ابن زويبن نذكّره مانشهربه

الشاعر عبدالله بن زويبن الحربي
من الشعار الذين يشار لهم بالبنان له من شعر الجزل مايتردد على الالسن
قابلته في احد المجالس مرة واحده بدون سابق معرفه وجدته رجل متزن المنطق
الا ان قصيدته الاخيره في مدح ابن عمه يجعل ممن يعرفه يعيد حساباته تجاهه فيما ذهب اليه
حول تعمدة النيل من تاريخ شمر ليس على حساب الممدوح فحسب وإنما بمالا يمت لذلك بصلة
مما قال

وقفته يوم الضياغم نوو حربه= مثل ميقاف العوارض بمشذوبه
كل ماجت سربت(ن) خلفها سربه = عودة من قوة الضرب مرعوبه
من قسى وضرب ربعه ومن ضربه = راحت الغلبا هاك اليوم مغلوبه
شيخهم جا للطمع لاكن اعذربه= ماغزا واد الرمه من هكا النوبه

حول هذاكتبت الأبيات التاليه

راكب اللي يعرفه من سلك دربه=ركبتة عند اضعف الناس مرغوبه
من مهب الريح ماكوله وشربه = ولوحته بحروف (مهذاب) مكتوبه
انص رجلٍ(ن) حالته حيل مضطربه =عقب ماهو عاقلٍ(ن) غيّر اسلوبه
ابن زويبن نذكّره مانشهربه=اشترك بأكل السديري ومشروبه
خابرينه تشرب الناس من غربه =سيرته بالشعر جزلة وموهوبه
وصار يصور كذبته ويتفاخر به= لابسٍ ثوبٍ كبيرٍ ماهو ثوبه
بارك الله له بسوق(ن) يتاجربه=وكل لحية له وقاره وماجوبه
والحصان اللي بحفرة تقنطربه= مادرى انه يركب السرج مقلوبه
والضياغم وقتهم انتم اخبربه= الهدايا جت لهم خيل مجلوبه
دولة(ن) كل(ن) يبي ظله وقربه= تأتيه ناسٍ(ن) مطيعه ومغصوبه
والفعايل ماتجي نبت من تربه=ولانقول انه عن الناس محجوبه
وانت بشت(ن) ماهولك لاتصوربه=ولانت0 ورّيث العوارض بمشذوبه
والعوارض سربةٍ شافته سربه=والامير ارسل ورى الركب مندوبه
وارسل المندوب الآخر على دربه=قال عودوا لياظلم الليل بغروبه
وحنا علوى طيبهم مانتحاقربه = مار لاهي غالبه ولاهي مغلوبه
وحرب نثني عليها بسلمه وحربه = مار تطنينا تصاريح مكذوبه
والسديري يوم حربٍ(ن) رسم دربه =كل حرب اللي بهم خير قالوبه

سطم فهد الخليل

سطم فهد الخليل

بعد راسي والله

على هالقصيده

كل التحية لك
والتقدير

الشاعر سطم فهد الخليل
صح السانك حتى ترضا يالنشمي
لك كل التقدير والاحترام

كفو استاذي الشاعر سطم بن فهد الخليل
ردت ايبيض الوجه يالنشمي صح السانك الف
تحياتي لك

الشاعر العزيز ابوفهد
صح لسانك
وسلم بنان
والحقيق تستغرب من الرجال الذي يشار لهم بالبنان
ان تسمع منهم مثل هذه الابيات
وهم بغنا عنها
ولكن غلطة الشاعربعشره مثل مايقولون
لاهنت يابو فهد
وبيض الله وجهك

شاعرنا القدير سطم الفهد الخليل
خالي ابو فهد
بيض الله وجهك على هالرد الشافي والكافي بمن تسول له نفسه ويهذر بمالايليق
ولا نعم قبيلة حرب ففيهم الأجواد منهم لايظلمون انفسهم أو يكذبون ويعدن الصحيح
ولاكن ربما مثل ماتفضل اخونا المستشار الاداري الشاعر عوبد المغيليث
غلطت الشاعر بعشره وهذا الصحيح
صح السانك مدد بلا عدد
خالص التحايا لسمو شخصك النبيل

بيض الله وجهك يابعد حيي كفووو والله يالنشمي
صح السانك ملايييييييييييييين ولايكفون

انص رجلٍ(ن) حالته حيل مضطربه==عقب ماهو عاقلٍ(ن) غيّر اسلوبـه

سلمت ودمت ولاهنت يابو فهد

رد وافي وشافي وعاقل صح لسانك وطاب فالك عز الله كفيت يالجزل

حقاً يستغرب من ابن زويبن على حسب مانعرفه عنه وانت قلت اللي

بالخاطر وكفو انت خير من يمثلون العرب بمثل هالمواقف ياكحيلان

تقبل كل الود والشكر

ابو فهد

صح لسانك وعلا شانك

رديت ووفيت وكفيت بيض الله وجهك

اطال الله بعمرك على طاعته

انص رجلٍ(ن) حالته حيل مضطربه
عقب ماهو عاقلٍ(ن) غيّر اسلوبـه
ابن زويبـن نذكّـره مانشهربـه
اشترك بأكل السديري ومشروبـه

صح لسانك يا ابا فهد

وطاب فالك

كثيراً مانسمع التفاخر على حساب الغير من عينات في المجتمعات خاصة في أوقات الرخا..
ولكن في أوقات الشدة تجد ألأغلب يعدون الحقائق حتى على أنفسهم.
فهل وصل هذا المرض الى هذا الرجل الذي كنت تثني عليه في البداية وانه من عقال القوم...؟..هل بعده نلوم الجهله؟!!
وعلى فكرة:: دائماً اللي في القمة مستهدف.
((( يرشق البلح بالحجارة لإشباع الجوع)))
تحياتي