03-07-2009 | #1 |
|
حنّا الطنايا لا طنينا .. طنينـا
حنّا الطنايا لا طنينا .. طنينـا=تشهد لنا حايل وأجا والرعيله وتشهد بعد كل القبايل علينـا=إنّ الطنايا اسم ذيـك القبيلـه اسم الطنايا تاج فوق الجبينـا=تاج ينومس كل راس .. يشيله تاريخنا وافي لصرحـه بنينـا=بافعال ربعي كاسبيـن النفيلـه للشمس مرقاب الطنايا رقينـا=في قمته _ في قمته نرتقي له مثل النجوم الساطعات اعتلينـا=ومثل السحاب وكل عينٍ تخيله يابنت حنّا لازعلنـا .. نوينـا=ماهي سوالف (ألف ليله وليله) (شمر) ليا عدو علومه تبينـا=أفعالنا بالطيـب كـلٍ دريلـه كبار الصحون ونفتخر لاحكينا=وساع الطعون وفعلنا مايبي له لاجا نهار؟! بالملاقـى رسينـا=مثل الجبال الراسيات الثقيلـه يابنت حنّـا لامشينـا كفينـا=والله وكيلك مامشينـا بحيلـه نـزوم لكـن لانوينـا قوينـا=للعز نجـم يستخيـل ونخيلـه عاداتنا_عاداتنـا لارتكيـنـا=كل الحمول الكايـده نرتكيلـه نشوش لامنّه تعزوى .. حدينا=لاثار عج الخيل كـلٍ وخيلـه حنّا مقابيس الوغى لاانتهينـا=نار تقابس عند قبس الفتيلـة اليا ركبنا ظهورهن واعتلينـا=عيب على اللي مايناطح قبيلة مثل المزون الناشيات ان مشينا=والاكما سيـل تحـدر مسيلـة حنـا الطنايـا لازعلناوزمينـا=نزوم زومات البحور الطويلـة واللة نقط اروحنـا ماانثنينـا=يوم الشدايد والسيوف الصقيلة نشرب قراح صافي لاضمينـا=حتى يبل اكبودنـا سلسبيلـة نموت في عز وشرف ماشكينا=لاماشكينا ولابتي ينشكـي لـة عاداتنا يابنـت لامـن غزينـا=بسيوفنا نشف القلوب الغليلـة بالدم خضبنا السيوف وكسينـا=لجل العيون الناعسات الكحيلة كم فارس من فوق خيلة رمينا=من هامنا تبكي علية الحليلـة حريبنا يبلش ولا لـه معينـا=إليا وقع بين الصناديـد ويلـه إليا رفع خشمه لخشمه وطينـا=ناطا على خشمه وراسه نزيله قاسين لاشـان اللقـا مانلينـا=والموت لا منّه دعانـا نجيلـه بيض النوايا لابتي لـه وفينـا=حنّا الطنايا يالقلـوب الهبيلـه وخوينا لاصار دالـه رضينـا=حنّا هل الخوه ويكفـي دليلـه والجار كنّه من حـدا والدينـا=لو كان يخطي نحتمل جور ميله ودخيلنا لامـن زبنـا حمينـا=وإليا عوى ذيب الفيافي نعويله والضيف نذبحله وتشهد يدينـا=يكفي كرم حاتم بذبح الأصيلـه ويشهد لنا ذيب تعشى السمينا=عشوه ربعي بالسنين البخيلـه حنا هل الناموس رحنا وجينـا=وأهل الوفا والكيف دله وهيله وأهل الكرم حنا وياما عطينـا=ياماعطينا من العطايا الجزيله مثل الجبال بطيبنـا شامخينـا=افعالنا .. يابنـت ماينقويلـه يابنت حنـا لا طنينـا طنينـا=ماهي سوالف ألف ليله وليلـه نقلتها كما هي لا اعلم من شاعرها .... اذا احد يعرف شاعرها ينورنا جزاه الله خير تحياتي للنشامى والنشميات الكيبورد |
|
04-07-2009 | #4 |
|
اخي الكـريم الكيبورد
لاهنت على هالرائعة سلمت يمينك وصح لسـان الشــاعر والقصيدة بــأعتقادي انها للشـاعر خلف الجهيلي سبق وقرئتها في مضايف شمر ودمت بخير.. |
اموالنا لذوي الميراث نجمعها .... ودورنا لخراب الدهر نبنيها
|
مواقع النشر (المفضلة) |
الكلمات الدلالية (Tags) |
الطنايا, حنّا, طنينا, طنينـا |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام