ديوان الشاعر / عابر سبيل

السلام عليكم ورحمة الله وبركاته

أرهقني السفر وأعجبني المجلس.. فتطفلت بالدخول عليكم .. فمعذرةً

عابر سبيل !!!

	عابر سبيل.. من السفر والطرقة = مرهق.. ولا حققت ربع أهدافي اجوب ألأرض من القلق والحرقة = أدور الحي ألأنيس الدافي الي فقدته بين غرب وشرقة = الي حياتي بعدها بإنكافي الروح من فرقى الوليف احترقة = والعقل ظني صايبه خفخافي مابي مفاطيح ولابي مرقة= ولابي قهاويكم وعود وافي ادري كرمكم عادة ماسرقة = ودخيلكم لاجالكم.ماخافي لاشك ياشمر درقني درقة = وقتي وضيع من يدي ميلافي الزاد عندي قيمته مفترقة=والكيف مامن كيف عقب الكافي

ادعوا لنا !!!

	مبروك شهر رمضان الفين واثناعشر=ياعلنا من كبيرين البخت فـ رمضان لوكنت فـ نيوزلندا بين برد وغجر = لكنها قسمتي وأسعارهم ((جنت مان)) ياحظكم بالسعودية بلاد تبر = فـ مواطنيها ولوهي حر... ربع وأمان والصبر نلهث وراه ولالقينا الصبر = ومن راد درب المعالي في طريقه جنان ادعولنا فـ رمضان مغرب وصبح وظهر = وادعولنا فالسحر وفي كل مالوقت حان لعل ياتي لنا يومن نقوله جهر = فرحتكم بنفعنا نستنا غربة زمان

معذرة على الغياب فللظروف احكام يامملكتنا المصغرة حجما والكبيرة مقدارا

معذرة على غيابي معذرة !!!

	معذرة على غيابي معذرة=والله العالم بغيباتي أنا بقنتنامو والعيون مسكرة=والتعامل وحشي أكثرمن عنا والا بأبوغريب حسر محسرة=آه ياهاواي ليتك حولنا الزمان اللي نعيشه مسخرة=لاسرور ولاصحيح ولاهنا أذكر أيام الجدود ولا أذكرة=مثل حلم الليل ..غابت شمسنا راح عمري في سجون مدمره=مالها بيبان والساجن فنا والمخارج بالسجون محرمة=والمعيشة ضنك والموتة منى لين جاب الرب حكم المسلمة=وأبرضت فينا زماليق الهنا

استعدت الذاكرة من الريال الى الريال!!!

	انتهى مفعول طبٍ خذيته بالشمال= وانتهى صبري وجرحي على صدري علا استعدت الذاكرة من الريال الى الريال= مثل حلمٍ حالمه قال ياليت أطولا استعدته من خذيت الخضر رمز الرجال= لين رجعت العزيز بعزيز المنزلا استعدته من رفعت الثياب عن البدال = لين حضر الماء وبطل التيمم بطلا ماعلي ناقص ولابي تنكر واختلال=بس لي قلبٍ خضر والجوازي هملا أتخمع بالشوارع وضيعت النعال= بس ربي فكني من دروب الجهلا لين صوبني بغفلة على غرة غزال= قلت والله ياهلا..وضحكت قالت..ولا ويش جابك عندنا؟ قلت تصريف الليال= لي رفيقٍ مذهبٍ جيت عنه موكلا قالت اسمه قلت(ابو عيد) من روس الرجال= له مديحٍ حولكم مقصدي به يكملا واضحكت في حجته وأرسلت بسمة دلال= قالت أنت أنت..قلت إيه..قالت مسهلا وادخلتني مشتلٍ فيه للورد اكتمال=رحبوبي كنهم من زمان الي عملا قلت يامدوح للصبر ماعندي مجال= الطبيبة عشقتي وينها قبل أرحلا قالت:اللي جابتك عندنا يأبن الحلال= والتفت وقلت (سوزان؟) قالت :هي هلا ردها بعثر جميع المشاعر والخصال=ساريٍ منها سرى بالعروق الهزلا التصقنا واحد الزول والثاني ظلال=سبعةٍ منها الثواني أجل وأطولا لين دقت ساعة الصفر والوضع استحال= وأعلن الطيار ربط الحزام وهلللا والتفت أودعه في عيونٍ ماتزال= تصطفق فيها دموع المفارق وتغلا ويوم جيت أشغلت الأيفون شحنٍ واتصال= هو جدى اللي في ظروف الزمان مكبلا قبلها لي حال واليوم لي ياناس حال= انهبلت بحبها والجمال يهبلا يالا لاااالا يالالااااااااااااااالا ولاالا لالا لاال=يالنشامى ساعدوني بدأ الدم يغلا

ياما سهرنااااااااااااااااا !!!

	دق الوتر وأرمس مع العود دقاق=وأقرش مع الكورس بلحن التشاويق الحان تفرج ضيقةٍ صاحبه ضاق=وتسر مجروح الحشا ناشف الريق أبيات من دمعه على وجنته ساق= دمعٍ يفوّر فورة الشاي ببريق على الذي ماغر ماخان ماباق= جدواي عقبه طق أصابع وتصفيق ياكورس الليلة من أقطار وأفاق=ياما حلاها جلسةٍ مابها ضيق خمسة عشر يومٍ بنا الموج صفاق=ضرّ الجسد والشوف وأقصى المعاليق وبكرا النتيجة تنتشر بين الأسواق=ناسٍ تقدمّبه وناسٍ مفاهيق ياماسهرنا ليلةٍ حتى الأشراق= الراس دايخ والظهر كود تطقيق والخاتمة (سامح) لوسواس واشهاق=ويمرض مرض خمسة عشر عام مايفيق

الزعااق والخلاوي يالربيع !!!

	لاتودع يالربيع أنت توديعك قديم=الدهر شلحك من قبل تشليحه لنا غرت الزعاق دورات وقتك ياالغشيم=وأنت بدروس الخلاوي تغلغل فهمنا رح بمان الله لاتستقر ولاتقيم =حضرتك كنه غيابك هنا والأ هنا ركبوهن للبقر والتبن برسيم سيم=بس نظارا تهم خضرها ماغرنا يالربيع الجوع مادام حاشك..فالفهيم= ينتبه من نومته والحياة أصله فنا تبتسم للموز كنه هكا الحر الحشيم=واللعاب تسيل لجله وتملأ حوشنا فارق تراب الوطن لاخسيسٍ مع كريم=بالعصى والطبل قالوا عنك ماأقول أنا حدنا يمك خليل ( وفي والأ سقيم؟)=وين نلقى الأجوبة والضباب يحوفنا؟! تاهو الأجواد مابين ضيم وبين ضيم=والسلنتح بالقمم ياجماعة شوفنا كيف؟ مدري.بسمك الله رحمن رحيم =ياشديدٍ في عقاباتك أرحم ضعفنا قلتها عابر سبيلٍ ولا عندي غريم= حالةٍ شفته وحقه عليّ أعلاننا جعل يقراها مليٍ من إمساكه سليم=من وراها يكسب الأجر..ويزيد أجرنا مخلصٍ لله صادق وفيٍ مستقيم= والسعي قبل الأكل ذي مقولة ربنا