آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 28-12-2011   #11


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي آه كم آه في قلب الهواوي



من الارشيف مع بعض التعديلات اتمنى ان تنال الرضا

آه كم آه في قلب الهواوي..!!!


آآه كم من آه في قلب الهـــــواوي= والطبيب يقول كيف القـــــى دواه
في مجال الحب ممنوع الشكــاوي= لو شكيت الحب ماتلقى نجــــــــاه
ياجماعه الحب سوّا بي بـــــلاوي= يوم بعض الناس ذاقت من حلاه
ماكتبت الشعر من شي خــــلاوي= خافقي بالحـــب وصّل منتـــــهاه
والله انــي من بعيدين الهقـــــــاوي=مار سيف الحب ماضي بالحيــاه
كان موتي صار بأسباب الـــنداوي= فــدوة له يــــوم غيري مابــــغاه
فــــدوة يــــــا......لك قلبي فــداوي= مع عـــيوني يابـــعد كل البنــــاه
واسمعي ماجاك من شاعر حياوي= الخفوق يصيح من شي بلاه
واللئيم ان جاك ملعون المثاوي= اسفهيه الذيخ ملعون ثواه
لايصيبك شك من بعض الحكاوي= اسمعي نبضات قلبي من غلاه
يالعزيزه لاتزيدين الشقــــــــــاوي=لايزيد الهجر ثم نصبح جناه
لو اعرف الحب ينفع به عزاوي=الطنايا عز منهو في ذراه
اعتزي واصيح غلبا يالمداوي= ناخذك بالطيب والّلا بالقناه


 
 توقيع : عويد المغيليث



قديم 09-01-2012   #12


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي عبير



عبير!!!

عـندك خبر قلبي معـك واللا غشيــمه بالهــــوى= أبغى الصراحه واحذري كتم المشاعر مشكله
بانت علامات الخـطر والقلب بالحب اكـــــتوى=يافرحة أيامي ترى مافية بالحب مـــــــــــهزله
ياللي لك الخـــافق خفق واليوم عـــــانا وارتوى = روفي بقلب(ن) يعــشقك والحــب ماحد يجـــهله
راعي ظروف الي يحب جته النصيحه ولاقوى= هذا نصــيبه بالــهوى يابنـت حبــك هبــــــله
ليـتك تقولين المـشاعر بيــننا صــارت ســـــوى= والـــلا أعلنيـــها للملا هزيمــتي واتحمــــله
أنا مـــريض وحــالتي أنتي سببـــها والــــــدوى= يااعز واغلى من سكن بارض الشمال بااكمله
أن كان حبك غلطتي مااتــوب لو قلبي اشتـــوى= خلي خــفوقي يحــترق راضــي بحبك مجمله
ماابغى نصيحة من نصح قلبي تولع واهتــــوى= مافيــــــه داعي للنــصح آخر قراري وأولـــه
قالوا تعـــقل قـــــلت لا0 ثم كلهم قالـــــوا لــــوى= والمشكله باقي ترى ماصارت أصلا مشـكله


 
 توقيع : عويد المغيليث



قديم 15-01-2012   #13


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي عجوز وطبعه ميال



من الارشيف ابيات للفكاهه اتمنى ان تنول الرضا
عجوز وطبعه ميال!!!

صدفه والهاتف مشغول=عجزت أميز ماقول
ضليت لبرهة مذهــول=وبالآخر صد وهجـــران
سألته في سؤالين=ردت ماقالــت بعديــن
ابعــد عني يالمسكـــــــــين=عزلنا من البدوان
قلت اسمعي وش أقول =ثم ردي بالمعقــول
سؤالي ماضن يطـــــول=بدوي وعاشق حضـران
أول سؤال اسمعيه=للضرورة احفظيـــــه
سؤالــي والـله وجيـــــــــه=هل حبك أصبح نكــران؟
قالت مالك بي نصيب=لو رحنا لأكبر طبيب
ماظنك ترجع حبيـــــب=لك الله مالك مكــــــــان
وحلفت اني ماترجاه=حتى لو اني ماانساه
أبقى عايش في ذكـــــــراه=محطم بس اني إنسان
قالت وشهو مستواك=اسمع تراني أتحداك
اليوم أبي العن ثـــــــــواك=تعال وشوف البرهـان
قلت انتي بنت لعوب=والضاهر قلبك مضروب
والمحبــــه له دروب=ومن حبك والله خسران
انتي ماتسوين ريال=عجوز وطبعك ميال
والله لو جيتك بعقــــــــــال=لملي ثوبك دمــــــــان
قالت تراني بالباب=كانك للخنقه طلاب
عجوز بقوة شبــــــــــــــاب=مانبغى هرج الورعان
وجيته في زلفت بابه=متحدي كل اصحابه
يلعن أبوه سبابــــــــــــــه=ماكنه بنت ابن فلان
أبوها رجل كريم=مايسمع هرج الحريم
في رأيه دايم فهيـــــــــــــــم=أبوه وجده شجعــــان
والله لو ادخل بالبيت=ما اتركها لو اني ميت
وان قالوا لي وش سويت=أقول أرضيت الزعلان


 
 توقيع : عويد المغيليث



قديم 17-01-2012   #14


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي فرق العرب والغرب



بدون مقدمات اتمنى ان تنال القبول

فرق العرب والغرب!!!

فرق العرب والغرب نقطه وحيده=والفرق واضح بين ذولا وذولاك
الغرب يصنع كل شي يريده=واللا العرب مابينهم حطواشباك
الغرب فن الحرب جدا يجيده=واللا العرب من خوفهم جاهم ارباك
حنا نقول اللي مضى من يعيده=والغرب بالحاضر خذوها بالادراك
الغرب يفخر بالعصور الجديده=وحنا نتجرع بالخساير والانهاك
كل العرب هالوقت ماهي سعيده=والخوف شر الغرب لامن تنصاك
وين الزعيم اللي يسمى وليده=وين الذي بالعلم له راي وادراك
وين الشجاع اللي سليم العقيده=اللي يرجع للعرب مجدهم ذاك
وينه صلاح الدين واللا حفيده=صلاح وين اللي يسوي سواياك
ياعونة الله مابقى له شريده=كل العرب نامو ولافيهم احراك
ياللاسف صرنا شعوب بليده=متى يدور الوقت وتدور الافلاك
متى يعود المجد لأمه مجيده=متى يعود القدس من يد الاشراك
وضميرنا وان مات والله فقيده=يالقدس قلي وش بقى لاعدمناك
وكان الضمير الحي مات بغميده=باقي على الشعار يالقدس ترثاك
قبل الختام اقول باتلا القصيده=يالقدس ماوالله يوم نسيناك
لاشك جانا من جسدنا نكيده=وصرنا نساوم والحقيقه خسرناك


 
 توقيع : عويد المغيليث



قديم 18-01-2012   #15


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي قلت يمي لد عيّا لايلدّا



السلام عليكم ورحمة الله
الليله ياخي وانا اتنابش مع جهازي((الكمبيوتر))
كانت فيه مشكله الكيبورد بعض الحروف ماتنكتب اضغط عليها ومامن فايده
قالو لي الاخوان ترى فيه كيبورد في الجهاز نفسه وعلموني عليه وضبطت الامور
ولكن الماخوذ الليله جته مشكله جديده الله يكفينا شره وهي
ان الماوس مايتحرك ماغير تلاقيني ارعص به ولافيه فايده
وبعد عدة رعصات يتحرك ولكن مااقدر احركه شو شوي
يعني اليا بغيت الحرف اظل حوالي دقيقتين او ثلاث يمينه ويساره لين يثبت
عاد صرت انا وياه قش صلبه بالاول تحديته ولكن يوم شفته قبل التحدي تقل هونت
اغديه يصبرعلينا كم يوم ههههههههه
المهم سموها مثل ماتسمونها فكاهيه خربشات اخر ليل
اهم شي ساهر ماله مدخل يمي لان الجهاز يتوعدني بساهر ويقول الجمشات تكثر ههههههه
الله يسعدكم جميع


قلت يمي لد عيّا لايلدّا!!!

ياجهازي وش بلا حالك تردّا=الحروف احيان ماتكتب صحيحه
لو ضغطت الحرف مرات يتعدّا=والغلط احيان ياصل للفظيحه
قال انا تعبان مافيني مسدّا=وانت صبعك صار مايرحم جريحه
والصبا لو راح ماظنّه يردّا=ولي ثلاث سنين عندك بالبطيحه
قلت يمي لد عيّا لايلدّا=لعنبو هالوجه ياوجه النطيحه
مابقى يالهيس لك عندي مودّا=مار خذها اليوم من عندي نصيحه
والاصابع ذي مامنها مصدّا=استلم مادام هيضت القريحه
قال انا وياك كل منا يتحدّا=اشهدو ياناس من يسبق مطيحه
دام ساهر حي يالقرم المفدّا=والله انه لو تعاطف مانبيحه
قلت انا الجمشات عندي له معدّا=وان زعلت ارميك للعامل منيحه
مار عين خير والطيّب مبدّا=ولانسيت ايام عشناها مليحه


 
 توقيع : عويد المغيليث



قديم 31-01-2012   #16


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي الحظوظ تصيب نوب وماتصيب



هذه ابيات كتبتها قبل سنه ووجهتها للراوي
غايب العبدي ابو نبهان وهي من نوع المداعبه وابي اشوف يشجعني او لا ههههه
الحظوظ تصيب نوب وماتصيب!!!

اعترف بالحب لو مالي حبيب=واعرف ان القلب ميّال عجيب
واعترف للحب مايوجد طبيب=والحظوظ تصيب نوبِ وماتصيب
لاحكم يعطي حقوق العاشقين=والحبايب دوم مثل التائهين
مالهم قانون واللا منصفين=والحظوظ تصيب نوب وماتصيب
واعترف بالناس مخبول وخبيث=وان تكلم شفت منطوقه غثيث
يحسب انه صار للعالم وريث=والحظوظ تصيب نوب وماتصيب
ودام حب اليوم اصبح به شكوك=وان وقعت بحب ربعك عذربوك
وان طحت بأقدامهم والله وطوك=والحظوظ تصيب نوب وماتصيب
نعتزل حب العذارى والسلام=وان شطحنا شوي قلنا ذا حرام
والمحبه تبتدي بنظره وكلام=والحظوظ تصيب نوب وماتصيب
كم حبيب من حبيبه يشتكي=لاتقول اني انا رجل ذكي
شوف غيرك يافتى وخل الحكي=والحظوظ تصيب نوب وماتصيب
العذارى غربلن راعي البشوت=من سببهن مخطرِ يبغى يموت
من القهر هالشيخ لايذ بالسكوت=والحظوظ تصيب نوب وماتصيب
لجل هذا0 الحب والله مشكله=من وقع به شاف ذل وبهذله
ولاهقيت الجيل هذا يجهله=والحظوظ تصيب نوب وماتصيب
جيلنا بالعلم وصل مستوى=سطرو تاريخ بالعلم احتوى
ذي حقيقه يوم غيره ماقوى=والحظوظ تصيب نوب وماتصيب
اخترع صاروخ واهدافه بعيد=والشعب كل يوم يرقى ويستفيد
واعرفو ياناس مظمون القصيد=والحظوظ تصيب نوب وماتصيب
اقصد ان الحب مفعوله خطير=ومن تولع صار هايم له اسير
وان بغيتو شرح عندي له كثير=والحظوظ تصيب نوب وماتصيب
المجرب فاهم طبع الهوى=يوصف الحاله ويعطيك الدوى
والمحبه لاحشا ماهي سوى=والحظوظ تصيب نوب وماتصيب
العمر محدود والدنيا دروس=مايزيد العمر لو تدفع فلوس
وافهم الموضوع لاتبقى تحوس=والحظوظ تصيب نوب ماتصيب
لو سالت الشيخ غايب وش يقول=ليت ابو نبهان يعطينا الحلول
اربعيني تعتقد قلبه ميول؟=والحظوظ تصيب نوب وماتصيب
كان ابو نبهان شجعني شمام=اعتني في منظري بكل اهتمام
كلمته ميزان مافيها كلام=والحظوظ تصيب نوب وماتصيب
وان نصحني وقال مافيها مجال=قلت سم ولااكابر بالوصال
مقتنع من دون ليه ولاجدال=والحظوظ تصيب نوب وماتصيب


 
 توقيع : عويد المغيليث



قديم 04-02-2012   #17


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي قصيدة الشمريه وردي عليها



الشاعره الشمريه المجهوله لها قصيده وانا رديت عليها واليكم القصيدتين
حدتني الدنيا على غير ماريد = مشتني دروب الخطر والبلاوي
مقيدالاحساس وانا مطلق الايد= متستر ٍ بالثوب والعود ذاوي
وهموم قلبي كل مازاله تزيد= بأسباب جرح ٍ بين الاضلاع خاوي
وهبت هبوب النايبات المناكيد=هدت طموح احلامنا والمناوي
عيشة كدر واحزان وهم ٍ وتنكيد=وبيني وبين الموت عدة خطاوي
ضيعت عمري بالأمل والمواعيد =واشقيت روحي بالسهر والرجاوي
وعيوننا بدمع المحره اجاويد=كنه لهيب(ن)فوق الاوجان كاوي
ياما نصحوني عزوتلي ولايفيد=احزام عزمي بالعسر والفضاوي
يبغوني اتبع شورهم والتقاليد= ونذرت عمري للطنايا فداوي
وأمجد افعال الضياغم مع عبيد =وأثني على ضاري بعيد الهقاوي
كسارة الطابور اهل البواريد=ذباحة الحيلان كبار القهاوي
من دور نجد ٍ بالمعاره صناديد=يما دحروا عدوانهم باللقاوي
وادليت دلوي في بحور القواصيد=هذا يقول الشعر وهذاك هاوي
وعسفت قافي للطنايا أناشيد= في سامري يطرب خفوق الشقاوي

بقلم الشمريه المجهوله

هذا ردي عليها !!!

لاتشتكين الهم تفرح حواسيد=همك على العذال ماله طراوي
وانتي حكيمة راي مابه مناشيد=بنت الذي بالكون دايم قصاوي
متربية بالطيب والهرج توكيد=رباك عود مايحب اللغاوي
وان كان لي مدخل شريت البواريد=انا معك بالفعل ماني مراوي
طبعي كذا يابنت طبع الاواليد=ولي لابة بالحرب ماهي بتاوي
وانتي عزيزه رغم انف المقاريد=بنت الطنايا دوم راسه سماوي
شمر هل الفزعات ماهم ملابيد=زهيد بالافعال ماهي حكاوي
يشهد لهم تاريخ مكتوب بالايد=ماهو كلام مصففين الدعاوي
وفزعاتهم ماتنحصى للقواصيد=كل القوافي ماتجيب الحراوي
يابنت شمر رددي بالاناشيد=تعيش شمر كاسبين الثناوي
اجدادنا تزرع وحنا حواصيد=وصرنا نردد مجدهم بالحداوي
وان كان ماض الوقت يحتاج تجديد=الشمري للموت بالطبع هاوي
ودي ازيد وخفت هرج المناقيد=اخاف بعض الناس تصدر فتاوي



عويد المغيليث


 
 توقيع : عويد المغيليث



قديم 12-02-2012   #18


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي عذرا اخي عبدالعزيز البليهد فهي ليس بحجم المجاراة



السلام عليكم ورحمة الله وبركاته
قرأت قصيدة الشاعر القدير عبدالعزيز بن بليهد
وهي على الرابط التالي

http://www.nshama-shmr.net/vb/showthread.php?t=22575
وانا اعلم ان ماقدمته لن يصل الى المجاراة ولكن هي محاوله
وللامانه قرأت القصيده وكنت ناوي ارد ولكن غلبني النوم
ولما صحيت تذكرت القصيده ولكن تشتت الافكار واتت على ماهي عليه
فعذرا خي ابو محمد احس ان الفكره لم تكتمل ولكنها اتت هكذا
وشكرا لكل من مر هنا

عذرا اخي عبدالعزيز البليهد فهي ليس بحجم المجاراة!!!

ياموقد النار كبدي زاد حارقها=بافعال بعض البشر تزداد الاحراقي
لو الغضيه زعل ماكنت طارقها=ايضا ولاحب شعر فيه ترياقي
ودام المنافق يبي العليا مفارقها=يبطي عظم مايجيه الطيب منساقي
الناس واجد ورب الناس فارقها=وتر غانم العلم وحده للبشر باقي
يابو محمد لك الله زان بارقها=عطني اول الخيط واحشر كل بواقي
بأبيات ماني من الشعار سارقها=وانظر بحقران انا يم كل سراقي
واسرجت فوق العبيه وكنت فاهقها=وبنات فكري على الجزلات تشتاقي
والنفس عطها هواها الموت لاحقها=مادام شفك على البر زان يالراقي
حدد على الكيف يالنشمي مناطقها=وانا اعرف انك خبير بكل الاذواقي
والمعذره كان زادت بي صواعقها=احيان بعض السوالف عكسها لاقي


 
 توقيع : عويد المغيليث



قديم 14-02-2012   #19


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي رثاء بالشيخ غازي فارس العلي رحمه الله



الحقيقه هذه ثالث قصيده اكتبها واعجز عن اكمالها

لان الفقيد بالنسبه لي هو الاخ والصديق

وهو اخ للجميع بلاشك ولكنني طيلة معرفتي به رحمه الله

لم اراه يوما عابس الوجه بل على لعكس دائما رحمه الله

مبتسما خلوقا حكيما اذا تكلم لاتمل من كلامه

ماذا اقول فعذرا شيخنا لا الابيات تفيك حقك

ولا التعبير يصل الى المراد

رحمك الله ياابو فيصل

واسكنك فسيح جناته

والهمنا جميعا الصبر والسلوان

انا لله وانا ايه راجعون

رثاء بالشيخ غازي فارس العلي رحمه الله!!!

يالله فرّج هم من كان مهموم=واجبر عزانا في فقيدٍ فقدناه
فقيدنا شيخٍ بعيدٍ عن اللوم=في جنّة الفردوس ياعلْ مثواه
يارب يامعبود ياحي قيّوم=تغفر ذنوب الشيخ ياعالي الجاه
الشيخ مات وياعسى الشيخ مرحوم=غازي وغازي لاحشى مانسيناه
لو يفتدى بالروح مانرخص السّوم=اللي مثل غازي قليلٍ حلاياه
نسل الشيوخ اللي على الطيب مفطوم=من نسل فارس ياعسى العفن يفداه
الموت حقْ وكل نفسٍ لها يوم=مقسوم والمقسوم لابد نرضاه
يارب ياللي مرسل الغيث بغيوم=تغفر لبو فيصل وبالخير تجزاه
يارب ياللي رحمتك دايم الدوم=عبدك ويطْلبْك العفو في مناجاه
يارب انا طالبك يافارض الصوم =تغفر ذنوب اللي بالابيات نرثاه
وفيصل حياته ياعسى مابه هموم=ولاخاب عبدٍ يطلب الرب بدْعاه


 
 توقيع : عويد المغيليث



قديم 20-02-2012   #20


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي غلاك لو اخفيه



غلاك لو اخفيه !!!

غلاك لو اخفيه باين على العيـن= حسبي على هالحب اسهر عيوني
دورت لي مخرج لكن على ميـن=متربعه بالقلـب حبـك جنونـي
يابنت لو تدرين شاللـي مشقيـن=يمكن تعذري من حياتـه ظنونـي
روفي بحالي واعتقي حالتي شوين=غيرك من الخفرات والله يهونـي
هذا اول اسمك كاتبـه للبراهيـن=ابيـك تقرينـه بـذوق وفنونـي
انا بلاي ان كان لاسمـك تخفيـن=اموت غيض وفوق هذا مغبونـي
امانتـك قلبـي بعينـك تحطيـن=لايلحقه ياشوق جـور وطعونـي
ترى الامانـه ملزمـه لاتخونيـن=يابنـت منهـم باللقـا يثبتونـي
ابي عهد مكتوب واقراه هالحيـن=ولاهمني يابنـت مـن يتْهَمُونِـي


 
 توقيع : عويد المغيليث



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:53


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام