخمةٍ تنكّد في عشاه كنها زهر الخزامى بحزات الربيع=وكنها بالوصف لجحفت غزلان الفلاه كم من شيوخ العرب مات من دونه صريع=وكم من بني العرب ماتطوله في حلاه غيرها لا قيل بعنا يقول السوق بيع=غاليه ما تقبل الا من بروحه شراه حاولوا يمنى ويسرا لقوا سدٍ منيع=دايم السد المحصّن يحفظ اسرار ماه

يا الله يا المعبود يا وال الاقدار !!!

	يا الله يا المعبود يا وآل الاقدار = يامن تصاريف الدهر في يدينه انت الذي تكتب لنا طول الاعمار =وانت الذي تختار من حان حينه يا ناصر المظلوم علام الاسرار=يا الواحد اللي ما بحكمك غبينه انك تبدل تارك الدار في دار= جنات عدن ومن لجى لك تعينه يا من لزلات المخاليق غفار=تبري جروح اللي رحل نور عينه يا عزوتي لا يترك الجرح تذكار =بي مثل ما بك والمواجع دفينه في مهجتي مثلك غرابيل واكدار=لكن مع الوالي حبالي متينه مرت ثلاث عقود في غبن واعسار=لكن فرجها واحدن مرتجينه وبمفارق (امي) با الطعش ذقت الامرار=و(ابوي) قبله باشهرٍّ دافنينه (وام العيال) اقفت بلا سابق انذار =في عز عمري دوك روحي رهينه عقبه هجرت الناس مليت الاسفار=اشوفها في كل ورده حزينه من فارق الخلان من نار في نار =نار الفراق ونار تكميل دينه

امساك با المعروف تسريح باحسان !!!

	امساك با المعروف تسريح باحسـان =هـذي سلـوم الواثقيـن الرجاجيل محدن سال من فيكم اليـوم غلطـان =سوء التفاهم مـا يهـز المشاكيل لا ترخص بخلن فديتـه بـا الاعيـان =ولا توصل ضعاف النفوس التفاصيـل فكر بمنهي حركـت فيـك الاشجـان =من عقب ما كانت ملاك اصبحت ويل! قدر سنينن عشتهـا حيـل طربـان =من قبل ما يحلى لك القـال والقيـل ارحم دموعن جرحت حمر الاوجـان =ما قمت تمسح دمعها بـا المناديـل! خف ربك اللي صورك خلك انسـان = تر المره تهوى الذي طبعه احليـل تصور اختـك ودك بيوم تنهـان =مافي يده حيله ولا عندها حيـل مافيه عيب تقـول مخطـي وندمـان =تواضعك رفعه تعدى عن الميل فكر بمن قلبه للاماك ولهان =لا غبت لحظه سطرت بك مواويـل تر الذي يسمع من النـاس خسـران =خلك عطوف وخلك اعذب من السيـل وخلك مع اللي تسعدك طول الازمـان =اكيد مـا تلقـى مثـل نافـل الجيـل

امطري قبل ماتصبح عضامي رماد (قديمة) !!!

	ما بقى با الرياض انوار عقب العنود=اظلم الكون بغيابه كساه السواد سافرت شرق تبكيها جميع الحدود=ما خذت في سفرها غير نبض الفواد درة الكون ابنطرها عساها تعود=دامي انسان قبل اصبح بفقده جماد هي هوى الروح هي رمز الغلى والوجود=ام عينن تقل شيهان وقت الهداد صرت الخبط عقب ما سافرت يا سعود=ما تمقلت قلبي ما هناه الرقاد قالت اليا وصلت اكلمك قلت كود=ابي احسب الدقايق يا ظبي الحماد غابت وخلت الايام ثكلى وسود=ودي اقول نسيت بس اخبر الوداد اعرف انه تحبن ما تعرف الصدود=واعرف اني على شانه هجرت الوساد يشهد الله وكل الناس عندي شهود=انها نبض روحي لا بغيت الوكاد مزنة الوسم برقك صار عندي رعود =امطري قبل ما تصبح عضامي رماد

اثر البنيّه يا عرب ناويتني !!! !!!

	حسبي على من با الوفا واعدتني=وانا خذيت وعودها كلمة رجال بدت تراسلني الين املكتني=طلبت يدها قالت ابشر على الحال قلبي يبيك وسيرتك معجبتني=شاعر وتضرب في مكارمك الامثال خذ رقم اخوي وكلمه حفزتني=اطعتها واسرجت عذبات الآمال كلمت اخوها مثل ما علمتني=ولا قلت من وصل لي الرقم برسال طلب ازوره جيت له قبل حتني=لقيت قدامي سنافي ومشكال كرم هله وسلومهم خجلتني=عز الله ان اخوانها نقوة عيال ودعتهم وافضالهم فوق متني= وشلون ارد ديون ذربين الافعال مرت اسابيع انتظر وأملتني=تقول ليلة عرسنا مابه جدال صرت اتحرى ردهم وازعجتني=افكار قامت داخل الراس تجتال كلمت اخوها قال هي مابغتني=وازيد شعرك بيت منته على البال اثر البنيه يا عرب ناويتني=قصده تشمت بي حواسد وعذال عزالله انه عندهم فشلتني=وشلون بنت رجال تنصب وتحتال لو بي نذاله قلت هي كلمتني=خليت يسكن مخها مس وهبال مع انها يا ناس حيل جرحتني=سلمي حشى مايشبه سلوم الانذال واعدتها با الستر ما صدقتني=رغم الغدر جفني لها ستر وظلال

مرثيتي با الصديق اللواء (احمد المهوس) يرحمه الله !!!

	يا الله يا المعبود يا عالم الحال=يا الواحد الغفار رب البريًه ياملتجى المضيوم يا مرسي جبال=يامن نصر با الحق راية نبيه انك تنزٍل قاصدك خير منزال=وتغفر (لاحمد) كل زلًه وسيًه وانك تظلَه ساعة الحشر بظلال=يللي تروف بحال كل الرعيه يا (بن مهوس) هيضن دمع مشكال=شهمٍ شكى بابيات غيبة خويه ارسل لقبرك يا ابن الاجواد مرسال=يقول : لا وزًنت با القبر حيًه يبكي بدمعٍ فوق الأوجان همآل=ويكن عبراتٍ بصدره خفيًه هذا (ابن محرج) مسندي طيٍب الفال=رمز الوفا والمرجله والحميَه (عثمان) هيًضني وانا كنت ابا أحتآل=على الجوارح لجل ما طيح زيًه كنت اتصبًر واجرع الهم واجتآل=على فراق اللي رحل عن سميَه (احمد) حبيب القلب دايم على البآل=سآكن بروحي ما تركها شويَه ياما تقاسمنا طموحآت وآمآل=وياما تسامرنا بحدر ( الثنيًه ) اليا ضحك هم ( الجريفان) ينزآل=واليا بكى هم (المهوس) هنيًه مرحوم يللي سيرتك درس لاجيال=يا من جعل خير النوايا مطيًه بكتك (حايل) وفقدت فيك رجال=ليتي معك يوم ادركتك المنيًه