ديوان الشاعر / حــــمود الشــــمــــري

أول مشاركاتي هي آخر بوحي تجاه المصاب الجلل بذبول أثنتي عشرة زهرة في المدينة الحالمة، وهو قضاء وقدر ولكن للأقدار أسباب ، والله سبحانه وتعالى هو الحسيب.
............هذا أنا :

أول مشاركة .. مآسي لاتــــنــــتـــــهي . !!!

	من عادتي لاجيت أنا جيت كـلّـي=مـاشــوف.. مـاسـمـع ..مـاتـحــرّى وصــايــا مـادام راسـي بــالـثــريّـــا مــتــعـلّـي=اشــــوف بــارضــي مــــن شـعـاعــي مــرايـــا وان رحت.. رحت.. اقفيت اعرف محلي=عــــــــدّي مــلــيــتــه .. والــمـــعـــاود مــــلايــــا سوّيت فنجال ٍ طبيب ٍ مجلّي = مابالصدر .. واسقى جميع الخلايا فنجال هيل وخيل .. شمسي وظلّي = مبهّر ٍ من فوح ريح الطنايا بــعــض الــعــرب لــلــروح وصــلـــه يـحــلّــي=وبــعــض الــعــرب يــزيـــد وصــلـــه ظـمــايــا مـــاكـــل مــــــن شــفــتــه بـعــيــنــك يــصــلّـــي=فــيـــه الـخــشــوع وفـــيـــه صـــــاف الــنــوايــا ومـــاكـــل مــــــن قــــــال الأكـــابــــر هــلــلّـــي=يـصــيــر بـــــه مـــــن طــبـــع ربــعـــه مـــزايـــا قـــلّـي يـاعــودٍ راح بالله قـــل لــي=وش حـيـلــتـي لاشـفـت نـاكــــر وفـــايــــا قـــــل لـــــي يـاحــيــدٍ نـــــاف بالله قـــــل لــــــي=انـــتـــه تـــشـــوف الـــلـــي لـــجـــى بـالـحـنـايــا انـــت الــوحــيــد الـلي بــشــوفــه يــســلـي=وانــته شـمــوخي وانــت بـاقــي عــزايا

.......................................
مآسي لاتنتهي .!

مآسي لاتنتهي .! . !!!

	الوقت قاسي .. وامتلينا مآآآآآسي= والناس .. ! ماكنّه بحايل من النااااس كن البشر ألماس .. وحنا نحاسي ..!= الى متى نضرب بالأخماس واسداس.! الى متى يامسامرين الكراسي.!= راحت نفوس وباقي تروح أنفاااااس مأتم ورى مأتم .. ورقم ٍ قياسي = ماباقي الا نستلم للرقم كأس بحر الحزن غطّى جميع المراسي =موجه يسامر ليل ويصاحب اليأس اذكّر اللي صار للحق ناسي =كم ٍ طلب للطرق ..حبر ٍ بقرطااااااس أدري وتدري كل ربعي وناسي = أنه قدر مكتوب .. لاباس لابااااس بس السبب ثوب القدر بالمقاسي = واللي جلب له ثوب .. يوحي للارماااس ليل العناء في روس الاحلام راسي= والجور لابس جوخ .. زاير وعسّاااس الى متى قلب المتاهات قاسي ..!= وليل الثكالى ينوره حد الأمواااااس ..!

حمود الشــــــــــــــمري.

من لـــبس كعب وتــــطاول .! . !!!

	الليالي سرمدية . والعناء دربه طويـــــــل = والأمل حافي وظامي شمس قيضه تلـهبه يافهد قلبي يعاني . صارت رياضه محــــيل = من علوم ٍ هايفاتٍ مسملاتٍ . مجدبه كلّ ماقلنا مهودٍ . ياعسى باكر جمــــــيل = صار باكر مهمهية . لامســــــه الماضي شـــبه لاوفاء يوضي فناره .من عناء يــــقفاه ليل = لاصدق يبني صداقه من صفاها . مطربه كلّ ماقلنا الصراحه ..! مالقيناله قبــــــيل = كلّ سطر ٍ في حياتي .. أكتبه ثم اشـطبه من لبس كعب وتطااول.لازم بمشيه يميل = السنود اللي بدربه.. بالظـهر مثل احدبه ومن رقى باكتاف غيره مادرى بقصرالشليل = يختفي وقت المزاحم في غباااار الأتـــــــــربه يافهد حالي شقيه ! دامني ماسمع صهيل = والحقوق اللي من الله.. كم لص ٍ يســــلبه وانت شيخ ٍ من شيوخٍ ورّثوا للمجد جيل = الثقايل ترتكي له. . والمعالي مطـــــــــلبه لك مخابر يالنداوي.. ريح بن وريح هـــيل = البشر فرق المعادن. وانت يالفهد ذهــــبه طاب فالك يالسنافي .يالقراح السلسبيل = كلّ درب ٍ للمراجل . تمتطيه وتطـــــــــربه

حـــ الشمـــــــري ــــــمود