آخر 10 مشاركات
اسره العردان شيوخ السلمان من شمر (الكاتـب : - آخر مشاركة : - )           »          ظننتك من اهلي (الكاتـب : - آخر مشاركة : - )           »          ابانصح الي ينقصه بعض الامور (الكاتـب : - )           »          قصيدة مشاركتي في حفل مخيم الشيخ خالد محمد البعيجان في مزاد تربة حايل (الكاتـب : - آخر مشاركة : - )           »          ديوان الشاعر / مشعل عسام التريباني (الكاتـب : - )           »          ابيات مداعبه قلتها بالاخ الغالي سميحان فهد السويدي كثرالسفريات وانا اعلق عليه اقوله انت عاشق انت... (الكاتـب : - )           »          ديوان الشاعر / سطم فهد الخليل (الكاتـب : - )           »          من آداب المنطق وحُسن الكلام (الكاتـب : - آخر مشاركة : - )           »          اشهدان ابومشاري حي فاله (الكاتـب : - )           »          الله يبيض وجه من يفعل الطيب (الكاتـب : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 20-09-2022   #661
عــــميد الشــــعراء


الصورة الرمزية مشعل عسام التريباني
مشعل عسام التريباني متصل الآن

بيانات اضافيه [ + ]
 رقم العضوية : 1918
 تاريخ التسجيل :  13 - 01 - 2010
 أخر زيارة : منذ 15 ساعات (05:33)
 المشاركات : 9,900 [ + ]
 التقييم :  728
 اوسمتي
وسام وسام درع التميز وسام وسام 
لوني المفضل : Cadetblue
افتراضي ارفع مقام بن عمك يارفيع المقام



((((ارفع مقام بن عمك))))
ارفع مقام بن عمك يارفيع المقام
ارفع مقام بن عمك يارفيع المقام=واذكر مزاياه يامن جاء لذكره مجال
انزل ولد عمك القمه وراس السنام=واشهر جزال الفعايل منه عند الرجال
علّق فعول بن عمك فوق صدرك وسام=هو ظل راسك الكان احتجت برد الظلال
تراء مهوعيب ذكرالطيب والاّ حرام=العيب حشّت رجوله في رهيف السلال
والا تر المدح محدن ملحقك به ملام=منلا فرح لابن عمه تر وجوده وبال
واللي اليا اطري ولد عمه تلفّت وقام=ودّك ايقوّم من المجلاس وسط الرجال
شرواه لاتعتزيبه في نهار الزحام=خله يروْح ويلحق في سجل الحثال
يستاهل المجد شبلاً حزت الازدحام=يظهر محاسن ولدعمه ويرفا الخمال
خلقت ثقال العظايم للرجال العظام=وحشو الزلق باللوازم ماتشيل الثقال
مايرفع الراس كوداهل الفعول الجسام=والاضعيف الهقاوي مثل جرفن هيال


* (((مشعل عسام الغافل التريباني))) في٢٣/٢/١٤٤٤هجري


 
 توقيع : مشعل عسام التريباني



قديم 03-10-2022   #662
عــــميد الشــــعراء


الصورة الرمزية مشعل عسام التريباني
مشعل عسام التريباني متصل الآن

بيانات اضافيه [ + ]
 رقم العضوية : 1918
 تاريخ التسجيل :  13 - 01 - 2010
 أخر زيارة : منذ 15 ساعات (05:33)
 المشاركات : 9,900 [ + ]
 التقييم :  728
 اوسمتي
وسام وسام درع التميز وسام وسام 
لوني المفضل : Cadetblue
افتراضي ابيات مدح وردثنا بالاخ جهز سايرالبريكي الشمري



((((مدح للاخ جهز البريكي))))
عندماتبرع بكليته لوحده من الجماعه بيض الله وجهه وكثرالله امثاله ورحم الله والديه
ابيات مدح وردثنا بالاخ جهز سايرالبريكي الشمري
ياقريني يانخيتك لاتغيب=هات جزل الشعر وانق المفردات
خابرك ياقلت لك عطني تجيب=حاضرن لهل العلوم الغانمات
اكتب الجزله من الطرق العجيب=اذكر الطيّب زبون الطايلات
ياجهز فعلك على غيرك صعيب=يا البريكي ترتكي للكايدات
يابن ساير صاحب الصدر الرحيب=المراجل بذرتك وانت النوات
انت لك بالطايله حض ونصيب=وانت فيك المجد له وصف وسمات
وانت مركا اللي بوقته مستصيب=واشهد انك ترتكي للمعظلات
نلت عرش المجد بالفعل الرهيب=واعتليت اعلا المنازل والصفات
تنقذ الملهوف والجسم العطيب=وترتكي للحمل وقت اللا زمات
صرت سبّه في شفاء العل المريب=وفزت بالثنتين لوهن متعبات
مر خصن كلوتك للجسم الكئيب=والمريضه صرت له سبّة نجات
فزت بالمعروف والاجر الرهيب=والعلوم اللي تداولها الروات
عشت والله يالعريب بن العريب=ياالحسام الفذ يانسل الدهات
جعل شمسك يابن سايرماتغيب=يالاصيل بن الاصيل بن الدهات
والله انه لوكتب فيك الاديب=مايكفي لوكتبنا معلّقات



(((مشعل عسام الغافل التريباني))) في /٦/٣/١٤٤٤هحري


 
 توقيع : مشعل عسام التريباني



قديم 08-10-2022   #663
عــــميد الشــــعراء


الصورة الرمزية مشعل عسام التريباني
مشعل عسام التريباني متصل الآن

بيانات اضافيه [ + ]
 رقم العضوية : 1918
 تاريخ التسجيل :  13 - 01 - 2010
 أخر زيارة : منذ 15 ساعات (05:33)
 المشاركات : 9,900 [ + ]
 التقييم :  728
 اوسمتي
وسام وسام درع التميز وسام وسام 
لوني المفضل : Cadetblue
افتراضي البكرة اللي مع دبشكم زعجناه



((((((((البكره)))))))))
البكرة اللي مع دبشكم زعجناه
البكرة اللي مع دبشكم زعجناه=ماشوف له في فوز الاشواط تمكين
شفت السلف قامت تسابق مطاياه=وانا ذلولي للاسف مادري وين
ارسلتها ابغا الفوز بالوجه والجاه=وابيه تجيب الجايزه بالميادين
وهفت مهف الدلو ومقيط ورشاه=يوم ازدحم عد الروى باالمروّين
ضاعة ذلولي مادري كيف ابا القاه=راحت مثل ماقيل ما بين عودين
وين الامين اللي عليها ومنّاه=ياحيف وشقومه تنيساء المظامين
اشره على اللي شرة الرجل تنصاه=اللي برز باسم الرجال المسمين
اللي تكفل لي برعيه وسقياه=وحفظه من اللي ينهبون السمارين
هوكيف يتر كها وينسا حلاياه=وينساء الوداعه مع صفوف الثقلين
ماقا دها ظمن الجموع المكنّاه=والا تخلا عن مجال السلاطين


(((مشعل عسام الغافل التريباني))) في١١/٣/١٤٤٤هجري


 
 توقيع : مشعل عسام التريباني



قديم 17-10-2022   #664
عــــميد الشــــعراء


الصورة الرمزية مشعل عسام التريباني
مشعل عسام التريباني متصل الآن

بيانات اضافيه [ + ]
 رقم العضوية : 1918
 تاريخ التسجيل :  13 - 01 - 2010
 أخر زيارة : منذ 15 ساعات (05:33)
 المشاركات : 9,900 [ + ]
 التقييم :  728
 اوسمتي
وسام وسام درع التميز وسام وسام 
لوني المفضل : Cadetblue
افتراضي اشهدان ابومشاري حي فاله



(((اشهد ان ابومشاري حي فاله)))
اشهدان ابومشاري حي فاله
اشهد ان ابو مشاري حي فاله=نعم والله راعي الكف النديه
فاتحن بابه ويكرم من عناله=يالفاه الضيف يفرح في مجيّه
مدهلٍ لهل الوفاء واهل الشكاله=الرجال اللي سوا لفهم جليّه
المراجل شال حمله وارتكاله=بالصخاء شال المكارم في يديه
هيلعن حاز المعالي في فعاله=ماحسب للمال كثره من شويّه
يشتري فعل الكرم من حرماله=به على كسب المراجل غايريّه
شو شليّن قمّت الامجاد طاله=بالكفوف الي لمع بالطيب ضيّه
ابلجن للمرجله يرخص حلاله=ما كنز ها با البنوك المر كزيه
لوكتبنا فيه مانوفي خصاله=ما توفّيه الحروف الابجديه
من نوادر حرب وابو فرز خاله=الصخي راع الكفوف الحاتميّه


(((مشعل عسام التريباني الشمري)))
في٢٠/٣/١٤٤٤هجري

ملاحظه للتوضيح فقط البيت الاخيرقلت فيه

من نوادر حرب وابوفرز خاله

ابوفرزهوالشيخ فدغوش بن علوي الدغيري العلياني الشمري رحمه الله


 
 توقيع : مشعل عسام التريباني



قديم 29-10-2022   #665
عــــميد الشــــعراء


الصورة الرمزية مشعل عسام التريباني
مشعل عسام التريباني متصل الآن

بيانات اضافيه [ + ]
 رقم العضوية : 1918
 تاريخ التسجيل :  13 - 01 - 2010
 أخر زيارة : منذ 15 ساعات (05:33)
 المشاركات : 9,900 [ + ]
 التقييم :  728
 اوسمتي
وسام وسام درع التميز وسام وسام 
لوني المفضل : Cadetblue
افتراضي ابيات مداعبه قلتها بالاخ الغالي سميحان فهد السويدي كثرالسفريات وانا اعلق عليه اقوله انت عاشق انت والعجيلي خليف



** (((((((يامركز التفتيش)))))))
في؛ ٤/٤/١٤٤٤هجري
ابيات مداعبه قلتها بالاخ الغالي سميحان فهد السويدي كثرالسفريات وانا اعلق عليه اقوله انت عاشق انت والعجيلي خليف
يامركز التفتيش دوّرسميحان=واليالقيته رجّعه يم حيّه=
ورعن ركب جيبن جديدن وبطران=وروح عليه بسهلتن جرهديه
مدري سرابه صبح واللا مسيان=والا توال الليل والاضحويه
ولادري مساره شرق والااشمل الاّن=ينزل من المر جوم يم البنيّه
يسترجع اللي فات مع درب بدوان=يوم الشراشف مع خطات الرعيه
شقر البنات اللي تقل وصف غزلان=نجل العيون مرود عات الشفيّه
ثقال الردوف الي كما شطوط قعدان=ونهو دهن بيض الحمام المتيّه
شالن قليب الورع واقفاولابان=يمكن لحق درب ابوصالح خويه
بالخيمة اللي شودحت بين عربان=وافريهم شغل الطفال الدفيّه
ومشيّدينن بيتهم سرواعلان=بقرن الشمال اللي فياضه عذيه

(((مشعل عسام الغافل التريباني)))
ملاحظه فيه كلمه يمكن ماهي واضحه
ينزل من المرجوم يم البنيه
البنيه يسوونها البدومثل الجم من خشب الارطا والغضاءوالمرجوم الي هوالرجم من الرظم هذا للتوضيح فقط


 
 توقيع : مشعل عسام التريباني



قديم منذ 4 أسابيع   #666
عــــميد الشــــعراء


الصورة الرمزية مشعل عسام التريباني
مشعل عسام التريباني متصل الآن

بيانات اضافيه [ + ]
 رقم العضوية : 1918
 تاريخ التسجيل :  13 - 01 - 2010
 أخر زيارة : منذ 15 ساعات (05:33)
 المشاركات : 9,900 [ + ]
 التقييم :  728
 اوسمتي
وسام وسام درع التميز وسام وسام 
لوني المفضل : Cadetblue
افتراضي ابانصح الي ينقصه بعض الامور



(((ابانصح الي ينقصه بعض الامور)))
في 15/4/144‪4هجري
ابانصح الي ينقصه بعض الامور

ابانصح الي ينقصه بعض الامور=امسك عضيدك لا تفكه من يدك
احذر يجي بك كبرياء والاغرور=وينساك اخوك وولد عمك وولدك
تصير عند الناس جانبك مهجور=واليا كرهوك الاصدقاء قل سعدك
خلك على زلات صدقانك صبور=تر الرفاقه هم حجابك وعمدك
وتر الرفاقه ياحصل بعض الامور=ظلّك اليامن اشهب القيض ظهدك
وكنزالرجال اسرارها وسط الصدور=درعن من العزه كساء كل جسدك
والضيق شيطانن يحدّك للحدور=واليا توحد بك على الراس هبدك
يسقي بذورك لين تبتدي الزهور=واليا استوى زرعك تقدم وحصدك
اصبرعلى الصدقان في يسروسرور=وابد الموده في بروقك ورعدك
ولافيه مخلو قن سليم من القصور=الكامل اللي من مهين الماء أوجدك


(((مشعل عسام الغافل التريباني)))


 
 توقيع : مشعل عسام التريباني



 

مواقع النشر (المفضلة)


الذين يشاهدون محتوى الموضوع الآن : 97 ( الأعضاء 0 والزوار 97)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:13


Powered by vBulletin® Version 3.8.9
Copyright ©2000 - 2022, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام