آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 23-12-2011   #11


الصورة الرمزية زيد زياد المفضّلي
زيد زياد المفضّلي متصل الآن

بيانات اضافيه [ + ]
 رقم العضوية : 1286
 تاريخ التسجيل :  27 - 01 - 2009
 أخر زيارة : 14-12-2021 (01:52)
 المشاركات : 45 [ + ]
 التقييم :  10
 اوسمتي
درع التميز وسام مرثية ريف وسام القصيدة المثالية 
لوني المفضل : Cadetblue
افتراضي :: مــنــيــفــه ::




(بسم الله الرحمن الرحيم )

:: مــنــيــفــه ::

تعريف : حول موضوع ( منيفه ) هي ضلعة شاهقة الطول ، كانت تقطنها البدون (الوعول) نظراً لكثرة المراعي في علوها وشدة الوعورة ، وكان لي ذكريات معها في أيام صغري وكنت قادر على تسلقها وانقطعت عنها وعدت لها بعد وقت طويل وذكرت كل اشكال الذكريات آن ذاك وهاضت قريحتي بهذه القصيده .


:: مــنــيــفــه ::!!!

تبقين يا منيفه على اسمك منيفه=يا معانقه غر المزون البعادي
يالطــايلة يالثابــــته يالكليــفه=غلطان من ظن ان مرقاك عادي
انا خــبرتك كــل وقت مريفه=انــواع نبتــك وافره بالوكـــادي
مرباع حذرات البدون ومصيفه=يرعن نبات المرتفع بالوهادي
تسكن بحد اعلاك من غير خيفه=مزبان هاذي حيلته لا تصادي
جيت ورقيتك يوم حالي خفيفه=باول شبابي كنت بالعمر بادي
واليوم ما اقوى ارقاك حتى النصيفه=وان قلت ابي راس الهرم قيل غادي
ملسا المراقي ضلعتن مستهيفه=يالراسية مرسيك رب العبادي
خلقك خلاقك بالارض النظيفه=باوسط صحي جيتي على جال وادي
واحاط من خلفك جبال رديفه=حمرن على سمر الرعيلة تقادي
بأجا الذي فيه الهبايب لطيفه=شمة نسيمة متعةٍ للفؤادي
ولاهله سلوم بالمراجل مطيفه=شمر هل النخوة لصوت المنادي
احفاد من يكرم بماله بكيفه=حاتم بطيبة نفس بالمال جادي
ما بات يشكي له بالجوع ضيفه=دليل ذلك يوم نحر الجوادي
رغم الزمان اللي شحيحن رغيفه=في صلف الايام القصاف الشدادي
وبأجا الشواهد باقي في مقيفه=القبر والمنزل وسود الهوادي
وفيه النخل طلعه فرآ وسط ليفه=يغني هله بالتمر وقت الجدادي
ايضآ النبات اللي قليل وصيفه=غابات اجا الخضرا به الجو هادي
وعذب القراح من المنابع ذريفة=نبع الصفا ما طلعته الايادي
وبطحاه عندي مثل زرع القطيفه=يصلح فراش وثم يصلح وسادي
عسى السحاب اللي يشوق رفيفه=سيله ليا منه تمثناه زادي
حيث ان لي به ذكريات كثيفه=عاد القديم ولا ادري كيف عادي
اجا ملآذٍ بالسنين القصيفه=من مبتدا شرقه لغربه سنادي
يعرف وقلت المختصر بتعريفه=اشيد به من عرض من فيه اشادي
في ضف حائل يوم كانت عنيفه=يوم المعارك تتطحن والطرادي
بالخيل والا موميات السفيفه=ياما امتطوا سرجآ وركبوا شدادي
ذباحته باسلاح يرهب رجيفه=والصارمات المرهفات الحدادي
كم فارس يضمن ليا ادلى بسيفه=او ناش في سبابته للزنادي
لعيون اجا وعيون عذرى عفيفه=حآئل تذود بقوته للمعادي
وارجع على منيفه علومه طريفه=كنه تسولف بالقيم والمبادي
تبدي لي اسرار الوليف لوليفه=افهم عليها زين لو هي جمادي
احيان لو خاطبك حي تعيفة=ما كل قولن يوصلك للمرادي
رايي كذا ياهل العقول الشريفه=وعلى الله الحي العظيم اعتمادي
فيه الامال اجزال ماهي ضعيفه=بالماقف اللي به بياض وسوادي
هذا وما خط القلم بالصحيفه=صلوا على راع الهدى والرشادي


الشاعر: زيد زياد المفضّلي


 

قديم 20-02-2012   #12


الصورة الرمزية زيد زياد المفضّلي
زيد زياد المفضّلي متصل الآن

بيانات اضافيه [ + ]
 رقم العضوية : 1286
 تاريخ التسجيل :  27 - 01 - 2009
 أخر زيارة : 14-12-2021 (01:52)
 المشاركات : 45 [ + ]
 التقييم :  10
 اوسمتي
درع التميز وسام مرثية ريف وسام القصيدة المثالية 
لوني المفضل : Cadetblue
افتراضي من نجد لين الحديثه



بسم الله الرحمن الرحيم

مشاركة جديدة أتمنى أن تجد القبول ..

من نجد لين الحديثه!!!

ياراكب اللي راكبه مايلثه=فكسار من نوع الجيوب الحديثه
قل للغضي قلبي غثا الوقت غثه=قلبي تعرض للظروف الغثيثه
جرحي عميق وكل ماطاب رثه=البعد الأقشر والبطا عن حديثه
حبه ما دامي حي محدن يجثه=نبت بجوفي مثل نبت الجثيثه
وسر الأمانة عندنا مانبثه=لا الهذر من طبعي ولاني وريثه
ماني ولد عفنٍ كما قيل عثه=أطم بير السر ما اظهر نبيثه
ولا كل غلطة من رفيقٍ ننثه=ولا كل دربٍ به خطانا حثيثه
يا واصله لمواصلي حيل حثه=بالبلسم الشافي يعالج غليثه
تخاف ربه قبل لا اكون جثه=خلٍ طلب منه الإغاثة يغيثه
من لامني فاله من الرمل كثه=همي كبر من نجد لين الحديثه




أخوكم / زيد زياد المفضلي


 

قديم 14-12-2021   #13


الصورة الرمزية زيد زياد المفضّلي
زيد زياد المفضّلي متصل الآن

بيانات اضافيه [ + ]
 رقم العضوية : 1286
 تاريخ التسجيل :  27 - 01 - 2009
 أخر زيارة : 14-12-2021 (01:52)
 المشاركات : 45 [ + ]
 التقييم :  10
 اوسمتي
درع التميز وسام مرثية ريف وسام القصيدة المثالية 
لوني المفضل : Cadetblue
افتراضي الى البناخي مشرف عبدالرحمن نايف الغازي الشمري





 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:30


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام