آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 29-06-2013   #21


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي العقل نعمه



بسم الله الرحمن الرحيم

العقل نعمه!!!

العقل نعمه والبشر شانهم شان=ومن لافهم معنى الحياة افتقدله
وتجارب الدنياء دليلٍ وبرهان=والضلع الاعوج صعب ياناس عدله
والصبر مفتاح الفرج قدر الامكان=مع طلبة اللي كل مسلم سجدله
اللي رفع سبعاً على غير عمدان=واسم الجلاله والكمال انفردله
يارحمته للي حفظ قلبه ايمان=وطيب العمل عند المواجه شهدله
اللي شرع للحق والعدل ميزان=ومن وفقه رب العباد اعتمدله
افضل عمل طاعة وليك والاحسان=ياحظ من هو بالخزينة رصدله
في يوم يظهر فيه رابح وخسران=ماقدمه طيلة حياته وجدله
ومن لاتعض من سيرة الغير غلطان=يموت ماهبت هبوب السعدله
اخر زمانه يشتكي زود الاحزان=ويزود مع زود الزمان النكدله




الشاعر/سميحان بن فهد السويدي


 

قديم 12-07-2013   #22


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي حايل بلد شمر شريفين الاطباع



بسم الله الرحمن الرحيم
هذه القصيده موجهه للشاعر والاخ العزيز مناور محمد السويدي

حايل بلد شمر شريفين الاطباع!!!

سميت باللي للسماوات رفاع=شافي لحال ايوب عقب امراضي
وارسل محمد للسلف هم والاتباع=شفيعنا في يوم يبس اللحاضي
وجعل طريق المصطفى خير واشعاع=ومواقفاً فيها القناديل تاضي
الواحد اللي ياجر العبد ياطاع=ويعليه مايمشي طريق انخفاضي
من بعد ذكر الله للشعر بداع=جاشي بزينات البيوت استفاضي
يقول من هو للتماثيل مولاع=من ضامرٍ ياهيض بالشعر هاضي
وياراكبٍ من فوق ممتاز الانواع=من وارد الالفين والفعل ماضي
يطوي بعيدات المسافات بسراع=وقبلي شهد له بالمراويح راضي
مايشتريه اللي يحسب للا طماع=يشريه اللي حده من الوقت حاضي
اللي على قطع المسافات بتاع=عيونه سهيره ماتذوق الغماضي
ياداس بنصه صار للصوت دفاع=ارجاف مزنٍ تالي الليل ياضي
والياعتدل صوته مع المروحه ضاع=اليا عطاه واسع الخط فاضي
عليه منهو لاتكاسل ولاضاع=وقت السفر ماهو كسولٍ رياضي
يمشي قبل ماتسطع الشمس بالقاع=من شرقي النسيم شرق الرياضي
متنحرٍ داراً به المجد ماضاع=مشهورةٍ يوم السنين المواضي
دار الكرم مايذكر الضيف به جاع=من دور حاتم ماعليها اعتراضي
حايل بلد شمر شريفين الاطباع=اللي على فعول المراجل تحاضي
بشهادة الاجناب كله بالاجماع=شهدو لهم لوهم لشمر بغاضي
وافطن ترا في وجهة الغرب مطلاع=بين الجبال النايفات العراضي
يديك يم اللي لهم بالفخر باع=اولاد زامل للمراجل حواضي
ربعي الياصار الزمن حيل قطاع=والمبتلا زادة قواه انتفاضي
هم فرحة اللي للبهاذيل جراع=صمايلٍ ماقولها هرج فاضي
وملفاك من بيته للا بطال جماع=ودايم على كسب المراجل يحاضي
مناور محمد ياختفا كل رعراع=يبين مايتبع طريق الخفاضي
رجلٍ على نطح المواجيب بتاع=يفداه من يا شاف الاخصام جاضي
وحز ة وصولك للتراحيب سماع=في صوت عالي ما يجيه انخفاضي
لو قلت له عجلٍ ترا القرم ماطاع=واجبك عنده صايرٍ بافتراضي
ولياجلست وزان للهرج الاسماع=قله مكلف تاجد القرم ناضي
تقدير للمرسول ماهو ابمرتاع=وياجب على السلم القديم الحفاضي
وقله من هذا البيت لاشك مرجاع=وعطه الرساله في صفوح البياضي
رسالةٍ فيها مضامين الاسناع=مع علم ماياتي بعده انتقاضي
وفيها السلام اعداد ماتمطر القاع=واعداد نبتٍ للنفل بالفياضي
يابو محمد لاشكى جسمك اوجاع=عساك ماتشكي شديد الشواضي
اباسئلك ياديب وللرد سماع=لو ما انت للعالم كثير اعتراضي
قبل دخولك تفتهم كل مطلاع=وعندك على مجد القبيله احفاضي
ردك ترانا طالبينه بالاسراع=وشي خبار اللي جنوبه اعراضي
وانشدك عن كفٍ ظهر ماله اصباع=بين النيات وبين حد النجاضي
مادري تعرض له خبيثات الاوجاع=ولا كواه من اللهب حر لاضي
كانه على ماصار حاسد وملتاع=يابو محمد ماعليها تغاضي
مايجتمع ممشا الثعل دوم وسباع=ولا ينحكم بالشرع من غير قاضي
وصلو عدد ما يحصد البذر زراع=واعداد خلقٍ بالعصور القواضي
واعداد ما بالسوق شاري وبياع=على نبياً عنه الإله راضي


 

قديم 24-07-2013   #23


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي يوماً جرى للشيخ مرسي والاخوان



بسم الله الرحمن الرحيم


مشاعر تحتمل للصح وللخطاء

يوماً جرى للشيخ مرسي والاخوان !!!

يوماً جرى للشــيخ مرسي والاخوان=بالوصــف يــــشبه من نهار الصــريفي
من خانه السيسي وشكل له اعوان=فـــي منظراً لاهـــــل الضماير مخيفي
تجمــعــوا مابيــن مـــجـــرم وخــوان=مامنهم اللي بالمــهـــمة شــريفـــــي
شـــلة حرامية عــــصابه وســــرقان=مابينـــهــم شـخصاً ضميره نظيــفــي
الكــــل مــنهــــم بالــردا والـــولا بان= ويوجد لهم بالغرب بنداً وظــيفـــي
اولـــهــــم اللي صار نقـــمه للاوطان=عند العرب معروف شخصاً ســـخيفــي
دمر عـــراق المـــجد ويســاعد ايران=للــغــرب ضــد العـــرب بان وحــلــيفــي
شــــياً مؤكد للعـــرب شـوف الاعيان=ضـــد العــرب في كل مـــوقف يقـيفي
لاشــــك له يــوماً مــحـــدد وينـــهان= في شـــــاية اللي فــي عباده لطيفي
اللي حـــفظ كـــل الكــرامة للانسان=ويــشوف شـياً مابــعد كان شـــيفــــي




الشاعر/ سميحان بن فهد السويدي


 

قديم 06-09-2013   #24


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي بلوى كبيره تشترك مع مصيبه



بلوى كبيره تشترك مع مصيبه !!!

يابنت انا ودي بشـــــوفك وخــايف=من ناس ماتدراء الحياء والمعيبه
اللي لهم جــمع الــسوالف وظـايف=ومفــــرقت بين القـــريب وقريبه
ســـــود القلوب الخــايبين الهدايف=من شــــــوفهم يصيب للقلب ريبه
وشــلون لو شافوا لجمعاء الولايف=بلوى كبيــــره تشترك مع مصيبه
ويبدون في نشر الخبر بالصحايف=ويدريبه اللي ســـــابقاً مـــــادريبه
ولوندنا لو الحـــبربش خـــــــفايف=نخـــــــاف من لوم الكهول المنيبه
اهل العـــــقول الراجحات النوايف=من لومهم يلحـــق لشخصي غليبه
اللي مباديهـــــم جزال وطــــرايف=احفظ لهـــــم مع كامل القدر هيبه
واليوم من طـــــرد المزايين عايف=ونار الغـــلا ماهو بقــــلبي لهيبه
تركت انا طــــرد البنات العـــفايف=يوم اجتمع بالحــــب نيصه وذيبه
ركاب طرد البيض وصلن نكايف=يوم الغـــلا جاله مـــن الناس سيبه


 

قديم 15-09-2013   #25


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي كل شمري للتاج بالفعل لباس



بسم الله الرحمن الرحيم

اهداء للاخ جزاء بن حجاج الاسلمي صاحب النخوة والذي اتى من حائل للبحث عن مفقودي صحراء شمال الرياض


كل شمري للتاج بالفعل لباس

مبروك ياشـــمر حصلتو على تاج= ولاهـــو غريب افعالكــم ترفع الراس
مثل البحور اللي تلاطم بالامـواج=مابينكـــم بالمـــرجلــة واحــدً هاس
الرادكم اللي ســمعنه مثل هداج= شيـــخ العدود ايام توريد الامراس
يوم الزمان اللي به الخوف وازعاج= يوم البشر يشكون للجوع والباس
واليـوم تاريخ الفـــخر لابن حــجاج=ياعــل يفــــدون كثــــيرين الاهياس
الاسلـــمي للشور بالطيب محتاج=ســرا وكثــــير الناس بالليــــل نعاس
من فزعته في شــاية الله الافراج=تعيــــش يلي للخــــطر بالفعل داس
ماخاف من سو التضاريس وهباج=لانه عريب الساس والامر حــساس
انقــذ لـــعبـــد الله وفعـــله لنا تاج= كل شـــــــمري للتاج بالفعل لباس


الشاعر/ سميحان بن فهد السويدي


 

قديم 18-09-2013   #26


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي وانـــــــــا من الــــلي فــــاهمين المواجـــيب = الي قـــبل عـــرفة ضيوفه تهــــــــــــلـــي



بسم الله الرحمن الرحيم




هذه الأبيات بمناسبة دعوتنا من قبل الشيخ/بندر بن عبد العزيز السيحاني العتيبي حفظه الله

وانـــــــــا من الــــلي فــــاهمين المواجـــيب = الي قـــبل عـــرفة ضيوفه تهــــــــــــلـــي

يـــــقــــول مـــن عـــــنده لـــــلاشعار ترتيب = واليوم نــــــــــــظــــم القـــــــــافيه جـــايزلــي
شــــاعـــر نظم واختار ماجل ومصيب = ومنابر اشـــعـــــــــــار الفـخر يشـــــــــــهدلي
والشـــعــــر مــــاهـــــو بالدراسة وتدريب = وهبه مــن اللــــي له عباده اتصـــــــلي
ياشـــــيــــخ بندر ياموارث هل الطيب = اللي لهـــم فـي كل مجــــــــــداً اسجــــــــلي
دعــيــتني واقــــــول لــــك ســــــــم ومجــيب = نــــتــرك كــــــــــــثـيرات المـــــشاغل اتولي
وفـــــــــــــــــــــاء مـــــخــــــوه يــــــانزيه الاشـــانيــب = وافـــي مــــــــــــــــع اللـــي بالوفاء وافيلي
مــــــــــعــك وفـي مـــــافـــيه شــــــــــــكٍ ولاريـب = ولك منزلٍ بيــــــن الرجال امتعـــــلي
وربعك عتيبه للمراجل مناصـــيب = ما منــهــــــــــم اللي بالمــــــــراجل امقــــــــلي
اهــــل المـــواقف ياعوى الذيب للذيـب = واللي زبــــــنهــــــــــم بينهــــم يسفهـــــــلي
نعميــن بالهـــــيلا شـبابه مع الشيب = جــــــــــمـــعاً بســـــــاحات الوغى مايذلـــــــــي
تاريخـــــــــهم عـــــند الــعرب والاجـانيب = في مــــــــدحـــهم بافــــــعــــالهـم نستدلـــــــــي
وانـــــــــا من الــــلي فــــاهمين المواجـــيب = الي قـــبل عـــرفة ضيوفه تهــــــــــــلـــي
ربـــعــــــي قــــــليـــــلين الخـــطا والعذاريب = وجــــــــيـرانهــــم من قربهــم ماتمـــــــلــــي
شـــمر نزيهين الـمبادي عن العـيب = وعــــــلى طريق اهــل الــوفاء ماتزلـــــــــــــي
وكـــل الـــــــــقـــبايـــــل نـــعـــــم رواد للطيـب = ولفــــــــــعــــــــال رواد الــــــفــــــــخر مـــانخــلي




الشاعر/سميحان بن فهد الشمري


 

قديم 23-09-2013   #27


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي الــف وثـــلاث امـية واحد وخمسين



بسم الله الرحمن الرحيم

مشاركة باحتفال مدارس الحرس الوطني العسكرية بمناسبة اليوم الوطني (83) للمملكة العربية السعودية

الــف وثـــلاث امـية واحد وخمسين!!!

الــف وثـــلاث امـية واحد وخمسين = يــومٍ يــوثـــق بالفـــخر فــي بلادي
بـمناسـبة عــامـه ثـــلاث وثـمانين = اســجــد شــــكــر لـلـه رب الـعبادي
انـي مــواطن فــي بــلاد الـحرمين =وعـلى الـلـه الـرب العظيم اعتمادي
في دولةً حكمه عـلى مـــنهج الدين = وسـنـة نـبـيـاً للـمـــخاليــــق هادي
وصـقـر الـجزيـرة سيرتـه له عناوين = مـن حــكمـتـه حـصـل جميع المرادي
كـافـح وناضـل فـي جـميع الميادين = فــوق الـركــايـب والـمـهار الجيادي
بـدا الـمسيـره قـوتـه قــيل ستـين = الكـــل منهـــم فـي حـيـاتـه مفادي
قـال الـبـطل وحـده وللـخيـر داعين = والـلي خـذا راي الــزعـيـم استفادي
الشـعـب عـنده بالحقوق امـتساوين = شــره عـلى الـلـي بالعناد امتمادي
بعد الولـي شعبه عن الحـكم راضين = وجـمع شــتات الشعب حضر وبوادي
يامـا غـدت شـبـه الـجزيـزه بساتين = وراح الـعـنـا والـخوف والامـن سادي
وعيال ابو تركي على الدرب ماشين = دربٍ يـخــلي لـلــصـفـوف اتــحادي
سـعود مع فـيصل وخـــالد ميامين = وفـهــد مــروض بــالفعول الاعادي
واليوم ابو متعب زعــيم السلاطين = صـقـر الـعـروبـة والـزعـيم الريادي
شـعـبه يـحبونه على الـعـهد باقين = ولاحـــداً سـمــع لمـكثرين الدوادي
للـحاكـم الـعـادل وحـكمــه موالين = ومـاقـدمة لـلشـــعب للعـين بادي
دعـم مـشـاريـع الـوطــــن بالملايين = ولـو تـطـلـب الـمـزيد بالحال زادي
ومـعـه الثـنيـن مـرجحيـن الموازين = يـصـــار لـلـدولـة قــــراراً اسـيادي
مـع خـادم الـبيتـين بالفـعل وافين = سـلـمـان ومـقـرن طيـبـين المبادي
وحنا الحرس لامر القيـادة مطيعين = وكـامـل ولانـا لـلــوزيــر الـقــيادي
بقيادتـه نـنـطـح جـمــوع المعادين = دون الــوطــن اعـمــارنــا لــلنفادي
ضـباط وافـراد الـحرس لـه مفادين = ومـتـعـب خــذا منا الكلام الوكادي
وعلـم به النخلة ويحــمل لسيــفين = لحـظـة فـخـر مـن نرفـعه بالايـــادي



الشاعر/ سميحان بن فهد السويدي الشمري


 

قديم 01-10-2013   #28


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي ناسٍ قبل عــــدة ســـــنينٍ قـــــليله=ماكان تمــلك بالمـــــراجل ولاشي



بسم الله الرحمن الرحيم

ناسٍ قبل عــــدة ســـــنينٍ قـــــليله=ماكان تمــلك بالمـــــراجل ولاشي

الله هــــو اللي دايـــمٍ نشــــتكي لــه=عـــلام مابالكون ظاهر ومخفي
ومن غــــير رحـــمة ربنا مستحيله=خــــلاق كل الكون للكون والي
والشــــعر للتعــــبير قـــالوا وسيله=واليوم جـاله دور بالشعر نبدي
لايازمــــان الشــــين مافيـــك حيله=بك يستريح اللي مــطاليبه الغي
واهل النقاء صارة بوقتــــك قليله =كم واحدأ محسوب ميةٍ وهو حي
وش عاد لوصورة وصوفك جميله=الخير واجد بس في مجملك سي
شــــرك على من يكــسبون النفيله=ايـــمــــانهم لويتهـــــن بالوزا لي
اهنـــت لك ناسٍ فــــعوله جـــزيله=وبعــد الولي مزبان من كان مبلي
ورفـــــعت لك ناسٍ فعــوله هزيله=والعــــوشـــزه مابه مذاري ولافي
ناسٍ قبل عــــدة ســـــنينٍ قـــــليله=ماكان تمــلك بالمـــــراجل ولاشي
واليـــــوم صــــارة له فعولٍ مهيله=وقامت تنافس بالكرم حــاتم الطي
حــــطية بكــــبود النــــشامى مليله=وكــــويتهـــــم بالظيم والبهذله كي


الشاعر\سميحان بن فهد السويدي


 

قديم 05-10-2013   #29


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي باعث الارواح للاموات في يوم النشور



هذه الابيات موجهه للشيخ / فيصل بن عبدالكريم الرمان .

باعث الارواح للاموات في يوم النشور

بادياً بالله رب السموات الغفور =مكــلم اللي كان بالواد المقدس طوى
باعث الارواح للاموات في يوم النشور=بقدرة الله يفرق الحب عن شكل النوى
رحمة الله عمت الكون لا يمكن يجور=وياغضب رب السماوات بالعالي هوى
قدرت الله وقفت موج غزير البحور=والحرام موضحاً عنه بالدين انهوى
دايم المسلم على الشر والبلوى صبور=والعدو شيطان والنفس ميزان الهوى
يالله اني داخلنبك عن حياة الثبور=والكبر والظلم والبخل ودروب الغوى
وبعد ذكرك صار للشعر ودروبه عبور=من ضميراً يصخر القيل لو قافه لوى
والشعر ديوان مجد العرب ماض العصور=قاله اللي ورد هداج وصدر ماروى
مايجي من يم هداج معروفٍ قصور=من ورد له طاب فاله وبالحال ارتوى
بالروى معروف هداج تيماء ومخبور =جاهله راسه من المخ معروفاً خوى
البلا دونه متاهات والدرب مخطور=فيه ناسٍ تجهل الحق ملعونة ثوى
من سببهم شفت ضيم الليالي والكدور=دايم المجرم عن الحق تجيه سهوى
والحسد والخبث مرض وسط الصدور=علةٍ ماتقبل الطب بالكي ودوى
الامل باللي عطى الخلق من موته نشور=ثم شيخاً يبعد الهم ياصار نخوى
وابن شيخاً يوم الافعال بالساحه جسور=كم شجاعاً قابل الشيخ بالذل اكتوى
نار ذل ونار غبنٍ على صدره تفور=القهر من فعول الشيخ لفواده زوى
شاف ذله عاش عمره من الذل محسور =والفعايل تثبة المدح لو فيه ارهوى
راحوا الابطال واستوطنوا وسط القبور=ومجدهم محفوظ لو فات بالوقت دهوى
الفعال موكده والصدق للتاريخ نور=يساعد الراوي للافعال يامنه روى
يخلد التاريخ لمجادهم بين السطور=والبشر معروف من خلقته ماهو سوى
شيخ بالافعال له ساس ماصابه غرور=وشيخ بالمال والمنصب سريع انطوى
وشيخة الرمان له ساس بعيد الجذور=من زبنهم ياجد العز وللشر نحوى
من قديم الوقت للرمان بالامجاد دور=شيوخ جمعاً وافي الفعل لعضوده قوى
عسى بيت العز للرمان يبقى ومعمور= بيت عزٍ وساس عزٍ على العز استوى
ومن هم الشيخ الموفق ولا يمكن يبور=الوفا والمجد ماله عن افعاله غوى
فيصل الوافي على المجد وافعاله غيور=مصدر الهيبه وللمجد وامجاده حوى
والله اني من نخيته وانا دايم فخور=بعد يبس الكبد بشرت نفسي بالروى
فزعتك ياشيخ الامجاد والفزعه حضور=والعرب تنتبه للذيب يا منه عوى
وانت حرٍ تكسب المجد في كل الامور=وبيتكم عن ظلمة الليل يوجد به ضوى



الشاعر/ سميحان بن فهد السويدي


 

قديم 08-10-2013   #30


الصورة الرمزية سميحان السويدي
سميحان السويدي متصل الآن

بيانات اضافيه [ + ]
 رقم العضوية : 3644
 تاريخ التسجيل :  02 - 03 - 2013
 أخر زيارة : 18-07-2021 (03:43)
 المشاركات : 518 [ + ]
 التقييم :  213
 اوسمتي
درع التميز شاعر متميز 
لوني المفضل : Cadetblue
افتراضي رجلٍ بلاهيبه مثل صفرة الليل



بسم الله الرحمن الرحيم


تعبير مشاعر

رجلٍ بلاهيبه مثل صفرة الليل

هذا زمانٍ يرهق الفكر بالحيل= والحر مايفهم رموز الاشاره
يعيش في ريبه وهم وبهاذيل=سبت زمانٍ واضحاً بانحداره
به ارتفع سهم الردي والمهابيل=وقصورهم شيد عليها مناره
الله يستر لانهاره يجي ليل=والليل ياخذ مشهداً من نهاره
لو العرب يوخذ لدمه تحاليل=الظاهر ماهو باقين في ****ه
بقلوبهم للدم بالسم تبديل=والغش سمي بالتعامل شطاره
اكثر كلام الناس كذب وتهاويل=واللي يقول الصدق راح اعتباره
نسمع من الامثال في كذبت ابريل=كذبه على كل الشهور استداره
من خلقت ادم ماتساوى الرجاجيل=والحق له يوماً يبين انتصاره
ياكبر حض مجنب القول والقيل=مجنب طريق محفرين الجحاره
ناسٍ تجيب العلم بالزيف تمثيل=وعلى الشرف والطيب مابه غياره
ماتميز النعناع والثوم والهيل=ودمه برد ماعاد يوجد حراره
ياسامعاً ماقلت للقول تاويل=دايم يجي بعد التهاون مراره
خلك على صعايب الوقت حلحيل= وعندك على نطح الصعايب جساره
احذر تقول الناس مسكين وحليل=ترا حيات الضعف راس الخساره
رجلٍ بلاهيبه مثل صفرة الليل= لاتشوف زين ولاتفيد الاناره




الشاعر/ سميحان بن فهد السويدي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:41


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام