ديوان الشاعر / منيس التويمي

ياشمس ..

	شمس الامل كوني معي دوم بشراق=كوني معي يا شمس دايم وثيقه يا شمس يا شمس المحبه والاشواق=لا لا يموت الحب كوني رفيقه الشجره اللي مالها جذع ووراق=اكيد وبل الغيث مابل ريقه واقلبي اللي بلهوى صار غراق=والروح صارت بلمحبه غريقه انا اشهد اني يا هوى البال مشتاق=والعين من حلو الكرى ما تطيقه

ابن شابور ..

	أن هقيت ونويت ولبو خالد مشيت=صاحبي من عرفته يستعد للصعاب عزوتي بلمواقف لا بديت ونهيت=ينتفض مثل حرٍ لعتلا هام السحاب الصداقه موده مابها يمكن وفيت=من يودك تودّه والغلا شوق وعتاب يابو خالد تراني من وصوفك قريت=كل مافيك طيب والحقايق كتاب كم كتبت وقريت وكم سمعت ورأيت=يابن شابور مثلك ذيب من روس الذياب عند ظني وظني فيك لامني هقيت=ماذكر بيوم ظني يابن شابور خاب الخلايق بعضها يالله الكافي تهيت=مالها درب يسلك وان مشى كشّر بناب حاسدك لو على طبخة مروقة وفتيت=قبّح الله وجهَ يا ملا الذّهاب الخلاصه بأني بلغلا وفيك ابتليت=يابن شابور ياصنديد ياشيخ الشباب

جُنيد ..

	قد بان بدرك ياجُنيدٌ مٌلوحاً=بنوره المتلألؤ الوهّاج كريم نفسٍ تحتفي للقائهِ=صنائع المعروف له افواج بك المكارم يا جُنيد تلاطمت=كموجِ بحرٍ خلفهُ امواج كتبت شعري بذكركم متعجباَ=كيف يشع مع النهار سراج بيض صفحاتٍ بها يسمو العلا=وحبر اقلامٍ يشق فجاج كتبتها من قلب باح بسرهِ=بحديث صدقٍ ناصعاً كلعاج صاحباَ ادنو به طول النوى=كلّما ضاقت بلا افراج فبمثل جُنيد فلتكن متغانمٍ=غيمٍ به له ماطراَ ثجّاج

ياريف كفّي دمعة العين ياريف ..

ياريف كفّي دمعة العين ياريف=كافي وكفّي كفكفيها عشاني
الحزن لو هو داخل الجوف ماشيف=اشوف نفسي وسط ثورة زماني
القلب يحزن والمدامع ذواريف=والنفس ضاقت به فجوج ومواني
الامر لله والقدر يقطع السيف=ومصيبة الدنيا بها العمر فاني
الموت حق والمنايا مشاريف=لايبست ورقتك تطيح بثواني
ياريف لا تبكين بالله ياريف=الحزن في قلبي ونبرة لساني

هذه مشاركتي وقصيدة المسابقه( احساس ريف )

مرثيتن لمًي بها الجرح ما طاب ..

	قبل الوداع ولحظة فراق وغياب=ياشعر لا تبخل علي بقصيده مرثيتن لمًي بها الجرح ما طاب=الموت واحد والسبايب عديده تجمعت لفراقها كل الاسباب=والوقت ما يمشي على ما نريده ناديتها يمًه فلاشك قد غاب=الشوف والنظرات دونه بعيده الله يعين القلب على فقد الاحباب=وشلون وهي أمي وبوي الفقيده النار صارت بيننا ستر وحجاب=يا كيف اطفيها وأيدي بأيده اقدار ربي للبشر صفحة كتاب=والنفس تشفق لليال السعيده دنياك هذي كلها اتعاب بتعاب=والفاهم اللي دل درب المفيده

صغيّر ..

	صغيّر العود لامنّه تعلاّ وكبر=يبان طلعه على غصنه يا ويلي عليه يا ما حلا عوده الناعم وصغر الثمر=ارد نفسي ونفسي يا ملا تشتهيه وشلون اطوله وجذعك معتلي يا شجر=اخاف غيري وانا مدري تطوله يديه لعوب توّه حياها ما عطاها خبر=اذكر مباسم شفاتيها الاول واخيه كني عليها ومنها عايشن في خطر=اصبر وصبري قضى الى متى ارتجيه من قبل لا تصبح الحلوه بعمر الزهر=دايم تجيني تدوّر ماتبي تشتريه واقلبي اللي على لاماه مابه صبر=وشلون ابصبر وشوق قلبي منّه أليه حب المتيم وله حب المتيم كدر=منهو خبر واحدن موته هنا يحتريه

ريم الفلااا..

	انا عذابي للاسف حب بالشات=من زود مابي جيت للعشق كلّي مدري انا الغلطان او هي مسافات=او الخيانه عوّدت منك خلّي ياريم لو تدرين وش حال من مات=من كان ذا صدّك هجر وتغلّي عطيتك اشواقي وبالجوف ااهات=لاشفت اسمك جيت ارحّب وهلّي ريم الفلا لو الصراحه لها ابيات=ماقلت لك بالله يازين قلّي فيني بحر صمت وفيني سماوات=من اخوف اصبح موت بعيون خلّي هذي النهايه لو تكون البدايات=الحب ماجيته عشان اتسّلي

ابو ماجد ..

	الشعر جبته من علابيه ترحيب=ياهاجسي تاجب مواجيب ردّه خذيت بالقيفان كل المواجيب=يومن قولك بالمراجل تعدّه جيتك يابو ماجد على صيحة الذيب=والذيب ذيب الطيب ذيب المودّه شرواك انت وانت يا منقع الطيب=الطيب له وياك صدّه وردّه اعلّمك سر الغلا بالمكاتيب=غلاي طيرٍ بس يمّك اهدّه ولاّ غلا غيرك رعود وطباطيب=وغلاك غيمٍ له مدّ ومدّه تكفا يابو ماجد ترى احساسك مهيب=واحساس روحي فاق بلقلب حدّه

اتعبني التفكيـر وصفحـة كتابـك ..

	جيتك حبيبي ما تحمّل غيابك=من كثر شوقي كم تمنيت شوفك اتعبني التفكير وصفحة كتابك=ياليت اقدر اسألك ليه خوفك صحيح توني جيت عاشق ابًابك=واقف على بابك اطالع حروفك صبحي يباريلك وليلي سرا بك=ياليت تسمح لي عشاني ظروفك ودي اشوف الموت واحيا عذابك=ماهمنّي بس احتظنّي بجوفك يعني بصراحه جيت فدوة شبابك=ليتك تحس وتنفرج لي صفوفك ما اقدر اشوف اسمك وشدًت اركابك=وقلبي من الاشواق يشكي سيوفك عطني أمل يانور عيني هلابك=قلبي مشالك خايف انّه يطوفك

سبّت غلا أم الثمان الرهايف ..

	البارحه بليل نومي خفايف=هيّض عليه هاجسي حين مسرا سبّت غلا أم الثمان الرهايف=الزين وسط الليل لليل قمرا امّا بها والاّ من العمر عايف=دخلت شفت الزين بالنت يقرا اقرالها خط القصايد وشايف=اكتب امل لو هو من البيت شطرا انتي امل روحي عطيني وصايف=قالت انا مهره من الخيل شقرا من الطنا والزود عند العجايف=هلي مضاربهم على الضد حمرا هذا فعل جدّي من الطيب نايف=ولاّ انا بنتٍ من العز سمرا