ديوان الشاعر / حمد العيد

مصافحتي الاولى لقلوبكم
شيله بعنوان (( حايل )) شعر اخوكم حمد العيد اداء / غازي الحماد / الهندسة الصوتية / عمر اللويش
اتمنى لكم سماعا ممتعا واتمنى ان تنال القليل من الرضاء والاعجاب من مسامعكم وكل الشكر والتقدير لاستاذي / احمد الجريفاني على الدعوة الكريمة لهذا الصرح الشامخ

شيله بعنوان حائل ... مصافحة اولى لقلوبكم

رجفة خفوق ... شيله .. شعر حمد العيد أداء غازي الحماد .. الهندسة الصوتية عمر اللويش الاخراج محمد ال رشيد

قصيدة والدي / سعود محمد العيد ... جوفان .. رحمه الله تعالى

مل قلب ٍ ... قصيدة والدي رحمه الله تعالى!!!

	مل قلب ٍ هيضه نـوح الحمـام= ول يا قلب الخطاء دايم حزيـن ساهر ٍ بالليل مـا عينـي تنـام=ساهر ٍ يـوم الخلايـق نايميـن لي ثلاث أيام مـا أذوق الطعـام=عيشتي بس التنهـت والونيـن نش حالي مابقي كـود العظـام=والجروح الخافيـة تـوه تبيـن آه أنا اللي هيضن شوف الغرام=يوم شفت الترف والخد الحسين السلام يا صاحبـي رد السـلام=لاتفطـن للحيـاء والمستحيـن لاتغلـى ياعشيـري بالـكـلام=ياصخيف الروح يا صاف الجبين ياعيون اللـي ترتـع بالوسـام=مرتعه بأرض المطامي والبطين والخدود ملامعه بـرق الظـلام=والنهود إصغار ما رضعه جنين توها غـرو ٍ غريـر ٍ بالغـرام=مثل غصن الموز لاغطرف يلين طاغية بالزيـن مثلـه مايـلام=والردايف كنهن شـط السميـن عمرها عشر ٍ وخمس ٍ بالتمـام=منوة ِ راع الهوى تـوه تزيـن

يقول الشاعر القدير / العرب رحيل

صوت الشاعر / العرب رحيل ..صدى .. حمد العيد !!!

	روض الغــلا بي عبرةٍ صعب تنزاح=الهـا سنيـنٍ بالخفايـــــا تـزومـي عبرة غــــلا عبـرة ولـه للـذي راح=اقفى وخلا في خفوقـي رسومـي روض الغلا بالشرق لي بارقٍ ضاح=بــرقٍ لريــــمٍ بالبشـر هـي لزومـي اغليتها وانظـــــر هيامـي بهـا لاح=انظرْه في حـــــرفٍ لفزْعتْـك يومـي ياعزوتي يامسندي وانـت الاربـاح=امسح عبــاير من عجـــز لايقومـي يبكــي وليفٍ له من البيـض مـــزاح=يالعـن حيّــــه وامنعتْـه السلومـــي عيّــــا يبلّغنـي مرامـي والافـــراح=وان جيت اسائلْه برجى زاد لومــــي روض الغـــلا حِلّه لمن جاك صيّــاح=ينخـاك حلّـه ياقـــــويّ العزومـــي

الرد واتمنى ان ينال الرضاء والاعجاب !!!

	قيل(ن) لفاني اوجع القلب بالاآح=من شاعر ٍ ارسل لقلبي سهومي يشكي فراق اللي بها خافقه راح=امس ٍ معه واليوم منه محرومي محدن يلومك بالغلا زين الارياح=بالريم من لامك عسى ما يقومي باكر يجي وتبدل ايامك افراح=لابد يذكر من حددته السلومي وكانه نساك وغرته قول يا صاح=من واحد ٍ غيرك تراه مهزومي تلقى العوض باللي تداويلك اجراح=وارفع مقامك يا قوي العزومي ابكيتني يا عزوتي ماهي مزاح= ياكيف يعذربي اشقق اهدومي

بسم الله الرحمن الرحيم



هذي القصيده تم تحميلها على قناة النشامى...



مل قلبي للشاعر جوفان رحمه الله

مـل قلـب ٍ هيضـه نـوح الحـمـام=ول يـا قلـب الخطـاء دايـم حزيـن
ساهـر ٍ بالليـل مــا عيـنـي تـنـام=سـاهـر ٍ يــوم الخـلايـق نايمـيـن
لـي ثـلاث أيـام مـا أذوق الطعـام=عيشتـي بــس التنـهـت والونـيـن
نـش حالـي مابقـي كــود العـظـام=والـجـروح الخافـيـة تــوه تـبـيـن
آه أنا اللي هيضن شوف الغـرام=يوم شفت الترف والخد الحسيـن
السـلام يــا صاحـبـي رد الـسـلام=لاتـفـطـن للـحـيـاء والمستـحـيـن
لاتـغـلــى يـاعـشـيـري بـالــكــلام=ياصخيف الروح يا صاف الجبين
ياعـيـون الـلـي تـرتـع بـالـوسـام=مرتعه بأرض المطامي والبطين
والخـدود ملامعـه بــرق الـظـلام=والنهود إصغار ما رضعه جنيـن
تـوهـا غــرو ٍ غـريـر ٍ بالـغـرام=مثل غصن الموز لاغطرف يلين
طاغـيـة بالـزيـن مـثـلـه مـايــلام=والردايـف كنهـن شــط السمـيـن
عمرها عشر ٍ وخمس ٍ بالتمـام=منـوة ِ راع الـهـوى تــوه تـزيـن

تم إضافته يوم الثلاثاء 08/03/2011 م - الموافق 3-4-1432 هـ الساعة 10:53 مساءً

قصيدة الوالد رحمه الله الشاعر / سعود محمد العيد ( جوفان ) بمناسبة زيارة الملك عبدالعزيز آل سعود رحمه الله إلى حائل في يوم 28 رجب 1355هـ ( 14 أكتوبر 1936م ) وشاركت فيها فرقة حائل ( للعرضة النجدية ) ومازالت هذه القصيدة تردد حتى يومنا هذا في جميع المناسبات .

ســـــلام واثــنـــي ســــــلام=سلام واثني سلام ...... للي حكـم نجـد كلـه
عــبـــد الـعــزيــز الإمــــــام=صخر جميع القبايل.....حرب العـدو مـا يملـه
سـيــفــه يــقـــص الــعــظــام=واللي طرد عزتـي له.....دايـم وقلبـه بذلـه
عــيـــت عــيــونــه تـــنـــام=يخاف من شيـخ نجد.....سيفـه بيمنـاه سلـه
الله يـــــــــعـــــــــزه دوام=عسى السعد لابن مقرن.....دايم وهـي هابتلـه
ونـشـوفـهــم كـــــل عــــــام=حرار نجد نشوفه.....كـل علـى ماكـرن لـه
دخـيـلـهــم مــــــا يـــضـــام=غرب وشمال وقبله.....مراكـز وعسكر(ن)لـه
لاجـــــا نـــهـــار الــكــتــام=بلجيك وحس المشوك.....مثل البرد يـوم هلـه
مـلــحــه ســريـــع الــــــولام=وتشوف جدع الجنايز....بالكوم لاجـاء محلـه
تــمـــت وخـــتـــم الـــكـــلام=صلو على محمد اللي....وسط الحرم مسكن(ن)له

يقول جوفانـي الزيـن وآفانـي=مرن بنات الهوى والقلب شالنـه
مرن مسياني مع سـوق برزانـي=محلاك يا نايف المدلـول يزهنـه
شوفي بالاعياني ماحن بالاردانـي=تنحرن فـوق والمقصـب تعدنـه
يزهن الالباسي والزيـن معاسـي=عزيل راع الهوى وان كان مرنـه
يجيـه ماجانـي والغـي تبلانـي=والله مـن ليلتـن جريتهـا ونـه
مانام سهراني واجيـب الالحانـي=قيلي تهيض بهن والله فـلا كنـه
عذبات الاجناسي والملح محتاسي=سبحان ربن خلقهن خالق الجنـه
لا قضن الراسي لامتانهن كاسـي=شقر الذوايب بنات الغي يقضنـه
وعيون غزلاني يرعـن بخليانـي=تقودهن عنزهن واخشوف يتلنـه
وخدود قرطاسي او شاهي الكاسي=الموت بين الاشافي يوم ضحكنـه
وخشوم نمشاني من شغل ابن باني=ومصقلاتن يبـن للحكـم يهدنـه
تو النهـد بانـي تفـاح بستانـي=توه على زمتـه والصـدر زمنـه
والوسط يافلاني هافي وظمرانـي=كيف الغداء والعشاء ما تقل ذاقنه
وشطوط عرماسي ما يلمس قاسي=ناب الردايف اليا قامـن يضمنـه
وكفوف وسيقاني فضه ومرجانـي=هذاك خلق الولي لو مـا يغسلنـه
وعقوب رماني ملسن وحمرانـي=والنعل كلن علـى فتـره يقدنـه
لا لبسن اللاسي اشكال واجناسـي=المسعد اللي نهـار العيـد خمنـه
الطول بقياسي امهـار الافراسـي=الله عطاهن كمال الزيـن لا منـه
من داخل الناسي ما يطوي الياسي=لو ما تمعرف بهـن لازم يعرفنـه
من اول ناسي عاف الهوى راسي=واللي يشوف العـذارى يستخفنـه

الشاعر/ سعود محمد العيد / جوفان

وهذي قصيدة أخرى له رحمه الله...

وينــــــــــــــــــــــك ...... ؟

	غيرك يغيب وما سألناه وينك=وانته غيابك يعني الكون غايب أضنى الغياب أشواق عطره حنينك=ميت على ذيك الليالي وذايب يكَمل فرح عمري بطلة جبينك=وتبرى جروح ٍ من فراقك عطايب لو القدر حرف ٍ تخطه يمينك=ما أقول عمري راح وأنت السبايب أقول جاك وجيت كلي لعينك=معذور قلبي فيك يا أغلى الحبايب يعني بصراحة اعتبرني رهينك=مجنون فيك وعن هوى الغير تايب

للتـحـمـيل

هذه القصيدة كانت من البدايات اتمنى تنال الرضاء والاعجاب منكم

القصيدة شيلة بصوت الرائع غازي الحماد

القصيدة ألقاء بصوتي

وينــــــــــــــــــــــك ...... ؟

	يالله يامنـشـي مــزون السـحـابـه= يامرتفـع اسمـه علـى كـل مخلـوق تفـرج لمنهـو تايهـن وسـط غابـه= اظلـم عليـه الليـل والليـل خافـوق فارق دياره يـوم خـاب الرجـاء بـه=يركض ورى رزقه عسى الرزق ملحوق فارقـت انـا حايـل وزينـة أترابه= أليا أنذكر اسمـه تهـزز لـه الشـوق شين الفراق وشين حضرة جنابه=شينه على قلب ٍ من البعد مفتوق صارت اسنينـي مـن توالـي تشابـه= مره يجود الحظ ومـرات لـي عـوق غديـت مثـل اللـي حلالـه انهـابـه= باعو حلاله وابعدوبـه عـن السـوق

للتـحـمـيل

لاينكسر خاطرك ..!!

	لا ينكسر خاطرك لا تكون متضايق =هي كلمتن وبغلاتك لا ارجعها بحكم الغلا والمعزة وجوك الرايق=وعشرة اسنين وربي ما اضيعها دامك سكنت الخفوق صرت له سايق=خذها على كيف ما ودك وسنعها تدري بلياك ليلي حالها ضايق = ماعاد تفرق ولو حاولت اطوعها انت بصميمي وصرت بدخلي لايق= ونفسي بقربك إله الكون مقنعها منك الشهد يا رفيق القلب له ذايق= عجزت انا منك نفسي لا اشبعها

للتـحـمـيل

شيله / بعنوان / طبع الليالي(( مرثية )) / اداء الثنائي الرائع والجميل / غازي الحماد و بدر العيد /الهندسة الصوتية والتوزيع الاستاذ / عمر اللويش
اتمنى تنال الرضاء من مسامع الجميع

للتـحـمـيل