آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 25-09-2012   #11


الصورة الرمزية سـالم الشمري
سـالم الشمري متصل الآن

بيانات اضافيه [ + ]
 رقم العضوية : 3079
 تاريخ التسجيل :  12 - 01 - 2012
 أخر زيارة : 15-06-2013 (08:34)
 المشاركات : 251 [ + ]
 التقييم :  10
لوني المفضل : Cadetblue
افتراضي دلّة همومي



بسم الله الرحمن الرحيم
.
.
.
.

دلّة همومي!!!

يارب تهديني ليا تهت بالراي=انا بشر اخطي ولاني بمعصوم
ويارب وجهني ليا تاهت خطاي=عبدك يضيع ان صار ما بالسما نجوم
يارب انا وان قلت يارب بشفاي=مؤمن بانك حي تسمع وقيوم
يارب لو غيرك نوى وحاول دواي=ماداوو اللي بالصدر منه مكتوم
ياليت لو همي يخبيه مخباي=كان ابتسم للناس والثوب مهموم
مير الحمام ان داح تلّن من اقصاي=وصرفتله من دمعة العين مقسوم
والله لو يدري عن الضيق بحشاي=يمكن يهاجر من بلا حشاي مضيوم
تستحاش الظلمى من الوان ظلماي=وتبكي من الضيقه وسط حضني اهموم
استنكر الواقع على طيب مجناي=واسترجي البسمه على فمّي تحوم
صرت الفريسه والزمن طير بسماي=ياما نتش مني مسرات وعزوم
كان انها طيحه على يد وشّاي=موتي على مخلاب حرّه ولا بوم
الكذب يرضع من صدر وقتي قواي=والصدق من صدر السواليف مفطوم
ماهمني لاجت رديّه من عداي=كل البلا لاجت من اقراب وقروم
يضحك على بعض السواليف حكاي=واضحك على الحكاي واقول منجوم
مايدفن اشباه الرجاجيل شرواي=يدفن رديّ النفس.. وضعيّف القوم
دلة همومي ينقله طيب يسراي=صبيتها بفنجال وقتي بلا لوم
ثم مدت الفنجال للصبر يمناي=يشرب ولّو انه على الشرب ملزوم
ماني لغير الله بالكون شكاي=وهو العزيز اللي لو انخاه بيقوم
انخاك يارب السعد حل دعواي=واسق العطش بعيون ضامي عن النوم


 

قديم 11-10-2012   #12


الصورة الرمزية سـالم الشمري
سـالم الشمري متصل الآن

بيانات اضافيه [ + ]
 رقم العضوية : 3079
 تاريخ التسجيل :  12 - 01 - 2012
 أخر زيارة : 15-06-2013 (08:34)
 المشاركات : 251 [ + ]
 التقييم :  10
لوني المفضل : Cadetblue
افتراضي الطمع لابو الطمع..



السلام عليكم ورحمة الله وبركاته


يالربع تكرموووووووون

.
.
.

الطمع لابو الطمع..!!!

قال من لا قال ..ما دقّر بتالي كلامه=يختصر طول الحكي..ماهو براعي طويله
يتبع قول المثل..اربط حزام الكرامه=ولا تدنق لايّ شيٍ ..على الدرب وتشيله
ماعرفنا للبشر.. تالي الوقت ونظامه=كل ما نركد قمز ..من يدور عن فشيله
شفتوا اللي غاطسٍ في صناديق القمامه؟=يلقط القرطاس او ينثر امجاد القبيله!!
لابسٍ دسّه تقل.. من صقاقير المنامه=والزباله ممتلي.. منّها حتى شليله
كان تبغى الشور لو طعتني.. شيل العمامه=واجدع ثيابك ترى.. البدله احلى مع فنيله
وحطلك معزل مثل.. معزل اصحاب الاقامه=كان قلنا عاملٍ.. هج واقفى عن كفيله
ما آتشمت لكن الرجل.. لا يرخص مقامه=ينتقص قدر الرجل.. لا اقتنع بأيت هزيله
الطمع لابو الطمع.. ما تجي منّه سلامه=خايفٍ باكر طمع.. هالبشر يآصل خليله
خايف العربان يكثر.. على (****)ملامه=عقب ماهي مضرب.. لكل افعالٍ جزيله
طيعني يا جامع المال.. من جمع القمامه=واجد الارزاق بس ..شوفلك شغله بديله
كافلٍ رزقك ترى.. من كفل رزق الحمامه=وراس مال الرجل لا مات يذكر بالجميله


 

قديم 18-10-2012   #13


الصورة الرمزية سـالم الشمري
سـالم الشمري متصل الآن

بيانات اضافيه [ + ]
 رقم العضوية : 3079
 تاريخ التسجيل :  12 - 01 - 2012
 أخر زيارة : 15-06-2013 (08:34)
 المشاركات : 251 [ + ]
 التقييم :  10
لوني المفضل : Cadetblue
افتراضي حلم وعشيق ...!!



حلم وعشيق
.
.


حلم وعشيق ...!!

قصتي قصه..لو اكتبها تضيق=منّها الكلمات وانفاس الحروف
او يشّب من القهر ثلجي حريق=او تطيح من السما بنتٍ عطوف
كنت احسب الصدق له لون وبريق=مادريت الكذب له عدّة صنوف
كنت احسب الورد للنحله رحيق=كيف صار الورد زينه للرفوف؟
كنت اشوف اللي..يفضفضلي صديق=جيت افضفض مالقيت اللي يشوف
لوزماني دآخل اعمآقي يويق=شاف حلمٍ مات وجروحٍ ضيوف
وان سمعني حس في صوتي شهيق=وان قراني شاف آمآلٍ وقوف
يازمن..صعبه على حرٍ طليق=لا حلم بالحلم مربوط الكفوف
والله ان لو دنيتي لحملي تطيق=كان انآم ولا تصحيني حسوف
دآمني خسران لي حلم وعشيق=وش بقالي ينحسب ربح وقطوف؟
وش بقالي وآه يا طول الطريق=لجل اوفّي ما حلفته من حلوف
يابحر جيتك.. ابشكيلك وآفيق=يمكن القى في صدى موجك عزوف
حلمي اللي مات قدّامي شنيق=كنت ابسعف بس.. مربوط الكفوف


 

قديم 04-02-2013   #14


الصورة الرمزية سـالم الشمري
سـالم الشمري متصل الآن

بيانات اضافيه [ + ]
 رقم العضوية : 3079
 تاريخ التسجيل :  12 - 01 - 2012
 أخر زيارة : 15-06-2013 (08:34)
 المشاركات : 251 [ + ]
 التقييم :  10
لوني المفضل : Cadetblue
افتراضي مشروع بالقطـّه ...!!



السلام عليكم ورحمة الله وبركاته
يالربع القصيده هذي لها موضوع لابد تعرفونه
الا وهو قبل فتره انتشر بالواتس اب والرسايل بالجوال انه فيه
متطوعين يبون يجمعون فلوس قطه لسوريا وبنفس الرساله حاطين رقم حساباتهم تحولهم
صدقه لسوريا لو ريال وطبعاً الحكومة منعت الشي هذا ولكن هم استغلوا الناس
وقاموا يجمعون الفلوس لهم وللأسف فيهم ناس متدينين

فـ انا عبرت عن هالموضوع بهالابيات


مشروع بالقطـّه ...!!

سمعتوا يا أهل حايل بمشروع بالقطّه؟=مديره حرامي بس ماهوب بمبيّن
تغيّب ورى كذبة هل الدين وخططّه=علينا كذب كذبة انا شخص متديّن
وابي الاجر لاخواني وللشام بآحطّه=مساكين ما يلقون مصروف بالهيّن
ذبحهم ربع بشار والجيش وشرطّه=وودي بكم ريال يفرحبه حزيّن
وجات البشر تركض مساكين مشتطّه=تبا الاجر مادامه كم ريال وهويّن
عطيناه ما نملك من المال بشنطّه=وتركناه ماندري وش يحوس ويزيّن
اثاريه يا ربعي خذا المال ثم لطّه=وحنا نحسبه راحم الشام وحنيّن
هل الشام ما شافوا ولا ريال او شطّه=علينا لعب لعبته بالدين يا ذهيّن
سرق مالنا بأبشع أساليب منحطّه=على رتبة مهندس من الكذب متعيّن
غدا تاجر وكرشه من الزود مصفطّه=من المال لو جيته يسلّفك ويديّن
نصيحه لا تاثقبه ترى واجد ورطّه=يورّطك لو جالك بالاسلوب متليّن


 

قديم 19-02-2013   #15


الصورة الرمزية سـالم الشمري
سـالم الشمري متصل الآن

بيانات اضافيه [ + ]
 رقم العضوية : 3079
 تاريخ التسجيل :  12 - 01 - 2012
 أخر زيارة : 15-06-2013 (08:34)
 المشاركات : 251 [ + ]
 التقييم :  10
لوني المفضل : Cadetblue
افتراضي يابوي انا عن درب الاشوار جنبّت ...



تحية طيبة للجميع..

موضوع بيني وبين الوالد انتهى بهذه الابيات..
.
.

يابوي انا عن درب الاشوار جنبّت...!!

يابوي انا عن درب الاشوار جنّبت=ماعاد اشاور بالمواضيع لـلّه
طقتني الدنيا بليا وجرّبت=حتى غدا شوري من الراس كلّه
ان صبت زين وزين كاني بعد خبت=لجل آتعلم من خطاي وأحلّه
اما اجيب الشور من راسي ان جبت=والا ترى بعض المشاور مذلّه
اخاف من شيرة شماميت لا غبت=تركضبها بأسمي وكلٍ فطن لّه
اما انفضح علمي عليّ وتسربت=مثل الخبر كلٍ لقاه بمجلّه
والا يظن انّي عن المرجله عبت=وصرت استشير الخلق في كل زلّه
انقص مقامي ليه لا صار ما اذنبت=واللي عقد روس الحبايل يفلّه
ربي معي ماهمّني لو تعذبت=ولابد ماياتي فرجها من الله
وكان الخبر بفلوس مع طلعة السبت=يوم الاحد ببلاش كلٍ حصلّه
لاتصير مثل اللي يبي يعجل النبت=وجاه الثمر ماهو على منوةٍ لّه
والحاجه اللي تنتظرها وشيّبت=اعرف لو اتجيلك بيومه تملّه
يابوي هذا اللي من الشعر رتّبت=ابيات والموضوع عندك بجلّه
لكن ترى عن درب الاشوار جنّبت=واخترت لي دربٍ ضميري يدلّه


 

قديم 15-06-2013   #16


الصورة الرمزية سـالم الشمري
سـالم الشمري متصل الآن

بيانات اضافيه [ + ]
 رقم العضوية : 3079
 تاريخ التسجيل :  12 - 01 - 2012
 أخر زيارة : 15-06-2013 (08:34)
 المشاركات : 251 [ + ]
 التقييم :  10
لوني المفضل : Cadetblue
افتراضي سكّانة الوادي ...!!



السلام عليكم ورحمة الله وبركاته
يالله ان تمسيهم وتجعلهم بخير ..
.

.


.
.
ياسكّانة الوادي عن السيل ما تبتي=يقشّك مثل ماقش من قبلك ركابك
سكنتي طمان وكل ..ذنبٍ به اذنبتي=تبين الغنا لو هو ..على جدعت ثيابك
على الكيك فصختي ثيابك ولا ارتبتي=طلعتي علينا مثل ما ربنا جابك
طلعتي ومصلوخه من الله ما هبتي=تهّزين ماتدرين كم ذنب بحسابك
على الخلق بالدجه ياخبله تسببتي=وكم شخص تحسبله ذنوبه من اسبابك
عن اهلك لو انك ياسفيهه تغيبتي=وبالسر خبيتي المفاتيح عن بابك
يشوفك عزيزٍ لو للقياه حسبتي=تتوبين عن ذنبك وعن ذنب عجابك
ترى سمعتك ثلجة واذا ذابت انذبتي=وش ايرجع السمعه ليا سالت شعابك؟
سؤالي صريح وكان تقوين جاوبتي=لذلك انا بعطيك بيتين ترقابك
عن الدين ودروبه ليامن تجنبتي=يقّل ملحك وينقص مع الوقت خطابك
ومن يدور لحاجة لك الله وبرقبتي=تلاقين لامنه خذا حاجته سابك


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:05


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام