انـــــا فــــــدا ذيــــك الـــــــــرموش الـــــــــمظله

تقدر تقول ان الغلى سبة اعجاب=وتقدر تقول ان المحبه مذله
الحب لغز الكون مجهول الاسباب=لغزٍ جميع الناس عجزت تحلًه
يللي سلبتيني بتذبيل الاهداب=انا فدى ذيك الرموش المظله
ما كنت اظن اللي للالباب نهاب=يسلب حشاك وفوق ذا سامحٍ له
يبرق ويرعد والمطر خارج الباب=وانا رجيته غيمةٍ مستهله
غروٍ غرير يبهذل القلب سلاب=بنى له بوسط المعاليق فله
نصفه من الديره ونصفه من اجناب=يخطي وانا مستانس ومرخصٍ له
لا جا يهرج بلهجتي صار مرتاب=ولا جيت اعدل لهجته قلت خلًه
واليا ابتسم بان الحلى بابيض الناب=وليا همس خلٍ تلاقى بخله
ما يعرف الغيره ولا يبدي عتاب=واثق كاني واحدٍ من هلٍ له
غلاه زار القلب واهداه ترحاب =اموت لا شفته لقلبي يتله
حلو اللعس يا ليتنا نصبح اقراب=ما دام قلبي سلمك كل كله
انا طلبتك والرجا فيك ما خاب=تترك خواطر حبنا مسفهله
انا اشهد ان الشوق للروح غلاب=وان الحبيبه هي دواء كل عله
دنيا بليا شوق ومعانق احباب= لو تنقلب فردوس لازم نمله

دنيا بليا شـوق ومعانـق احبـاب
لـو تنقلـب فـردوس لازم نملـه

راق لي ماقرات من ابيات صح لسانك شاعرنا القدير والمميز احمد

ربي يسعدكـ ويعطيكـ العافيه يااااااارب

شاعرنا الكبير مقاماً القدير احمد الجريفاني
أبو الفراس
يعجز قلمي ويتلعثم لساني أمام شعرك ولا استطيع التعليق استاذي
ادام الله عليك الصحة والبسك ثياب العافية
صح السانك مدد بلا عدد
خالص التحايا لسمو شخصك النبيل

الحب لغز الكون مجهول الاسباب
لغزٍ جميع الناس عجـزت تحلًـه

وانت كلك ذوق وفن شعري ياسلام عليك
استاذي الفاضل احمد الجريفاني
صح السانك بحجم الســــــــــــــــماء
ودي لك يسبق ردي

هربنا من (قصيدة مميزة) طحنا ب(خمس نجوم)
وش الدبرة يا الربع !!!

غزليه اجدها دره من الدرر ونادره استاذي احمد الجريفاني
تشكر عليها الف صح السانك

اقتباس المشاركة الأصلية كتبت بواسطة احمد الجريفاني هربنا من (قصيدة مميزة) طحنا ب(خمس نجوم) وش الدبرة يا الربع !!!

خخخخ وربي صدفه وبعدين انا ماعرف اجامل وقصيدتك تستحق ذالك
لاني اقيم اي شي يجوز لي وربي لا اقل لااكثر خخخ ماطرا ع بالي موضوعك عن التثبيت

واي شي يجوز لي راح اقيمه >>> راسي يابس هههههههههههه

ربي يسعدكـ :)

بس يا هيوووده خمس نجوم قديمة
ابي سبع او اكثر مادام قصيدتي عاجبتك
بس وش يفكنا من البليهد هههه

ياسلام عليك وعلى ذوقك شاعرنا احمد الجريفاني
يسلم فمك وصح السانك الف
تحياتي لجنابك

تسلم عمي احمد الجريفاني
ابدعت يابعد قلبي صح السانك حتى ترضى
تقديري لسموك