ديوان الشاعر / شاطي مجول الخليل

بسم الله الرحمن الرحيم
اخترت لكم هذه القصيدة
ــــــــــــــــــــــــــــــــــــــــ

من عصته المراجل ....لشاعر الضياغم!!!

	العصا يوم اشيله ابا اتوكاء عليه=ما بقى من حياة و ما بقى بكنفي قدر ماني نبيهٍ كم واحد نبيه=العرب يفهمون و يدركون هدفي ما احتقرت الصغير ولابخاطب سفيه=كلمةٍ قبل اقوله ما عليكم خفي الرجل ما يتطاول فوق طاقة يديه=اللئيم يتمرد و الكريم يعفي ماتبيه لمقامك انا مثلك ابيه=ما أتحامل عليك ولايميل طرفي خل عنك السؤال كان ماهو وجيه=يا تشوف احتقارٍ ولا اجابة نفي كم بالدنيا نزيهٍ ما يصنف نزيه=كم من خاين ضميرٍ يحسبونه وفي كل واحد يقول الوقت ذا مبتليه=أن عطنه لياله وأن جفنه جفي محداً شال هماً مثل ما يدعيه=وأن احلامه تبدد و القدم قد حفي كبر حجم ادعائه بس وش يقتفيه=المشاعر تبلد و العيون تغفي لا تغارب مقالة من يمجد ذويه=الكرم و الشجاعه ورثوها سلفي من عصته المراجل قال جده و أبيه=يكرمون النزيل وبيت عزٍ دفي كلمة العجز منه بكل ما تحتويه=بينة عن فتوق ما رفاهن رفي من تبنى القصائد و أقنعه ما يليه=صار بيته ركيكٍ بالغرض ما يفي مثل مطلوب دين ضيع الجهد فيه=لا كسبه جميل ولا غليله شفي كأن شعره يقول و للملا يشتكيه=لا تكلف و نفسك خلني و كلفي هو بقى منك شيٍ بعدها نحتريه=هنتني بالمواقف ثم لعنت جدفي اخلني في سبيلي اعتقن يا فقيه=ان تركتن لوجه الله تلقى خلفي

شاعر الضياغم ( شاطي الخليل )

بسم الله الرحمن الرحيم

السلام عليكم و رحمة الله و بركاته
رد على قصيدة الشاعر/ سطم بن فهد الخليل
واللتي مطلعها

يا ابو مشعل تولم للمزاين نروح =خاوني يا ابو مشعل ولا خذني خوي

___________________________
مردي عليه اقول ......

يا ابو فهد جزمنا والمصاعب تزوح ...!!!

	مرحبا ما تغذا من المراويح دوح = او تذكر بلاده من يروح جلوي في نديم(ن) عناني يوم قرر يبوح = في طرايف بيوت(ن) ما لواهن لوي لفض اديب(ن) مفوه في معانيه روح = ينطون المعاني تحت حرفه طوي ما خذاه التعالي رغم كبر النجوح = حافه(ن) بقتدار وكل عقلأ سوي ابو فهد التفاني يا تخلا اللحوح = ابن عم(ن) يشرف يا غوي من غوي يا ابو فهد جزمنا و المصاعب تزوح = بالتوكل على الله وانت خير النوي لو تنافا المواقف والمسافة تشوح = روسنا ما تلين و عزمنا ما يهوي نبي قوم(ن) تسلي من طواه النزوح = مثخنته الحوايج او يكون دموي يردعون الخصيم و يكبحون الجموح = وينشوون الأعادي من لضاهم شوي للأصايل تعثر و البواخر جنوح = والجبل ما يتزعزع لو سمع له دوي بلغ العلم عني و الوضوح الوضوح = كثر ما انا اتقصى بالرجال قصوي يرجح العلم الأبلج منتهات الرجوح = يصتدم في محيط و ينزوي به زوي لله الأمر كله و الغنا و الفتوح = والبشر من صفاته ما يكون غنوي

شاعر الضياغم/..( شاطي مجول الخليل]

بسم الله الرحمن الرحيم
السلام عليكم ورحمة الله وبركاته

الــــراس العـــنـــيـــــــد...!!!

	لو خذت هم لحد ماشرقت في يوم عيد = كان ماشفت القمر يعتلي كبد السماء كل كوكب في فضاء الكون ذري(ن) يميد = من مدارات الفضاء بس ماضاق الفضاء ماحرص باب المصالح ولا بنكر مفيد = كل ماتجد بنا ضد نزعات الهواء ودنا لو تصلح الناس والرابط يزيد = وينقطع حبل الخلافات ويعم الرخاء مار بعض الناس مخلوق من قاع صليد = مجدب من كل معروف وقمة بالغباء كل ماتحاول على القرب حسيته بعيد = مخفي البسمة عن الوجة وتشوف الجفاء يحسبك في حاجتة مادري عندك رصيد = من رجال العرف والطيب واصحاب الوفاء عالم عاشت على النصب ياعبد المجيد = تسحب ردون المشالح وينقصها الدفاء كل ماتصلح خطاء الوقت يظهر لك جديد = يامرار الصبر بالحق وياشين الخطاء طبعنا لين بحال وفي حالن شديد = نستحي وقت الحياء ولا ليطار الحياء نستخف اطلق شنب ونعمد راس العنيد = عزمنا ماينثني لا وعلام الخفاء

شاعر الضياغم (شاطي الخليل)

بسم الله الرحمن الرحيم..

اخترت لكم موقف و ابيات شعر..
وهو الموقف الذي جعلني اكتب هذه الابيات..حيث كنت في يوم من الايام.
وفي دائره حكوميه وفي مكتب أحد المسؤولين.
وجدت ثلاث رجال في مكتب سكرتير المسؤول..
فجلست عندهم انتظره وفي هذه الاثناء كان هناك رجل أخر يمر بالسيب
فتكرر مرور هذا الرجل فقال أحد الرجال الثلاثه
تشفون هذا الرجل الذي يتردد مع السيب ?
اما يفهم الكلام ؟
قلنا له أكثر من مره إذهب ولم يفعل
فقال أحدهما; مجاوب زميله السائل
هذا رجل صاحب حاجه !
وقد حدته الظروف ولا لما كان يتردد عليكم هناا
فمن كان منكم يستطيع مساعدته فل يساعده
او إتركوه يقابل المسؤولين بطريقته الخاصه !
فأنظرو كيف كان الفرق بين هاذين الرجلين
بعد ذلك نظر إلي الرجل الذي بداء الكلام وهو السكرتير طبعاا !
وانا أعرف من حركاته إنه لم يعجبه وجودي عندهم هنا !
ولكنه لم يستطيع أن يقول أخرج من هذا المكان لعدم معرفته لي
فسألني سؤال غريب ؟
هل سبق وأن أتيت هذا المسؤل في منزله ؟
فجاوبته مالمقصود من سؤالك هذا ؟
فقال: أقصد إن كنت تستطيع أن تقابله في منزله حتى لايطول عليك الانتظار
لانه مشغول ألان ولديه إجتماع !
فطلبت منه مقابلت المسؤل بالحال
وكتبت إسمي في ورقه وقلت قدمها إلى المسؤول
فان أذن لي ولا في وقت أخر !
فكان ذلك ثقيل عليه
وأخذها ببطء
فلما وصلت الورقه إلى المقصود
ناداني ولاحظ السكرتير الاستقبال
تغير وكأنه لم يكن ذاك الشخص الثقيل !
الى درجه انه عند الخروج يودعني حتى كاد ان يخرج من الدائره معي
ويقدم الاعذار !
اماا المسؤول لما علم بالشخص الذي يتردد في السيب
طلبه وقضى حاجته
فكتبت هذه الابيات عندما لاحظت الفرق بين هؤلاء
*********
*****************

موقف وثلاثة ابيات...!!!

	اثر الرجاجيل ياهل الطيب ساعة لزوم=من بينهم شفت كل الفرق عرف ومدى الله يبارك بشت اهل الحساء والهدوم=والله يبارك بناسٍ يصنعون الردى اضفى على بعض خلق الله وسيع الكموم =يومن عزمه على الطولات ماله جدى

(شاعر الضياغم)

بسم الله الرحمن الرحيم

السلام عليكم ورحمة الله وبركاتة

وش عذر فرعون ؟!!

	ان انكر الصوت عند الله صوت الحـميـر= وان اقبح الفعل عند الناس قذف النسب وش عذر فرعون بعد انه لفاه النذير = وش اودع امرأة ابو لهب تحمل الحطب غير انهم من هل الألحاد و اهل السعير = وان الله اراد وان الله بأمره غلب البارح الليل يا هايف قضيته سهير = ولا يسهر الرجل يا هايف بليا سبب امضيت ليلي بحال(ن) كني المستجير = عن حر حام الهجير بحر حام اللهب اسديتها للضمير وضاق فيها الضمير = وإن قلتها للعرب لامت عليّ العرب جنبت نفسي بنفسي كل ماهو مثير = بس العرب تبتلينا مثل بلوا الجرب املك ورا قو صبري سيف شعر شطير = وأفهم اذا كان واجب واعرف المستحب من وين باتي بصبر(ن) دام صبر البعير = يلحق عليه القراد تشوف كبر العجب ياصانع الطيب ماللطيب عند الحقير = اي مقابل بطيب ألا يزيدك تعب مدري تبي تزرع الصبخا وهي ما تصير = ولا تبي من غصون الشوك تجني عنب يا صيب راس المدير وخف وزن المدير = عن منهو ادنا من المسؤول كف العتب يا صار راعي بيوت الناس طقاق زير = شيمة هل البيت رقص ومات عنها الأدب

شاعر الضياغم( شاطي مجول الخليل )

بسم الله الرحمن الرحيم

سوف اقدم لكم هذه قصيدة بعنوان عصا موسى او بصمة الضياغم

كما اطلق عليها من الأسماء وهي اغلا قصائدي واقربها إلى نفسي

ليس كونها مدح في ابناء قبيلتي فقط ولاكن كونها القصيدة اللتي نالت ثقة الضياغم

ولقبت على اثرها بلقب ( شاعر الضياغم ) يشرفني حمل هذا اللقب

وأليكم القصيدة

.................................................. .........................................

عــصـــــا مـــــوسى ؟!!

	كن القلم لي عصا موسى وأنا امري مطاع = وكنه تقول لبعضها الشرد وين الهرب بكر القصائد شعر معناه فيه اتساع= يا شد حبل القصيد من اطرفه و اكترب ماهو أبدايم كذا تبقا بوضع الدفاع = أحيان يبغا كذا و أحيان يجي الطلب أكثر من السحب همه و أعلىمن الأرتفاع = ومضى من السيف حتنه يلين الصعب لاتنحني للمصاعب وأنت رجل شجاع = لو يلحقك من ضروف الوقت بعض التعب ياصار هنا يقين وصار هنا اقتناع = هذا هو الكنز ذاته مهو كنز الذهب شعر(ن) يعالج مرض واخر يسبب صداع = في محتوى فكرت القولين تلقا السبب لا تنجرف مع رياح الغي والأندفاع = لاتدفعك في هواه النفس عند الغضب لكل حادث حديث لكل رجل انطباع = هذي حقيقه تقال وكل شي انقلب شرهت على صيدة الضرغام عرج الضباع = هي مادرت ضربت(ن) تقطع متين العصب جينا نحث الركايب نحو هالأجتماع = نبني على السنة الغراء وسلم العرب يعيش رجل(ن) حكابه قبل علمه يذاع = ويضا عزايم رجال(ن) مايحناه المهب اقوى من الطور بالبنية وتشرق شعاع = بصمة جهود الضياغم في جبين الأدب حضرت اشارك بشعري ما حضرت لنزاع =والله لخلي بيوت الشعر تغني طرب مدام عندي شعور ويضا هناك اطلاع = في قديم الفعول وفي اصول النسب يوم شعب الجزيرة بين نهب وصراع = حنا اهل الهيمنه نقصر طويل الشنب نلحق الدين دين وندبل الصاع صاع = لين تجثي قسات الروس فوق الركب يا نوينا وصلنا ون ضربنا النخاع = تستقيم لهوانا ولله المنقلب إن حكينا فلجنا وأن سكتنا استماع = ياعتزلنا القضيه او نفك النشب مانقول بروايه في سندها انقطاع = ننهل النبع صافي من زلال المصب شجرة تنبت الأزهار بطهر بقاع = الأرض فيها البذار والنار فيها اللهب السهل يبقى سهل و العكس فيه امتناع = يعني ان المعادن مهي مثل الخشب ابي السموحة من الحضار قبل الوداع = وابي السموحة من الباقين وأهل الحسب اقوى من الطور بالبنية وتشرق شعاع = بصمة جهود الضياغم في جبين الأدب

شاعر الضياغم / شاطي مجول الخليل

بسم الله الرحمن الرحيم

الـــريـــــاح الــعــــواتـــــي؟!!

	لاتدنى العزايم وانت سامي مرام = الرياح العواتي ماتهز الشمم القوافل تسير وكل شي(ن) تمام = في خطاها ثبات وفي اذانه صمم كل صوت(ن) طويل(ن) نعرف انه سلام = ماعسرنا التفاته بس تابى الهمم مثلنا ياغضبنا مزنه(ن) له ركام = يمتلي به وسيع الكون سيله طمم وان رضينا سنام وفوق ذروه سنام = وان طلبنا المعالي كود روس القمم يبلغه من تعب له مادركه من ينام = كم قضى في سبيله قبلنا من امم متى تفنى العظايم عند صبر العظام = في نزول المصايب واحتدام الغمم بين معنى الحلال وبين معنى الحرام = تلك امور(ن) تشابه وش فوادك ضمم مثل بعض المذاهب عند بعض الانام = ارتكاب الكباير واحتراز المم ماشغفنا اهتام(ن) وش تقول العوام = وش مقاله تجار القول واهل النمم مافي حبل الخلايق قوةً واعتصام = لو يجونك بمدادن من جميع اليمم ماوصلت لمدانا ولا بلغت اهتمام = اوسط الناس شان ولانبيع الذمم وش لنا بالسرادب امهات الظلام = لو نفتش دخلنا في امور(ن) جمم هنا كف السوال وكل معنا خصام = لاتلاعب يديك النار فيها الحمم لايطول الجدال وعند مسك الختام = ذاب شهد القصيد وكل معنا تمم

شاعر الضياغم / شاطي مجول الخليل

بسم الله الرحمن الرحيم
السلام عليكم ورحمة الله وبركاته
مساااائكم وصباااااحكم خير وعااافيه
نفذ الحرس الوطني في الفترة من 25_30 /1/1433
التمرين الميداني ولاء وفداء2
في ظروف مشابهه لعمليات القتال الحقيقيه
وقال الامير متعب بن عبدالله :إن الجديد هو مشاركة طيران الحرس الوطني لاول مرة في تمرين ميداني على مستوى الحرس الوطني ..
وقد ألقيت قصيدة بهذة المناسبه وذلك في الحفل الختامي والذي كان برعاية صاحب السمو الملكي الامير /متعب بن عبدالله بن عبدالعزيز عضو الدولة ورئيس الحرس الوطني والذي عرض على قناة التلفزيون السعودي

ولان اترككم مع القصيده وامل ان تحوز على رضاكم

بسم الله الرحمن الرحيم
السلام عليكم ورحمة الله وبركاته
.................................................. ...............

لــــمــاذا يـــا وهـــــج!!

	تجاذب من سماء شعري وفكري =خذاني هاجس المعنى خذاني سوال احسان من فضلك وجودك=الا يالله لرشد تهداني انا يومن وجه لي رساله =دعاني شاكي الفرقا دعاني علي اللوم لو كنيت جهدٍ=عسى عرفي يجملني عساني اكون ارضيت من نوه بشعري=وجازي صاحب الحسنى بحساني سلامة قلب شامخت السجايا =وحي الله من شعره نصاني لماذا منك ياوهج التمني = تمنى الشعر وانت اصل الكياني رايت الشعر في لفظك مسافه= وراء النجمات محفوظ المكاني وقريتك في كتاب الشعر هيبه =ولاشوف المبرر للتماني سمات العلم تغشاه الجزاله =ملكتي حرف واشبعتي معاني سلام الله لك مني مقرا= حميت الشعر ماترضى يهاني توهج بيت شعري منك وهجاً=وتاق الحرف واطلقت العناني طواك الحب طبع الحب يسري=بدم الجوف والروح سرياني عداك اللوم انا ماطيع لايم = ولوانه على هذا هجاني اذا كان المصلي هو يصلي= فلا صلى اذا نسي المثاني كذالك حال من نسي الموده = كما يدين بالعالم يداني يكون الحب في سلم الحبايب= اباديه المحبه وان بداني شرحت البال له وانسى الخطايا= وفل النفس ماكنه عصاني فلا تعنيف مني وان تركني = على عهدٍ مضى مني لقاني اقاسمه المحبه والماسي= واعلمه التسامح والتفاني فلو كلن يكون ان حب صادق= فما كان ان يكون الحب داني ولولا مايكون ان فيه قله= فما كان لمقام الحب شاني وعذرٍمنك ياوهج القوافي= عسى صدرك يكون انه حواني اواسيك المفارق لان صدري= يفوح النار من بعدٍ كواني

شاعر الضياغم/شاطي مجول الخليل

بسم الله الرحمن الرحيم

السلام عليكم ورحمة الله وبركاته

اخترت لكم هذه القصيدة وهي في احدى مناسبات الوطن


و امل ان تحوز على رضاكم

اترككم مع القصيدة

شاعر الضياغم / شاطي مجول الخليل

تحياتي ..

.........