آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 23-02-2012   #21


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي من دون يابن منيس كرت وعزيمه



السلام عليكم ورحمة الله وبركاته
اتصل بي الشيخ عبدالكريم ابن كفش وقال لي الشاعر عقيل المنيس الشمري
زواجه غدا في حفر الباطن وش رايك تخاويني يمه؟
قلت مما يسرني وترى العزيز وابن العم مانحتاج منه كرت اوعزيمه
وانا اعتبر الكرت فقط لمعرفة العنوان او التاريخ ليس اكثر من ذلك
ومن يعتذر بالكرت اعتقد فقط يبي حجه على شان مايروح
المهم قلت هذه الابيات والقيتها في الامسيه وكانت فيه امسيه لعدد من الشعراء
اذكر منهم الشاعر الكبير ذيب العمودي والشاعر ابن داموك
والشاعر فهاد الريس وغيرهم من لايحضرني اسمه الان
واليكم الابيات اتمنى ان تنال على القبول

من دون يابن منيس كرت وعزيمه !!!


من دون يابن منيس كرت وعزيمه=اجي لكم وافرح لكم يالقرابه
حيثٍ لكم عندي معزه وقيمه =وطول المسافه يابعدي مانهابه
ندعي عسى الافراح ربي يديمه=يابوجمال افراحكم يعتنا به
وانتم سندنا بالعصور القديمه=وانتم لنا ياكشر الوقت نابه
اجي واشارك والمعزه مقيمه=يكفيني القى من جنابك رحابه
ومن يعتذر بالكرت ظني هليمه=والناس تعرف مين حضرت جنابه
لاشك اباستثني اخاف الظليمه=الكرت للتبليغ ماينحكى به
وشمر تراها بالتراحم عظيمه=شمر سنام العز كل يهابه
شمر يديهم دوم دايم كريمه=فيهم سخا فيهم طنا يعتزا به
واللي جحد مافيه نخوه وشيمه=ومن يجحد التاريخ شمر عذابه
شمر ثلاثه يستظلو بخيمه=الاسم شمر والثلاثه زهابه
واليوم جيت وشوف وجهك غنيمه=وافخر بكل اللي جمعنا اللقا به
وانا عويد نسل ذاك الصكيمه=اللي انغلث بالسيف وقت الحرابه
واختامها يااهل العقول الحكيمه=مية هلا باقولها بالنيابه


 
 توقيع : عويد المغيليث



قديم 26-02-2012   #22


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي صوت وصدى



وصلتني ابيات من الشاعر ماجد علوان العفريتي الشمري
ورديت عليه واتمنى ان تنال على الاستحسان
قصيدة ماجد علوان الشمري !!!

تدري (فراغ المحتوى) لو سقيتـه=من فلسفة حبري كسب لي رهانه
ويمكن (غنى نفسي) لو إني نسيته=يشحذ (فقر جيبي) سمو الآهانـه
(عشرين)عام وها آنا وش جنيته ؟=و (ثلاث) ياعويد .. ذبحني هوانه
من صغر سني دمعتي لو خفيـته=يبحث خفاي الوقت يطلق عنانـه
سايرت هالدنيا كثـر مـا نهيتـه=آجحاف قدري وآمتهـان اللعانـه
رضيت بالواقع ولـو مارضيتـه=مغصوب ياخالي ولو مـو آوانـه
ياهي غريبه قصتـي لـو رويتـه=تكسرني الجمله وانا اجزم بيانـه
فسـرت كُـم السالفـه واعتليتـه=واعطيت حرفي مايمسى الحصانه
اعن الهزيل وكل نقصـن فديتـه=وارفع براسه للعلا عـن طمانـه
وبيت الزجاج اللي لغيري رئيتـه=ماهوب آنا اللي يحذفه في لسانـه
آحشم نفسي ثـم حـرف جنيتـه=من راس ماهو قابل ... للـليانـه
وإذا (فراغ المحتوى) ما سقيتـه=آلعن ابو هالشعر وآلعـن زمانـه



ردي على الشاعر ماجد علوان الشمري !!!
يالشاعر الموهوب خطك قريتـه= صح اللسان ويسلمو لـي بنانـه
يالشاعر اللي كل شعره هويتـه=رجـل حكيـم والمهمـه تكانـه
من روس قوم(ن) يانخيته وجيته=يفـزع ولايحتـاج منـي بيانـه
والشعر عندك يالبناخـي لقيتـه=عندك على عسف القوافي ميانه
تشوم عن هزل القصيد وفنيتـه=دكتور شعر وعبقري بترجمانـه
ماجد ولد علوان لو قـال بيتـه=يشد من يقـرأ بيوتـه ظمانـه
واللي يوقف في طريقك عزيتـه=في ذمتي بالحال يبدي طفشانـه
واللي جهل قدرك وشعرك جزيته=بابيات ماينسـاه حتـى دفانـه
وخالك سلاحك فزعتك لو نخيتـه=مغلوث مايخفاك والعهـد صانـه
واللي وقف بالضد حانت منيتـه=نجيه لـو يبعـد علينـا مكانـه
وان ظل يرفس في رجولي وطيته=كله لأجـل عينيـك الله وامانـه
وهذا مـردي للبناخـي عطيتـه=ومادام خالك حي مالـك مهانـه



عويد المغيليث


 
 توقيع : عويد المغيليث



قديم 02-03-2012   #23


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي ردي على الاخت قمرا سماه



الاخت العزيزه الشاعر قمرا سماه
اعتذر منك شاعرتنا لكوني والله كنت مسافر كما قلت لك سابقا
وجيت اليوم الفجر من السفر حوالي صلاة الفجر ودخلت صدفه للموقع وشفت قصيدتك الجزله
وكنت مواصل مانمت فأضطريت ان انام واليك الرد ولو اني اعرف انه لايضاهي ماخطته اناملك
ولكن مثل مايقولون الجود من الماجود
فشكرا لكِ وشكرا لكل من قرأ او كتب حرف هنا
وهذا رابط قصيدة الاخت قمرا

http://www.nshama-shmr.net/vb/showthread.php?t=22935


ردي على الاخت قمرا سماه !!!


يامرحبا مليون لو مايكفو=اهلا هلا يابنت قافك ثريا
وابدبل الترحيب يمكن يسدو=بالشاعره قمرا ولاهي خفيا
بنت الرجال اللي على العز تربو=افعالهم بالطيب ماهي شويا
الياثارت الهيجا النشامى يصدو=جمع الجموع ان حان وقت العبيا
فرسان ياثار الدخن ماتردو=وقصيرهم محشوم عن كل سيا
صدفه دخلت وشفت عنوان يزهو=انا بطيت وشاعرتنا تريا
وقريت خطه والحقيقه خذا جو=وفهمت مضمون الرساله مليا
ياعل مثلك يالعزيزه على قو=اللي على عسف القوافي تحيا
بنت الرجال اللي على العز تواصو=وبناتهم مايقربن الرديا
واليا احتمى الموقف ابد ماتوذو=مواقف الاخيار تضهر جليا
وان كان تشكين الولايف تنحو=تصبري مادام لك مقدريا
التضحيه لابد للي يحبو =اما كذا واللا هوانا بليا
لابد للغياب يوم يردو =ويرتاح قلب بالمحبه شقيا
الا الياشفتي بغلاهم تدنو=قولي وفيت ولالقيت الوفيا
بانت حقيقتهم ولوهم تخبو=وش عاد ينفع يالعزيزه بذيا
ياكثر مابالكون ناس تمنو=وراح العمر لاشك ماشاف شيا
وانا مجرب والتجارب تنمو=ومن يهمل الغالين يحتاج كيا
وكان السبب لضروف يابنت عمو=والله مااذخر عنك شي بديا
ان كان هي بالمال ربعي تسمو=كبار الصحون وشايلين الخويا
وان كان هي بالجاه شمر تعلو=من فضل ربي كاسبين الثنيا
انهيت ردي والقوافي على او=والعجز وافي كاتبينه على يا
والمعذره يالغاليه جيتي تو=والرد قاصر مار ماهو بديا
والمعذره وانتي من اللي يعذرو= نوب الضروف تكون عكس المجيا
وصلاة ربي عد ناس يلبو=واعداد زخات المطر يالبنيا
واعداد مابالكون ناس تحرو=طلوع فجر مشرق بالبهيا
على شفيع الخلق ياللي تصلو=محمد المختار افضل نبيا


 
 توقيع : عويد المغيليث



قديم 12-03-2012   #24


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي بنت الخليج



السلام عليكم ورحمة الله وبركاته
في احد الايام كنت جالس مع احد الاصدقاء
وكان هذا الصديق دائم السفر ودائما يقول ويوصف بنت الغرب وبنات الغرب
وتخبرون عاد الكلام الباقي المهم قلت هذه الابيات وهي قديمه وقد نشرت في
مجله اصداف

بنت الخليج !!!

يااللي تقول الزين بالغرب غلطـــان=الزين والله في بلاد العروبــــــــــه
غيّر كلامك واسحبه يا كحـــيــــلان=بنت الخليج شلون مهي محبوبـــــه؟
بنت الخليج اليوم بالزين عنــــــوان=وابصم على هالقول لوعذربو بــــه
بنت البلد ياناكر الحق لـــــه شـــان=اصــلا ترى يكفيك لبسـه لثــوبــــــه
وبناتهم من عرفها لك نقصـــــــان=واللي وقع بحبالهم كسفو بــــــــــــه
العلم جاك وزبدت الهرج يافــــلان=بنت الخليج بحق والله محبوبـــــــــه
تاقف معك بالعون لو كنت طفران=ولا فكرت بالمال مهما حكو بــــــــه
والغرب مافيهم سوى قل الايمــان=واللا الوفا يافلان ماظن مشو بـــــــه
ارجع ترى اللي قلت لي زلة لسان=واللا اعتبرها غلطة مادرو بـــــــــه
نصيحتي وأسأل بها كل الاخــوان=ارجوك تعلنها من الان توبــــــــــــه


 
 توقيع : عويد المغيليث



قديم 23-03-2012   #25


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي اليتيميه



القصيده تحكي عن معاناة اليتيمه مع العم الظالم
نسأل الله العفو والعافيه
اترككم مع الابيات وهي قصه واقعيه ومن الارشيف

اليتيميه !!!

ياحول جـتني تشتكي شـح الأشواق = مـحـدٍعطاها مـن حنانه شويــه
يــتـيمةٍ كـل عـمرها فـراق بفـراق = من يوم أبوها مات وأمه شقيـه
تـقـول عــشـت بهـم مـاعـاد يـنـطاق = يـاعـونـة الـلـه مـابـقالي بقيـــه
تدري وش اللي احرق بقلبي إحراق = عـيـال عـمي فـكـرو بالرديـــه
أكبر عيال الـــعـم كـل يـوم دقـاق = لـلـبـاب يـبغى يأخذ الاولويــه
والـلا الصغير مولع بـدز الاوراق = كل يوم يرسل لي رسايل هديـــه
شـكـيـتـهـم لـلعـم لاشـك مـا فــــــاق = قــام يـتـبجـح مـا خذته الحميه
وصرخت بأعلا الصوت واعطاني طراق=يـــــــــقول مازلتي فتاة غبــــــــــــيه
ثــم قـلـت أنا ياعم هي وين الاخلاق = يـاعـم والـلـه سببوا لي آذيــــه
وشـكـيـتـهـم لـلـه خـــــلاق الأرزاق = الـواحـد الـلي عـالـم بالخفيـــة


 
 توقيع : عويد المغيليث



قديم 01-04-2012   #26


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي قصيدة يعقوب الشمري وردي عليه



ارسل لي الشاعر يعقوب الشمري هذه الابيات

قصيدة يعقوب الشمري وردي عليه!!!

علوش حصله على بضعـة قـروش= وقص الجواز وفيز لمصر وانحـاش
عزاه للغافـل الياصـار مغشـوش=بأسباب متمـرد ومجـرم وغشـاش
هالمجتمع نصفه مجانيـن ووحـوش=وعقالهم قطعـة طراطيـر وادبـاش
ياراعي الفزعات صدرلنـا جيـوش=نبي نوردهـم علـى دور الإنعـاش
الشرذمه ماهي ترا شرذمـة بـوش=الشرذمه من حولنـا واعلنـه كـاش
تعال شوف بطونهم صارت كـروش=الوضع مزري حيل وبالمختصر ماش
خرفوش ينهب من ملايين فدغـوش=وفدغوش يدرى خاطر العم خرفـاش
وعموش يشهد زور لعيون حنتـوش=ومااخس من حنتوش ياكود عمـاش
ماهم بشر واقسم قسم ياهم جحـوش=تعال شوف آثارهم حول الاحـواش


الشاعر يعقوب الشمري

وكان هذا ردي عليه!!!

المجتمع ياصاحبـي صـار مفتـوش= وتشـوف بالدنيـا هوايـل وتهتـاش
خلك من اللي يسبق العلـم ويهـوش=ادنى كـلام يهزهـزه يرفـع كـلاش
ومن قال ذا سافر ترى ذاك مكـروش=مثل الشبه مابيـن عايـش وعيـاش
عايش تقدم الـف والبيـت مفـروش=وعيـاش اخرنـاه ولاهـو بـفـراش
واللي نهب فدغوش يلعن ابـو بـوش=هو ليه بوش يوزع المـال ببـلاش؟
وابي احيطك علم عن وضع حـروش=اللـي يقصـد بالدداسـن ويعـتـاش
يبيـع سيـاره ويعطيـك دنـفـوش=والالف عنـده يندبـل دبـل بالكـاش
ودي اجهـز بندقـي بـس مخـروش=وكم جبهـة تفتـح ولانـي بهـواش
قررت ابي اترك هالحكي والبس دروش=وعزمت اتابع يابعدي طاش ماطـاش



عويد المغيليث


 
 توقيع : عويد المغيليث



قديم 21-04-2012   #27


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي طلقتها



بسم الله الرحمن الرحيم
السلام عليكم ورحمة الله وبركاته
غياب خارج عن الاراده وحضور ربما يخلفه غياب الله اعلم
ولكن ليعذرني الجميع ان غبت فليس باليد حيله هناك ضروف تجبرنا احيانا
يعلم الله كان ودي اتصفح جميع قصائد الاخوان والاخوات وارد عليهم
ولكن والله لدي ضروف هالايام صعبه وان شاء الله تزول
ملاحظه مقدمة القصيده اول كلمه ((به شي) الاصل كان كلمه غير هالكلمه ولكن ابدلتها
لكي يكون الموضوع فيه غموض لان الغموض احيان افضل
وكذلك تكرر في بداية الشطر الثاني ((يالشي)) وكذلك البيت الاخير الشطر الثاني
ارجو ان تقبلوها كما هي
شكرا للجميع

طلقتها!!!

به شي ملعون الثوى قطع معاليق المريض=يدق ناقوس الخطر واللي وقع به مبتلي
مهما تكون المسأله باقول بالخط العريض=يالشي يوم انك لفيت ابغاك تاخذ مايلي
الاوله ماني على ماقيل بالشخص الحظيظ =دامي سمحت لحضرتك دخول باب المنزلي
والثانيه اكبر غلط صكيت اذني للوعيض=واقول يالواعظ ترى الاخلاق ماتتحملي
والثالثه طلقتها يوم ان غيره مايعيض=ودموع ورعاني على الخدين صارت تنزلي
امسح دميعات الولد واعطيه من زين اللفيض=والبنت اهديها وانا حالي لك الله تشعلي
تقول يابابا طلبتك امنا ماله بغيض=صرنا ضحيه والسبب يابوي عايش بجهلي
بس المهم صرنا يتام دموعنا دايم تفيض=يابوي تكفى فكر بحال اليتيم المهملي
واقول يابنت اسمعي ابوك رجال مريض=ولاعاد طب ينفعه ياكود رب معتلي
يابنيتي نبضات قلبي ياذكرته تستشيض=واللي حصل يابنيتي ماكان لازم يحصلي
ياللي قريتو قصتي ترى الخطر يومض وميض=والشي ملعون الثوى جاب اخري مع اولي


 
 توقيع : عويد المغيليث



قديم 29-04-2012   #28


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي فوق السطور



السلام عليكم ورحمة الله
ارشيفيه اتمنى ان تنال على استحسانكم

فوق السطور !!!

فوق السطور اللي تبنتها الاحــــــــزان= نويت انا يالجوهرة شرح دعــــــواي
وبين السطور اخترت انا الهم عــنوان=عل وعسى يالجوهرة صبت بالـــراي
الهم حس ولانشوفه بالاعـــــــــــــيان= وهذا الذي يالجوهرة زاد بلــــــــــــواي
ورغم الظروف وقاهر الوقت غلطان= حطيت في بحر الهوى كل مرســـــاي
واخفيت عن بعض الملا كل مابـــــان=اخاف لاتفرح بنا عداك وعـــــــــــداي
اضحك وأنا بالهم يابنت بلشــــــــــان=همي محيرني ويعزف على الــــــــناي
يعزف على أوتار القهر بعض الاحيان= جرحي بيميني مادرت فيه يســــــــراي
الناس ترقد واقضي الليل سهــــــــران= يالجوهرة هذا ترى سر شكــــــــــــواي


 
 توقيع : عويد المغيليث



قديم 05-05-2012   #29


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي اخوي ولد امي وابوي



السلام عليكم ورحمة الله
ارشيفيه قديمه اتمنى ان تنال على استحسانكم
مع ملاحظه ان المخاطب مؤنث لان الكتابه غير اللفظ
يعني صعب اني اكتب (جيت اسألكي) وهكذا

اخوي ولد امي وابوي !!!

جيـــــت اسألِك عن خافقي امانتك بأول لـــــــــقا= امنت لك قلب صدوق ابي اسألك صنتِ العهد
ان كان ماصنتِ العهد يابنت عيشتنا محــــــــــقا= لاوالله الا مابقى غيـــر الخيانـــــه وش بعـــــد
عهد قطعناه برضا حب على وضــح النــــــــــقا=اصبح حديث المجتمع يسمع به اللي بالمهــــــد
ياناس قولـــو رددو ياليــل ياليــل الشــــــــــــــقا=كانت مكـــارم خالــده واليــوم عنــها نبتعــــــد
ان كان فرطنا بعهد بالله قولـــــو وش بـــــــــــقا= ترى العهد يبقى عهد مهما نقــــول ونجتهـــــــد
والحين ابي اسرد قصتي ابغى السموحه يا رفقا=ابي اختصر حيل اختصر والكل منكم يستعـــــــد
بنت عطتني عهــــدها نموت مانتفــــــــــــــرقا= لكن خســــارة للاسف خانت وعنــدي من شهـــد
قلت اختبر حبيبتي اللي لها قلــــــــــــــــبي وقا= قالت بلهجه سامجه ابعد انا عنــــــــدي (سعــــــد)
تدرون منهو ذا سعد؟اللي على عرشـــــــه رقا= اخوي ولد امي وابي ولالــــي غيـــره من سنـــــد
هذا اختصار المشكله ماقلت شي مـــــلـــفّــــقا= كتبت لي قصـــــة حلم يقراه من قــــــام وقعــــــــد




ولاتنسون ان الموضوع حلم


 
 توقيع : عويد المغيليث



قديم 09-05-2012   #30


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي دقت علامات الخطر



دقت علامات الخطر !!!

دقت علامات الخطر يوم الاثنيــــــن=وجندت كل موظفين ألطــــــــواري
قلت السبب كل السبب نظرت العيـن=سهم سطا بالقلب وضح النهـــــــاري
قالوا جميلة قلت سيد المزاييـــــــــن=ماشفت مثله في جميع الديـــــــــــاري
قالوا نسبها قلت ماقول أنا منيــــــــن=لاكن حبيبي ماسكن بالبـــــــــــــراري
قالوا وفية قلت طبع المحبيـــــــــــن= أصل ألوفا مزروع فيها إجبــــــــــاري
قالوا كبيره قلت واحد وعشريــــــن= ونهيدها يشبه لبيض الحبـــــــــــــــاري
قالو تبالغ قلت عندي براهيــــــــــــن=خده كماالمصباح هذا اختصـــــــــــــاري
قالو بعينك قلت يكفيني ثنيـــــــــــــن= دين وأصل ماغير هذا اختيــــــــــــاري
قالو ترى المكياج يخدع كثيريــــــــن=قلت اصلا المكياج ماهو لعــــــــــــذاري
قالوا تحبك قلت بين اختياريــــــــن=إما أنا واللا تموت انتحـــــــــــــــــاري



المغيليث


 
 توقيع : عويد المغيليث



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:17


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام