طاروق بيني وبين الشاعر الكبير ذيب الشمري

طاروق بيني وبين الشاعر الكبير ذيب الشمري

28/11/2008

ابو جمال

سلام وان كان ابو مازن يبا صالح فلسطين=يحط حوله ثلاثة من من مخاتيـر القبيلـه
يا ليل ياللي جمعت ثنين ليتك تبعد ثنيـن=تجمعوا من ثلاثة شهور والطرقة طويلـه

ذيب

أعراف بعض القبايل تفصل الدوله عن الديـن=أعراف أزالت كثيـر مـن التقاليـد الأصيلـه
أنتم مسوين بعض اشيا ولا ادري وش مسوين=بحضور شيـخ الصليبيـه ومختـار العقيلـه

ابو جمال

سريت معكم على هوني وكنتوا مستعجلين=أنتم وصلتوا وأنا لازلت في ظهر التريلـه
تدفع زكاتك على ناسٍ و لا هم مستحقين=واليا تكلمت قلنا يأجودي مافيـك حيلـه

ذيب

أنته تمشى على كيفك وحنا بيـن ناريـن=والنعم يا شمـري قـد المهمـات الثقيلـه
زكاتنا بالشريعـة للفقـارى والمساكيـن=وأنتم تضايقكم الفتوى من اصحاب الفضيله

ابو جمال

الذيب واحد ولكن بالبلد عشـرة سراحيـن=والنعم بالذيب لكن صار بصفوف العضيله
مهبول ياللي تدور لك غبوق من ام ضيرين=ليتك تزكي حلالـك بالشقيـق وبالرعيلـه

ذيب

حنا من الناس ما يعني لنا بعض القوانين=يعني لنا من يجيب المي من جوف الثميله
تعبير عن جوعنا قمنا وقرقعنا المواعيـن=قدام لا نطلب الصمون بخشـوم الفتيلـه

ابو جمال

البدو ما تسكن الشاليه والاّ تسكن الطيـن=إن ما تعذرت عن ما قلت دوّر لك وسيلـه
لو أنت جيعان ما شاركت تجـار الملاييـن=وأنا على جرّتك من عصر وأسرجت الكحيله

ذيب

يالربع عيب الكلام اللي يـروّج بالدياويـن=والمزح يحصل وانا ويّاك من نفس الفصيله
عساك في رايك المبروك قنّعـت المجانيـن=لا ينشرون الخبر للناس وتصبّـح فشيلـه

ابو جمال

هالحين هرجك يناسبني وأبا اعلمك هالحين=إن الدليله اليا ضيّـع يـدوّر لـه دليلـه
حنا ندرفعـك يادلفيـن بوجيـه الدلافيـن=لاشك دع للسمك ليله ولـالدلفيـن ليلـه

ذيب

اعلمك مستشاريني مثل روس البعاريـن=شوفوا لنا عاقلٍ يفرق عميلٍ عن عميلـه
صاحبك دايم يحط إيديه بجحور الثعابيـن=ويسبب إزعاج والغيت الحواجز في سبيله

ابو جمال




ا

كان أنت تسمع يابو فاضل كلام المستشارين =إنشد عقاب العتيبي والآّ انا بنشـد زميلـه
واقوله ياعقاب اللي حصل في عام تسعيـن=خلاّ العمودي يهلل وانت صدّقـت إتهليلـه

ذيب

أهم حاجه تكفون الخناجر والسكاكيـن= حط الذي تقدر إتحطه وشيل اللي تشيله

وهنا انتهى الطاروق واتمنى ان ينال على اعجابكم

اخوي ابو جمال المنيس صح لسانك ولسان الشاعر


المميز ذيب الشمري طاروق مميز وشعراء تشرفون


لاهنت على التميز وعساكم على القوه



تقديري

عساكم على القوه اخوي
طاروق حلو صح السنكم
الا ليه ماتخلونها محاوره مباشره من هنيا نبي نشجعكم ونستانس

يسلمو الايادي يابو جمال

عوداً حميد شاعرنا الكبير والقدير / ابو جمال المنيس

والحمد لله على السلامة يالعزوه
شاعر يابو جمال ومن فحول الشعار انت والشاعر الكبير / ذيب
الله لايهينك على اتحافنا بهالطاروق الرائع

صح السانك والسان الشاعر .... ذيب



لكم كل الود

شاعرنا المميز/ ابو جمال

حياك الله وعودا حميدا

وصح السانك والسان الشاعر ذيب

صحت ألسنتكم جميعآآآآ

ابدعتووو


عودآ حميدآ اخي ابو جمال المنيس