ديوان الشاعر / نداء المفضلي

000 مصافحه اولى

	تعبت اعدل مايل الوضع وارفاه=ونرجي تحول عاصفتها لديمه حتى الصبر حده على النفس عداه= لابارك الله بالحلول العقيمه صبرت صبر ايوب في عظم بلواه= حتى عرفت ان العواقب وخيمه عشرين عام اعدل العوج وامحاه=ماودي اعلن للعدو بالهزيمه واصبر على ميلات وقتي وعجفاه= والنفس ندبها بصبر وعزيمه والرجل مايطرف عيونه بيمناه=وانا بشر ماني سوات البهيمه روحي لا علك روحه مقيط ورشاه=رزقي على محي العظام الرميمه ممشاي عيا لايناسب للممشاه= واللي بدا يدفع رسوم القسيمه والوادي اللي ماطبه شغاياه= مبطي فراقه يالنشاما غنيمه ومن دور الزله على الناس يلقاه=هذا مثل ومن العصور القديمه ومن لا يعزمك لاتجيله وتنصاه= والا الردي يقلط بليا عزيمه

آخوآني وآخواتي.
آعضاء نشامئ شمر.,
أمل ان تحوز هآأذه آلقصيده على رضآكم وآعجابكم

000 القلب سيفر

	لاصرت مؤمن ليه تخشى من الموت=والموت قبلك اخذن للرسولي انت بيدين اللي عظيم وجبروت=الواحد اللي باقين مايزولي إللي نصر طالوت في حرب جالوت=حتى وهب داؤد فعلن بطولي المالك اللي له ملك وملكوت=والا انت ياابن ادم ضعيف وعجولي يامنزلن هاروت بامرك وماروت=سبحان من عنده جميع الحلولي ياواحداً وسط البحر ترزق الحوت = لاتجعلن عبدً ظلوم وجهولي ادعيك بأسمك حق ياسامع الصوت = في ساعتن تذهل جميع العقولي في لحظةً مابه ملايين وبشوت= معاد به ملجا وقانون دولي هذا الكلام اللي موكدومثبوت=ومن كذبن ياناس قلت مهبولي خذ الخبرقبل يجي فايت الفوت=دنياك بالعالم تصول وتجولي دنيا دنيه والعدل شبه ملفوت=من خلقت الدنيايجيبه ميولي ولاكل من يعطى من المال مبخوت=احيان ماله دون عقله يحولي ولاكل متعافي بعيدن عن الموت=ولا كل من يمرض توقع يزولي يقوله اللي جرب الشري والتوت=مرت به الدنيا جميع الفصولي والقلب سيفروالملذات ريموت=وبليس واعوانه تدق الطبولي والدايم الله والبشر حق للموت=والعمر يقصرواقعه مايطولي

السلام عليكم ورحمه الله وبركاته
اخواني الكرام اهديكم هذه القصيده واتمنا ان تنال اعجابكم

000 من دون ذكر الاسامي* !!!

	ياويـلـكـم ويـــلاه مـــن واحـــدن فـــوق=ياهــل الـنـفــاق مـحـرفـيـن الـكـلامــي ياللـي سوالفكـم علـى الـطـاق مطـبـوق=مـاتـعـلـمـون ان الـنـمـيـمـه حـــرامـــي عكسـتـو الـواقـع عـلـى كـــل مـنـطـوق=نـاسـن تـلـوم وهــي علـيـهـا الـمـلامـي ابليـس يرقـص لـه عـلـى كــل طــاروق =يـبـحـث لـــه بـقـوقـل قـلـيـل الـرحـامــي والسرق عيب وراعي السرق مسروق =حتـى ايــش لــو وكــل وكيـلـن محـامـي والـنـاس قـالـو كــل مـطــرود مـلـحـوق= وسـلـك الجريـمـه يـوصـلـك للـحـرامـي وراع الدجـل والغـدر والكـذب والـبـوق =عـلـيـه مـــن ربـــه ذنـــوب وضــلامــي والنـاس قالـو كـل بضاعـه لـهـا ســوق =والـلـي غـلـط يـرجـع يـعـض البـهـامـي والـلــي تـعــد غـروبـهـا كـنــه شـــروق =مـثـل ملحـمـت الحـصـى بـــا اللـحـامـي خـلـه تعـيـش اوهــام لانـاشـك الـعــوق =مالـكـبـهـم خــلـــك رفــيـــع الـمـقـامــي واليـوم قـدر الـيـوم منـصـب وصـنـدوق= لصـحـابـهـن كــلــن يـــــرد الـســلامــي تقـل الرياءفـي داخــل الـنـاس مخـلـوق =ولا عمهـم بـا لـنـاس رجـالـن حشـامـي والطيـب والنخـوه غــدا مالـهـن ســوق =هـــن هاكـذاحـذفـن جـنـوبـن وشــامــي والشعرسـبـك وحـبــك والايـــق يـلــوق =ولاكــل مــن يقـصـد عـطـوه الـوسـامـي وعشرين شاعر معجبـن والشعـر ذوق= مـــن بيـنـهـم نـذكــر رشـيــد الــزلامــي ولانــي مسـمـي يصـبـح الفـلـم مـحـروق= خـلـه كـــذا مـــن دون ذكـــر الاسـامــي صــلاة ربـــي عـــد مـــا لاحـــه بـــروق =عـلــى الـنـبـي المصـطـفـى بالـخـتـامـي

نداء الشــــمري

مشاركه وطنية
على عجاله والمعذره

000 مشاركه وطنية* !!!

	حنا وطنا مانبيعه بالاســــــــــــــــوام = لوحاولة كل العقول الضعيفه نمشي على نهج الشريعه والاسلام = بهدي الشريف اللي صفاته شريفه صفوه قريش اللي هدم كل الاصنام = راع اليمين الطاهره والنظيفه وحنا علمنا غير عن كل الاعلام = على عدو الله خطيرٍ رفيفه ورمز الوطن ياطى على رؤس الاقزام = الله عطاه الملك والسيف سيفه ودون الحرم ناقف شجاعه وخدام = ماعندنا غير السيوف الرهيفه مجداً تليدٍ بالصحايف والاقلام = ماستعمرت ياهل العقول السخيفه

السلام عليكم ورحمه الله وبركاته
اخواني واخواتي الآعزاء الكرام اعضاء منتدى نشامى شمر
اهدي لكم هذه الابيات المتواظعه:

يآمسيلمهُ

	يامسيلمه لاتزود الصاع صاعين=ماينفعك دايم اسلوب النعامه الحقد ميزه من صفات البعارين= ولا الرجل لاقال يحما كلامه يموت من سمه خطير الثعابين=عسى عن المؤمن قويـ(ن) بلامه العام تنخاني على الزين والشين=من سبتك ماشفت غير الملامه واليوم علكن في صدور الدواوين=عرضتنآ المبغض ضعيف الكرامه الكذب ماهو من طبوع الميامين=وممشاك دايم بين جرف وعدامه لاتقلب الواقع بليا براهين=يامسمين حرب المغول الرغامه لاصار ماتلطم خصيمك على العين=تواضعك احيان يحسب رخامه والضعف ماحبه اسلوب الضعيفين=راعيه يبشر بالفلس والندامه دايم وفي مع الرجال الوفيين =وللاش لو سبن ردي(ن) مقامه لوشفتني مملك قصور وبساتين =حلال ربي مغنين عن حرامه

000 حنا العرب* !!!

	ناسن تذم وناس تمدح لصدام =تو العرب تقرا حروف الرساله من منطلق راس التخلف والاجرام=اللي تحط السم وسط البياله مخططن يدرس له سنين وايام=بين اليهود وبين راع الضلاله وحنا العرب نصدر النفط والخام=والحيه الرقطى يزيد احتلاله على بعضنا بالقذايف والالغام=والشروالفتنه يزيد اشتعاله قامت تفجرمن يمننا ليا الشام=وعدونا جو السعاده صفاله كيف انت يامعمريابوسيف الاسلام=من حنكته اسطول التحالف غزاله هذا الغبا هذا التخلف والاضلام=الشعب مابينه يزيد اغتياله لوان موتاكم على القدس قدام=نقول ينصركم عزيز الجلاله خذلتو التاريخ عامن بثرعام=هذي عروبتنا وطتها الحثاله واليوم حنا تحت تهديد الاقزام=والكل منا قاصراتن حباله الفرس مع الغرب لاطيع الاعلام=لوشفتهم كلن يشد احتماله كلن يبي قسمه يجي خير الاقسام=اكبرمثل صدام كيف اغتياله

000 المراهقه الستينيه

	الله من عودٍ هضمني ونينه=يجر بالوّنه من اقصى الشرايين عودن على الماضي تزايد حنينه=ينوض لاشاف البنات المزايين اشغلتنا يازين ردفه وعينه=وينك وين الحب والعمر ستين البيض نيتهن تراها لعينه=العام ضحن بك من البيض ثنتين من حبهن ذقت العنا والغبينه=واتلاه بالهيئه حصلك عصاوين روح زمانك بين زينه وشينه=لاعاد بالصبغه تغش المزايين ماحبتك يوم الهواتف كبينه=تدق لانامت عيون الشياطين وقتٍ مضا لك بين رفحاء ولينه=اللي يحبنك من البيض عشرين واليوم راح الحب وينك ووينه=بالدردشه تجهل سلوم وقوانين اقفى مديلك والبلا بالمكينه=والقير والدفرنس ماهم سليمين

000 أهبي ياالدنيا

	أمنت بك يـارب يـارازق الحـي=وامنـت بمحمد عليـه السـلامـي وأمنت باللي ماقسملي ماهو لـي=واللي قسملي واصل(ن) بالتمامي يالله ياللي لـك عبيـدك تصلـي=يا واضعن للناس بيـت الحرامـي يامن حجيجة وسـط بيتـة تلبـي=من كل فج(ن) يرتـدون الحرامـي يامن عليك أشكي خوافي مشاكـي=يارب يامحيـي رميـم العظامـي ترا الحظيظ اللي راضي ومرضي=يتبع رضا ربه صلاتـن صيامـي أهبـي يالدنيـا تراهـا ولا شـي=ماراح من عمرك سوات الحلامـي مادامـت الدنيـا لصـدام وعـدي=مرتبهـم مثـل مـرور الكرامـي دنيا بها عمر الفتى ينطوي طـي=لو زخرفت مثل الجـدار الهدامـي سلطانها لروس السلاطين يخفـي=نظامهـا يفـوق كـل النظامـي يالله يا باعـث لخلقـه ومحيي=جلى جلالك يـا عظيـم الاسامـي أنت العظيم الواحد الدايـم الحـي=تبقى ولاغيرك على الكون دامـي تجعل لنا حظن بعيدن عن السي=يوم الحساب ويوم كشف الاثامي وختامها بازكى صلات(ن) انصلي=على الذي بيـن حـلال وحرامـي شفيعنا يومـن لا أم(ن) ولا خـي=صلاتنـا وعليـه أفضـل سلامـي

000 النت(من الارشيف)!!!

	اخير لي من هرجكم شبكت النت=مادمت ياقوقل تجيب العلومي بعيد عن جلسه هل العجن واللت=اهل النفاق مخرمين الخشومي ناسن على ذم المقفي تواصت=دايم على الغافل تشن الهجومي موذين حتى الارض منهم توذت=باعراض خلق الله تطيح وتقومي وليا لقتلـــه مشـــكله به تــلوت=لو ان ماله بل المشاكل لزومي لو انت في صحرا سباعه تعاوت=اخير من تجلس بوسط الرخومي هراجت المجلس لا راحت ولاجت=ناسن تسولفلي بحرب النجومي وانا الذي لواقع النـــاس مـــازت=لعلومكم يامقلـــبين العــــلومي والناس من عصر النبي ما تساوت= هاذا بها معطى وهاذا محرومي ولزلة الطيب ترى ما تــــصـنت= تبقى عزيزو ياالرفيق مخدومي ودنياك ما دامت للجواد لاعــــــت= والدايم الله والبشر ماتدومـــي

000 بشار !!!

	الله يشب النار في جوف بشار = اللي قتل شعبه ودمر دياره الموت يابشار قصاف الاعمار = لابـــــــد ماياتي لبابك زياره عامين وانت مولعن فيهم النار = فالارض شبيحه وبالجوغاره الوقت يابشار لابد دوار = من ذوق المــــــــــره يذوق المراره فرعون قبلك كان ظالم وجبار = يبني صروحه لين صارت دماره هذا ذنوب اليوم تقليع الاظفار = والنار سبـــــــتها بدايه شراره عصابت(ن ) انجس من الكـلب والفار = بالشام دنستو لمهد الحضاره والغرب مستانس على قصف الاحرار= عطاك تصريحاً تنفذ قراره احذر على صهيون من كل الاضرار= عليك فالاسلام يرفع شعاره هذا مزاج الغرب واضح للانظار = هذا الصحيح وفي صريح العباره والرؤس متورط ومهتز الاعذار = وين الخفير اللي يحفظ الخفاره خسران يابشار والوضع منهار = يــاكـــلب فكر الفرس مدري حـــمـاره تعيش يابشار بالخزي و العار = يامدعي ثوب الشرف والطهاره