ديوان / الشاعر فارس الدبيان

كيبورديه على عجل لمسابقه خاصه للغزل
ونالت المرتبه الاولى ولله الحمد >> كانت المساله رمزيه فقط ومنافسه بيضاء

هيفا تمطرق مثل عود المشمش,,,مثل الفرس لاطبّت بميدانه !!!

	ياعود نرجس بالثمر رويانه=متخرطمه ومتدهلات اغصانه شايل جسدها من ثمار الجنه=تفاحه وعنّابه ورمانه والرمش من كثر الكسل سوداني=ماحركته من الغنج كسلانه والصوت من كثر الدلع به بحّه=يذوب كلي لاسمعت الحانه جيته وانا كلي يسابق كلي=والشعر له مركب وهي ربانه هيفا تمطرق مثل عود المشمش=مثل الفرس لاطبّت بميدانه القلب له عرش استوت له مالك=ماغيره احدٍ يآمر وله شانه وبنات حوا لالفت ينحمسن=في غيّها يلقى الشموخ عنانه مثل الغزال ليامشت بالهونآ=كل البنات من الحسد غيرانه ان قلت له وينك تقول بعينك=يابعد حي الفارس واعيانه تقول لي فروس يافروسي=يازين فروسي بنطق لسانه ما اريد من ربي سوا يحفظها=من عين الانس ووسوسه شيطانه الفل والنرجس وعطر الجوري=متربيٍ في دوحه وبستانه

حبايبي
اداره واعضاء وزوار منتديات نشامى شمر
اضع بين ايديكم احدى قصائدي الارشيفيه للتواصل

نآيم حبيبي جِعل نومَك عَوافي !!!

	نآيـم حبيـبـي جِـعـل نـومَـك عـوآفـي=يآليتـنـي ديـبـاجـك الـلــي مغـطّـيـك الـشـآهــد الله ضاق فيني لـحـآفــي=من حِر شوقي صِرت أهمهم وانآديك حَتّيـش ياجـرح(ن) لـهالقلـب وآفــي=تعـبـت مـنـك كــل يـــوم(ن) أداويـــك كنّـي أدوس الجمـر والـقِـدم حـآفـي=ومـن عزّتـي عـجـزت أصــرَخ وأورّيــك لأنـــي تـربّـيـت بـيـديــن الـسّـنـآفـي=والحِر مِثلي يستحي يَصحـب الدّيـك ولّا أنـت كَنـز بحِـدب الأضـلاع خآفـي=تـردّلــي لامــــن زهَـمـتــك بـلـبـيــك يآبـو جديـل(ن) فـوق الامتـان ضآفـي=ولـيـآ إنتـثـر فــوق الـمـخـدّه يـبـآريـك آيَــه حُـسـن تـصـدّر الغـيـد نــآف(ي)=والرّمش من طول الهدب كِن قَد حِيك وإليآ إستحى كِنّه كَـرَز من قِطـآفي=ليـن أسألـه قِـل يآبعدحـيّ وشفـيـك الجـآدل التّـرف العفيف المصــــــافي=القَلْـب لَـه عَـرْش وجُيُـوش ومَمآليـك اضرب على الكايد ولا اقول كـــــــافي=انثـــــــــرني ولملم شظاياي بيديك لو بدلــــــوني بك بمآل الخُــــــرافي=ولــــــــــــو زوّدوه لمال قارون مآعطيك يَـعَــل زولــــك مـاتـجـيـه الـسّـوآفــي=ولآتآصَـلَـك عـيـن الـحَـسُـود وتُـوذّيــك نـآيـم حبيـبـي يــآآآه نــوم الـعَـوآفـي=آسـف حبيبـي جيـت أزورك وآغطّيـك

حبايبي
اداره واعضاء وزوار نشامى شمر
اضع بين ايديكم اخر متواضعاتي لعلها تحوز على القبول والرضا
ولاغنى لي عن نقدكم وملاحظاتكم

ياطفله القلب فيك القلب متهنّي !!!

	نقضت فَـتــل الحنين وجيت متـعنّي=ودي على صدرك انسى كل آهاتي نثـــرت قيفان ذابن بك ومشنّي=تقول فـي غيرك استحسف كتاباتي برد الحشاء وآفه الاشواق حدّني=تقرع طبول اللقاء وتبدد سكاتي ومخالب الوجد من مسراي تلنّي=تل الدّلو يوم زانت منه شرباتي وحَمَام الاشعار فوق الكتف نادنّي=تنوح نوح الغريب آشبه بحالاتي ياطفله القلب فيك القلب متهنّي=فيك ارجهن الخفوق وطابت ابياتي اغيض فيك البنات ولا يغيضنّي=اليا قروا شعري وفهموا عباراتي واعانق طيوفك الحلوه ويدفنّي=عن برد شوقي وفقداني وحسراتي وآسمع صهيل الحنين ولايردّني=الا المسامير في نعش ابتساماتي يجرفني الموج وامسك قشّتك كني=مسكت حبل النّجاه ونلت منجاتي شفني على الشاطىء اجلس لك ومستنّي=واكتب على الرمل اسمك بين لوحاتي تِغرب واخيلك صفار الشمس لكنّي=تهدم رهيف الخيال العذب هيهاتي البعد سوطه جلدني واشتكى عني=حدب الضلوع وشكت للقلب مشكاتي اضحك وكلن رآني قال في ظنّي=شاعر وحالم رومنسي مابَخَن ذاتي وانا ورب البشر ياغادتي إني=آرد غصبٍ على العذّال عبراتي تِرهم خيول الحنين وجيت متعنّي=ناوي على صدرك انسى كل آهاتي

الاحد 9 ديسمبر 2012 م

حبايبي
اداره واعضاء وزوار نشامى شمر
اضع بين ايديكم اخر متواضعاتي لعلها تلقى القبول والرضا
وهي امانه لمن يستطيع توصيلها لخادم الحرمين الشريفين عبد الله بن عبد العزيز

رساله الى الملك عبد الله (( الخبز والدم )) !!!

	الثلج والخبز والدم وعويل النساء=لوحه تُتَرجم بكلمه باختصار (( الالم )) والزعتري صار من فوق الاسد والشتاء=يقطف ثمار الطفوله كنه المنتقم والياسمين الدمشقي بين يُبس ووباء=من قصف ظالم وسكينٍ يحز اللحم صرخآت ثكلى بعد كثر الولد والرخاء=صفّت وحيده تكبر وتحَمِد بالنّعم حتى المآذن شكت لاتستطيع الدعاء=والمسجد اللي عَمُر في ذكر ربي هُدِم درعا شكت مالقت الا نباح وعواء=وحمص انمحت لاجل ماتخضع وتعبد صنم التركي اللي رحمنا لو سكنّا العراء=وابناء يعرب تشوف افعالهم تنصدم ناسٍ تتاجر بلقمه شيخنا والدواء=واللي بنى خيمه ومدّ الورق والقلم خرسان الامّه يدينوا للاسد بالولاء=ماناصروا شعبي الصامد وفيهم صمم ماباقي الا حصان والذل عنّه براء=ان ماتنفّض وقام احوالنا للعدم ياخادم البيت يارمز الوفاء والاباء=ياقايد الامه الشام اشتكت من ظَلَم ننخاك وانته زعيم المرحله بالدهاء=الدين ينخاك نُصره يالحصان الاشم انت اخر الطيبين اللي لنا به عزاء=ان لم تكن معتصم فـ مالنا معتصم والله لو تصدر الفتوى يلبى النداء=مليون جندي يدكّون السهل والقمم ان ماتلبّي النداء ولاترد البلاء=تبقى سيول الدماء تجري وعطره يُشم مانرتجي خيمه وقطعه فراش وغطاء=البرد يرحل ولو وصّل لاخر عظُم الظلم والقهر فينا وانعدام الاخاء=من أمّه كانت بعزّه تقود الامم ياسيدي وانت تدري قمه الابتلاء=ظلم الطواغيت والجفوه لخالٍ وعم وحنا تُركنا بوجه العاصفه والهواء=تجرفنا الامواج وبحبل الولي نعتصم الخبز والثلج مغموس بعويل النساء=هي باختصار وامانه مايسمى (( ألم ))

فارس بن دبيان الخريصي
الجمعه 11/01/2013 م

المطرقه والسندان .. جديدي !!!

	بين سِنــدان البُــعاد ومَطْــَرقَه شـوقي إليـك=لاقــــدرت أَشْبَــع لقــاك وكِلّــي بحَاجَه دفاك شِعـري ولهفَه خَفُـوقي جَت تسابِقْني عَليك=وبــَـــارِد ضُلوعي شكى بَرد الحَنيْن ولا وَلاك وابرَقَت لمعَه حنين وطَار سِربي يَهتُويك=يَتْبَعَه رعّاد جوفٍ ومن بَرَد وقته نصآك جيت واسرَاب القُوافي حَطّت بكفّي تبيك=يوم مدّيت الحُرُوف اللي تَبَاهت مِن بَهَاك أنثر طُيوفك وأجَمّع ماتَبَقّى لي وآجيك=وارْسُمك على رَصِيف الاُمنيه وامْشي مَعَاك وآسري ومِعطَف حنيني يحتويني واحتويك=وآجلس بآخر زُقاق الوَجْد وانتَظرك هناك طاوله وارواق واشعار واماني تَحْتريك=تَفْتح ذراع الحَنين وصَدْرها البَارِد بَغَاك عَينك البُن بفَنَاجيل القصيد وحَاجبيك=جَرّه حروُفي وحِبْري لك تُلبّي سَمّ هَاك دُوك زفرات الأنين وهَات شَهقاتي بيديك=لَمْلِم شتَاتي وجَمّع ماسَرَى مِنّي وجَاك شِعري المُرهَق اذا صَافَح وداعب مُقلتيك=ثمّر عذوق القصيد اللي رُويتَه من غَلَاك وألمَح أسرَاب النُوارس وأحْلَمَك وأنا أعيك=وارسُمَك في سِربها وجهٍ وشعرٍ قد كَسَاك واحْسِدَه لانّه اذا ضّاقّت من اللهفَه تجيك= ليت لي مِثله جَنَاحٍ كل مارَفْرَف لفاك المسافه عَنك والحِرمان لاشْعَاري شَريْك=يَدْفع الخَاوَه لوجدٍ بالمَحَبّه ماعَصَاك مُهرتي وانتي بمِضْمَارك يُغاض منافِسِيك=تلعَبي طربانهٍ مانافسك احدٍ سِوَاك تِرْهمين ويِرْهم الشّوق واجَاوُبهم عَليك=طَق دَف بَضْرب كَف ورَجف دَمّامي غَشَاك بين سِنْدانك ومَطْرقه البُعَاد لمِهْتويك=لاقدرت أَشْبَع دفاك وكِلّي بحاجه لقاك

اهداء لعبد الرحمن الجربا قائد لواء احرار الجزيره

اهداء للشيخ عبد الرحمن النواف الجربا.. قائد لواء احرار الجزيره

	لاهنت ياشــيخٍ يهـــوز الميادين=بعيال شمّـــر يوم رفرف سعدها عبد الرحمن اللي يقود الغلامين= كبدٍ تـــلاهــــدنا بسيفه لهدها جعلك بعد شيخٍ عبـاته بشنفين =ماقـــدّم الزينه عشـان يحـصدها نـبـيـك مثـل الــقادسيه وحطين=تقطع ذيول الفـرس واللي عبدها معاك من باع العمر مارجى شين=ماهــلــهت ام الــذليل لــولــدها انخى سياااااف وكلهم لك ملبّين=ولاقــلت زوبع تبتحل في عددها ولاقـلت سنـجاره تناخولك الفين =مـادوبحت للصيت واللي حمدها ربعي طنايا ياسطــــأم المعادين =مثل الحرار اليا كفخت في هددها قـــلته لشيخٍ قــاد جمع الغلامين =ياااااااااااعل ماتبكيك عيني برغدها

فارس الدبيان

حيايبي
اداره واعضاء وزوار نشامى شمر
اضع بين ايديكم اخر نصوصي المتواضعه واعتذر عن الغياب

تنهيده الشوق .. جديدي !!!

	تنهيده الشوق لامن داهمت صدري=وش حيلتي لاغزتني وين اوديها مالي على الصبر عزم ولا نفع عُذري=غربه وفرقى وطن يالله تعديها واقرّب الكُم من خدي وانا مدري=عزّه بدو لاتبين بي عباريها وامثّل ان المزاج من السّعد شَذري=وحَدر الضلوع استر المَلّه واغطيها واطعَن ثواني حُزن وآشرّبه غدري=وامزح واهيجن بالاشعار وقوافيها وَشْر التصنّع مُضل وماهو بـ وَشري=والظلم ماكسّر عزومي وامانيها واطري هبوب الشمال وخافقي يسري=لاهب ريح الشمال وجِبت طاريها كنّي شعيب وغلا هاك الثرى يجري=في جوفي ويسقى الرّمضى ويحييها احيا وتحيا معي في غيّي وطُهري=وآسجد واناجي عليمٍ في خوافيها هذا الوطن ماشِبِع من صُبحي وظُهري=وليا ادلهم المسا لجّت حواريها طعنات من يدّعي الاسلام في ظَهري=وسكّين من طبّق التُقيه ويدنيها ثُكلى تنوح الولد ياااامرضعك صدري=وطفله بوسط الرُكام تنوح غاليها وامّه صُفَت بالخيام وعجّها يذري=وش ذنبها غير صاحت ظُلم واليها الغرب فوق العرب والفُرس والعِبري=عُمله ولو اختلف بالنقش وجهيها خنساءنا دَوَّهَت للمعتصم بدري=والمعتصم جمرهٍ فِسدَت تواليها ولا انت يامُلهمي وحسامي المبري=بي عبرهٍ خانت الصبر بشواطيها تعال خذني على صدرك ابي جَبري=تلملم جروح غاليك وتواسيها طبطب على طفلك المكسور في شِعري=واجمع شتاته من الضيقه وهدّيها بلّور الاحساس لو مكسور من كَسري=ماكان شِعري طُفح من حوض شاكيها تنهيده الشوق ياثقلك على عُمري=تعبت اخبيك مير الوقت مِبديها

اهداء للرحيم ( فيصل بن فهد الفند الشمري )

جديدي اهداء للرحيم فيصل بن فهد الفند الشمري

	سَــلام والمركَب على الطّيب عوّام=والبُــوصله مثل هَــوانا >> شمالي والـنيّه تنـجّـيك والموج لطّام=دامَك بشرع الله ربطت الحبالي تـَاليّنا مِترين من أبـيض الخَام=تدفِنّي العالم وابا ابقَى لحَالي وش عاد للدّنيا مسابِق ومعتام=والرّزق مايكثَر بزود انشِغالي والشّعر لي مُهره على سَرج ولجام=ألكِد وﻻ ارضَى غير نُول المَعَالي ماعَرف في وجه الرّفيق اضْرُب لثام=وﻻ اغوص في بحرٍ يفوق احتِمالي فُطرت واخلافي على دين الاسلام=ومن الرّحم مدّات كفّي طُوالي ماني مع الشعار غازي وحَوّام =لي عزّهٍ فاقت جبالٍ عوالي لوﻻ مخافَه ربي بقطع اﻻرحام =ﻻقعد ثمان سنين ماضاق بالي سلام والمَركَب على الشّعر قَوّام =والحر الاشقر مقصدي ﻻطرا لي (ابو فَهَد) ياكنّه الليث ضرغام =ياما نخيته وانتخى واعتزا لي مدّات كفّه يشهَدَه روس الاقوام=ومن الصخى يبذل وﻻهو مبالي ابوه قبله ورث الطيب قدام=(ابو حمود الفند) زين الخصالي يايو فهد من ﻻمني فيك منلام =لك سُمعه مثل البيارق تلالي لكن رجال اليوم حاسد ونمّام =تفَرّق الشايب عن ام العيالي ينجيني الله دام لي قلب صوّام=عن كلمه العاذل مكرّم دﻻلي مادجت بدروب الرديين هدّام=مكرّمٍ عنهم لساني ومالي رباني الشايب على عدل الاحكام=مشهود لي امانتي واعتدالي للحق زقّام وللظلم لطّام=والموج والمركب هواي ومجالي

#فارس_الدبيان

جديدي واخر نصوصي لكم حبايبي

الثوب ماحلا رقعته منه وفيه ( جديدي)

	الثوب ما احلا رقعته منه وفيه = والفِكــر مايرفاه كـــود القنَاعه كل(ن) يدور له خليلٍ يحاميه = مايــدري انه عزّته بالجماعه بعض البشر ودك على الخشم تكويه = متقلب مابين ساعه وساعه والبعض ودك ﻻحكى تنزره حيه = ياحنك هرمه فحجت للرضاعه والبعض ودك بالملايين تشريه = يجمع شتات الناس حكمه وطاعه الفتنه اللي رجعتنا على التيه = باليم مركبنا وفاقد شراعه مابين فتوى شيخ ومداخله بيه = كل يجر السالفه يم قاعه هذا يكفر ذا وهذا معاديه = وهذا مصلبط بين خوف وطماعه وهذا خويك بس يضرس بنابيه = والشيخ ضاع ت طاسته مع رعاعه ناس تقصقص بالحكاوي جناحيه = وناس تشد ذراعها مع ذراعه شد الحزام وراعي البيت حاميه = واعلم يد الله فوق يد الجماعه ترى التشتت سوس ينخر مبانيه = والإمعه ماباع الابطال باعه احد حقن دم العرب في مساعيه = واحدن جمع دم العرب ثم باعه القدس موال(ن) تعبنا نغنيه = كالحج مايقواه من ﻻ استطاعه بغداد والافغان والشام تاليه = رايات تغزونا بصدق واشاعه حطولنا بجيوبنا فيش تشبيه = مصوا دماء اهل السطر والخناعه من هاجر الاسﻻم كثرت بلاويه = قامت تشاوحنا الهبايب طقاعه ومن غاب راسٍ طاعه الله تمشيه = فاز الغريب اللي جهلنا طِباعًه تنّين نوّمنا على جال فكّيه = دبّت بنا الفوضى وكثر القطاعه كلً يقول الحق عندي وانا أبيه = وليا لحقته شفت زود البشاعه مثل الغريق اللي غدى الموج يرميه = لاواصلٍ شاطي ولابه مناعه أنا غريقك يوم ردّيت لبيه = يومن زهمتك ياغدي واتساعه يامَهدي اشجان الغريب وإمامًيه = تشيعت لك فـــطرتي بإنصياعه ألوذ لك لا لجلج الصدر موذيه = وآنوح لك نوح القطا في ضياعه الفكر مايرفاه سمٍ يغذيه = ( ياصار ماشرب الفتي من ذراعه) ‫

#‏فارس_الدبيان‬

إهداء لروح خالي عبيد الباص ابن ثويني رحمه الله وأسكنه فسيح جنانه

رثاء بعد عشر سنوات لروح خالي عبيد الباص ابو نايف

	تسعه سنين وفوقها عده شهور=ما كنّه الا بين صبح وعشيّه ولاكنّي البارح مع الصف طابور=ناطر يخرجيني بعيد الضّحيه ولاكن عصفوري على حفه السّور=غرّد وردّت له نفوسٍ شقيه ولاكن شباك الامل مر له دور=يفتح على روضه حنانٍ نديه حسبتها والّا كما لمحه النور=وصحيت الا وسط لي مهمهيّه كنّي هاك اللي بين عرعر وابا القور=هيجنت والدمعه على وجنتيّه فقدت خال وعم وحزام بالشّور=وابو وجد وكل أبوهن سويّه ان قلت ابو نايف تذكرت مجبور=هاك الكفوف الخيّره والسخيّه إليا تبسّم عقد لولو وبلّور =يكظم ولو كانت جروحه طريّه ما غيبتك الا كما حد ساطور=في يد قرم مدّته حاتميّه يـَ عل فالك يا أبيض القلب للحور=مسكَنْك في جنه بحورٍ عذيّه تآمر قطوفٍ دآنيه مانت مآمور=وبما آتاك الله نفسك رَضيّه رحى الليالي تطحن الوقت وتدور=في يد عجوزٍ لرزقه قويّه النآس ماتجبرك لاصرت مكسور=ولا أحدٍ يقيس الطيبه بالرديّه تسعه سنين وزيدها عده شهور=ياكنها بين المَغَرب وعشِيّه

#فارس_الدبيان