ديوان الشاعر / محمد السعود

	الشنزليزيه ..... مصافحه اولى

لا اجيد المقدمات

ولكن ارجو ان تقبلوني بينكم

اخوكم

ياهبوب الصيف وينك؟
فيني لهفة شوق ياصلني حنينك
فيني انتي...
أسكنك وين ما سكنتي
وأصل الماضي بحاظر
خبيريني وينك انتي
ومن يوصل شوق مغرم عند بابه..
ياهبوب الصيف يانسمة هبوب
اتجاهي ضاع ماعرف الجنوب
صار شرقه مثل غربه
وأنا عايش في حياتي 0
بس غُربة
وامتلئ قلب المتيم عشق00
مغمور بكآبة
لملميني من حطامي
واجمعيني
وانثريني فوق صدرك
انثريني
لايهمك كبر سني
والله إني فاقدٍ كل الحنان
ومعتريني خوف وين ألقى الأمان
هو سؤال وينتظر منك الإجابة
لوحكيت يضيع بلساني الحكي
وماطلع لي يازمن منه اشتكي
وان تكلمنا ندمنا وانقهرنا
وللسكوت اليوم غصبٍ انجبرنا
هي حقيقة صمت ياوقت الغرابة
وآه ياوقتٍ خذا قوس الربابة
يعزف الألحان في صدري أسى
وتكثر الأحزان في وقت المساء
بس أطالع في عيوني للنجوم
علها تجلي عن القلب الهموم
وصاحبك ياصيف مل من الكتابة
والسؤال اللي براسه
ينتظر منك الإجابة.....
.
.
.
وكل

حرف

ادونه

آخذه منّك
0
0
0
انت
ايحاء

الشعر

والشاعرية
.
.
.
.
.

	كل حـرف ادونـه آخـذه منّـك ...............انت ايحـا الشعـر والشاعريـة امتزج حرف القصيد بروح فنّـك ..............كنهم قهـوة صبـاح الشنزليـة ياربيعـي يـوم قيفانـي نونّـك ..............استثار القـاف عطـر وجاذبيـة القوافي لاكتبته يعشقـــــنّك ...............يرتوي معنى القصايــد قابليه لايروح بعيد تفكيــرك وضنّك ...............مانسيتك دايم ٍ تطري علـيـّه اسأل العالم بلهفـة دوم عنّـك ............ومع نجوم الليل شلنا السامرية كانها ظروفٍ عن اللقيا حدنّك ..............بانتظارك والخوي ينطر خويّه بس ترى عذبتني يخرب (مطنّك) ............بين شوق وبين روحات ٍ وجيّه خوفي الايام عني ياخذنـــّك ...........وتسقط اوراق الامل والنار حيّه

وسلامتكم جميعاً

دمتم بخير

	تبقى كريمٍ في زمان الشحاحة

لعلها تنال اليسير من اعجابكم

دمتم بخير

	نورك يغطي مطلع الشمس لابان=فيه الرضا والرزق بأول صباحة الله ياهالفجر كم صرت شفقان= لمعانق الراحة اذا فيه راحة شفني يافجر النور عايش وتعبان = دخيلكم مافيه وقت استراحة ابي اتريح بين وردٍ ورمان= بضلال رمشٍ في ضلاله فساحة واهل دمع العين من فوق الاوجان = واعلمك ليه دمعة العين طاحة واغفي على صدرك اذا كنت زعلان= كني طفل يشكي العلل في صياحه واهمس وانوح بعالي الصوت هيمان = واجاوب اللي فوق الاغصان ناحة ياصاحبي هو باقي ٍ لي بالامكان = على الطريق من الزهاب اصطباحة فاقد حنان وينتظر وبل هتان= يرسم ملامح بعد حزن انشراحه لاصرت انا للهم والغم نيشان = لا والله الا دلة العقل فاحة وش شرهة الضميان لاقيل ضميان = الا لينبوع الغلا من قراحة غربة بذات الروح في وسط الاوطان = والدرب موحش ماحسبنا سلاحه لو شفتني يافجر مقفي وزعلان = منك العذر ياصاحبي والسماحة هذا الزمن مافيه شفقٍ وولهان=وقاحةٍ ياكبرها من وقاحة اما انت يافجرٍ سطع والفضاء زان = تبقى كريمٍ في زمان الشحاحة وتبققى كما ديمٍ من المزن هتان = وتبقى ثمر عمرٍ نبت له بواحة ويحيط بك فلٍ وجوري وريحان = وهديتي لك قلب حطك وشاحه تبي الصراحة خاطري بعدكم شان= هم ونكد يافجر هذي الصراحة

اهداء لقلوبكم البيضاء

دمتم بخير

	الناس لولا الحب طبعه تشوّه

	علاقتي بك ياحبيبي اخــوّة=كل المشاعر في يدينٍ (ن) امينة قلبي معك ياصاحب العمر توّه=وكفي بكفك والعلاقــة متيـنة انا ترى شبعان اصل ومروّه=حبل العهد مع صاحبك في يدينه وعدي لكم قايم وباقي بقـوّه=كنز الوفا ياصاحبي حارسينـه واذا على راحتك ماجاز سوّه=ومن شان عينك تنحرق لك مدينه قلبي معك في شدته وفي هدوّه=لاتخاف هذي الروح لاجلك رهينه الشمس خله لي بحره وضـوّه=عش في ضلال القلب واسمع حنينه معزتك بالقلب زايد سمــوّه= مهما نشوفه من ليالٍ (ن) حزينه صاحبك حبك حب غطاك نوّه=يضفي على ماباقيٍ(ن) من سنينه والناس لولا الحب طبعه تشوّه=وفي كل وجه تشوف زينه وشينه وانتي ان بغيتي الحب والا اخوّه =مهما اردتي عندنا تاجدينـه

تحياتي للجميع

السلام عليكم

متواضعة وزيارتكم تنير المكان

	اغراب في وجـه الزمـن ياغريبـه

	اغراب في وجـه الزمـن ياغريبـه=واصحاب ماصادفت انا ركب الاصحاب ونـة الـم بالصـدر محـدن دريبـه=جاشة بوسط القلب والوقـت نهّـاب ياصاحبـي ويـن الوعـد نلتقيـبـه=ماهو جميل ينتهي وصـل الاحبـاب شفت الحياة بـدون وصلـك كئيبـة=ماعاد باقي للنظـر لحظـة اعجـاب اعرف ظروف الوقت عندك عجيبـة=وادري غيابـك ماتغيـبـت لـعّـاب وادري وادري فـي عيونـك قريبـة=دمعة تحدر من على سـود الاهـداب لك في عيون النـاس هيبـه رهيبـة=ولي في عيون الناس شامت وعيّـاب بـس الحقيقـة يازمـن والعجيـبـة=انك اذا مـن ملـت بالحيـل غـلاّب