آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 26-10-2011   #1


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي ديوان الشاعر / سعيّدالعمودي





سعيد بحضوري بينكم والشكر كل الشكر
لشاعرنا ابوفراس علي الدعوه


له في جبل شمّر تواريخ واجداد .. !!!



ياسعود وان كانت مسافات وابعاد=حثيت رجلي للمجرات وسهيل
مار البلا همٍ مع الوقت يزداد=يرمي طموحي للتعب والغرابيل
سافرت وجروحي قديمات وجداد=احمل على متني من الهم واشيل
ياما حفرت الارض سرداد مرداد=مافي يدي حيله ولا بالامل حيل
سرّيتها تحمل مجاميع وافراد=ترمح وانا مالي عليها مداخيل
يضمها ريح الصبا دون ميعاد= تاخذ مراسيلٍ وتزعج مراسيل
ما للرسن هيبه ولاظن تنقاد=لاصار دون الليل ياصاحبي ليل
اقفت تلاعب ضلها غي وعناد=حتى تلاشت عن عيون الدرابيل
له في جبل شمّر تواريخ واجداد=حنت تبي بعد المفارق مواصيل
في صدرها منفى واحاسيس وبلاد=وضيقه وتنهيده وضحك وتعاليل
ترزم وبارقها يجاريه رعاد=كنه من الخالق طيور الابابيل
تاخذ خيالي يم بابل وبغداد=وتشرح لي الخافي بدق التفاصيل
ضعنا ولو حنا على السيّد اسياد=وسقنا الاتاوه للردي والمهابيل
وصار الذهب سلعة محرج وحداد=صرنا بلا معنى وحيله وتحليل
اطلال نبكيها حضارات وامجاد=وحاضر يغنينا على عين ياليل
وان كان ما للجرح تعقيم وضماد=ليه انتظر وهم الليال المقابيل
ناديت واربكت الاماني ولافاد=عطشان وعروقي على ضفة النيل
اللي رحل ماعاد وان عاد وش عاد=الحب خدعه والمحبين تمثيل
الوقت غير الوقت ياامة الضاد=والليل مايضويه نور القناديل
والضعف مجّدنا على روس الاشهاد=وصرنا نعيش النور كذبه وتضليل
اسلافنا نادو على مجد الاحفاد=وردد صدى الاحفاد ياعين ياليل




 

قديم 07-11-2011   #2


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي غــــر الـــمــزون



غــــر الـــمــزون.. !!!

جتنا من المنشى تساوق لها صوت=غرالمزون اللي تضج برعدها
يسوقه اللي جار عبده من الحوت=عظيم ترجيه البشرفي كمدها
لافلسفت شاعرولاسحرهاروت=صوره من الخالق تجلت وحدها
الواحد المعبودوحده ملكوت=الناس من ما مهينٍ وجدها
جبارمافوقه عظيم وجباروت=محيط مافي الارض محصي عددها
غاث البلاد اللي خذالونها الموت=صارت تماري بالحيا من سعدها
مده ولامدات ممسك وطاغوت=هاموروسهوم المصارف عبدها
ماله مفرق بين لندن وبيروت=واللي عرف مداتهم ماحمدها
اللى ورا الشاشات كشاخات وبشوت=وان رزتها شفت العيون ورمدها
ناس يحركها من الكبر ريموت=مواردن ماتسقي اللي وردها
والصبرفي بعض المواقيف ممقوت=يقطع رجال ماتوفي وعدها
وانا بصدري كنها عين جالوت=خيل تغير وخيلٍ امروادها
بيدي حبال النوروالحبل مفلوت=وعذرت ماصاب الخلوج وولدها
قريت رغم الطلسمه سرمنحوت=يحكي مراحل سيرتن منتقدها
ياطولها صحرا وضلعان وخبوت=يموت متن السالفه من سندها
ايام والاعام والصوت مكبوت=مرت سنيني ماخذتني بيدها
وقفت شاهد بين الاجيال مبهوت=من دمعه المولد لدمعه لحدها
امالنا فيروز لو لو وياقوت=كم صفقتن جن الخيال وعقدها
يقضي شريط العمروحروفي سكوت=حتى قصيدي سيرتي ماسردها
دام البطل اصبح مطبّل وهلفوت=فال المكارم وقتها يضطهدها
احسن تروح اعمارنا كلها فوت=ولاتعل اخبارنا من رصدها
في هالزمن صوتك طبيعي بلاصوت=ليت النوايا كفنت في مهدها
بعض النواحي مالنا يمها قوت=عفناه والدنيا مريرٍ جهدها
نصد واللعبه قوانين وكروت=والناس ملك الخالق اللي وجدها


 

قديم 26-11-2011   #3


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي ودي ارحـــــــــل



ودي ارحـــــــــل.. !!!

طبت والا خبـت ياهاجسـي ماليبـك =مل خاطر غاوي الشعر وانكف عايف
كنت والله في زمن فـات مااعطيبـك =اتحدى فيـك همـي واغنـي كايـف
بس عاد الوقت الاغبر وصوّت ذيبـك =يتبع العويـات عويـات وانـا خايـف
جيت يمـك ارسـم الحلـم واغنّيبـك =شاعرٍ معمي عيونـه ولوهـو شايـف
جيت للساحه وانا اقـول هـذا عيبـك=التسـول والمحابـاه تنقـل لايــف
لوتوارت بعض الاسرار قلت ادريبـك =ياهجوسـي لوتقنـع قناعـك زايـف
وانت ياشعري من الشعر وش ترتيبك =ادري انك جيت في صمت مثل الحايف
وانت عارف كل مانمت قمت اهذيبـك =لاتقـول العـذر (مجنون) عـذرك هـايـف
حافظك عن كـل ملقـوف لايحكيبـك =في خيالي مثل الابراج عالـي نايـف
عملةٍ في سوق الايـام لـو نشريبـك =ينتعش سوقٍ من الجور لافـه لايـف
ويوم ليلي خيم بساع قلـت اسريبـك =واعتزل عن جو جده لجـو الطايـف
ودي ارحل ياقصيدي وانـا اماريبـك =والزياره امر محتـوم وانـا ضايـف
عند من هو قاد قلبـي علـي تكذيبـك =موعده لوطّوف العمر ماهـو طايـف
قلتله مشتاق مشتـاق وابغـى طيبـك =رووف في حال العمودي مادامه رايـف
قـال مرحـب والمقاديـر لوتاتيبـك =انت في عيني حقيقه وغيـرك زايـف


 

قديم 01-12-2011   #4


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي في خاطري شي





في خاطري شي.. !!!

اكتم وانا والله في خاطري شي=اكلمه والا عن الوضع يدري
الصبر علّقم والمقادير تنبّي=والليل ماسولف عن علوم فجري
كم لي..اساير..سكةٍ كلها غي=اعد غلطاته والايام تجري
كم ليلةٍ مرت علي..ميتٍ حي=على علومٍ غيّبه قول مدري
مشيت به ماهورضا بس مبّلي=وعايشتها في عصر ماكان عصري
انا كذا لوكنت مامور منهي=احمل وفا لوشافوا الناس غدري
لان الظروف احيان ماظن تمّدي=اضحك عبث والحزن ملفاه صدري
ماقتلك ..طارد سرابي وانا مي=ولاقتلك قلّد حروفي وشعري
لاضاع لي مكسب ولاضاع حقّي=نعم عزيز النفس لوكنت فقري
طويت صفحات العتب كلها طي=روح وتوارى طاري الخير محري
اعرف ظلامي..وانت من حظك الضي=علك تقدي خطوتك يوم تسري
ماحدٍ طلب من كف الامساك تعطّي=والمدح عندي باهل المدح حصّري
وان كان لك زرعٍ فلابد تسقّي=ولايغرك سحب الايام تغري
الطيب باقي وراعي الخير يجّني=واقبل غموض الشعر بوضوح عذري
لان الخواطري غثها بالخفى شي=مارالبلا كانك عن الوضع تدري


 

قديم 17-12-2011   #5


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي الشبيّحه



الشبيّحه.. !!!

الشمال اللي اليا اجنبت نسنس ريحه=ويـن اودي ضـيقـة الـصـدر عـن نـسـناسه
مابقى يادرب الاوهـام فـيـنـي طـيحه =استمع من صوت الاحساس خذ من راسه
نرصد اخـبار الـعـصابات والشبيّحه=لـعـنـبـو مـن قـال الاجـرام فـرض سـياسه
ينقل الاعـلام لـلناس عـن تصريـحه=شـي مـايـكـتــب مـن الـزيـف فـي كـراسـه
نهج مايحتاج له صبر في تصحيحه=اقــتـلــو قـديّـــس الاجــرام فــي قــدّاســـه
يوم بغداد العريقة شكـت لااريـحـه=والـكـنـايس عــلــق الـكـذب صوت اجراسه
الآسد اضحى بصوته ونين وصيحه=وارتــفــع صـوت الــمــآذن عـلى خـنـاسه
العميل مناصر الـكـفر في توضيحه=والــخـيـانـه والـــجــبــاروت مـنـبـع ساسه
يدعـي بالـحق والـحق في تـرجيحه=اقـتـل الــمـسـلم بـلاذنــب واكــسـربـــاسـه
اسجنه واعبث ونادي على تشريحه=وده يـفــصّـل شــعـــوبه عـلى مـقــيــاسـه
انتهى صبر المـظاليم مـن تــجريحه =واحــتــرق بـن الــمــروات فـي مـحماسه
وضع من يرضى بلاشك في تصديحه=مـثـل مـن حـط الـهـقـاوي بـطـبـخة فاسه
كـــم بقى لـلـعز نظـره وكـم تـلـويـحه=وكـم بـقى لـلذل لحـظـه تـضيق انـفـاسـه
الربـيع يـعـطـر الكـون ورد وشـيحه=ومـن تـعـود يـمـشـي الـحـق يـرفـع راسه


 

قديم 05-02-2012   #6


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي المدينه ملهّا صبر القراوي



المدينه ملهّا صبر القراوي !!!

يابوياسر غنت الورقا غناوي=واستباحت وسط صدري مااستباحت
كل ماعاتبتها(يام البلاوي)=طوّحت بالصوت ناحت ثم صاحت
سيداتي سادتي ماني بغاوي=بس روحي كل ماخفيت باحت
قمت اخيل المزن والبراق ضاوي=السحابه علها بالخير طاحت
والرعد بين السما والارض داوي=لين ريح الارض بالامطارفاحت
والمدينه ضيق والاحساس ذاوي=والفرص راحت سدى لوقلت تاحت
بين شّح الوقت وكبار المناوي=كلها مع ذاري النسناس راحت
المدينه ملهّا صبر القراوي=كل مايقبل لها بالوجه شاحت
زيفها ينكرتفاصيل النداوي=ليتها قبل المعاذير استراحت
ماسكن تاريخها في صدرراوي=كنها ماجت على باله ولاحت
يابوياسرمابقى صوت وغناوي=دام ورقا الحزن بالصدر استباحت


 
 توقيع : سعيّدالعمودي



قديم 26-02-2012   #7


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي ازلام الالحاد



ازلام الالحاد !!!

ياكثر ماجات طعنـات العدو والصديـق = وياكثر ماوقف المسلم بحـرب وسـلام
عقيدته مع ولي الخلـق حبلـه وثيـق= وسماحته تزرع الزيتون قبـل الحسـام
ثقافته تعطي (الاخـر) امـان الطريـق= وتعففه نهـج دنيـا واحتـرام ونظـام
اليا تفلسف خفت صوت الغوى والنعيق= واليا تجـلا تجـلا الخيـرو الاحتـرام
من وحي قرآن ربي كـل تايـه يفيـق= ومن سنة (المصطفى) طبنا وطاب المقام
واليوم ثورة حضـاره والضمير الطليـق= افكار ترمـى ويجمعهـا محـب الهـدام
في مجتمع يمطر الحيره وينبـت حريـق= حتى حصرنا الثفافه بنـت دون اللثـام
الله ياهـي كبيـره والصحافـه تريـق= دم الثوابـت ونبـل اخلاقنـا والكـرام
اليا متى والهزائم مـن فريـق لفريـق= وازلام (الالحـاد) تتفـن بعفـن الكـلام
حنـا خلقنـا نقـدم للمـراره رحيـق= لكن اليا جلجت نرمـي بسـم السهـام
نثقل خبيـث النوايـا فـوق مالا يطيـق= ونعلّم اللي تمادى وش حـدود الحـرام
العفو يالمصطفـى ماللجواهـر بريـق= وحنا اليا خطا رفيق ابليس قلنـا غـلام
ماعاد عندي سوى صدرٍ يضـج ويضيـق= يملا مداري متاهـات وعـذاب ومـلام
ياسيد الخلـق قلتـه والنوايـا تويـق= يقراه من امـن بربـه وصـلا وصـام
كم جفن لامر ذكـرك بالمدامـع غريـق= اتيت بالحق وازحـت الجهـل والظـلام
نفديك بالروح ماهو بالذهـب والعقيـق= وعليك منا الصلاة الصادقـه والسـلام


 
 توقيع : سعيّدالعمودي



قديم 30-03-2012   #8


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي ضـــــــيـــــاع الـــبــــوصـــلـــه



ضـــــــيـــــاع الـــبــــوصـــلـــه !!!

الايام تتسارع والاحلام وضعه زفت=ولافيه داعي نسرج حصان طرّواده
نقول انفتحنا لكن الواقعه وش شفت=مقاطع لابن زيدون في حب ولّادة
وانا لو بدالي نايف العلم يمه نفت=ابرفع طموحي واكسر الذل وشداده
اقول الصراحه موجعه واضحه ماخفت=كلامي وبلغ به هلا الزيف واسياده
سبرت الطريق وشفت بالعين لكن عفت=فساد الذمم حدد مع ابليس ميعاده
نردد نقول ابليس ملعون لكن طفت =شريكك سمح لك واعلن الفسق ببلاده
كتبنا على وضحا النقاللغشيم اجحفت=وقلبت النوايا الصادقه قيد وقلاده
عشقنا ثقافتنا وهمنا ولا ثقّفت =تنازلت عن نهج القدا قبل تقتاده
تطور بعكس احلامنا وانت ماعرّفت=وش الجهل غير انك تجاهلت وزياده
توقفت عند اصرار الاحرار ماوقفّت=قبل تقصي اللي يعطي الصدق لاحفاده
على الصدق نمضي وصفّوهم كما وصّفت=مرادي واقوله لكن الشك بمراده
تكلفت ياصوت المهانه ولاكلّفت =وانا الحق في ظلماتهم يقدح زناده
نبي خط واضح نرسمه وانت لوكففت=دموع الخطايا صرت موته وميلاده
نقوله على سمع الملا ياولد خرّفت =مسيرك تعثر واحذر النار وقاده
حلفت بضياع البوصله وانت ماحلّفت=واشوف السوالف تطرب ابليس واولاده
واذا مرت ايامك سريعه ولا انصفت=تبي تاخذ العبره مـن حصـان طـّرواده



 
 توقيع : سعيّدالعمودي



قديم 16-05-2012   #9


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي ملّت النفس يامشكاي زيف الوجيه



ملّت النفس يامشكاي زيف الوجيه !!!

ايه جهز لنا الموتر فداك السفيه=وانت راع المخوه لازهمتك خوي
فوق شاصٍ اليا ضاق المدى ننتخيه=مسندك يشبه ذويبان يوم يعوي
دق سلفه تسمع نغمته يالنبيه=يطرب اللي بوصل النايفه مهتوي
ان نطحته تقول الله واكبرعليه=وان قفيته تردد حيل ربي قوي
ان بدا بالتغطرس قمت تعلن ذويه=صممه واحدٍ مجنون ماهو سوي
ينتخي لك شجاعه كل ماقلت هيه=والمراديم لها بالجو برق ودوي
عل دهم السحايب كل وادي تجيه=والصحاري برحمة خالقه ترتوي
ملت النفس يامشكاي زيف الوجيه=والمدينة بميسمها كوتني كوي
ودنا ياعضيدي والسفر مشتهيه=يكفي اني من الضيقه سنه منطوي
ابعد الشوح والدرب الردي مانبيه=مايشيل الثقايل غير زند بدوي
محزمك والثمينه لاشرت تشتريه=يوم غيره طريقه بالردى ملتوي
اطوي الارض واللي فات لاتحتريه=والوي ذراع ظرفك بالعزيمه لوي
لوتهب الهبايب خيلها نمتطيه=ومايهمك كتاب احذر ومايحتوي
مالنا غير ربٍ بالوزى نرتجيه=وكّله دام قلبك هاويٍ منتوي
وقول يانفس بسك والعنا ودعيه=واطوي اللي مضالك ياعنيده طوي
شاعرٍ عاف هالدنيا وغسّل يديه=والمعاناة ناره يشتويبه شوي
ودام شعري مزخرف بالذهب والجنيه=لين يضوي طريقي بالجزايل ضوي
واترك دروب حظٍ عاقدٍ حاجبيه=مابكتله مداين ماضحك للقروي
وانت ياراعي الوقفات رايك وجيه=مابقى للمخوه غير مثلك خوي


 
 توقيع : سعيّدالعمودي



قديم 23-06-2012   #10


الصورة الرمزية سعيّدالعمودي
سعيّدالعمودي متصل الآن

بيانات اضافيه [ + ]
 رقم العضوية : 2978
 تاريخ التسجيل :  26 - 10 - 2011
 أخر زيارة : 01-08-2017 (01:32)
 المشاركات : 201 [ + ]
 التقييم :  110
 اوسمتي
درع التميز شاعر متميز 
لوني المفضل : Cadetblue
افتراضي وداع مع التحيه للصيف




http://up.ftahilah.com/up//download....c503df3ad0.mp3
وداع مع التحيه للصيف !!!

سامح الله ذاك الانسـان بعـده مؤلـم =في غيابه موحش العمر مثل الغابه
السياحـه شـي مطلـوب لكـن يعـلـم = غيبتـه ماهـي بسيطـه ولا نرضابـه
ادري ان الجو في نجد حره مجـرم = وادري انه ماتحمـل عجـاج اترابـه
الـورود اللـي شـذاهـا عبيروبلـسـم = ودهـا فـي جـو ثانـي تبـي تحيـابـه
يامسافرطالـع الفجـر نــوره مظـلـم = والقمر ماعاد يغري غـرور احبابـه
لوعرفت الصبر مثلي عرفت العلقم =والامـل دايـم بوجهـي مسكـر بابـه
ايه ســـافر ســــــافر بعيد مانتا ملزم=رووح لاتنشد عن الجرح وش اسبابه
عاشقـك ماهـو خيالـي كثيرويحـلـم =صادقٍ مـادام سهـره سكـن باهدابـه
حصتك في قلب مغليك ماهي اسهم = وانت ذنــــبٍ يقطــــع الله شخصٍ تابه
لاتخليـنـي بـلاذنــب قـلـبـي مـعــدم = للزمان اللي علي طول كشـر نابـه
منتظروالشوق ولع بقلـــبـي واضـرم = وش يقول الشعر بالله ضاع اسهابه
كنت ابشرح لك وابقول لـــكن تسلم=لاتطول دام الاحباب رووح احبابه


 
 توقيع : سعيّدالعمودي



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:07


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام