آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 09-09-2011   #11


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي ///////أحـــــــــــــــــــــلام ورديــــــــــــــــه//////



/////أحلام ورديه//////

//أعجبتني قصيدة الشاعر نهير النمش ورديت عليه ///
//والي الفخر في مجارته عاد هو محيط وحنا شواطي///
//وحبيت انقــــــــــــلها لــــــــــــــــــــكم عسى تعجبكم//
قصيدة الشاعر نهير النمش.. ..



الـبــارحــة مـر بــالـي كــم طــرقــيــه = مـنــهــم مــصــدر ومـنــهــم كـم وراده
تـفـرقـوا مــن خـيـالي وأخــلوا الـنـيـه =وأخــتــارو الــصـد والـعــربــان مـداده
ما فيـهـم الـلي وقــف وانـمـدت أيـديــه = وما منهم اللـي يـرد الصـوت لأسيــــاده
الـنـاس بالـنـاس يـالأصحاب معـنـيـــه = والطـيـب مــا ينحـسـب لمكـبـر وســـاده
كـم واحـدٍ راح عـمره مـا لحق غـيـــه = راحــت ليالـيـه مــا جـابـت لـــه أمـراده
الــوقـت دوار والــدنـيــا مــضاويــــه = اغـنـم زمـانـك قـبــل لا يـقـبـس أزنـــاده
الـحـر يـشـفـق عـلى عالي مـراقـيـــه = والـنـاس يــا صاحـبـي بالحـيـل نـقـــاده
ســلام لــلي يــسـر الــبـال طـاريــــه = يــاوارثٍ طـيـب أبــوه وسـطــوة أجداده
يا صـاحب الخلق مـأموره ومنهــــيـه=بـأمـر الكـريـم العـزيـز مـنـجـي عـبــاده
نـارِ تـلــضى بـجوفــي قـل والـيـــــه = بـيــن المعـالـيـق نـــار الــجــود وقــاده
لو مالرخاء فـطرت صدورٍ شمالــــيه =كان أحتفل بالصدور الضيق بأعــــــياده
ولو أن الأرزاق تأتي لك على النــيه =مـحــدٍ تـكـبـد مـــن الأتـعــاب وجــهــاده
يا بـعض الأحلام لا تبقـيـن ورديــــه = تــغــيّـــر الـــوقــــت والأيـــــــام جلاده
والـناس كلن بــجوده دون عـانـيـــه = وعـمــر الـبـنـادم مـحــدد قـبــل مــيــلاده
مجـمـوعـة أحلام وأحـلامه خيالـيـه = يبني له أمجـاد ولا طّـول مـع أمـــــجـاده
هــذي حـيـاة الأوادم دوم مـقــفــيـه = طـلابــهــا دوم واقـــــف لـــــه بـمـعـيــاده
وهالحـيـن لو مر بالي كم طـرقـيـه = تـــركـــت كـــــــلٍ بــمــصداره ومــيـراده
الشاعر نهير النمش
=====================================


///////أحـــــــــــــــــــــلام ورديــــــــــــــــه//////


قصايدك يانهير اثرت فيـــــــــــــه =ولعبي الهجس بمصداره ومـــــــيراده
واقسمت لالونها بالوان ورديــــــه = وشذاعبيره الزهور الورد به ســـــاده
قعد من ضيقتي تسوج رجــــــــليه = وذكرت وقتاً مضالي فات ميـــــــعاده
السوج مالي جدا صفقت بيديـــــــه = والدموع عيني على الخدين شـــراده
نفسي ابيه طموحه دوم رمزيــــــه = تمح لعيطا لصرح المــــجد رواده
ونفس الوفا تنتخي لعيون داعيـــه = لاذل ماتنــحني للــــــــــــعز وراده
وأحلام ورديتاًوأجوأء رومنســــيه =وانلاعب الوقت وألأيام شداده
والمسعد الي الربه مخلص النيـــه =وانفس على طاعت إلأله معتاده
وارجي عسى الله يزين لي تواليـه = قبل دعا عباد له بالأرض سجــــــاده

الشاعر /طلاع الزميلي

الشاعر نهير النمش انت ماشاالله وبارك الله فيك لاقوتاً الألأ بالله
شاعر ملهم ومن الراد الله فيه خير الهمه الحكم
ومن اوتي الحكمة اوتي خيراً كثير
ارجو لاتقطعنا
لايعرف الذهب غير صاحبه
ومن لايعرف الصقر يشويه

لك مني كل الحب والأحترام والتقدير

========================


رد الشاعر نهير
الشاعر الجزل الفاضل ابو طلال

والله اني تقلدت كل الأوسمه والتيجان الفاخره بمجرد مرورك
فكيف وانت تشرفني بهذا الأطراء الفاضل الفاخر الله حفظك
كل الشكر لك على الأبيات التي حقيقه تسوي عندي دواوين
لاهنت ولاخلا ولاعدم منك ولا استغني عن دعمك الكريم
فات رجل فاضل وتشرف كل شمري الله يعلي مكانك يالعزوه
جزيل التقدير لشخصك النبيل
اخوك نهير النمش


 

قديم 12-09-2011   #12


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي وبـــــعد لولي قــــــــاف الطـــنأ جــــــــــاك من طــــي




:ffff :
من أجمل القصايد واعنفها بقوت معانيها لااخفي عليكم لقد هزت كياني
القصيده لها قصه حاول احد الاخوان يغتاب اخونا// عقلأ البيالي السرحاني
فاسكته وقلت الرجال غائب ولايجوزتتكلم فيه
انا ما فعلت غير الواجب
والكن الشاعر عقلأ من طيبه أعتبرها فزعتاً قويه وكبرها كبر الله قدره
ورأسلي هذه القصيده
الشاعر عقلى البيالي السرحاني



بسم الذي ذكره يبدا اليا اطــــــــــري = محيي من المنشا المحل عقب الارواي
ومن بعد ذكر ه سقت اللاحان واهدي = قافاً على قافاً يركب بالاغــــــــــــــضاي
اي والله أني بالحيا قاطعاً ًشــــــــــــــي = لوهو يقدر بالمــــــــــــــــسـافات عداي
وياكيف مالبق على الحـــــــــــيا وي = ياصــار طلاع الزميلي من اعضـــــاي
هو النظر والعين والسمــــــع والري = ولولاه ماجيت الشعر ناصــــــــــــباً راي
دام الزميلي حي فالقلب يضــــــــوي = وان مات مت ولابها رشـــــــقت الناي
أغدي كما ذيباًهرف باوسط الـــــحي =من عقب سرحان الخلى تسلب احشاي
عقبه ترى اللاحن تقلب بكا حـــــــي = عاجز نديم الجن ومنــــــــــــادم اعواي
إي والله أغلي من يعزاً ويركـــــــــــي = رمحاً على كبد المعادي على ارضاي
ياعل مايعقد لسانه على لـــــــــــــي = ولايمسه خطو الامراض والــــــــداي
نعماً بسلايل زوبعا ًنعماً بطـــــــــــي = ماغرد القمري على الغصن حـــداي
ولاهان من يسمع قصيدي على وي = من قبلي الجوبه ليا ديار عـــــــــداي


الشاعرعقلا خاتم البيالي السرحاني

من قبلي الجوبه لياديارعداي
//يقصد من حائل //للجزيره

له مني كل الشكر واللاحترام التقدير هذا الشاعر القدير

وهذا مرد الشاعر/ طلاع الزميلي الشمري


بسم الولي خط القلم سار بيـــــــــــــدي = وبسم الولي آخر كلامي ومــــــــــــبداي
المعتلي كاشف خفى كل مخــــــــفــــي = سامع ندى صوت من الضيم شـــــــكاي
ولاخاب من يخضع لربه اترجــــــــــي = وخاب وخسر راجي رجى كل رجـــــــاي
وبعد الولي قاف الطنا جاك من طــــي = والزوبعيه والطنا جابت اقـــــــــــــــــصاي
بصوتً يخلي ميت القلب يصــــــــــحي = صوت الوفا اليا هبا كـــــــــــــــــل هباي
وسار الخفوق يلاعب الفاق يطـــــوي = وان ساق لي صعب القوافي على مناي
قافيي كما برقً شلع له تلضــــــــــــي = نوره يشعشع في دجى الليل ســــــــراي
عانق لبرقً شع بالليل يضــــــــــــوي = نوره وفا وصوت الغضب بالرعد جـــاي
قاف البيالي للسواري ســــــرى بــــي = سار بمسارً كنت انا فيه ســــــــــــــراي
قيفان شاعر نار تحرق وتكـــــــــــوي = تركي على كبد المعادين كـــــــــــــــواي
شبلاً ولد شبلاً على الضد يســــــــطي = وسيفً على روس المعادين ســــــطاي
وبيت البيالي للمعزه امرســـــــــــــــي = مدهال عصمان الشوارب هل الـــراي
من لابةً عريقةً منبعه طــــــــــــــــــــي = ساسه على ساسي ومرساه مرساي
ويابن البيالي فزعتي لك ولا شــــــي = لاصار ماصفق من يهينك بيمــــــــــناي
وحقً علي حق الحميه وانا حــــــــــي = وصل الحميه والطنا ساس مبــــــــــداي
ولاصافي صافى من صفا صافي المي = وسمً سمومً سام مرً على اعــــــــداي
واحلا تحيه عطرها يابعد حـــــــــــــــي = عبيرها عطر الزهر بيد جـــــــــــــناي
امن الشمال اليا جبل حاتم الــــــــــطي = تنثر عبيره بين طيً وعـــــــــــــــــداي



الشاعر/ طلاع الزميلي الشمري
وسلامــــــــــــــــــــــــــــــــــتكم


 

قديم 15-09-2011   #13


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي أبو غازي وأبو عارف وعموم الأخوان وألأخوات تعالو أضحكو




جمتها وجبتهالكم لعيون ابو غازي وابو عارف وكل الغاليم
تعلو اضحكو وستا نسو
ارجو عسى تنال أعجابكم

اخواني وأخوتي وعيالي وبنواتاتي
قلت هذه القصيده في احدا المنتديات
من اجل الضحك والمزح الهادف المفيد باذن الله
ابي اطلعكم شوي لجو الظحك والمرح
بــــــهالمزحــــــــــة الرزحــــــــــــــــــه
ار جوعسى تعجبكم وتحوز على رضاكم



الشاعر الي يشارك دوم بالشعاره = ولايرد ويبي ردودوالناس تأتيله
ودك تصكه على العلبا مبـــقواره = وتنكله يابو ثاني خوش تنكيله
ودك تحده عل الفافل على القاره = واليث مشعل لامنه راغي يلويله
وسعيد يصفقه له صفقات جبــــــــاره = وانهير الياوقفله هد من حيله
وعقعلأ اليامن فلت يكويه في ناره= وخيالنا لمسك علباه ياويله



اصبرو أصبرواصبرو ياخوينا هونت و تحسفت راجعت نفسي وليقيت اكثر واحدأنا
ينزل قصايده ولايرد على اخوياه
يعني جنية علي نفسي وكليتها مفلفله ههههههههههههههههه
واضن الجضعة حصلة لي
لكن دويبكم علي لاتوجعوني بالحيل لاتنسون الرحمه
ياملين الغنيمه لاهو انا أوصيكم ياعيالي



المزحه اللي بدا طلاع واختاره=بابيات شعر على الشعار تحليله
لابد تعرف ضروف الناس واعذاره=والحكم بعد العذر ياخوك ياحليله
وان كان قصر ترى الايام دواره=ابغاك ياصاحبي مقوار تهديله
ياعيال شوفو ترى طلاع شب ناره=الله يستر من الشعار ذا الليله
وانا ترى ياجماعه بوجه سنجاره=طلاع شب الفتيله ويش اسويله



الاخ العزيز الشاعر طلاع الشمري
اولا اقول لك صح لسانك
واسمح لي بهذه الابيات واخاف النار تحرقنا انا وانت هههههههه
ولكن انا زبنت وانت دبر عمرك ههههه
اجمل تحيه لشخصك الكريم




بعض البشر لو تنصحه زاد ثرثاره
واليا تركته قام يزداد في ميله
لا والله الا الزين من شال مقواره
على الذي عاجز عن القاف لايشيله
يعطيه ضربت طويل الباع لقصاره
لين يتساوى راس الاش مع ذيله
والناس الي على القيفان قداره
مثل طلاع وامثاله مابها حيله

صح لسانك ياطلاع وياعويد هههههه



يا مرحبا ياعميل ٍ زانت اخباره = من هاجسٍ قمت اغني له مواويله
لي حيلتٍ في بنات الفكر محتاره = ودي و ودي ولكن قل وش الحيله
زبنت ناصر وناصر ناصر انصاره = وسلمت من واهس الشعار ذاليله
وزبنت يا صاحبي فـأسلم وسنجاره = لعيون شمر ابا اهدي له محاصيله
وانته رفيقٍ عزيزٍ وافي اشباره = والله ومليون نعمٍ فيك وأقليله
لكن ذنبك ترا يحتاج كفاره = قم واجلب شعيل يم السوق وشعيله
وتلقى الشريطيه يمينه وعلى يساره = ولا تفك قيده يالين الشاري يشيله
واحسب دنانيرها دينار ديناره = واشتر زكاتك وحسبّها على الكيله
او عطني فلوسها وازهل لنا الطاره = وبشري ثمانين كيس شعير وتريله




المشاركة الأصلية كتبت بواسطةالشاعر الخيال الشايع
ابوطلال عندي صح السانك مليارررر



ابوطلال ابشرنجـيه فــي داره

حنا الطنايا نبـي ناطى على ذيله

نبي نخزمه زودن على هجـاره

ونحمله حمل عمرابوه مايشيله

والله لاخليه تقل وجه طـراره

ونبي نكره اليامى ينقطع حيلـه





صح لسانك ياأبو طلال وأضحك الله سنّك
ولو هي مزح يالغالي والله اني استحي من حطّة اسمي مع هالزحوله مار ان المزح يشفع لنا نرد
خصّ اني ينطبق علي هالوصف اني قليل ردود على اخويانا




حديتنا يالزّميلي نبرم الطّاره =ونِحِدّ شاعر تردّى عن فعل جيله
وأخاف من هرجة المقرود وأخباره=لو يلتفت لي ويبدع لي تماثيله
وفوق المناره يبذبذ بالملا أسراره =ويقول علّم جنابك قبل تاوي له
ومن سبّ نفسه كشف بين الملا عاره=ولاشكّ نفسي عزيزه قبل تَرْكِـــ (تس) ـــي له
ولو جيت أبنظم هجاي بكسرة إعباره=حرام لانكّله ياوي تنكيله
لسان ٍ شطير وعليه من الوسِم شارَه=تدحم على الموت الاحمَر قبل عِرفي له
ومعي زحازيح شعر ن تقبَس الغاره=بالملح الاشهب تحنّي لون منديله
أويّ زان القصيد وزانت أفكاره=وشعيب الأشعار فيّض وانحدَر سيلَه
وفنجال ن مقنّده طلاّع بأشعاره =يعدّى لعِصْم الشّوارب فايح ن هيله
يجلي عماس المطنّخ لأوقدوا ناره =ياحلو جمْعا النّشامى في تعاليله



الشاعر القدير عقلا الخاتم السرحاني


افزعلو ابو طلال جيتك بجذع باكور تري ماعرف الى انت وزامل وبيني وبينك ضرب مقاوير

زامل انا مجوده طلاع وبجذع والظاهر انت من اول الخيل مضيع دربك من ضرب العجوز العراقيه هههههههههه




بسم الذي انزل تبارك مع الطور=مجري الكواكب والقمر في مداره
وصلاه ربي عد الاسماك بالبحور = على النبي العدنان ضو المناره
اليوم يا طلاع على الجال منحور = يا شاعرن حاز المعالي بجداره
جتك عجوز بيدها جذع باكور = شرواك ماله غير نحكم حصاره
ادخل علي اللي ماوعد وعد بالفور = زامل عزيز القوم رهن الاشاره
لاشك زامل واقف الحال مبهور = شايب ولا يقدر على رد الاغاره
يا فرحتك طلاع زامل على الخور = رجله على الخط السريع بحراره



اعوذ في رب الفلق منزل النور = الوذ به واخشى عذابه وناره
واللقمه اللي وقفت داخل الزور = عجزت لبلعها اخاف المراره
تثور بي وانا صغيرن وممرور = بعدين ماترضى علينا الاداره
قالت عجوز وقلت يافتنة الحور = يلي تخالط في بياضه شقاره
طلاع يابنت الاجاويد دكتور = لاوالله الا فيلسوف الشطاره
ذرب اليمين ووافين مابه قصور = امير له في كل عليا اماره
لاشك بعض احيان يخمل ومعذور = لاجاء له اللي بالزمان اسثاره
وانا عليه اشور لويسمع الشور = طلاع خذ لك ركعتين استخاره
وقدم لجوزاء باقة العذر بزهور = وتنق له بالمدح احلى عباره
وليا اسفهلت حب راسه علا الفور = الحبه اللي بالنقاء والطهاره
ولا ترا بالكف مقور وميقور = وبك خشتن ترفع عليك الحراره


عاشو عاشو عاشو كفو كفو كفو

الف مليووووووووووووووووووووووون
ولا يكفوووووووووووووووووووووون
صحت السنتكم يالغالين
ياعما لقة الشعر واهرام الشعر
الشاعره القديره بنة العم/الشيخه جوزا ال محمود بنت الشيوخ
والشاعر القديرولد العم/ شخ من روس شيوخ شمر
زامل السلماني الزميلي الشمري
ومليون نعم بالجميع
كفيتي وفيتي لاخلا ولاعدم الشعاركم الراقيه
وتعليقاتكم الجميله الهادفه المسليه

تقبلو هالبيتين
وقليل في حقكم قدركم اكبر من القصيد
والشكر كلمن ساهم معنا وردنا علينا بالشعر والكلام الطيب المفيد الف الف الف
شكر كلكم على العين والراس وغالين ياحلا الغالين
بس زامل وجوزا مامنكم فكحه ابلشونا ههههههههه



هلا بنت العم ماشعشع النور= واجمل غلا به ود وأحلا عباره
ريميةً ترعا القفاقيف وقفور= تصعب على الصياد فيها شطاره
شالة معه مقوار وحاجون باكور= بنت الشيوخ الي تزايد اصطاره
ماتريدني تبي له قاصر الشبور = ناقص عقل مايفتهم بالأشاره
تبي تصكه طلقةً داخل الزور=تطير دماغه لين يعرف وقاره
وزامل ولد عمي يجيبه على الفور= شراً على الخايب سريعً دماره
اليا عرض ثوراً بالأشعار مغرور= ياشيب عينه يالتفتله وداره
وان منتها المغرور عن الكذب والزور= خلوه لي لاقمت طفيت ناره



محبكم ابو طلال الزميلي الشمري
رد الشاعره القديره مطنوخة الطنايا / الشيخه جوزا ال محمود الشمري

طلاع خذ مني رساله على الفور = لاهنت سلمها الراعي الحضاره
يم الذي مايشهد الكذب و زور = كل (ن) يقدر وقفته وإقتداره
من نسل مصباح الدجي شورهم نور = بيهم سخا حاتم راعي الاماره
ارضن مشابه تنبت اوراد وزهور = يا سعد جارن زامل اليوم جاره
راعي المواحيب الي بها العلم و الشور = يقدر اداب الكرم والزياره
وطلاع اخوميثا بالفعل مخبور = من مثل طلاع المنايا بقراره
شاعر جزيل القول وبالهوش مخطور = ماخاب من طلاع خويه باختياره
زميلات يا سعد الطنايا هل الخور = كم راس شيخن راح بوسط الاغاره
زميلات هل الردات لا ضكت ادهور = صبيانهم للموت ترخص عماره
اشوف ابن سلمان يفتل لنا الشور= ويقول ما ترضي علينا الاداره
ذيبن حداه الجوع وبالشر مشهور = يسحب حدا الرجلين يم المغاره
ان كنت ناوي يا ذرا كل مقهور = ادل بحبالك وانتبه لشراراه
وإن جت على ما قيل بركان ويـــثور=والله ليحرق من حفر له و ثـــــاره
حظي رماني في وسط بر وبحور = شلال همي صب بصدرى غزاره
يا عيشتن صعبه من العام وشهور = شمعاتي الى ما ضوه لي مناره
مير الزمان يدور ولا بد لنا يدور = ويرجع علينا دورنا يا النماره
والخاتمه صلو عدد رمل وصخور = علي النبي العدنان مصحح مساره

وهذ رد الشاعر القدير/ سلمان السلماني الزميلي الشمري


هلا هلابك تبرك الرجل وتثور = لامن حضرتي سعد زامل وداره
هلا هلا بك نفرش الارض ديجور = فاح البختري والنفل بالزياره
هلا هلابك وابيض الطرس مسطور = لايابعد هيفا وننسي وساره
بنت الشيوخ اللي لهم فعل مذكور = متربعينن بالجدي في مساره
جوزاء وانا لاقلت جوزاء علا القور = قامت تواقع من سناها الحجاره
جوزاء وانا لاقلت جوزاء لمخمور = طار السكار اللي سكن عقل خماره
جوزاء المدينه/ ونظرب حولها السور = جوزاء الرزينه/ والذكاء والشطاره
طلاع يامشكاي والحال مستور = شفني شعلت النار فوق الزباره
اقوم -واقعد -وارجع -اقوم- وادور = لين يتجلى عن ظلامه نهاره
ياعصابتي دشيت ببحور وبحور = اوزن لي الفنجال واوزن بهاره
جيتك وفي كفي قديمي وشرشور = رهن الاشاره ونتبه للشاره
الحج لامنه قضى الحج مبرور = يتحلل المحرم ويفصخ وزاره؟؟؟
هالحين هات الشور ياراعي الشور = شفني علا راسك مسكت الخفاره

وهذ رد الشاعر /طلاع الزميلي الشمروخي الشمري


الايابعد حيي وميتي هالخشم الشريف
الزمل اجدع نطيحك لاتزمل
هل الدبوس والحق المنكوس
جتك الطنية من جد انتفض الحيدري
الله يسعد الي خلفك يابن العم
الغالي طشيت الشماغ والعقال
لعوين هالعيارات الناريه السلمانيه الزميليه السنجاريه الزوبعيه الشمريه الحارقه الخارق
اليوم ابي براس طعس وجبل العليم جلستي هههههههه

لايبعد من يسكن البروقصور=وعد السواري بسما لســــــــــتداره
في زامل الي لازمل شبل محضور= مثل ألأسد اليازجر به جداره
وبنت الشيوخ جوزا هلا الراي والشور= أشبال اسود فهود تاج ألأماره
اخوان فلوه عادو ايام خاكور= بهم على خوض المعارك جساره
من ربعي الشدفان حمايت الخور=اولاد ألأشدف لاقبس ضو ناره
من ولاد ألأزمل ياختفا كل مثبور= لاظلم سما المظيوم حنا نهاره
عيال الطنايا والسناعيس له دور= فن المراجل والحميه شعاره
نموت مانحيا على الضلم والزور= يولعة ناره نطير غباره
ولازامل المسطور باقات والزهور= وجوزاء على راسي وعيني وقاره

ابي اعصر هالمخ غديني اعشي على مغداكم والشيخه جوزاء والشيخ زامل
المحيط الهادي والمحيط ألأطلسي
هاجن وماجن لله دركما
حفظكم الله بحفظه


 

قديم 16-09-2011   #14


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي كفاً على خــــــده يــــطير مسمـــعه//تـــعالو قصة عجيبه///



السلام عليكم ورحمت الله وبركاته
يااخواننا الكذب جريمةً كبراء
الكذوب اكبرمـــــــــــــــــــــجرم
المؤمن لايكذب

كفاً على خــــــده يــــطير مسمـــعه//تـــعالو قصة عجيبه///


الله يقطع كل حلافاً مهيــــــــن = بالكذب وتزويرهرجه يجمـــــــعه
متكبر مغرورمغويه العيـــــــــن=شبه إبليس ودائم يركض معــــه
مفروض هذا يالفاءلطيبيـــــــن=يطرد من المجلس مع الي شجه
وإليا تكلم عقبوه الغانمــــــين=وكفاً على خده يطيرمســـمعــــه
حتى يتوب ويعترف للحاضرين=وإلأ يروح وعل ر بي يقـــــــــلعـه
وختامها ابي أعتذر للطيبــــين=وللاش عذري مهولازم يقنــــعــه



الشاعر / طـــــــــــــ الزميلي ـــــلاع الـــــــ ش ــــ مر ي

بعد مانزلة قصيدتي حصلة على هذ القصه العجيبه الغريبه
معجزه ومحزنه وحبيت انقلهالكم



قصة اعجبتني يقول صاحبها.................؛؛

في أحد المرات كنت جالساً في البرية وأقلب بصري هنا وهناك ، أنظر إلى

مخلوقات الله وأتعجب من بديع صنع الرحمن ..

ولفت نظري هذه النملة التي كانت تجوب المكان من حولي تبحث عن شيء لا

أظن أنها تعرفه ... ولكنها تبحث وتبحث .. لا تكل .... ولا تمل ..

يقول وأثناء بحثها عثرت على بقايا جرادة .... وبالتحديد رجل جرادة ...

وأخذت تسحب فيها وتسحب وتحاول أن تحملها إلى حيث مطلوب منها في عالم

النمل وقوانينه أن تضعها .... هي مجتهدة في عملها وما كلفت به ...
تحاول ... وتحاول ..
يقول : وبعد أن عجزت عن حملها أو جرها ذهبت الى حيث لا أدري واختفت ..

وسرعان ما عادت ومعها مجموعة من النمل كبيرة وعندما رأيتهم علمت أنها

استدعتهم لمساعدتها على حمل ما صعب عليها حمله

.. فأردت التسلية قليلاً وحملت تلك الجرادة أو بالأصح رجل الجرادة

وأخفيتها .... فأخذت هي ومن معها من النمل بالبحث عن هذه الرجل .. هنا

وهناك ... حتى يئسوا من وجودها فذهبوا ..

لحظات ثم عادت تلك النملة لوحدها فوضعت تلك الجرادة أمامها .. فأخذت تدور

حولها وتنظر حولها .. ثم حاولت جرها من جديد .. حاولت ثم حاولت .. حتى

عجزت .
. ثم ذهبت مرة أخرى ... وأضنني هذه المرة أعرف أنها ذهبت لتنادي على

أبناء قبيلتها من النمل ليساعدوها على حملها بعد أن عثرت عليها ... جاءت

مجموعة من النمل مع هذه النملة بطلة قصتنا وأضنها نفس تلك المجموعة .. !!

يقول : جاءوا وعندما رأيتهم ضحكت كثيراً وحملت تلك الجرادة وأخفيتها

عنهم .... بحثوا هنا وهناك ... بحثوا بكل إخلاص .. وبحثت تلك النملة بكل

مالها من همة ..

تدور هنا وهناك .. تنظر يميناً ويساراً .. لعلها أن ترى شيئاً ولكن لا شيء

فأنا أخفيت تلك الجرادة عن أنظارهم ....... ثم إجتمعت تلك المجموعة من النمل

مع بعضها بعد أن ملت من البحث ومن بينهم هذه النملة ثم هجموا عليها

فقطعوها إرباً أمامي وأنا أنظر والله إليهم وأنا في دهشة كبيرة وأرعبني

ما حدث .. قتلوها .. قتلوا تلك النملة المسكينة .. قطعوها أمامي ....

نعم قتلوها أمامي قتلت وبسببي ... وأضنهم قتلوها لأنهم يضنون بأنها كذبت

عليهم !!
سبحان الله حتى أمة النمل ترى الكذب نقيصة بل كبيرة يعاقب صاحبها

بالموت !! ))
حتى النمل يعتبرون الكذب جريمه يعاقب عليها لإثمه وشدة

جرمه.. فأين من يعتبر ؟؟

فكيف ان كان الكذب يحمل اساءة او شك او تقوم من وراءه الفتن والحرب

وخراب البيوت ...

تحياتي


 

قديم 23-09-2011   #15


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي قصيده بفضيلة شيخنا/ الغالي محمد العريفي شبل الاسلام وداعي الرحمن



قصيده بفضيلة شيخنا الغالي
شبل ألأسلام وداعي الرحمن
الشيخ /محمد العريفي حفظه الله


قصيده بفضيلة شيخنا/ الغالي محمد العريفي شبل الاسلام وداعي الرحمن


ياداعي الرحمن لبيك لبيـــــــــك =هلاهلابك وسعدالله محيــــــــــاك
الصدح بصوت الحق والله ينجيـك=وتفوزباحلاجايزه عند مـــــــولاك
يطمس بصرضدك ويخرس معاديك =لاذن لاسمعه ولاعين تــــــــاراك
ويسترك في عزه وقدرته يحميــك=وبالنوم والقضه يصونك ويرعـاك
أغضب عدوالله والله يرضيـــــك =وتفوزعند الله بدينك ودنيــــــــاك
ودام الملك وخوان نوره تحييــــك=وكل وقفلك يالعريفي وحيــــــــاك
وشيوخنامن مصدر العلم تعطيـــك=الكل منهم كنه السيف فتـــــــــاك
وحنا معك في راس عيطانباريـــك=قدمك وخلفك وعن يمينك ويسراك
واليانتخينا بالمواقف نذريـــــــــك=ياسعد عينك يانتخيناوجينـــــــــاك
نرضي صديقك ثم نكره معاديــــك=ويخساويعقب عنك هذاوهــــــذاك
ويابن العريفي كلنانفتخرفيـــــــــك=ويحق لنانفخربمثلك وشـــــرواك
في ساحت الميدان كل يهنيـــــــك=برزت بالخط الامامي على عــداك
ولله درك والعكف بين اياديـــــك=يقدح شراره كالصواعق بيمنــــاك
و لله درك يسعدك عز واليــــــك=ويسعدابوك وامك ويسعدمحيــــاك
وقطف ثمرغرس الغلى بقلب مغليك=واحصدنتيجه ماغرسته بيمنـــاك
ومن حبه المالك مليك المماليــــــك=نادا الملك جبريل بملوك الافـــلاك
وباجمل عبارات الاخوه نوافيــــك=من دار طلاع الزميلي تنصـــــاك

الشاعر \ طلاع الزميلي الشمري


 

قديم 25-09-2011   #16


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي لأتفـــوتكم غــــــــــزلــــــــــــيات شــــيبانكم



السلام عليكم ورحمة الله وبركاته
مداعبه بين الشعراء
(الشاعرالمعروف خليف العجيلي الشمري وجه هذه القصيده مداعبه لشاعرهم وخطيبهم
ماجد المطرود الشمري وأنا عندما سمعت قصائدهم أعجبني وحاولة أجاريهم ).

الشاعر / خليف راضي العجيلي الشمري

صادفتلي شايبن في شارع الحمــزه =عند الاشاره على فكسارتايوتــــــــــــــه
فـي جانـبـه وحـدتـن عطتـنـي الغـمـزه=موجودفي مفرق البرقع جباروتـــــــــه
لـولاالـحـا كــان انـاقـمــزت لي قـمــزه= في شـنطة الجيب ولافـوق كبوتــــــــــه
علمـي بقلـبـي همزمعـهـم هكاالهمـــزه= يصيح مستيسرن حتـى انقطـع صوتـه


رد ــ الشاعرالخطيب / ماجد مطرود الشمري



ياحيف ماخذت رقـم اللوحة ورمزه= نـبي نتحــسـس عـنه أخبارمثبـوتــــه
والله ماقصدنا همزه ولالمــــــــــزه= لاشك أنا خايف تكون سـربـوتـــــــــه
واخاف معها مرض فيروس وفلونزه= ولي يوقف بـهـا متحـري موتــــــــــه
كل مانتحرص من المشبوه تراه انزه= ولامتابع أعـراض الناس ممـقـوته




رد ــ

الشاعر / طلاع مسند الزميلي




ياخليـف ماجدعطـاك علـوم مـن كنــــــزه =عــلــوم دقـيـقــه حـقـيـقـه صــــح مـثـبـوتــــــــه
ياخليف خذ حذركم من شارع الحمــــــزه =تـــــرى الـشـيـاطـيـن دوج فـــيـــه مـفـلــوتــــــه
يـصـورغــزال الـفـلــى بـعـيـونـك عــنــزه =الـعـنـزتـقـلــب غـــــــزال بــــقــــو جــبـــروتـــه
يلعب على الصدرها ويشر على جـنــــزه =يـغـريــك فــــي شـنـطه وكـبـوتـه وكـــوتــــــه
وأعـوذبـرب الفـلـق مــن لــــمزوه هـمـزه =لايـصـلـحــن للهدف وشــوتــنــي شـــوتــــــــه





ولكم تحياتي ابو طلال طلاع الزميلي الشمري


 

قديم 29-09-2011   #17


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي يناقداً بالخطاأ والكذب عزيـــــــلك = ترمي ورميتك مثل رامي الظــلماء



من أرشــــف ابو طلال القديم رسالة لمن ينتقد بالخطاء والكذب
يعني اني ناقد وفهمان وهو بعيد كل البعد عن النقد الحقيقي


عســـــــــــــــــــــــــــــــــــــــــــى تنال أعجــــــــــــــــــــــــــــــابكم


يناقداً بالخطاأ والكذب عزيـــــــلك = ترمي ورميتك مثل رامي الظــلماء.. ..


يناقداً بالخطا والكذب عزيـــــــــــــلك = ترمي ورميتك مثل رامي الظــــــــــــلما
على عماها عليه مسرجاً خيــــــلــك = أعما بصيره وقلب وشوفتك عمـــيــــــا
مطير عيونك عليه جايباً حــــــــــيلك = هون على نفيستك يالنعجة الـــــــــــدلما
شبك أبليس ً ولفابك لاويٍ ذيـــلك = وجابك لسالم أخو سلمى ولد ظـلـما
صدقت من قالك بالوجه ياحليـــــلك = والمشكله مهجتً على الخبث تنــمــا
أتعبت نفسك على الفاضي بتحليلك = عطشان جفتك لهاتك ماوردت الما
وان طولت قلت أنأ وأن قلت ياويــــــلك = كشفت سرٍ خفأ في دامس الظـــلما
وترى النهايه أسباع البر تلويـــــــــلـــــــك = تفرسك يادليم ولد النعجة الــــدلما


الشاعر / طلاع الزميلي الشمري


 

قديم 30-09-2011   #18


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي يماجد ليتي ماوصلت الرديفه=وياليت رجلي يالخومامشتبه



هذه القصيده قلتها بخالي وأبنا خيي ورحيمي وأبن عمي
الشاعر القدير والراوي // مـاجد مطـرود الشمروخي الشــــمري
وهو أحد أعلامنا البارزين بالادب ولاخلاق في قبيلتنا الشمروخ
طلعت للبر وجيت منازلنا في شمال المملكة و شفت فيضه الرديفه
ممحله حتى الشجر انقطع منها تذكر منازلنا فيه وبيوت الشعر والأبل والغنم والريف والعشب
والوناسه والعلوم الطيبة
والشيبان الي لم يبقي منهم الا القليل وتذكرت الغالي ماجد انا وياه من سن الطفوله ولنا ذكريات جميله وفرقتنا الدنيا ومشاغل الحياة الحقيقة ضاق صدري ولااخفي عليكم ضاقت بي الدنيا بمارحبت
وفعلا بكيت حتي طاب خاطري
عسى ولعل تنـــــال أعجابكم
يماجد ليتي ماوصلت الرديفه=وياليت رجلي يالخومامشتبه .. ..



ياماجد ليتي ماوصلت الرديفه=وياليت رجلي يالأخو مامشتبه
وشفت الرديفه عقب ماهي مريفه=تقل السحايب يالأخو مامطرتبه
وذكرت فيها لي مواقف طريفه=مواقفٍ عيني وعينك بكتبه
وصالت علي هموم بقعا عنيفه=وتصافقت في خافقي والعبتبه
وتسابقن دموع عيني ذريفه=الله ياما من الدموع ذرفتبه
وذكرتبه اهل القلوب النضيفه =وبيوتهم هاك الشعيب انبنتبه
وراحو وقفو بالعلوم الشريفه=وقلوبهم طرق الردا ماحكتبه
دنيا كفا شره علومه مخيفه =من شالته ماترجعه يارحلتبه
وبقاء مثل ماجد براس المنيفه=خليفت لعوايد زوعتبه
صرح شمخ ضد الرياح العنيفه=وطيش العوم الزايفه ماثرتبه
صميدع نفسه خفيفه عفيفه=ورجليه لو داس الوطأ رحبتبه
ليا جلس بين الرجال الشريفه=كوكب جدي زحول الرجال أهتدتبه
خلا السخافه للعقول السخيفه=للي ملذات الحيات لعبتبه
مثل النداوي فوق راس المنيفه=له موقع طيور الرخم مانزلتبه
دنيا كفا شره علومه مخيفه=عساه من اللي صالح يارحلتبه





اخوكم الشاعر طلاع الزميلي الشمروخي الشمري


 

قديم 04-10-2011   #19


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي صــــــــــــــوت عــــبر ألأثــــير ورداً مثــــــــــير






هذه قصيدتي / الشاعر طلاع الزميلي الشمري

هذه قصيدتي / الشاعر طلاع الزميلي الشمري.. ..



صوت شعرً شدني عبر الاثير = هزني حطم كياني وجهدي
صوت شاعر فيه للكادي عبير = في شموخ العز برقه يرعدي
صوت به نبرات حرمانً مثير = بلحن يأسً للمأسي غردي
صوت به حسيت موالاً يشير = شاكين ظلم النعايم للجدي
صوت يصرخ من عذابه يستجير = ولاحنا راسه لبطش المعتدي
صوت عزً جاوب الصوت الأسير = عايشً جبروت ظلمً السودي
صوت عزً قاتلً سرً خطير = باعالمً مجهول فاض وسندي
صوت عز ً مصدره واقع مرير = بروز الاحداث ورمزٍ ابجدي
صوت البليهيد اسرح به واطير = لاسمعته به خيالي شردي
وصرت اهيم بجوه المرعب واسير = وبأرض حزنه صرت اوقف واقعدي
واتأمل وتخيل واستخير = خايف اخطي يوم اقوم اسددي
ولا نخيتً لكن اني لك مجير = وطبعنا لظلم خصم امجندي
وانت يابليهيد في شعرك مثير = تأنب اللي امن الضمير امجردي
شعركم يهتز له حي الضمير = وميت الأحساس خله يرقدي
ويالعتيبي لو يصير اللي يصير = في شموخك خل برقك يرعدي
في النهايه كلمةً قبل الأخير = كل ضالم خاضعً لو عندي
والنهايه كلمةً بعد الاخير = واعساك بكل لحظه تسعدي

وهذا مرد الشاعر بليهيد مفرج العتيبي.. ..



عشت ياطلاع بالرد المثير = أستثرتك بس ماهو مقصدي
بس ردك فيه أحاسيس وضمير = مشتعل في داخليك موقدي
ولاستمعت من الشعر غير اليسير = كيف لوإنك قريت مجلدي
من معاناتي طلع شعري مرير = من الصفا الجلمود جبت مجلمدي
مامتدح نفسي وأقول اني خبير = لكن ماكتب بيت إلأ يولدي
والجميله من تقنصها يحير = غير لاراحت مع الوسع تعدي
لاستذارن غدت شوردهن فرير = كل وحده من ورا وحده قدي
والستدارً وستمرً بالنفير = وستمرً بالبصيط الجرهدي
ويايستدارً وستمرً بالنشير = ماتغدي عني وعنها ماتغدي
تلحق الي مسمرً بالمطير = ام الصبع والمدا معها مدي
والحبيس ألي غداء حبسه مصير = هو ماهو باليدين مقيدي
حلقتين بوسط هنا يستدير = لاطلع من ذي بهذي يبتدي
مايفكه غير مفراصً شطير = منبرد ماهو بحاجه مبردي
والنجوم إلي حوالينا كثير = كضروف إلي مع الحظ الردي
والنجوم إلي نطالعها كثير = ساريات للمغيب إلى الجدي
حويجزينه دون الأنجم تستخير = أحجزنه وحجزآ المعتدي
طبق الصوره على وضعه تصير = حويجزنه هي يدي معه يدي
والنهايه تصبحوآ بألف خير = ونتهي بالي بديته مبتدي
عشت ياطلاع بالرد المثير = أستثرتك بس ماهو مقصدي
ويم ردك جا أحاسيس وضمير = موقدك من ناره أشعل موقدي


 

قديم 09-10-2011   #20


الصورة الرمزية طلاع الزميلي الشمري
طلاع الزميلي الشمري متصل الآن

بيانات اضافيه [ + ]
 رقم العضوية : 2766
 تاريخ التسجيل :  22 - 05 - 2011
 أخر زيارة : 27-07-2012 (03:30)
 المشاركات : 2,015 [ + ]
 التقييم :  10
 اوسمتي
وسام وسام شكر وتقدير وسام 
لوني المفضل : Cadetblue
افتراضي تعــالو شـــوفو غــزليـــة عــــمكم ابــو طــــــلال هههه




بسم الله الرحمن الرحيم
أخواني وأخواتي احييكم بتحية الأسلام
أضن أنهُ ليس من الحياء والعيب أن الأنسان
يتغزل في زوجته ويمتدحها ويثني عليها
ويشرفني أن أهدي إليكم هذه القصيده
بزوجتي جزا لها جزاها الله كل خير ، لما قدمته من خدمه لوالدتي الغاليه
وألأولين كانو يتغزلون في زوجاتهم بدون حيأء
وانا ياخويكم أبي اسدح الحيأ هههههه
احم احم احم الذله بنت حلال خخخخخ
مسكوني عيالي وقالو انت كل يوم تقصد قصيده
واليوم اين المفر يابا طلال
مطلوب قصيده غزليه فوريه بام طلال ولا قلت لاتكملون ابشرو على العين والراس
تروني ماذليت ههههه
:gfdcvh ::gfdcvh ::gfdcvh :


تعــالو شـــوفو غــزليـــة عــــمكم ابــو طــــــلال ..


يالي بقلبي غرســـــت الغـــــرس = أجن ثمر غرس الأصــــباعي
مدام حقوقي درستــــــــــه درس = وحفظتها وصرت له راعــي
وأمي بغيابي حرسته حـــــــرس = هديتـــــك قــــــــــلب طلاعي
لجلك حواسي خرسته خــــــرس = لو كان للـــــــــغير له داعي
بغيابك كني مريض الضــــــرس = وشوفك شفاء كل الأوجاعي
وعسى الولي يحرسك لي حرس = من كيد حاسد وطـــــــماعي
ولاظن عندي نوايا عـــــــــرس = مادمتي راعــي وأنا الراعي

تقبلو أحترامي وتقديري الشاعر / طــلاع الزميلي الشمري


 

 

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:50


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام