آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 06-10-2019   #21


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي مساجله بين الراوي والشاعر



إسنادا على الشاعر/ مبارك طناء التبيناوي

شمسنا غابت وقلبي طول ليله لاعـه =وهاضت همومي توارد والقريحـه تملي
2ـ ليت من يشمت بحالي ذاق همي سـاعه=أو يشيل حمول نصف اللي ظهرمن حملي
3ـ لأجل يفهم ضيقت الراوي وقل أسناعه= وش سبب سـهره وسبت دمعه المنهملي
4ـ يامبارك كان جاشك والقوافي طـاعـه =شوف جسمي في وصوفه مثل بيت النملي
5ـ هقوتك نترك غزال ٍ مايشوف أوجـاعه =وعن طريق الناس حدن للطريق الرمـلي
6ـ أونراجي لين يرحم أو تزين أطـبـاعه =شـيـرلي بااللي تشوفه يا العشيرأرحم لي
الراوي / فواز الغسلان

بسم الله الرحمن الرحيم
ردا على الراوي / فواز الغسلان
مساجله بين الراوي والشاعر
والله اني لأجل عينك باأول الفزاعه = دام قلبك حب شخص(ن) باالحلى مكتملي
2ـ لكن إصبرقالو إن الصبرخيربضاعه =لين يفرجهاالولي وتصيرضمن الفملي
3ـ ولاتلام بحب من عوده كماالنعناعه=لونخيت اللي برفحاء لين حدالشملي
4ـ الهوى مايرحم اللي على مركاعه = لو فزعنالك مثل فزعة سعود الصملي
5 ـ وإطلب المعبودعلام الخفى والساعه= يعلم الله ماقسم لك والذي يقسم لي
6 ـ الفرج عنده يسابق رفعة السماعه =وأدري يافوازقلبك باالهواجس مملي


 

قديم 17-10-2019   #22


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي كذلك مساجله بيني وبين الشاعر الكبير/ ممدوح الركاد السلماني الشمري



رداً على الشاعر/ ممدوح الركاد الشمري

يقول اللي رقاء راس الرعيله = تهيض خانق العبره براسه
سبايب من سقتني حنضليله = وذقت المر من بعد الوناسه
عميل (ن) بالهوى ينكر عميله = بعد ماسلمت عرش الرياسه
أوصف كيف أوصف من جديله = يحير الفكر وتجيه إنتكاسه
شعر ضافي على متنه تشيله = شبيه الليل يعجبني مقاسه
وثمانه مثل براق المخيله = يذوب القلب في حين إلتماسه
عيونه سود ورموشه ضليله = وصدر وردف يزعل من لباسه
وعنقه عنق ريم (ن) في مقيله = عنود (ن) ذيَّرة سمعت حساسه
وضميره وآهني من يلتجيله = والا ماودي أدخل بالسياسه
وخد وقد وأوصاف (ن) جميله = نضيف القلب عن درب النجاسه
وعوده عود نعناع المسيله = عن المخلوق حطو له حراسه
عنود لانشاش ولاجليله = عفيف (ن) ماوطت درب الدناسه
علَّى مشاهده صعب الوسيله = وقلبي زاد بعد اليوم ياسه
عليها من تواصيف الكحيله = حظيظ اللي تحبه في سلاسه
ثلاث سنين والمده طويله = ولا طوّل عذابي غير ناسه
عليه العين ماياقف هميله = وغربلني زماني بالتعاسه
تشكالي وقلبي يشتكيله = وطبيب الحب كادته الدراسه
عذلت القلب لأجل أترك سبيله = ولكن عامر بالحب ساسه
أنا والله لولاها فشيله = لخطف اللي حرم عيني نعاسه
وأبزبن للذذي يزبن دخيله = ولا شافت عيوني قو باسه
يابو نايف ترى روحي عليله = وتعجبني فعولك والحماسه

رد الشاعر/ ممدوح ركاد السلماني الشمري / أبو نايف

حي الجواب وحي من خط نيله = إعداد خلق وعدة حساسه
وإعداد ماتمشي على القاع زيله = وعد النهار وعد مظلم دماسه
يابو طناء شوق الهنوف الجميله = شوق الهنوف اللي زهت في لباسه
قريت معنى خطكم وتحليله = عرفت مضمونه وعرفت ساسه
تشكي هوى غرون رموشه ضليله = اللي عروق القلب زوّد يباسه
ليته تجي بالغصب وإلا مثيله = نبي نجرب روحنا بالفراسه
نبي على حيَّه نشب الفتيله = ياما جروح القلب نبري نحاسه
ياما الخليل يقوم يلعن خليله = يبين طيّبها ويسقط خساسه
وإنته وأنا والكل يشفي غليله = ياثارة الهيجاء وصارت حماسه
وإلكان هي بالمال ندفع جزيله = ندفع لهم مهره ونكمل قياسه
اللي ماهو موجود ناصل كفيله = وعند الولي مد الرشا وإنغماسه
فزعت زميل (ن) يوم ينخى زميله = على شقى بقعاء وكثر التعاسه
راع الهوى دايم دروبه خجيله = يضرب طريق (ن) فيه من كصم ياسه
يركض ولكنه قليل (ن) حصيله = مثل الذي يبي اللحم طبخ فاسه
وأنشدك عن رجل ٍقليل ٍحصيله = مشى على درب القراده وداسه
دايم ورى اللوعات يومي شليله = ليله نهاره ضاري (ن) بالشراسه
مشيت في دربه سنين(ن) طويله = وشربت من بحر المرارة بكاسه

حلاً للغز في القصيدة اعلاه ورداً على الأخ العزيز الشاعر/ ممدوح الركاد السلماني الشمري
وفيما يلي لغز مشابه
قصيدة وجهتها للشاعر ممدوح ابونايف وفيها حل لغزه كما اسلفت
ي
ياراكب اللي ميزته سلف وعكوس = ومضبط ٍ مافيه كنّه وتقطيع
يفز قبل إسليتره يلحقــه دوس = لو زاد فيه السوم مايطري البيع
التانكي مملي والأسبير متروس = والسايق الشاطر يعرف المطاليع
وليا إعترض بالعرض مع عرض طخموس= شال الشجر من قوّة الحفر تشليع
يلفي على اللي حاش طيب ٍ وناموس = ماجمعو ساسه وفصله تجاميع
ممدوح شوق اللي زهت كل ملبوس = الجادل اللي هي غناة المطاميع
تنشدعن اللي حاس كل البشرحوس = أهل القرى وأهل الفلا والمداريع
ياما من أجله راحت نفوس ونفوس = أنشهد إنه ضيّع الناس تضييع
طرد الهوى مابه فوايد وناموس = الخاتمه ماغير دمعه وتوديع
الله من هم ٍ وضيق ٍ وهاجوس = بين الحنايا له محل ومشاريع
هم ٍ يطاولني وهم ٍ يجي قوس = وهم ٍ يجي في كل لحاله وتنويع
مافيه شي إلا مجرب ومدروس = إلا هوى الخفرات صعب المواضيع
ياليت لوللحب قاضي وقاموس = الختم رسمي والشهود التواقيع
كم راح لأجل الحب ريس ومريوس = حتى كبار السن واللي مراضيع
غصب ٍعلى العشاق تخضع له الروس= خص ٍإذا كان المواصل تقاطيع
ويلي على خلى مراقب ومحروس = الصاحب اللي طوّع القلب تطويع
ممدوح لو يشرا هوا البال بفلوس= شاريه لكن ماشقو بالمنافيع
اللي حدى قلبي على شاطر الموس = بنجل العيون اللي سهومه قواطيع
أحساسه أودع داخل القلب محسوس = لقيت في داخل ضميري طواليع
الناس تدله بين حفلات وعروس = وأنا أرتجيه سنين وأشهر وأسابيع
كنّه يهددني بجيش ٍ من الروس = ضيّق علي القاع والحزم والريع
كنِّي بحال مساهرالليل مضروس= يميل في جسمي هبوب الذعاذيع
ممدوح لو يشرا هوا البال بفلوس= شاريه لكن ماشقو بالمنافيع
الحظ الأقشر صار نقص (ن) وعاكوس = يلعنك ياحظي قليل التسانيع
يابن ركاد الشنص لازال متعوس = طرد العذارى طبعه خوش تطبيع
مر(ن) يوردني جهنم وفردوس = وأمرار أذوق أمرار كاس القراطيع
أنشدك عن ربع (ن) على نار وجلوس = وقت اللوازم فعلهم بالأصابيع
يخضع لهم مسلم وكافر وممسوس = لكن لبعض الناس نوب (ن) مطاويع
لاهم من الخزرج ولاهم من الأوس= ولاهم من الحضران وأهل المرابيع
وصلو عدد مابالوطا رمل وطعوس = على شفيع الخلق يوم التشافيع

والشاعر ممدوح ابونايف رد على تلك القصيده وحل اللغز بشكل لامثيل له واعتذر لأنني لم احفظها سمعتها بشريط كاسيت بصوت الشاعروعدة مرات اسأله عنها فيقول ناسي جل من لاينسى
اخوكم ومحبكم الشاعر/ مبارك طناء مبيريك الشمري


 

قديم 25-10-2019   #23


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي الشاعرة المميزة




المسابقة الكبرى لإفتتاح منتديات عيون حائل اللكترونية حائل المسابقة الكبرى لصحيفة عين حائل للشعر والشعراءوذلك للحصول على سيف عين حائل الذهبي للشعر والشعراء شاركت لكوني اعتبر نفسي أمثل قبيلة شمر عامة هذه من ناحية
ومن ناحية أخرى وهي الأهم بالنسبة لنا جميعنا وكي أمثل أهل حائل كافة بلا تخصيص لماذا لأنني أشاهد قصائد الشعراء والشاعرات وهّن أربع شاعرات من ضمن الشعراء البالغ عددهم إثنان وثلاثون شاعراً وشاعره على مستوى دول مجلس التعاون الخليجي والدول العربية والأجنبية . لماذا أن تلك المسابقة لم يسبق لها مثيل لا
شاعر ( المليون
ولا ( أمير الشعراء)
لسبب بسيط الا وهو يشترك فيعا من تاريخ ميلاده او بالأصح عمره خمسة وأربعوون عاماً فما فوق أو أقل مفتوحة لمن وهبهم الله سبحانه الموهبة الشعريه ليست من مدرسة أمير ولا تاجر ولا نماك إنما من وهائب رب العزة والجلال اللذي وهب الشاعر العملاق ( سعد بن جدلان الأكلبي اخي وصديقي يرحمه الله برحمته ويسكنه فسيح جناته واللذ ي أقسم لي في مجلس رجالا لايزالو ن موجودين انه لايقول بيتاً واحداً وأنا موجود تواضعاً منه لأنه لا يلحقه في نفسه شك ادعو معي لذلك الرجل بالرحمة وفقكم الله فسبحان رب العزة والجلال الوهاب منكم من وهبه المال ومن الخلق من وهبه التقى ومنكم من وهبه الستر والحظ اللذي يستر عثراته ويرفع مقامه لدى الجميع ومنا من وهبه الشعر والإبداع ومنكم ومنكم ،،،،،،،، الخ
لا أطيل عليكم اخواني وأخواتي فقصائد الشعراء والشعراء الفائزين الإثنان والثلاثون أمامي وأمام الملا يين لتصويت جماهيرهم عبر الإيميلات ليحصل شاعرهم على( سيف عين حائل الذهبي للشعر والشعراء)
فشاعركم ياساد تي وسيداتي الإجلاء لكونه شايبكم ليس بالسن وانيف ما بما وهبه الله مثلكم و تمكن من الحصول على (المركز الأول) وسيف عين حائل للشعر والشعراء وكل ذلك بتشجيعكم حقاً وبعدعمكم لي وكافة أقسام الشعر النبطي والساكت على الحق ( شيطان أخرس )
أياً من الأقسام ترءا سه الشاعرة ( على النيّة ) فهو في المقام الأول والله على ما أقول شهيد أطال الله في عمرها ان كانت على قيد الحياة وجمعني وإياها في جنات النعيم إن سبقتني واياكم جميعاً لاً أجد مثيلا لها لكوني أوسطي الثقافة والفلفسة بإختصار بدوووووي المنشاء والمكان والميلاد والأسرة والأجداد ، فتللك المميزةحقاً وأصلا ً وفصلاً وأخلاقاً وهي مميزة بكل لامثيل له شعراً و جمالاً وكرماً وذوقاً كما هي قالت لي مرة من المرات ( سألت إمراءة متى تعود الإناث إناثاً كما كنَّ ، عندما يعود الرجال ر جالاً كما كانو) يارجل ) لذلك اسميتها في أحدى قصائدي( المارتينا) أ لا وهي الفتاة الجميلة جدا جداً المحبة للحرب هذا من جهة ومن جهة أخرى ( المارتينا) من أجمل البنلدق التي إستوردها الأمير/ محمد عبدالله الرشيد ( المهاد) وعددها 2000بندقية 0
أختصر القول ضممن من بارك لي الشاعر/ المميّزة ) أعتقد أنها قطرية لها عرق في اجاءوسلمى فتقول

ياالشمري ماخاب فيكم ضنّه = من قال عنكم شاعرٍ قوماني
حرب القوافي سهل عندك شنّه = ومن بارزك يابن طناء خسراني
لا بارك الله باالردا والكنّه = والخثعة اللي ترهز الغلماني
قصايدك بالحفل ما أحلا دنّه = دن الذهب بصخيّف الذرعاني
نظم القوافي حصر بإسمك فنّه = ياكاهن الشعار ياالروحاني
السيف أخذته غصب مابه منّه = وألبستنابه أروّع التيجاني
الشعر عندك فرض ماهو سنه = متوارثه من سالف الأزماني
ياالله عسى من ورثك بالجنّه = ينعم بها في زاهي الريضاني
وياهاجس ٍ بي لك ضريس وزنّه = أزعجتني وأجزيت نوم أعياني
صدري زفير ،،،،وفي دماغي ،،،طنّه = أقلق منامي ،،،هاجس ٍ،،، زعلاني
قم يانديمي،،،،،، والقلم لي ،،،، دنّه= وهات الورق ،،،،،يا خيرت،،،، الصدقاني
مأخوذ بقعاء،،،،، بيننا له ،،،حنّه = يشنا الحرار ،،،، ويمدح ،،،،،،،،،،، البطراني
من هندت ،،،،،، دنياه ،،،، ميل ،،،، إحفَنَّه = باع العهود ،،،،، ونقض ،،،، الأيماني
يابن طناء،،، نغليه لو به ،،،،،غِنَّه = ونغلي جليب ٍ ،،،،، يسقي ،،،،، القصماني
ونرفا ،،،خما ل المبتلا ،،،،،،،،لكنَّه = عقب البطا ،،،، لايأمن ،،،،، الطنياني
والهاتف ،،،،اللي تعرفه له ،،،،رنَّه = يامحزمي ،،،، قبل يضيق،،،،بطاني
قلَّه ،،،كلام ٍ وسط راسه ،،،،،،صنَّه = يحشم ،،،عظام أجدادك،،،،وجداني
وسيفك ،،،يالولا سلته وش،،،كنِّه = والصيحة ،،،اللي ترهب،،،العدواني

أما تعلمون أحبتي أنني لم أسافر خارج المملكة العربية السعودية ثلاث جوازات سفر لي كلا منها لصالح لعشرة سنوات جديدة كما هي إرادة الله سبحانه لذا كل قصائدي اتخيل من كان لايدري فتلك مصيبة ومن كان يدري فالمصيبة أعظم والله ماأذكر ولامعجبه فبالتأكيد شكوى بنت العم الشامخة والغالية احلها مهما كلفني الأمر لذا انهيتها وأنا لم أغادر مجلسي وأقسم لي بالله العظيم ثلاثاً أنه لايعود لمثل ماسبق منه فأقول لأختنا المميزة ،،

من شاهد إسمك ،،،، فاز غصب ٍ،، عنّه = لعيون ،،، جمهوري ،،، حكا ،،، وجداني
نبض الخفوق ،،،،وخافقي ،،،، يفدنه = يفدا خواتي ،،، مع رفيع ،،،،، الشأني
جواهر الناريز،،،،، مابه ،،،،،هنَّه = أنتم سنام،،،،،، المجد ،،،،،، ياعنواني
لو ثالث ،،،، أبياتك عسل،،،،بس أنَّه = تحسب ،،، على صاحبك ،،وأنت الجاني
والفرصة اللي صاحبك،،، يستنَّه = ياعارض المَيَّه ،،،،،،،على العطشاني
جتني وكنّه ،،،،، في يميني،، كنَّه = لعيونك ،،،اللي حركت ،،،،، شيطاني
بلغ سلامي ،،، للربوع ،،،،،، وثنّه = وأنا طلبتك ،،، ياخَلَّف ،،، جداني
لاتلحق ،،، الدمع القديم ،،، الونَّه = سطوات جدي ،،،، بالزمان الفاني
أبا الوقي ،،، من كف شيخ ٍ ،،، سنَّه = بمصادم ،،،الأبطال ،،،،بالميداني
حصنن ،،، تسابق ،،، للمعالي ،،، فنه = وأنا عن ،،، أوضاعي نبض شرياني
صكات بقعاء،، عقب ضحة ،، سنَّه = منها قوي ،،، العزم حيله،،،، واني
ومجحود بقعاء لو ،، رثع في،،، شنَّه = نقرة ،،، حضوضا ،،، مرجع الفسقاني
من لايطيع،،،، الشور ،،،،نطلع جنه = يسب شمر ،،، ذا مرض ،،، نفساني
وبعض السوالف ،،، ماله ،،، الترفنَّه = يكرم عنه،،،، سيفي ،،، ونطق لساني
الندغ ،،، بجروم الحطب ،،،، ينهنَّه = والله من أول ،،، للعرب ،،،، متفاني
حطوه شيخ ،،، وذكروه ،،، العنَّه = تلميذ،لي ،، بالرمي ،،،،، والنيشاني
نزوَّّة ،،،، ليا زاد ،،،الرغاء،،، والحنّه = فأقصر عشاء ،، فودك قبل تنخاني
وإن جنب ،،، الأموات ،،فأعرض ،،عنَّه = والمدح للطيَّب ،،بعيد أو،،،داني
وإن مانفع ،،، كِزّه ،،، بحوض ،،، الدَنَّه = حَقِك علَي ،،، فلا يعوده ثاني
وإن كلفك ،، خذ لي ،،،،، مواري قِنَّه = وأنا لأجل ،، عينيك جيتك عاني
يالله لعل ،،، أمواتنا ،،، للجنَّه = أنا سعودي ،،، والخليج ،،، إخواني

اخوكم الشاعر/ مبارك طناءمبيريك التبيناوي الشمري


 

قديم 27-10-2019   #24


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي قصيدة الشاعر/ مبارك طناء بعنوان (إن النفس لأمارة بالسوء)



قصيدة الشاعر/ مبارك طناء بعنوان (إن النفس لأمارة بالسوء)
شكواي للي كل خلقه ترجوه = الواحد اللي جملة الناس ترجيه
الخالق اللي رد يوسف على أبـوه = كفت نضر عينيه عيّت تقـديه
وإخوان يوسف داخل البير خلوه = خلوه في جـبن طـوالن مـدالـيه
بأمر الولي ناسن من البدو نـجوه = يارب تجمع كل غــالي بغــاليه
تطلب جديدي والعوّض فيك ياهوه= انت العوض باللي غدتبه لياليه
إرحم رحمك الله تر البال مشـدوه = والقلب حـيرني بكثرت شـكاويه
سوء الضنون وراعي الغدر مسفوه = هذي غرائب تالي الوقت شوفيه
نفسي تراودني على كل مـكروه= وأقول يانفسي عليك الـمـشـاريه
ياالله عسى مايلحق النفس مشروه = اجحد وهمي داخل الصدر مخفيه
أخشى وأخاف أبقاء مع الناس مشبوه= أخفيـه أخاف أحكيـه والناس تحكيه
سـبيت حظن غيركم ناس سـبوه =حظي حصر شره على راس راعيه
الناس وإن سـمعو خبر شـر جابوه =والقلب ياأهل الخـير يكفيه مـافيه
لا والذي عن جاير الظلم نادوه = ماخنت باللي عهد الأحباب يوفيه
ماأنسى سـمي البدر باالبدر سـموه = نوره بدر نصف الشهر فيه تـشـبيـه
ينسـاني الله لو هــجـوسي تناسوه = سلس العسل بمبيسم ٍ قال لبيه
وأجحد غرامه عند الأنجاس لا أطـروه =واقول هذامن زمان متناسيه
يالغالية مالك بهرج ٍ تحاكوه = أكتم تناهيدي بصدر ٍ سكنتيه
شي ماهو سـنـه والأ نــذال سنوه= قالو كلام ٍمــا عرفنا مـعـانـيـه
الحب قالوا عيب والعيب حــبــوه =وهرج النميمه حللوه ومشو فـيــه
اللي ورب البيت مــاصــار سووه=صار وحصل غصبن على كيف راعـيه
الناس وإن سـمعوخـبرشـين زادوه = كذب ٍ وبهتان ٍ وزورٍ وتـشـويه
عنها حـدوني وأريش العين حــدوه =واللي حداني والي العرش يحـميـه


أخوكم وشاعركم / مبارك طناء مبيريك التبيناوي الشمري


 

قديم 29-10-2019   #25


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي شاعر جبل شمرقصيدة بعنوان



شاعر جبل شمرقصيدة بعنوان
بعد التجارب عرفت الحب وألوانه = منه المغره ومنه النار والجـنـه
حذراك ياصاح لايغويك شيطانه= يلحق على العود واللي مابلغ سنه
السمر والبيض للمخلوق فـتانه= كم واحد(ن) في طريق الحب غرنـه
بكتابته مفردات السحروألوانه =وإسلوبه اللي خلاف الشرع والسنه
لذة مذاق الأنوثه نبض شريانه= كم شيخ قوم(ن)سببهن يزعج الونه
شيخ ٍ يبي ستر حاله قاله بلسانه= لا واعذاب القلوب اللي يحبنـه
اليوم للعجز دور يخيف شيبانه=حتما ً قضيّة تحرش لوتبلنه
والصدق والقلب الأبيض ماله الخانه = الكذب والنيّة السودا توطنه
الحق والشعر والمبدع وقيفانه = الحظ والواسطه والمال يحييّنه
والحر وإبن الحموله طاح ميزانه =وسراقة الشعر صار الفن هو فنه
والذيب والشبل والخيال وإحصانه = أردي حمير الوحش بالقاع صادنه
من يفعل الخيروالمعروف بإحسانه =يصبر على الغبن واللعنات ياجنه
قل الحيا والجمايل زاد نكرانه= ياالله عسى جاحدالمعروف يبكنه
في جاه من نرتجي فضله ورضوانه = جزل العطايا تبارك معطي الجنه
عجل الفرج خالق المخلوق سبحانه= الحمد له والثنى والفضل والمنه


شاعر جبل شمر/ مبارك طناء التبيناوي


 

قديم 31-10-2019   #26


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي مساجله رقم (14)بين الراوي الغسلان و شاعر جبل شمر



المساجلة رقم ( 14 ) بين الراوي وشاعرجبل شمر
إسنادا على الشاعر/ مبارك طناء التبيناوي
يقول اللذي ساق القوافي وهومحتـاط = تشادي نواوير الخزامى بجال الروض
لأن اللذي نسندله القاف ماينهـاط =وقوله غداعند العرب سارين محفوظ
يصف المعاني والمثل صفت الشخاط= يجيبه توافق منطق العقل والمفروض
بيوتن لقط طيبه ومعناه با لملقاط = ورمحه بصيدات المثل دايمن محظوظ
سريع ٍحظورالقاف ياتي كما المخباط =يجيبه ويشفي خاطرالضايق الممروض
مواريث شعار(ن) مضت مابها مغلاط =خذاهاوصاراليوم باالربع نعم العوض
مبارك لغلق القاف والكايده شـعاط =علامه ثمان أيام صدره تقل مغيوض
إذاكان جمرالعشق في ضامرك مشتـاط=وقفنامعك لين العطاشاء تذوق الحوض
ونقلط معك بااللي ترى كان به مقلاط =بمالي وجاهي ثم نكتب لك المعروض
ونطلع مطاليعك وننزل مع المهباط =ولوكان مع طيرن شلع جانحه منفوض

ردا على الراوي / فواز الغسلان


سلامي عددمن طاف باالبيت سبع أشواط =هلا بالرساله والتماثيل والملحوظ
هلابه عددرمل السوافي بعرض إقطاط =هلاعدناس(ن)باالهوا حقهم مبهوض
هلابه عدد سكان الأردن لشرق الغاط =هلابالبيوت النادره والهزل مرفوض
بالأشعاروالتاريخ الأول خذيت أنواط =جمعت الروايه وأطيب الشعر والملفوض
غنين عن التعريف كاالشمس ياسـقراط =لك الشكرياالراوي وشورك ماهومنقوض
أبدماعلى حالي مجرد شوي إحباط=نهاية غلا ماأدري بداية ردات حظوظ
على اللي جماله يتعب الماهرالخطاط =ولاعنهم الذاكرولا أدري وش العاروض
أ نَشد زميلاته والأبلات والخياط =من إلعام وعيون الشقاءماإهتنت بغموض
توارد غرابيلي من الكم والقيراط=سببها قوي العزم مايستطيع إنهوض
يقولون قالوا قيل من طلعة التمياط =مشوباإتجاه الغرب والعفش ميل الحوض
من أرسلت يافواز يمّه طلع خراط= يوتوَت تقول أطرم يامنحاش يامرضوض
يمثمث تقل يعطيك الأخباربالشفاط= وأناكن في صدري لهايب سموم إقيوض


شاعرجبل شمر/ مبارك طناء التبيناوي


 

قديم 10-11-2019   #27


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي شاعرجبل شمر قصيدة بعنوان( خذ العلم ياناشد وش العلم والخبر)



خذ العلم ياصالح وعطني سديد الشور= لعله يفيد العـاشق المغرم اللي طاح
عرضلي ونقضلي جروحي وهومسرور=وطي رحت لولا رحمة الواحد الفتاح
أحس إن في صدري لهب حامي التنور=حريق وغريق ولاسـفينه ولاسباح
أنا كيف أسوّي كان قفـابه المظهور=عسى الله يصبرني لو إن الغلا فضاح
أشوف إن حظي تالي الوقت فيه قصور=محاصيل زرع(ن) مـاتهـنابه الفلاح
تـهنابه الـديّـان بالموعد المذكور=جلس يبترم بحدود زرعه تقل مساح
غدّت مثل حاله حالتي ضايقن مقهور= أجاوب حمام الورق في عالي الـملواح
أنا لو سهرت الليل يالزقدي معذور=مع الحـايليَّه يابو نواف قلبي راح
ألا يابعد حـيّي هكالزول والديكور= عليه الله أكبر نور خده كما المصباح
فقالت عساك بخير يالشـاعرالمشهور= أنا من حمام الدار ماني من السيّاح
رديت قلت بخـير والمبتلا مأجور=عطتني رؤوس أقلام لكن بدون إيضاح
عنود ٍ على صيد الهواوي تجيـد الدور= أنا اللي مهولني قتلني بدون سلاح
طغت بالحـلا والملح والجوهرالمنثور=جرحني وفرحني ذ بحني وصد وراح
غدرني وكدرني ترك خاطري مكسور=جذبني وعذبني شذا عطره الفوَّاح
خذت حالي ببسمه وغنجه وكبرالجور=عذاب القلوب أرحم لاوالله ذهاب أرواح
خذت من ضلام الليل ومن الشفق والنور=وخذت من بياض الثلج والتوت والتفاح
خذت وأوخذتبي والذي ماخذت مخطور=سقتني ولقتني جهنم وسدي بـاح
لك الله ياصالح لويشوفونه الجـمهور= مثل شوفتي له يلحقون الصياح صياح
صدوق ٍ بيـوقٍٍ عاقل ٍ جاهل ٍ مغرور= قريب ٍ صعيب ٍ كايد ٍ ماوراه أرباح
زريف ٍ لطيف ٍ لاخفيف ٍ ولامطيور= عطوف ٍ هجوف ٍ لين ٍ قاسي ٍ مزاح
صحيح الهوى قتال من وآقع الـمنظور=سقتني ماهوفي كاس الأمراربالمفوّاح
عسى ملتقى رجـف القوافي لقا دكتور=يداوي جروحن مايداويهن الجراح
الشاعر/ مبارك طناء مبيريك الشمري


 

قديم 19-11-2019   #28


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي مداعبه بيني وبين جوالي



مداعبه بيني وبين جوالي

جوالي من النوع القديم جالكسي اصابه امرسوء أرسل رسالة معايده لصديق لي قيد الارسال ومن ثم لم يتم وارسل رسالة تعزية لصديق هو من تلقاء نفسه يكررها اسبوع كل شوي تم التسليم والمعايده لم يتم مرة من المرات قلت لنفسي لي اكثر من ثلاثة الاف قصيده غزليه بالخيال مااكر ولامعجبه حرام لازم القاء لومعجبه وحده تقول احبك لوكذب ذهبت لبرزان شغلت البلوتوث قدامي اكثرمن عشرين عجوزشوي حضرلي حق الهيئة ومعه مطاوعه يضحكون قال لي انت بالإتجاه المعاكس للغزل خذراحتك ولكن ازعجتنا بالبلوتوث قلت عيب عليك ياشيخ هالكلام قال رقم كذا قلت صحيح قال ماعندك ماعند جدتي خذراحتك زعلت ومشيت وحل بيني وبين جوالي مشاده انهته كلياً صفقت فيه بالجدارواليكم المعاتبه
يالنوكيا مادام بك ريح الأبراج = بارك لاخوي العيد قل عاد عيدك
يقول ابوثاني أجاء مثل هداج = وإلا أنت ماغربلني الا قصيدك
قلت الشعر لي ورث قال ايه هراج= موروثك أمحق ورث يلعن كديدك
ماإنت بولد بلبيد والا رضا الحاج= شاعر وراوي مايزود رصيدك
لولك كذا فدان بحدود سوهاج = ماغاص خناق النفس في وريدك
أوعشر خلفات ومداهيلك الفاج= وضح ٍ معه وضحاء تناسب جديدك
قلت الزمان الشين مامنه مخراج= تخشا مناعير النشاما وعيدك
وقت ٍ خطير يشيخ به كل هلباج= وهيالع الندّر تهاب تهديدك
قال اعشراك أصواتهم هم وإزعاج= يقطع صدا صوت النواعم نشيدك
تدري وش أكثرمايسبب لي إحراج= أخجل لياشافتني البنت بيدك
قلت أنت باسم الغنطسه بين الأزواج= إهجد هجد بلفك وكل من رديدك
حتى بلوتوثك لبو دقن منعاج = لو دونه الخفرات يطفح بريدك
توي لقيت دواك ياعفن الإنتاج = خل اللذي جابك يجمع حديدك


 

قديم 03-12-2019   #29


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي مداعبه بين جوالي السابق وحظي ووالد معشوقة راعي الجوال



مداعبه بين جوالي السابق وحظي ووالد معشوقة راعي الجوال
بعد التجارب عرفت الحب وألوانه = منه المغره ومنه النار والجـنـه
حذراك ياصاح لايغويك شيطانه= يلحق على العود واللي مابلغ سنه
السمر والبيض للمخلوق فـتانه= كم واحد(ن) في طريق الحب غرنـه
بكتابته مفردات السحروألوانه =وإسلوبه اللي خلاف الشرع والسنه
لذة مذاق الأنوثه نبض شريانه= كم شيخ قوم(ن)سببهن يزعج الونه
شيخ ٍ يبي ستر حاله قاله بلسانه= لا واعذاب القلوب اللي يحبنـه
اليوم للعجز دور يخيف شيبانه=حتما ً قضيّة تحرش لوتبلنه
والصدق والقلب الأبيض ماله الخانه = الكذب والنيّة السودا توطنه
الحق والشعر والمبدع وقيفانه = الحظ والواسطه والمال يحييّنه
والحر وإبن الحموله طاح ميزانه =وسراقة الشعر صار الفن هو فنه
والذيب والشبل والخيال وإحصانه = أردي حمير الوحش بالقاع صادنه
من يفعل الخيروالمعروف بإحسانه =يصبر على الغبن واللعنات ياجنه
قل الحيا والجمايل زاد نكرانه= ياالله عسى جاحدالمعروف يبكنه
في جاه من نرتجي فضله ورضوانه = جزل العطايا هو اللي يعطي الجنه
عجل الفرج خالق المخلوق سبحانه= الحمد له والثنى والفضل والمنه


 

قديم 04-12-2019   #30


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي الشاعره الرائعه المميزة ترد وبقوة على شاعر جبل شمر



السلام عليكم ورحمة الله وبركاته
قصيدة للشاعره الرائعه بنت العم / المميزة

تقول في تعليقهاعلى قصيدة لي غزليه:ـ ياشاعر جبل شمروالحاصل على سيف عين حائل للشعروالشعراء نعلن تضامنا معك ضد هذه المؤذيه الله يجزاك من الحور


العيد قرب والسماء صاربه حوم = والحر قرناسه يجي دون تلواح
يانابي الردفين لاتجرح الصوم = إحذر من الصمصام بيدين سفاح
ارحم طريحن من سبايبك مسلوم = أتعبت رجله بين جيَّه ومرواح
من سبت التبان لابان مضيوم = اليا أرتخى الهميان والذلذل إنزاح
أما عطيه وسامحي بفرقة السوم = البادي أظلم والكريمين دماح
وإلا تجيكم شمرٍخيرت القوم= وتأخذحقوق ابن طناء بسيف ورماح

ردا على الأخت الفاضله شاعرتنا القديره /المميزة
الشاعره الرائعه المميزة ترد وبقوة على شاعر جبل شمر
الحور والجنه لمن كان مرحوم = والعمر فرصه قبل نزاع الأرواح
يابدر من سماك يانجم منجوم = نصف الشهر نورك خذل كل مصباح
لا تذبح المسلم ولاتلحقه لوم = معذور مفتون الغنادير لو صاح
شعرك وهمساتك به السحر مزحوم = بسلوب يودع خافي السد ينباح
ترياق مهيوم ٍ عن الوصل محروم = يالمارتينا تستحقين الأمداح
أهديت لك روح الذهب غالي السوم = ماهمني كثر الخساير والأرباح
ولو عمري أصغر منك قلت إننا توم = دون الخوي مثلي مثل قوم شولاح
نوب ٍ يهد الحيل صوت أم كلثوم = وفريد ( عش أنت ) بلا هم وأتراح
ونوب ٍ خطاة البيت من غرقت النوم = يخمني به جن عبقر والأشباح
ياجاء من الغالين بالحيل ملغوم = يسنا على قلبي معاويد فلاح
خليتني سفاح وعلومك علوم = خذها بشاره عاجله لاجل ترتاح
لاواهني من شاف هميانن اليوم = وما لاذ بالذلذل تقل طلع تفاح
ورع ٍغرير وبالترف حيل محشوم = أمزح معك مزحي معه كله أ مزاح
والملزمات ألزم علي وأنت ملزوم = تكفى ولا كسر الخواطر والايضاح
دامك على جنبي هبا عندل التوم = وأنت الذي لقلوب الأحباب جراح
علم الفخر للشمري نهج وسلوم = الحايلي قلبه خضر وين ماراح
ماني رسول الله عن الذنب معصوم = والبدو يتلون الحياء وين ماطاح


أخوكم ومحبكم شاعر جبل شمر / مبارك طناء التبيناوي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:24


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام