ديوان الشاعر / نداء الغيداني

بما ان الاخ محمد نقل لكم مشكورا قصيدتي وداعا وداعا ياقصيدي فلابد ان اطلعكم على معارضتي لهذه
القصيده المتواضعه امل ان تحوز على رضاكم0

وداعاً وداعاً ياقصيدي فمان الله=ماقصرت ياشعري ولا منك نقصاني
ولكن علشان الحبيب الذي نهواه=جفانا : نبى نجفاك يازين الالحاني
اودّعك مثل اللي توادعت انا وياه=تركتك مثل ماهو تركني وخلاني
حبيبٍ كتبت الشعر لاجله عساه افداه=مليك القصيد اللي عزفته وغناني
ألا واحسايف ياقصيدي عقب فرقاه=انا كيف ابى اصبر كان طوّل بهجراني
وألا واسفابك ياقصيد(ن)ماعاد ابغاه=مادام الحبيب اللي نحبه تناساني
انا عفت كل الشعر عقبه مابى طرياه=وعفت الهوى اللي يُودع الشعر باشجاني
وداعاً وداعاً ياحبيبٍ عجزت اجفاه=حرامٍ علي مااحب غيره بشر ثاني
ولو غاب عن عيني ترى القلب ماينساه=مسجل خياله وسط قلبي والاعياني
ملكني غلاه وصرت عايش على ذكراه=وتبى تخلد الذكرى على مر الازماني

وهذه المعارضه للقصيده اعلاه

0000 هلا هلا معارضه لقصيدتي وداعا وداعا !!!

	هلا بالقصيد اللي نويت اتركه وانساه=مالي حاجةٍ به دام خلي تناساني ولكن حبيبي غيّر معانده وارياه=بعد شافني في بحر فرقاه غرقاني او انه تذكر يوم كنت اطلبه وانخاه=يروف بخفوقٍ في هوى حبه اشقاني او انه رحم حالي بعد ماسمع شكواه=والانسان مايرضا بتعذيب الانساني او انه درى عن حال من يعشقه وش جاه=وتالم ضميره وانتوى فعل الاحساني او انه يبى يحد من يعشقه لاقصاه=واختار الجفا للحب والصبر ميزاني او انه سمع صوت الذي لاغفا ناداه=بصوتٍ يصحّي نايماً كان سهراني او انه يحسب اني ليا غاب عنا اشناه=ويعرف ردود الفعل لاصرت زعلاني او انه يبى خله يصوغ الشعر لارضاه=ويكتب به بيوتٍ تسجل بالاذهاني وكتبنا بيوت الشعر لاجله وغنيناه=ولافيه غيره غاليٍ هز وجداني خلاصة كلامي ياهلا مرحبا حياه=حبيبٍ رجع لي بعد شاف العنى جاني بعد مااعتزلت الشعر لاجل الغضي قلناه=ولاجله كتبت الشعر باشكال والواني هلا فيك ياشعرٍ حسين النبا يقراه=ولو اعترض للنقد من قاصي وداني

0000 للواسطه دورٍ على غيره يفوق!!!

	البارحه حضر على الفكـر طـاروق=وجبت القلم بالحال ثم جبت الاوراق وبديت باسم اللي خلق كل مخلـوق=اللي فرق بين البشر خلق واخـلاق اللي جعل بالناس محـرم ومـرزوق=سبحان من بيديـه تقسيـم الارزاق وسجلت مايطري على البال برفـوق=من شان ما ادون سوى كل مـالاق ماني بشاعر بس يجذبنـي الشـوق=لاحل طـاروقٍ لـه القلـب يشتـاق بالذات لاصار الهدف عالـيٍ فـوق=يبعد عن اهدافٍ تجي بيـن عشـاق انا هـدف معنـاي للـي لهـم ذوق=ناسٍ لهم مع سامي الشعـر ميثـاق يابو بدر مثلـك مجـرب وماثـوق=بالطيب والمعروف والعرف عمـلاق ولك مركزٍ في ساحة الشعر مرمـوق=شعرك جزيل ومعجـب كـل الاذواق ماقلتها عاشـق ولانـي بمعشـوق=ولا شاقني مزيونـةٍ زينهـا دقـاق ولا ناقصٍ حاجه ولاضاعت حقـوق=والصدر لو كثرت طواريه ماضـاق قلبي من اسباب الهواجيس محروق=أخفيتهن لين احرقن قلبـي احـراق يجي لهن في صدري رعود وبـروق=وليا استهلن اغرقن فكـري اغـراق اسباب وضعٍ صار في وقتنا عـوق=من سبته درب السعه عقبها ضـاق شي حدث في وقتنا ماهو مسبـوق=ضيق على بعض المشاكيل بخنـاق باب السنع من معظم الناس مطروق=لا شـك مقفـولٍ بضبـه ومغـلاق كم واحد جاله يسوق القـدم سـوق=وعنده وقف لين اتعب العين والساق وعود تقول انه على الوجه مصفوق=لا وخسارة جيتـه قبـل الاشـراق والا لراع الواسطه ماهـو مغلـوق=تفتح له ابوابه على كـل الاشنـاق حيث ان له ناسٍ لها يدين وحلـوق=متوظفٍ كبتن وهـو قبـل سـواق للواسطه دورٍ علـى غيـره يفـوق=يرفع مثابيـر الوطـا يـم الافـاق دنيا تكيف قاصـر الشبـر ويـروق=بالحر له ضـلٍ و بالبـرد مشـراق لاثمارها يقطف بـلا جهـد ويـذوق=طراوة الدنيا لهـا اشكـال وارنـاق مايطرقه من قاسي الوقـت طـاروق=من العنـا وايامـه القشـر مـاذاق ناس تحوق المـال بيدينهـا حـوق=متيسرٍ ما حـال مـن دونـه رواق وناسٍ يسجل دينها الطاق مطبـوق=الله يكون بعون من وضعهـم شـاق والشجره اللي بارضها ما لها عروق=كيف الغصون تعيش وتعيش الاورق والنخله اللي مالهـا ظـل وعـذوق=نجثهـا ونطشهـا بالـف طـقـاق والسلعه اللي ما لها بالبلـد سـوق=تبور لـو طافوبهـا كـل الاسـواق ولا هو صحيح ان كل مطرود ملحوق=كم راح مطرودٍ نجا عقب الارهـاق

0000 ياعيد طال الطريق وطالت الطرقه!!!

	ياعيد طال الطريق وطالت الطرقـه=على طريق يهـد الحيـل منهاجـه تبعت برقٍ يلـوح وهاضنـي برقـه=اللي له ارقاب بعض الناس منعاجـه مشيت من غرب ذاك الدرب لشرقـه=وعودت تعبان ماحصلت لو حاجـه وربطت ياعيد جرح القلب في خرقـه=وجيتك احث القـدم وادور علاجـه القلب مجروح وايضا الكبد محترقـه=ياعيد ما صار لاهرجه ولا مواجـه ياعيد ياعيد شوف الحـال منطرقـه=ونار الهوى في فواد اخوك وهاجـه القلب ياهون عند اهل الهوى سرقـه=لصار ماحصنه عن الهوى سياجـه ياعيد حـال المعافـى بينـن فرقـه=عن حال منهو يعيش الحب وازعاجه يقوله اللي قصيـده واضـحٍ طرقـه=بيت الهوى في ضميره ماطفا سراجه

انـا ليـا غنيـت متعـت الاسمـاع=وخليت راع الصنف يشعاه شاعـي

هذا البيت من قصيده للشاعر المعروف عبدالله بن زويبن الحربي
وقد استخدمته بدايه لهذه القصيده المتواضعه

0000 بنيت في سوق الجمايل شراعي !!!

	انا ليا غنيت متعت الاسماع=وخليت راع الصنف يشعاه شاعي بيـتٍ لعبـد الله زويبـن لـلأبـداع=اللي على ملك السمـوع استطاعـي وانا ليـا غنيـت لجـن الاضـلاع=وخليت جاري يصبح الصبح واعـي صوتٍ صداه يجاوبـه كـل ملتـاع=الى دعاه مـن الصواديـف داعـي يحـن لاجاتـه هواجيسـه اتـبـاع=حنين مـورٍ مـع طمـان ورفاعـي هواجسه تأتي لـه جمـوع و اوزاع=تضوي على فكره لا غاب الشعاعي من شانها كل ما اقبل الليـل يرتـاع=وتضيق في عينـه دروبٍ وساعـي مثلـي هجوسـي لوعنـي تلـواع=علـي تـارد مظميـاتٍ جيـاعـي ولقن لهن في داخل الصدر مربـاع=باطراف قلبـي حصلـن المراعـي ماعندهـن طـاري شديـدٍ ومنـزاع=مـادام فيـه همـوم مافيـه داعـي قلبي تجيه همومه اشكـال وانـواع=تسري على قلبـي سـواة السباعـي واصبح فريسه للهواجس والاوجـاع=تناهشنـه مثـل نهـش الافـاعـي همومٍ تخلي قاسي الـراس ينصـاع=هجومهـا مافـاد فيـه الدفـاعـي هذا اللذي خلانـي اصيـر مطـواع=وامشي على كيف الهجوس السواعي مشيت معها دروبٍ طوال ووسـاع=لين اطمعت بعض الهجوس بضياعي وش عاد لونـي خبيـرٍ ولـي بـاع=مافادنـي عرفـي وكثـر اطلاعـي لذا 0نويت اذيع لـي شـي مايـذاع=من بعد مافشلـت جميـع المساعـي واقول للي قـال غيـرت الاطبـاع=ومن قال لي ما عاد انـا باجتماعـي قررت اوضح له عناوين الاوضـاع=واشرح له الموضوع عقب اقتناعـي واقول لـه تـراي شـاري وبيـاع=بنيت في سـوق الجمايـل شراعـي واللي عطانا مـد نعطيـه بالصـاع=وين انت ياللي للمعاريـف راعـي ياللي تـدور للمكاسـب والاطمـاع=اليا عطيت المـد نعطيـك صاعـي يا صانع المعرو ف والطيب ماضاع=دينٍ يجـي مابـه جـدال ونزاعـي لكـن خلـك بالمهـمـات فــزاع=مير ان بغوك بمـال والا الذراعـي وخل الصداقه صح ماهـي تصنـاع=نعم الصداقـه تنشـرى مـا تباعـي لا يخدعك في رفقتـه كـل خـداع=اعرف صديق الجـد والاصطناعـي ترى الرجال بطيبهم مثل الاصبـاع=ماهم سوى فيهم جبـان وشجاعـي الوقت طال وكل مجهودنـا ضـاع=والصبـر بـاح وجهدنـا مايذاعـي من شان هذا جبت لي بوك وايـراع=وعبرت عن ماصار حسب انطباعي وارجو لعـل الله يعجـل بالاسنـاع=وارتاح من همٍ على القلـب ساعـي

0000 احدٍ يغيب ولاحسبناله حساب !!!

	احدٍ يغيب ولا حسبناله حساب=واحدٍ نحسّب بالدقيقه غيابـه بعض الاوادم حاسبينه ولو غاب=وبعض الاوادم ماحسبنا حسابـه الله يبارك بالليالي والاسباب=اللي قلعته من ورى اجبال ابه ماله مكانه عند ربعه والاقراب=وبينه وبين اهل الشكاله حرابه وجهه مثل قلبه تقل ريشة غراب=من الحسد والحقد يشعب ركابه اليا سكت نصاب وان قال كذاب=ماينعرف وش مخطيه من صوابه وانا مااحب اللي منافق ونصاب=حيث اننا باخلاقنا ماانتشابه وارجع واقول اللي كسب حب الاصحاب=الصاحب اللي عز حضرة جنابه ان غاب له تاثير مابين الاحباب=وان عاد كلٍ قال يامرحابه هذا الكلام ولالنا عنه مجناب=مادار في فكري كتبته كتابه

0000 كتبنا حروف اسمك بحبر الذهب والماس !!!

	رمزنا لك رموز الموده على قرطاس=عسى لارمزنا لك رموزٍ تترجمها كتبنا حروف اسمك بحبر الذهب والماس=رسمنا علامات الغلا وانت تفهمها الا ياحبيب القلب من بد كل الناس=الاياحبيب الروح لو كنت ظالمها تغيبت عنا شهور قلنا عسى ماباس=ترى غيبتك تثربحالي وتولمها انا نوب اقول انك بليد(ن)بدون احساس=علشان ماتاوي لنفسي وترحمها وانا من عقب فرقاك يلعبي الهوجاس=تطاول على روحي وحالي وحطمها بعد غيبتك ياصاحبي صابني وسواس=ماغير اتخيّل صورةٍ لك ثم ارسمها بصدك تعذبني وانا شاعرٍ حساس=مشاعر غلاك بخافقي مااقدر اكتمها لو احد نشدني عنك ابى اعلمه وانحاس=وكل الاوادم يمكن اني اعلمها وهاذي سبايبها انت (ياراعي الاقواس)=جميع المشاكل منك لازم تقيمها علشان تعرف للجفا والقسا مقياس=وعلشان نعرف وش جهود(ن) تقدمها

0000 كل ماغبت غابت معك بعض الوناسه !!!

	كل ماغبت غابت معك بعض الوناسه=ياجميلٍ عن الانظار شهرين غايب ياحبيبٍ بعد ماغبت شفنا التعاسه=ياطبيب القلوب وياحبيب الحبايب كل ماسج فكري جاه ذكرك وحاسه=واشغل القلب في ذكراك والقلب تايب صاحبك في غيابك قل عزمه وباسه=صار عنده غيابك من كبار المصايب قل عزمه وباسه ثم تردا حماسه=لويحاول يطيب الحال ماهو بطايب ماتفيد العلوم ولاتفيد السياسه=معك ياللي وهبك الله جزيل الوهايب انت قلبك حديد وباقي الجسم ماسه=كم تمنى يشوفك من شبابٍ وشايب بس مافيك امل والحب ماذقت كاسه=ولاشواك الهوى مثلي وشفت النشايب ماتعرف الهوى وتعرف جوه وناسِه=ولااصبح القلب من لوعات الاحباب ذايب ولاشكيت الظروف ولاشكيت التعاسه=ولا بدا الراس من دورات الايام شايب ياهلا ياحبيبٍ دارسينه دراسه=بس قلي بعد ماجيت ويش انت جايب

0000 قصيدة الشاعر العلم لافي حمود الغيداني!!!

	ياراكب اللي ليا جاله تونداقي=يقلع مدى ضيقة الخاطر تونداقه مواصفاته تهيض كل ذواقي=وصوت اشتغاله يوسع صدر سواقه لونه تحت ضو قرص الشمس لهاقي=في طوكيو مصنعه وبنجد عشاقه هو منوة اللي عنه تعميم الحاقي=وهم اهل الثار يقتاده ويستاقه زاده ذواقه وشربه فوق مايطاقي=يشرب من الماء ويطبخ دم معلاقه نار القهر والغبن محرقته احراقي=يقفي ويقبل وصلو النار باعماقه تصلفقه قلة الحيله تصلفاقي=يقضي نهاره وليله ماثنى ساقه نصه رفيق الرفيق المولع الشاقي=بالطيب من يوم رف الشوف باحداقه محمل في تحياتي وباشواقي=وقل لابوسامي تركت العشق واسواقه بشر حسين النبا والشكل بافراقي=واخذ يانداء مني بشاره على فراقه وش عاد لو هز زينه كل خفاقي=ولا عاد للي يشوفه بالصبر طاقه عزلت عشق ام عين رمشها دقاقي=وبدلته بعشق وضحاً شوفها شفاقه انا بدوي ونويت اشري لي نياقي=عقب ابن بتلاء ذعار اهدالي الناقه كم لي وانا للنياق الوضح تواقي=وشجعني اللي عساها تكثر ارزاقه ابى لاحنت رعود ولاح براقي=نو هماليل وبله ماهي دقاقه امشي باثرها ووجه الشمس ماواقي=مع ضف ربع مافيهم قاطع الساقه اتبع هواها واجر الصوت مشتاقي=في مرتع قبلها عشبه مااحد ذاقه روض نوامي حياه اشكال وارناقي=طياحها مثل حذف المرو باشناقه جو نباته زماليقه لها اعناقي=وزهوره اجمل شذاها من شذا باقه من شم ريحة هواه من العمس فاقي=نسى التعب والهموم وزانت اخلاقه دنيا تقلب وتخلف هقوة الهاقي=والعمر لابد ماينصاب في عاقه العمر والمال يفنى والله الباقي=سج القدم وانبسط مادام لك فاقه

0000 وهذا ردي المتواضع على قصيدة الشاعر لافي الغيداني!!!

	ياسايق الجيب جعلك ماانت سواقي=ابطيت تمشي وهاذي ماهي سواقه طال انتظاري وانا واقف على ساقي=اتعبت رجلي مابين الباب والطاقه الناس ناموا وانا في حروتك باقي=يامرحبا اقلط ولافي عطني اوراقه تقهو لين اني اقرأ كل الاوراقي=واعطيك رد الرساله كان لي طاقه يامرحبا في قصيد الشاعر الراقي=اللي له الناس ولهانه ومشتاقه شعرمثل شعر لافي ماله املاقي=انا على كتابته ماعندي لياقه لكن ابى اكتب مردي والله الواقي=من نقد ناس تجي للنقد منساقه الجو توه صفا والفكر تو راقي=وكتبت ماجادبه فكري من افاقه يالافي حمود شعرك يغدق اغداقي=على مسامع محبينه وذواقه انته جبل من جبال الشعر عملاقي=وقصايدك ياوسيع العرف عملاقه علمك في ساحة الامجاد خفاقي=وراية قصيدك بجزل الشعر خفاقه ويمناك للي تجيبه تنفق انفاقي=تصرف معاشك على الضيفان والحاقه دايم لمبدا رجال الطيب سباقي=يانسل ربع على الطالات سباقه دامك لشوف النياق الوضح عشاقي=تستاهل اللي عطاك ذعار(لهاقه) ابن الحميدي له الاشعار تنساقي=نفسه لحب العطاء والطيب تواقه يامغرم بحب وضح تبحل الناقي=لوشافها هيف يحسبها من نياقه لاشك يسرق غلاها منك سراقي=لاشفت من زينها يجذبك براقه لاتامن القلب نوب القلب بواقي=لاتله الشوق تل الصقر مسباقه ويازين ياللي جمالك بعضه عراقي=احرص ترى عيون بعض الناس سراقه حسن اختيارك دليل لذوقك الراقي=يازين ياللي عطاه الزين خلاقه عقل وجمال وكمال ودين واخلاقي=وبينك وبين القمر في ليله علاقه لو ان لافي يشوفك صابه ارهاقي=يكتب بك الشعر لين يخلص اوراقه انا اشهد انك عذاب لكل عشاقي=قلته شهاده لزينك ماهي عشاقه قلته وصدري من الاشواق ماضاقي=مرتاح مااحب لابنت(ن)ولاناقه

0000 لاتحزنين الحزن يثّر على الحال !!!

	لاتحزنين الحزن يثّر على الحال=الحزن هو ساس العنى والبهاذيل والى حزنتي فيه مايشرح البال=ويبعد مدى همك وكثر الغرابيل لنام من مابه من الهم مثقال=ثم اهتنى بالنوم في تالي الليل قومي وصلي واسجدي ذل واجلال=لله وحثي بالدعاء والتهاليل حتى يزول الهم والغم بالحال=وتنشف دموع كنهن الهماليل عيشي تحت نور الامل طيّب الفال=وانسي هموم تجهد الحال بالحيل مادام في جنبك سنا نار رجال=وبجنبك الاخر سنا ضوء قنديل طفل يشاف بوجهه امال وامال=بكره يجي رجال ضمن الرياجيل عن وجنتينك يمسح الدمع لاسال=وتسلم خدود(ن)جرحتها المناديل بس اصبري يابنت والصبر لو طال=يات الفرج لك بالليال المقابيل

عيدكم مبارك وكل عام وانتم بخير

0000 ازف كلمات الفرح والتهاني !!!

	ارفع لكم باصدق وباسمى العبارات=ازف كلمات الفرح والتهاني للمنتدى هذامن اعضاء وعضوات=بعيد الضحيه بعد عيد رمضاني يالله عساكم دايما في مسرات=وكلٍ يحقق له جميع التماني عسى الليالي كل ابوها عيادات=وافراحكم بأية مكان وزماني مني لكم سلام واجمل تحيات=مادار في فكري يقوله لساني