((القـــدس تصـــرخ)) لولد العم الشاعر/ نهير النمش

(( القـــدس تصـــرخ ))

:
:

يالله يامـــدير الهـــبايب والامزان=ياعالـــم الـــنيـــات يارازق الطير
انك تعـــز الدين وتهيـــن الاوثان=ياعالمن مايخفــي الصـــدر ويثير
يارب عفوك من تصاريف الازمان=يارب دبـــرها علـــى خيـــر تدبير
الناس فــي غـــزه تذبـــح وتنهان=وحنـــا نـــدد بالـــقنـــوات ونشير
ياأمــة الاســـلام ياخـــير الأديـان=وين المواقـف في وجيه الخنازير
ياأمـة الاسلام تكـــفـــون الايمان=ايمـــانكـــم بالله يهـــز الطـــوابير
ايمـــانكم بالله بـهـا يرفـــع الشان=بـــس استعينوا وابشروا بالتباشير
فيه استعينوا ينخذل كــل شيطان=ويـــذل منكــم كل حاقــد وشرير
القدس تصرخ تنتظر وين الاحسان=ويـــن الحمـيه يالرجــال المغاوير
ويـــن الرجــال اللي ليا ثـار دخان=لبـو النـــدا لاهــل الندا يالمساطير
لبو نداهــم ياهــل الخير من شان=نقهـــر عـــدوا الله مــذله وتحقير
في عــزة الاسلام تعتــز الاوطان=ومن لايعز الدين عمــره مخاسير
وصــلاة ربــي عـــد ماكاينن كان=على رسولن وضــح الشر والخير

:
:


للشاعر
نهير بن نمش الحسيني الشمري

تسلم اياديك على نقلها لنا / يابو سراي

صح السان الشاعر القدير / نهير ابن نمش
اااااااااااااااااااالف

للجميع كل الود والتقدير

سلطان بن سراي

لاهنت على نقل الشامخه

وصح لسان الشاعر ملايين


تقديري

اخوي سلطان بن سراي

لاهنت على نقل الرائع وصح السان الشاعر ... نهير

صح السانك ولسان الشاعر نهير النمش

والف شكر على نقل القصيده

وين الرجال اللي ليا ثـار دخـان
لبو الندا لاهل النـدا يالمساطيـر

اللـه يـرحم زمــانهـم

لاحول ولاقوة الا بالله

صح لسـاان الشاااعر وسلم بنان الناقل
ودمت بخير اخي الكريم سلطان

صح الله لسان الشاعر

وسلمت اناملك اخوي سلطان بن سراي


الله ينصر المسلمين في كل مكان





لاهنت

صح الله السان شاعرها الفذ

وسلم بنان نقلها والله


اخوك العندليب

اللهم صلي وسلم على نبينا محمد


تسلم يالغالي على هالنقل الطيب
وصح الله لسان الشاعر بن نمش


كل الشكر والتقدير

سلطان بن سراي

الله لا يهينك يالغالي على النقل

وصح لسان الأخ الشاعر \ نهير النمش

الحقيقه انه شاعر يكتب قصايد تصنف من العيار الثقيل والجزل

الناس في غزه تذبــّح وتنهان = وحنا ندد بالقنوات ونشير

وهذا البيت دليل على الجزاله

ننتظر جديده

يابعد حيي