ديوان الشاعر / عبدالعزيز بن بليهد

السلام عليكم ورحمة الله وبركاته

مصافحه اولى بهذا الصرح الادبي الشامخ بمن فيه من الوجيه الطيبه

آمل ان ترتقي لأذواقكم

مراااااادي !!!.. ..

	من ما يحب العطر والورد والكـادي=ونسمات روض الربيع ولين إنفـوده وضحكات الاطفال والفرحه والانشادي=الله مااحلا البرائه وسـط الانشـوده وجه البحر كحل عين الضايق الغادي=وشوف الشوامخ سرور العين وسعوده ومن لايحب المطر في مرتـع هـادي=ماتسمع الا طشـاش بغيبـة رعـوده والله على السيل لادربا مـع الـوادي=يوحي وشيشه هجوعٍ طـوّل رقـوده كـن الزبـد وفـد حجـاجٍ وورادي=على حياض الرمي عجله ومحـدوده يقتش ماجا بدربـه سمـل وجـدادي=ويحيي نباتٍ هشيم ويابـس ٍ عـوده عليه من صبغة الشكليـت منقـادي=وعليه مـن ديمـة الهتـان ماهـوده وبطرافه العشب تـوه باولـه بـادي=وعنه الدبش من جميع الخلق مردوده وليا تفهّـت طيـوره قامـت تنـادي=والجو رايـق ولابـه زايـد إبـروده ياشبّت النار ياهـي تنعـش فـوادي=وحضب عليها دلالٍ تلصـف خـدوده عـزالله انـه جـلا للهم ومــرادي=وعلاج نفسٍ من الضيقـات ملهـوده

غنـى طـلال ومثلـه الـورق غنـى ..

	غنـى طـلال ومثلـه الـورق غنـى=وانـا بـخـدٍ يخـجـل الــورد غنـيـت وجـه جمـع مـن كـل حسـنٍ وثنـى=رحابته يسعـد بهـا الحـي والميـت انـا اشـهـد انــه طـاغـي ويتجـنـى=دري بعملـه مـا عمـل يـوم ونيـت عـز الله انــك مـنـوةَ الـلـي تمـنـى=قبلـك حسـافـه كــل شــي تمنـيـت الله مـــا ألـــذك بـعـمـر الـمـعـنـى=وأنا بجنبـك لا طـرا البعـد ونيـت يـا مـن تهنـا بـك فــؤادي وغـنـى=لـو لاك مـا هيجنـت والله وغنيـت ولولاك تنـزع وحشـة الليـل عنـى=مبطي سهرت بوحشته واستخفيت

ياهنووووووه .. !!!

	ياهنـــوه قولو للغضي وشنوحه!=يدخل على الله لايزيد جراحي يلطف بخلٍ فيه راحت روحه=من طول صبره ملّ صبر وباحي وانا بليّا صيحتي مبحوحه=خجلان من كثر الجدا ولحاحي جداي عقبه نضم شعر ولوحه=ارسم خياله والوفاء مصباحي وش حيلتي بالمايس المملوحه=اللي بها زين ودلع ومزاحي شهادتي في سطوته مجروحه=هيبة جماله شـــي !! ماهو صاحي فاقد حنانه فرحته مذبوحه=ياعل ظرفٍ يبعده للماحي يامهرةٍ اعيا العنان جموحه=كانت بكفي عدها مسباحي علقتها وسط الغرام ارجوحه=تهوس والخافق له إترنّاحي بحّريةٍ هديتها وطموحه=فوق السحاب ولاتبي ملواحي ان رده الله سهرةٍ مفتوحه=ثلاث معها والسهر صباحي

بسم الله الرحمن الرحيم

السلام عليكم ورحمة الله وبركاته

كثيراً ما يعاني المواطن العادي من الأمراض والأكثر منها معاناته عند مراجعة المستشفيات

حيث المحسوبية والواسطة وهذه القصيدة تعبيراً عن ما تمرون به

الله لا يحيجينا للمستشفيات ويغنينا عنهم بالعويفيه

لو مالهواء من فضل رب المخاليق !!

	لو ما الهواء من فضل رب المخاليق=مـحــدٍ تـنـفـس مـثـلـنـا لــــو دقـيـقــة ضفـوه شرهـيـن الـريـا يــا مشافـيـق=ولــو تختـنـق كــل الحـيـاة إبحريـقـة مـار الله أعـلـم بالنـفـوس المطافـيـق=اللـي سعتـهـا تلـحـق الـنـاس ضيـقـه مريضنا يشرف على المـوت ويويـق=مـحـدٍ ربــع لــه لــو تـعــالا شهـيـقـه ينظر بحالـه عقـب مـا نشفـت الريـق=وحـب الخـشـوم وكــل كلـمـة رقيـقـه متـى علـى الله يشعـر الـطـب ويفـيـق=إن الامـــانـــه لــلاطــبـــاء وثــيــقـــه الواسطـة تنفـذ مـع العسـر والضيـق=يرقـابـهـا الـبـاطـل مـتــون الحقـيـقـة المـعـرفـة عـــز الـرجــال المطـالـيـق=ترفـع ولا تاطـا البـشـر فــي طريـقـة وهضـم الحـقـوق البيـنـه بالمعالـيـق=ياكـبـر جــرح الضـيـم مـحـدٍ يطـيـقـه لـرضـاك يـانـجـد الـغــلا والخفـافـيـق=اســوق لــك روحــي فديـتـك عقـيـقـه استعـذب العلـقـم ونــا كـنـت ماطـيـق=إلا حـــلاك الـلــي تسـلـسـل رحـيـقــه

نجد / بنتي ادعو له بالشفاء جزاكم الله خير

الى كل الطغــــــــــــــــــــــــــــــــــــــــــاة !!

	قال من هاض وتهيض بالحياة=كب همه والعيون اغرورقت يالله اني طالبٍ منك النجاة=من زمانٍ فيه الايام اصدقت امتثل وقت الرخا لامر الغواة =الطغاة الي تمادت وانهقت الرخم تقلط على صدر المهاة=لين روح الحر شامت وازهقت اه واعزاه من صبره كواه =عزةٍ بالنفس شاطت واحرقت ذا زمان الصمت ملعونٍ ثواه =من همس بالحق او نفسه هقت كلمة الوافين جاء عصرٍ طواه =جاب غربان المذله وانعقت كل ظالم عند خالقنا دواه = في نهارٍ به جوارحنا انطقت الردي يفنى ويبعث في رداه =ماحسب للواقعه لين اصعقت القوي اللــــــــــــــــــه على كل الطغاة = وكل نفسٍ زايدٍ ذنبه شــــــــــــــقت كم وجيهٍ تقتلب مثل الشواة =وكم قلوبٍ من حناجـــــــــرها انتقت الوجوه المؤ منه ترجي لقاه =الجباه الي بالايمان اشرقت البقى للــــــــــــــــــه ولا شيئ سواه =كل نفسٍ يم باريها رقت

عز الوصال .. !!!

	لوتقول الشمس غابت للشمال=قيل جايز كان شايفها ثري!! الحقيقه تختفي تحت الخيال=الشيوخ ابخص ونا حظي بري وش يخلي منقع الصبخا زلال=ويودع الجلمود مطواعٍٍ طري؟ غير علمٍ بالمحرم والحلال=مع ظمــــيرٍ يعلم الله مفتري واسع الذمه وطماعٍٍ وذال=والذليل ليا اوجس النعمه جري زينة الدنيا حواها واستزال=بالعواقب مار كنه مـــادري! وش يرد الغيث والمنشى خيال؟=غيرذنب المسلمين الظاهري مايواخذ من لبس عقله هبال=المواخذ كاتبٍ خطه قري ولا يعاتب بالمشاريه الزمال=دام مانجنيه من رده شري دام عز بموت الاحباب الوصال=وش لنا به كلها ياخاطري

الزين يامر.. !!! ..

	الـزيــن يـامــر بيـنـنـا ويـتـدلــل=والشيـن لاشفنـاه مقـبـل سريـنـا ام العـيـون النـجـل لـومـا تكـحـل=هامـو بهـا الشـعـار والعاشقيـنـا ماثـور يـادرب الجـمـال المبـجـل=قبـل الفراشـه تعشـق الياسمينـا يالـيـل لاجــا مــن نــوده تجـمـل=خـذ راحتـك بالحيـل طـول علينـا خيـم ليامـا تحتـك الصبـح ينسـل=وليـا غلبـك الصبـح علـم حديـنـا العـمـر واحـــد واللـيـالـي تـبــدل=ولاكل يـومٍ عـن همومـه سلينـا دام الزهر في ناعم الروض مبتل=عقـب النـدى نـدراه لمسـة يدينـا خل النفـوس المثقلـه هـم وعلـل=تنفـظ غثاهـا مـاوراء مـا شقيـنـا

محســــــــــــــــوبك ..!!!

	وشّوشّني الورد والسوسن عن اخبارك = ونسمات ليل الوسم دلتني دروبك لوتختفي ماتمضحل طاهر آثارك = هذا خيالك بعين اشواق محبوبك غالي وصار التغلي جس مقدارك != ماتدري اني بخيص وعارف اسلوبك ؟ جل ماتحس بغلاتك .. لعنبودارك ؟= هماي من علمك مزحك وملعوبك ! علمتك القاف والاوزان بأشعارك= صخرت لحن الهلالي عند مسحوبك ورّيتك ان المشاعر ذوق ومشارك =الهمتك الحس يومك دوبك .. ودوبك علمتك السحروالابداع ، وافكارك= بلورت فيها الجمال ،، وصرت محسوبك ياكبر حلمي عليك ومااكثر اعذارك=وياطول صبري وعيبي ..حب عذروبك إشرب ندى الوصل بل الكبد بأمطارك=شفني تنفست شامك وصل وجّنوبك حفظت سرك وفا ..واستعذب إبهارك=اهوا هجيرك ،، عسى الله يغفر ذنوبك ومع كل هذا.. ترا تـــــال الدواء نارك=احيا بلى اياك .. كان الخلق ماتو بك

:bnm :


لكل من مر من هنا

الحسووووووود ..!!!

	مامثـل تطنيـش الحسـود=يــاعــل ربــــي يـقـلـعـه يـاعـل جنـسـه مـايـسـود=مـن دونــه الدنـيـا سـعـه مهـمـا عطيـتـه مـايـزود=الا مــع احـقـاده ضـعــه لوعـاش لا يمـكـن يـقـود=الا الفـتـن والضعضـعـه يــســـده تــرابـــن ودود=يمـكـن تكـفـي مطـمـعـه لوهوغـنـي مامـنـه فــود=والنصـح عنـده مضيعـه مهـمـا عـدلـتـه مـايـعـود=مـاعـنـده الا الجـعـجـعـه بيضـن سوالفهـم وســود=خـوافـقــن مـتـرعـرعـه يـمـوت لاشـافـك سـنـود=وده يـحــطــك بـالـقـعــه يـرتـاح لاعــم الـجـحـود=ويـحـب لـبـس الاقـنـعـه يـظــن هالـدنـيـا خـلــود=لـوحـاشـهــا مـاتـقـنـعــه يـــاراح لـيـتـه مـايـعـود=لاعـــاد يـــوم يـجـمـعـه نــعــوذ بالله يـاحــســود=مـن كـل شــرن ترمـعـه ياصـارت الدنيـا سـعـود=يـشـتـاط فـكــر الامـعــه وعند المصايب له وفود=يخـوض وسـط المعمعـه كنـه مـع بليـسـن جـنـود=الـشــر مـنـهــم مـنـبـعـه شح المطر موت الورود=هـم سبـتـه هــم مرجـعـه وطوبـا لنفـسـن ماتـجـود=الا بـخــيــر ومـنـفــعــه عـسـاه دايـــم بـالـوجـود=الله يــحــيــي مـنــقــعــه

السلام عليكم ورحمة الله وبركاته

كل عام وانتم بخير وصحه وسلامه

آمل ان يرتقي هذا النص لذائقتكم



شعيب غيلانه غرب روضة خريم 1432

فيــــــــافي نجــــــــــــــــــدد ..!!!

	يـافـيـافـي نــجــد يــفــداك الـســفــر=والـغــلا بـحـمــاك عـيـنـتـه سـفـيــر فيـك يامـن مـن سكـن حــدر القـمـر=ومن مشى بك ماغدى لو هو ضرير ويـاعـروس الطـيـب يــادار الــدرر=بـك شـوامـخ طــي ماعنـهـا مطـيـر علـهـا مـــع نـجــد هـمــال الـمـطـر=ومن شمال طريف الى سودة عسير عـــل سـيـلـه لـلـبـوادي والـحـضــر=يـفــرح الـفــلاح مـــع راع البـعـيـر كـــل وادي ســـال سـيـلـه وانـتـشـر=حـولـه الـحـوذان والـربـلـه تـصـيـر النسـايـم تفـتـرش روضــن خـضــر=مــن عنـاقـه للـزهـر فـاحـت عبـيـر كالجـواهـر زاهـيـن لـــون الـزهــر=لـه شــذا مـالـه عـلـى الدنـيـا نظـيـر بالطـبـيـعـه دار فــكــري والـنـظــر=ســج وابـعـد مــع خيـالـه بالمـسـيـر ليت من هو لا طـرا الطـاري سمـر=بالجـبـل والا عـلـى جـــال الـغـديـر السـعـاده والـشـقـاء مـــا لـــه مـقــر=لا حـكـمـهـا لافـقــيــر ولا وزيـــــر كــم فقـيـر بصـالـح اعـمـالـه تـجــر=ومـن كفـر لــو يمـلـك الدنـيـا فقـيـر والامـانــي مــــا تـحـقــق بـالـنـظـر=مـن مشـى بالـدرب مـا همـه مسـيـر دوم تـزهــا فـــي منابـتـهـا الـشـجـر=ولا يتـيـه الـلــي يـشـيـر ويستـشـيـر وكـم شجـاعـاً ذاع صيـتـه واشتـهـر=مـا يهـاب المـوت لا صــاح النـذيـر جــاه مــن يسقـيـه كـاســات الـكــدر=قـيــده بــالــذل ضـرغـامــا خـبـيــر يـا عـرب كـن القـهـر لحـظـه دهــر=والفـرح لــو طـالـت أيـامـه قصـيـر الـقـضـا خــيــره وشــــره والــقــدر=مؤمـنـاً بــه صــدق أيمـانـي كـبـيـر واطـلـب الـلـي مالـنـا غـيـره مـفــر=المجـيـب الـواحـد الـفــرد البـصـيـر رحمتـك وارضــاك يــا رب البـشـر=عـن ذنـوب العمـر يـا غافـر تجـيـر يـا معيـن اللـي علـى البلـوى صـبـر=لا تــرد المرتـجـي طـرفـه حـسـيـر