آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 29-03-2014   #101


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي صـــرخة ألـــــــــــم



صــــــــرخة ألـــــــــم

........................................
صـــرخة ألـــــــــــم

الشـــام تصــرخ والصــدى هـــّز الافـــواد = والصمـت حطّـــم كُــل شـي بمحيـطــه
تنـخــا تبــي فــزعــات مــن امــة الضـاد = الظيــم عنـّهـا مــا لـقـت مــن يـميـطـه
الشـــام صــارت بيـن مجــــرم وجـــــلاد = والشــق واسـع ياعـرب مـن يـخيـطـه
كــن الشـهـامـه فـارقـت روس الاجــواد = واقــفــا ربيــع الخيـر واقبــل قـحيـطـه
مـن ارض اليـمن لارض الكنـانـه لبغـداد = يصـدح صـداهـا من الخليـج لـمحيـطـه
صـرخة ألـم يسـمع بهـا اللـي بالالحـاد = ومبنـى الامــم لو يـفتـهم طـــاح حيــطـه
والصبـر طــال وزاد مقيـاس الانـكـــــاد= والصـمـت مـخجــل والتـخاذل يـحيــطـه
ولامـن جــوابً يـرتــــدع منــه الاوغــاد = الا وعـد والـكــــذب اصبــح خـليـطـه
قيـل بجنيــف الحــل يـلقــى وينـصـــاد = لـكـــن تـعقـــد بـانتـصـــــار الســـقيطــه
نسـتنظر اوبـامــا ونــدري مهـــو جـــاد =ونســتنظر اســـــرائيل تقطـع شــريطـه
وتـفــاهمــت ايــران والغــرب باعنـــاد = والحـل اصبـح فـالبـحــــور الغـويـطـــه
وصمـت العـروبـه للاسف سـاد وازداد =عار وخجـــل لامـــن نــظـرنا الخــريطـه
وكـم مـن قــرارً صـاغتــه مير مـا فـاد= ورغــم الــذي شــــفناه قـالـوا بســـيطـه
ياشــــام لاتــرجيــن فـــزعــات واوداد= غيــرة عـربـنــا اليـوم صــارت ربـيـطـه
كــن الهـقــاوي جمــدت وســـط بــرّاد= مــاتــت شــيّمنا عقــب مـاهــي نشيــطـه
يا المعتصـم ويـن انـت تصـحا وتنـعـاد = تشفي اكبــودً بغيضـــها مســـتشــيطــه

بقلمــــــي .........


 

قديم 31-03-2014   #102


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي موتي ولا المهونه



الــى مــن يهمــه الامـــر
مــوتـــي ولا المـــهونـــه

موتي ولا المهونه

يامن سكن في مهجة القلب واقصاه = فــي مــوقــعٍ والنـاس مــا يـعلمـونـه
ملكـت خـفـاقي مـن اقصـــاه لادنــاه = ويـا مـااكثـر اللـي ما احــرزوا ياصـلونـه
انـت الوحيـد اللي سـكن فيه واعيـاه = ولامن ســـواك انســـان يعنا ابشونـه
لاتـذكـــر الفــرقـا ولا اتجيــب طـريــاه = القلــب تـــوّه مـــا بـــرا مـن اطعـونـه
جــرح الجـفـا والبُـعــد تنـزف خـلايــاه = وتـــرا الجـــريـح النــاس مـا يفطنونـه
مــاودي احـكي بــه ولا اعيـش ذكـــراه = وبخـــاوي النســـيان واتبــع اظعـونـه
اعـاهــدك عهــد الرجّـال المســـماه = اللـــي وعـــدهــم دوم مــا يـخلفـونـه
ويشـهد على مــا قــول ربٍ عبـدناه = اللـــي يـبـــادر بـالغـــلا مــا نـخـونــه
نـفـديه بالــروح العــزيــزه ونحــمـاه = وقــدره يــزيــــد ولا نـخيّـــب اظنـــونـه
بُعـدك عــذابي والاسـى والمعـاناه = ويـجلــب لخفــاقي بـــلاوي اغبـونـــه
وشلون ابنسى صاحبٍ قال ما انساه = مــوتــي ولا يـقـولــون يـرضـى المهونـه
هــذا الـوكــاد وزايــد الهــرج مـا ابغـاه = جـــاك الجـواب وزايـف الهـرج دونـه

بقـلمـــــــــــي ......


 

قديم 05-04-2014   #103


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي ياشارب الدخان





ياشــارب الدخان

ياشارب الدخان

عندي نصيحه لاكثر الناس مهداه = للـي يبـي درب الفـرج والسـلامـه
من قلـب اقــوله صـافيـاتً نـواياه = حيـث ان زينــات النصـايـح مـرامه
ياشــارب الدخـان حـذرا من اتلاه = ارحـم فـؤادك مـن بـلاوي اسمامه
جـنب ادروب التهـلكـــه لاتـمشـاه = تــرى النهـــايه ليـل حـالك ظـلامه
احـذر تـرى الدخان شـينه مزاياه = عــاده قبيـحـه تتـصــف بالغشـامـه
مكــروه بـه للنـاس شـرً وما ذاه = والديـن أكــد فـي كتـابـه حــرامــه
لاشـك خـبيثً والخبـايـث امخـلاه = وعنهـا نهى رب المـلا في كـلامـه
ديـن الفضيله دين يسر ومساواه = ويحث علـى الايمـان والاسـتقـامـه
حـلل لنـا الطيّــب واجـازه وعذاه = وحــرم عـليـنا مــا يجيـب الاثـامـه
عـواقــب التـدخيـن هــمً ومأسـاه = للمدمن اللـي يـدور فيـه انسـجامه
انشـد مجرب حيث قبـلك شـربناه = والفــايـده مـا حـشت كـود النـدامه
وعدت لصوابي عقب مده وعفناه = من قبل خمسـة وعشرةً من عوامه
من فضـل ربـي وبعـزيمه تـركناه = وريحـت قلبـي مـن عـذابـه وآلامـه
والبعض عقب النصح يمشي ابعمياه = يشــريـه لـو بالسـوق ترفـع اقيـامه
لاحظـت بـه ناسً علـى الزاد بـدّاه = يفطـر على الدخـان بآخـر اصيـامه
وعــز الله انـه واهــمً يـوم ســمّاه = عنـوان لاهــل المرجله والشـهامه
ماهـوب رمـزً للرجـوله ولا الجاه = وغلطـــان يامــن حطـها باهتمـامـه
الطـب فـي كل المجـــالات ينـهـاه = خطــوا على الباكيـت نصـح بعلامه
قالـوا يضــر القلـب نبغـاك تنسـاه = ولابــد مــا يغــرجك مركـب غـرامه
التــايه اللـي ينقلــه وســط مخباه = وبيــده ينفـــذ كـــل يــومً اعــدامـه
هــذاك كـنــه نـاقـــلً داه بــــرداه = مـدمـن وغطت فـوق عينه غمامه
تلقــاه دايـــم يابســــاتً شــفايــاه = والكبد عافـت من مرضهـا طعامه
والحيل فاتـر مـا يـعيننـه اعضــاه = والجسـم ناحــل ناقضــاتً اهمـامه
زقــارتــه قطـــرانها مـزق اريــاه = وتصلــب الشــريان بآخــر ختـامـه
والقلـب يرجـف من عـذابه وبلواه = معتــل والتدخيــن اكبـر اخصــامـه
بالمجتمـع تـــزداد حـــدّة ضـحايـاه = وتطغي على الرقم القياسي ارقامه
وكم من مدخن جاله الموت وافناه = فـارق خـواله وانحـرم من عمامه
عقب الطرب والكيف شـيّع لمثـواه = صاحــن بنـاتـه واســتخفت مـدامه
خبث المرض ياصاح ما منه منجاه = والطــب ما يقـــوى يـرد اقتـحـامـه
اقتــد بقــولـي وافــهمــه لاتعـــداه = وعقـب النصيحـه ما تفيــد النـدامه
الســم واحـــد لايغــرنك اســـــماه = ولا يخـدعك لـون الغـلاف ونظـامه
وشـعاد لـو نـوعـه تغيـر ومنشـاه = يظل آفــه فـــي بطـــاها انـتقـــامـه
اخطــر عـــدوً فالبـــدايه ذكــرنـاه = شـــرً على الانســان يبغي هــدامه
وكـم واحــدً ياصـاح دخـانك اعياه = ولــو ما تكلــم في لســـانـه اظـامه
ان جيت يمه صـدّ او عاف مـركاه = وان قـام واقـفـى ما عليـه المـلامه
ياشــارب الدخــان مــالك ابــلاماه = احــذر وجنـب عـن مرامي اسهامه

محمد بن سوعان الربيّع


 

قديم 12-04-2014   #104


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي كلام بعض البشر



كـــــلام بعـض النـــــاس
.................................
كلام بعض البشر


كـلام بعض البشر يـزعـج ويحـرجنـي = وانا على شــان بعض الناس طنشـته
هرجـه يســمّ الضمـايـر ثـم يخــــرجني =عـن طور صبري وانا طنشت دردشته
بعض الحكي يزعل ويجرح ويحرجني = وجـرح الكرامـه انا مـا يــوم عايشـته
هـذا الذي عن كثيرالناس هججني = ولـو كان منـهم غـزيــر الرزق فنشـته
شـوفة ردي النســـب مايـوم تبهجنـي = واكره حضور الـردي واكره مناقشـته
ما ابيه لو هـو على الغارب يحججني = الخيـر من ذا الردي ما يـوم انا حشـته
مـا ابيـه انا حـزة اســــقامي يعالجني = ولا اذكـــر انــي مـــع الايــام بـلشــتـه
النفس عيّــت معه تمشــي وتدمجنـي = هــذا الـوكـاد اللـي بالاشـعـار كيّشــتـه
ورزقي علــى الله ولاشـــكً يخالجنـي = هــذا هــو الـواقـــع ولايــوم همشــتـه
كلام بعض البشر يـجـرح ويـزعجنـي = وانـا على شـان بعـض الناس طنشـته



بقلمي .........


 

قديم 29-04-2014   #105


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي ماعاد يقنعني كلامً تقوله



.......( ماعاد يقنعني كلامً تقوله ).......

ماعاد يقنعني كلامً تقوله

لا لا تعـذر فـي ظــروفـك والاشـــغال = مــا عـــاد يـقنـعنـي كـــلامً تـقـــولـه
ذا لك ثــلاث شــهور تـكـذب وتـحتال = واخـذتـبي فـي ملعـب الـزيـف جـولـه
نــوبً يـمــوت العــم واحيـانـاً الخــال = ونــوب تـقـول النفس فيـك امـعلــولـه
اليـــوم قـلــت انــك رحـيــلً ونــــزّال = وبـاكـر تـحــاول تـصطنــــع لك مـقولـه
على كــذا مسـراي مـع ليلكـم طـال = طـالت ونجعـك صـرت مـانـيب حـولـه
شربـت ميثـاق العـهد شرب فنجـال = واخلفــت ميـعـــادك ثــم افخـت زولـه
وسـكــرت بيبـان التـفــاؤل والآمـــال = وبـدّلـت مــتعـمـد جـــدايــد اقـفــولـه
واليــوم مـاجيـلك ولـو تـذبـح اجمـال = لـو تفــرش الخـليـان عـرضـه وطــولـه
يغنينـي الله وانــت دورلـك ابـــــدال = وانـا اعتـقـــد ان الامــــور امحــلــولــه
وان كان لي حـقً فانا ابغيه بالحـال = والـحــق لـه دايـــم ذلـول امـعـقــولــه
وان كان مالـي وانت متعبـط الجـال = ولابـــد مــا يـــــومً يبيــن امـحصــولــه
لاشـك انـا مليـت من كـثـر الاقـوال = ولا ظـنتـي نـفسي تـعــود بســهولـه



بـقلمــي ..........


 

قديم 14-05-2014   #106


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي يا كــبرها ياعبـــرها



يا كبــرها ياعبــــرها ...
يا كــبرها ياعبـــرها

ودي اقـول وكـان ودي تقــولــون = ومـن دون لـومً يعتـريـنـا وخــوفـي
ونبيّــن الغـايـات بالشكل واللـون = وناضـع نقـاطً سود فـوق الحـروفي
نظهر خفا شيً بالاعماق مكنون =وتـرتـاح نفــس لغبـنــهـا مــا تشـوفي
نرفع بها عن طامن الشك واظنون = وهـرج الحقايق ما عليه الحسوفي
ماهمنـا هـرجـة غشـيـمً ومـفتون = نفســـه بمسـعى كــل زيــفً تطـوفـي
يجهـل تــواريـخً بهـا النـاس يدرون = فالشـك غامض والـوكـاد معـروفي
مايدري ان الصدق له عضد وعيون = والناس لجـل الحق تـاقـف اصفوفي
الحق لـه سـيفً مجـرد ومسـنـون = مـاهـو كمــا الباطـل ادعـاتـه اضعوفي
وفـي قـوة الايمـان والصبـر مـاضـون = وبالعزم نتحـدا الـزمن والظروفـي
وش خـانـة اللـي كل يـومً لهـا لون = وادنــاهـــم اللــي للادنــي يـحـوفـي
ويــا كـبـرهــا يـاعبــرها لـو تشوفون = ثــم ينكشــف كـل خافيً للالـوفـي
وش عذرهـم واحججهم وش يقولون = لابـان وجـه النـور عقـب الكسـوفي
ومـن يتقـي ربً لـــه الناس يـدعـون = ما خاب ظنـه لارفــع لــه اكــفوفـي
سـبحان من له سايـر الخلق يرجـون = الـواحـد اللــي في عبـاده يـروفــي
وصلـوا على المختـار ياللي تصلـون = واعــداد ما هـب الشــمال بهفـوفـي


بـقلمــي ............


 

قديم 19-05-2014   #107


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي أجـل غــرورك



اجــل غـــرورك

أجـل غــرورك

تقـول ؟ وينـك وانت تدري انا ويـن = وانـت الـذي صكيت بالصّــد بـابـك
وينك ؟ تراهي اصبحت شبه روتين = وشلونك وكيف انت وايضا هــلابك
مجامله ؟ يعني وسـادت من اسنين = ولا كـل مـن قــالـه يـهـمـه غيـابـك
الفعــل غيـر القــول والناس نوعين = واحـذر مـن اللي باعبك واشـترابك
ويا مكثـر اللي قالهـا امس والحين = لكـــن قليــل اللـي يـحـس بعــذابـك
احــدً يشــيلك بوسط القلـب والعين = ويشــاركك فــي فــرحتـك واكتئابـك
واحــدً يجيـب الغبـن وينـادي البين = يـزيــد من همـك وسـطوة مصـابـك
وكانـك امغــيّر ؟ للمـوده عنـاوين = قلّهـا بــلا تأخير واحســــم جـوابـك
عقبك ؟ فلا يختـل ســير الموازيـن = الكــون عــامـر والزمـن مـا درابـك
تــراك ذره فـــي محيــط المــلايين = ويمكن اقل شـوي واحسب حســابك
ان طعتنـي اجــل غـرورك لبعـدين = وارتض بـواقـع عشت فيه وحظـابك
ابحث عن الخيره عسى فالك الزين = ويمكــن الـه الكـون يجـزل ثـوابـك
صـف النـوايا وصطـبر والله ايعيـن = وابليس حــذرا لايجـي باصطحـابـك
ولا تمزج الصافي مع الملح والطين = واحـذر تـرا بعض الامـور اتشابك
والتجــربه يا صـاح خيـر البـراهين = وانشــد مجـرب جاورك واللتقـابـك
انشـد مجـرب عاش بالعسـر واللين = وان رحت عـوّد مـع طريقً لفـابك

محمد بن سوعان الربيّع


 

قديم 26-06-2014   #108


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي الصمت في بعض الاحايين به طيب



(الصمت في بعض الاحايين به طيب))

انـا بشر مانيــب ســاحـــة تجــاريـب = ولا نـي بعــد للتسـليــه والــوناســــه
ما جـيتلك لجـل الطـــمـع والمكاسيـب = ولا حـدني عــوزً وظـــيــم وفـــلاســه
مغـنـينــــي الله دون شــكً ولا ريــــب = اللـــي كـفـل ارزاق خـلــقـــه ونـاســه
من صغـر ســـني ما تضــريت للعيـب = نـفـسي عـزيـزه ما ضـرت للخســاسـه
من راس عـودً ما اعسرته المواجيب = ومـا غيــر لله نــزّل العــــود راســــه
حــرً تـعـــلا شـــامـخــات المــراقيــب = ليـاهــدّ يشــبع مــن يمــّر ابمحـاســه
امـا انت حــصنـي واتشــبهلك ابـذيـب = ارجـع الـى اصــــلك وخــاو البساسه
جـالك وكـاد الهـرج واضــح ابتـرتيـب = أنشــد وتلقــاهـــا بكتــــب الـدراســـه
ان طعــتني جنـب عن الكــذب تجنيب = وخــــل الخبــاثــه والدجــل والبلاســـه
خــل الامــور الخـافيـه بوسـط الجيـب = ولاّ عـليــك الحــق يـاضـــع مــداســه
ولو نكشـف المستور نلقى التعاجـــيب= تـظهـر اعلــومً مـخزيــه مــن اســاسـه
الصمـت في بعض الاحايين بـه طيـب = فـوق المـراجل طيب ساس وحمـــاسـه
اشـكر عطـا ربــك وظــل المعــازيــب = حيثــك تعيش بخيــر عــقــب التعـاســه

محمد بن سوعان الربيّع


 

قديم 21-07-2014   #109


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي شفت الطفل يوم انهم يضربونه




بســـــــم الله الرحمـــــــــــن الرحيـــــــــــــم

الســـــــــــــــلام عليــــــــــــكم ورحمــــــــــــة الله وبــركاتــــــه
الى جميع شــــــــــرفاء العالـــــــــــــم العــــــربي والاســــلامي
الى اصحاب الضمائر الحيّه الى اصحاب القرار اهدي هذه الابيات البسيطه والمتواضعه
وهي تعبيراً عن مشهد تناولته وسائل الاعلام وبثته بالفيديوا لطفل صغير لايتجاوز الــ 8 سنوات تقريباً
طفل مسلم سني عربي من بلاد سوريه المنكوبه لجأ الى لبنان مؤخراً الى اخوان له بالدين والعروبه والاسلام حيث كان يعتقد ولكن ؟ ؟؟؟؟؟؟
استقبل عند عائله من الروافض الانجاس الاخساء بالضرب والتوبيخ والاهانه
لكن التاريخ ...يعيد نفسه لان تلك الفئه الضاله والملحده ســبّوا صحابة رسول الله
واتهموا ام المؤمنين عائشه رضي الله عنها وارضاها ظلماً وزوراً وبهتاناً
فماذا ننتظر من هؤلاء البغاة والطغاة وماهي النتيجه المرجوه منهم
اسمحوا لي اخوان ان اساهم بهذه المشاركه تضامناً وترجمتاً لمشاعراً جياشه
لما يدور باعماق الفؤاد الذي يتقطع الماً لذلك المشهد المخزي ......
شفت الطفل يوم انهم يضربونه

شـفت الطفل يـوم انهم يضـربونـه = احفـاد فـارس كاليهـود الخنـازيـر
يبكـي وشــفنـا بـدّل الضيـم لــونه = يقول مالي ذنب !!! لكن محاقيـر
يبكـي وينـخـا ميــر ـما يسـمعونه = طفلً بـري ضاقت عليـه المعـابيـر
الذنـب (سنّي) والهـدف تعـرفونه = يبغـون ابــادتنـا من اكبيـر لصـغير
منظر ومنـه القلـب زادن اغبونـه = منظـر يـهـز اشرافـهــا والمناعيـر
دمعي همـل مع دمعـةً من اعيونه = دمعة رجــل ماهـو جبــانً امـعيثير
دمعة ألـم هـزت خوافـي اشـجونه = منظـر يحيّــر صـايبيــن الاشاويـر
قلبـي اهتـزت يـوم شـفته اركـونـه = نــار القهـر شبت بقلبي سـواعير
انجاس حـزب اللات زادوا اطعـونه = ولا تنوصـف احقــادهم بالتعـابير
ولو يـدري ان الرافضـه يكـرهـونـه = ما كان جاهم هاربً من مخاطير
بالشام موته اشرف من المهونه = ولا شاف ذلــه عنـد من لا بهم خير
هو يحسب ان الخــايبين يحمونه = لكن لقـى انــذال خلـف الســــواتيـر
ولو هم عرب واشراف مايظهدونه = لنـه دخيـل وحـق مـن يزبنـه غير
لكنـــهــم كالفـــار واكثــر عفــونــه = واخس والعن وانجس من الخنازير
واتفه شعوب الارض واحقر نمونه = وعسى يغــربلهـم ولّـــي المقـاديـر
ســـب الصحـابه بالعلــن يعلنـونــه = ومـن دون وازع ديـن بثــوا تصاوير
وزوج الرسول الغــاليه والحنــونـه = شــكوا بها ظلم ووقــاحه وتـزويـر
حتـى عمــر بــــاعــلامهم يلعنــونـه = منهـم لـزوم اتطهر الارض تطهيـر
والشــرك اصبـح منهــــجً ينهجـونـه = الحقـد واضــح مـا يبيلـه تفـاسـير
ومن فعلهـم صـــدّام جنـت اجنـونـــه = شــاف الخيـانـه فوق كل المعاييـر
حاولبهـم لاشـــك خـابـت اظنـــــونـه = ثـم انجبر ثم كسّـر الـروس تكسّير
واليوم عادوا عقب مااقفت اظعـــونه = وعـاد الدجل من قـم مع كل شرير
والشـام تبغـي يا امـة الضـاد عــونه = ولا عـاد فيهــا يالشريفين تصبيـر
هيـنـت كــرامـة امــةً يســــكنـونـــــه = ولاعــاد تنفــع يـاعـربنا معـاذيــر
ولاّ تـــرا اللــي قــد وطـوبه تطـونه = وتـرا الندم ما يفيد عقــب المحاذير




بقلمــــــــــي ........


 

قديم 03-08-2014   #110


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ 2 أسابيع (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
افتراضي من تبــــوك الورد ...........



هـمســــــــــة ....غــــــــلا
من تـبـــــوك الــــــــــــورد .......
من تبــــوك الورد ...........

مــن تبــوك الـــورد برســـلك ســـــلام= مـــع تـحيــــات الـوفـــا زفــيـتــــهــا
ذكـــرّتنـي لـوحـةً وســـط الـزحّــــام= هــــيـضـتنــي والاقــــدام احــفـيـتــها
الـمــــــوده كلـهــــــا والاحتــــــرام= بـحتـها لك مـن عـقـب مــا اخـفيـتـهــا
انــت عنـــوان المـحبـــه والهيـــام= وصـورتـــك فـي خـافـقــي ظـفيـتــهــا
وانــت قـربك نـور ما اخفـاه الظــلام= وقــرب غيـــرك شــمعــةً طـفيـتـهــــا
لاتــظــن انــي نســيـتـك يالـغــرام= والقــديــم مــن العهـــود اوفـيــتــهـــا
من تبـــوك الـورد برســلك ســـــلام= مــع نســـايـــم صــبـحـهـــا زفـيتـهــا


بقـلمـــــــــــــــي ,,,,,,,,,


 

 

مواقع النشر (المفضلة)


الذين يشاهدون محتوى الموضوع الآن : 60 ( الأعضاء 0 والزوار 60)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:11


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام