ديوان الشاعر / رفيع الذوووق

السلام عليكم ورحمة الله وبركاته ..

مصافحه اولى لهذا المنتدى الرائع بكل معاني الروعه والذي اتشرف بالانظمام اليه ..

قصيده متواضعه لاجديده ولا قديمه اضعها امامكم اتمنى انها تعجبكم وتصل لذائقتكم العاليه

وتجد لها مكان بين جواهر شعارنا وشاعراتنا المبدعين بكل ماتحمله الكلمه من معنى ..

ســـيف الغـــرور!!!

	جيتك بحي المشاعر يوم كان الحـس غايـب=ارمي بحضنك عقالي واعتذر لك عن خطايـه رحت تايه وجيت عاقل معترف بالذنب تايـب=تهت والخافق غموضه يثبت اني كنت تايـه كم مشيت بقو راس معانداً لقـوى الهبايـب=ماعرفت انه عنادي هو سبب همي وشقايـه متجه للشرق غااادي صامد(ن)لقوى المصايب=وفجأه الا الشرق وينه وجهته صارت ورايـه درت ساحات العواطف ممتطي خيل الحبايـب=رافعا سيف الغرور وتـارك عنـان الهدايـه ماحسبت الريح طايش يدفع ثقـال السحايـب=لين زخـات المطـر اعلنـت درب النهايـه صايرا كني سمرمر طار في عالـي الجذايـب=رام هامات السحاب وعـود لعـش البدايـه جيت لك شوق ومحبه جيت لك والقلب ذايب=جيت لك حامل همومي تعكس اخطاي المرايه جيت لك ضامي حنانك وانتي لي مثل الوهايب=مابعيني غيرك انتي تـوأم الـروح وهوايـه والله اني كنت مخطي والله اني جيـت تايـب=للوفا بيسراي رايه وفي يميني الـف رايـه

هذه القصيده وجهتها للاخ العزيز محمد الشميلي ابو طارق ونزلتها بمنتدى الطنايا لكن ماكان متواجد

وهي تعبير عن مدى معزتي لابو طارق لا اكثر ولا اقل ويعلم الله ان قدره عندي اكبر من الشعر بكثير ولاتهونون يالربع ..

لا اجيد المقدمات واترككم مع القصيده اتمنى تعجبكم وتصل لذائقتكم ..

لابو طارق لالفيت والبال راضي!!!

	راكب اللي لامشى والخـط فاضـي=ما تمارا شوفتـه يومـض وميـض كنـه الشيهـان لاراد انقضـاضـي=اوكما رف القطا فـي يـوم هيـض جيب لاند كروز وجنوطه عراضـي=ما يجـود طارتـه غيـر الحظيـظ منوة اللي ضاري لقطـع الفياضـي=مايجـوز لواحـداً قلبـه مـريـض شاف من وقت الغرابيـل امتعاضـي=وامتلا في داخلـه بالقلـب غيـض صكته بقعا ووسط المـوت خاضـي=ولا انشحن من برد او من لفح قيض ماشقى بلميـس ولا هـو برياضـي=ولايشوق خاطره شوف الغضيـض فلـل التنكيـن والشنطـه مقاضـي=والمسيـر قطـوع والله لـه حفيـظ لابو طارق لالفيت والبـال راضـي=وصلـه ماخـط بالبنـط العريـض السنافي له هشاش الجـاش هاضـي=حالـفـاً للـنـذل والله مايهـيـض امدح اللي لانتخـى للطيـب فاضـي=والـردي بالطيـب والله مايفيـض الردي لو كانـت متونـه عراضـي=لاارتكى للحمل تسمـع لـه جظيـظ قاله اللي شاف بالوقـت انغماضـي=والليالي طـوال والمعنـى غميـض مشكلـه ماحلهـا تسعيـن قاضـي=ولاهقيت يحلهـا مـن لـه نقيـض مجتمع فيها المسيحـي والأباضـي=وصار كل الامـر بيديـن البغيـض وضاع في وسط الأكيد الافتراضـي=واستشاطـت دنيتـي يالله تعيـض عن زماني لاحشى مانـي براضـي=وقت فيـه الحـر يقبـع بالحظيـظ بالصحاري الذيب يخشى الانقراضي=والثعالـب صيدهـا عنهـا يفيـض والندم مايرجع اللي صـار ماضـي=والبحر مـن زود حجمـه مايغيـض

اخوك / احمد الرويلي ( رفيع الذوووق )

قصيده من القلب لها مناسبه غاليه كثييييييير علي اتمنى تعجبكم وتصل لذائقتكم ..


بــــــــــــــروق الــولـــــــــــــه

بـــــــروق الولـــــه !!!

	مرت سنة واجمل سنة بكل السنين اللي ادبرت=ترسم جمال العاطفة لباقي السنين المقبلة اجمل سنة فيها مزون الحب هلت وامطرت=ترجف بها رعود الحنين وتلمع بها بروق الوله وكل المشاعر في سهول الود منها استبشرت=واحيت على وجه الغرام ارض الشعور الممحلة شمس السعادة والهناء في طلتك لي اشرقت=يا ..احلى معنى للغرام لاوالله الا اجمله حبيبتي حبيبتي هذي السنة فيك ازهرت=شتااااان مابين السنة 00 وبين السنين الاولة كانت ايامي مظلمة وجيتي بحياتي وأنورت=وانعشتي بعروقي الحياة وصار لصداها جلجلة فيك الغلا .. فيك الوفاء.. فيك المشاعر ابحرت=منك ابتدى حبي انا ..انتي اخره .. وانتي اوله

السلام عليكم ورحمة الله وبركاته ..

من الارشيف واتمنى تصل لذائقتكم ..

سراب المهمهيه !!!

	تسأليني كيف حالي مابقـى بالحـال حيـل=مابقالي غيـر حزنـي بالليالـي السرمديـه جيتك بصدق المشاعر وجيّتك عابر سبيـل=أشربك حزن(ن) ضماني في سراب المهمهيه كنت احسب الحب جنه كنت احسبه سلسبيل=احسب انه عنفـوان وكبريـاء وشاعريـه أحسب انه في شموخه مثل هامـات النخيـل=أحسبه يفوووح طيبه مثل فوووح الشاذليـه أحسبه صدق ومشاعر أحسبه شي(ن) جميل=أحسب اني لو وصفتـه ماتكفـي الابجديـه لين شفت الحب طايح بآخـر ايامـه ذليـل=فاقد (ن) صدق المشاعر والأحاسيس النديه قلت له وش فيك طايح وانت شامخ ماتميـل=قال من جيل التصنع والغـدر و النرجسيـه قلت ... لا الحب سامي باقي(ن) في كل جيل=ماتهزه ريـح غـدر ولا هبـوب العنجهيـه مستحيل الحب يفنـى اي وربـي مستحيـل=مايموت الحب دامه تنبضـه شريـان حيـه

السلام عليكم ورحمة الله وبركاته ..

قصيده ولو انها قصيره بعض الشيء ولكنها من القلب اتمنى ان تصل لذائقتكم ..


صدمـــــة ثقـــه

صدمة ثقه !!!

	النفس طابت مالها رغبه بشي=بالذات انتي منك النفس طابت يابايعه حبي ورى نشوة الغي=بعتي مشاعر فيك هامت وذابت طويت ماضي عشرتك كلها طي=ومشاعري عن مثل شرواك تابت كنتي على قلبي مثل شربة المي=كنتي الوفا واصل الوفا منك نابت لكن صدمتيني وانا مالي ايدي=حتى عيوني لعاصي الدمع جابت صدمة ثقه باقي معي جرحها ني=كانت ثقه ليت الثقه فيك غابت انتي ولك عن لاهب القايله في=وانا رموشي من الغرابيل شابت واللي كسر قلبي وذبحني وانا حي=اني هقيت وهقوتي فيك خابت

السلام عليكم ورحمة الله وبركاته

عذراً لانقطاعي عن قسم الشعر لانشغالي بالبر وطلعاته ودورت الفقع ..

لي عوده لجميع المشاركات ان شاء الله ..

اضع بين يديكم هذه القصيده اتمنى تصل لذائقتكم ..

قمـــــــــــــرا!!!

	الليل قمرا ليه ماشوف قمرا=نصف الشهر والله مثل البدايه حتى الليالي البيض بالعين سمرا=واشوف شمس الصبح مثل العبايه قلت اتصبر لكن ازريت صبرا=واقول عايش لوهو العقل تايه شريان قلبي ينبض الدم جمرا=كن الزمن ماخذ علي الوصايه فارقت من له داخل القلب قدرا=اللي لياشفته تعثر خطايه بعده حياتي حيل بالحيل غبرا=يا وجد حالي بعدها ياشقايه هي القمر لاصار كامل وبدرا=هي دنيتي هي ضحكتي هي هنايه واليوم راحت باللحد وسط قبرا=يارب حسن الخاتمه بالنهايه لاتسألوني ليه ماشوف قمرا=دام الليالي البيض مثل البدايه