ديوان الشاعر / {بعيدالنظر}

(جيت أجدد عهد)

	ياسلامي سلامٍ موعدي يوم عيده=عد برقٍ تكاشف في المزون ونشا ما جيت أبارك وآشارك وإرتجلت القصيده=بعد ماجاتني دعوة كبير النشاما قلت ياصالح الغازي نجي فالوعيده=وآنت غالي وحبك في ضميري تناما مثل ابو غازي أتعب له بيوت النشيده=يستحق المحبه فعل ماهو كلاما علْ صرحٍ على ساس الموده نشيده=يرتفع في مقامه يارفيع المقاما جيت شاعر يسيّر كل معنى يريده=في دروب الغلا يا أهل الشمال الحشاما شمّرالعز والتاريح حاجه وكيده=تشهد الناس والتاريخ شرقٍ وشاما أهل الأخلاق والنوماس ماهي جديده=من قديم الزمان الطيب وأنتم تواما حاتمية كرم وإلهم فعولٍ مجيده=لو كتبت المدايح مابلغت المراما جيت أجدد عهدنا وإرتجلت القصيده=إيه منكم وفيكم ياالرجال النشاما

	((اسرج خيول الشعر))

	ياليل وش سر المساري تفتح اسراري وابوح=والصدر صندوقٍ عجز غيرك يمون ويسبره تجتاحني ظلماك واستودعك قلب أخضر وروح=فيها تساوى المقبلات بما تشيل المدبره يا شادي الألحان صدر الشاعر المغرم يفوح=آلام وأحلام وكلام وحزن يملا دفتره أسرج خيول الشعر وآقطف من ثنايا كل بوح=مايرضي الهاجس ويرضي كل من حب وكره شاعر خطب ود أمنياته مالقى منها وضوح=وآعطى مواعيده سنين تعد يومه وشهره مريت من باب الثلاثين وعطى وقتي شحوح=والروض تغريني (فراشاته) (وورده) (وزهره) حتى ولو تاه المدى ماتاه للشاعر طموح=يسكب بسمع الليل مواله ليا صب سهره ياصغرحجم البحر والطوفان عند ألواح نوح=يصنع سفينه تكسر الامواج والقلب جبره قلبك خلي ياعاذلي قمرية الوادي تنوح=وانا ليا ناحت يميل بخافقي غصن شجره من وين الاقيها وساقيها بلا موعد يروح=والدرب سجّ بخطوة الساري طلاسم وعبره يمطر مدادي كل وادي وأبني بحرفي صروح=على مواعيده حضر فكري وهده وعمره كم عاش في طيبي غبي يهدي معازيبه جروح=مادمت طيّب شهم نادى سهم غيضه وشهره مافي سديم الغيث ما يمطر ولا برقٍ يلوح=ألاعجاج إليا نفضه الريح صار إله غبره والمنتظر ظامي وأنا ايامي مثل خيلٍ جموح=بيني وبين العالم الثاني من الجن شعره

	((الشعر وحي النفس)) .

	من قبل لاتكتب وتشطب في طلوع وفي نـزول=أحيان في قمة جبل وأحيان في بطـن المسيـل أبسألك ياصاحبي ؟ يمكن سؤالي به فضـول!!=الشعر وش يعني؟ خلاف الحزن والوزن الجميل وبسألك ليـه. الحيـاه اللـي نقدسهـا تـزول=واللي نحبـه دون مـا سبـه تزفـه للرحيـل وبسألك وبسألك وبسألـك؟ مـا أبغـى حلـول=ودي تحط إيديك فوق الجرح وتـداوي عليـل كم من وجيه تمرنا وأنته وأنـا يمكـن نقـول=هذا مثْل هذا .. وهذا غيـر هـذا.. مستحيـل وكم من حروف إنمرها ونذرها تنبـت حقـول=كريمه حروف القصايد كل مـا أتهجـى بخيـل سافر على أعماقي تلاقي سحر تهذيب العقـول=يالشاعر اللي مالقى فـي ظـل تفكيـره مقيـل (والشعر وحي النفس) والشاعر لما دونه رسول=مداين أحلامه براد وغصـن زيتـون وهديـل (أما الحياه) اللي بها عمرك يطـول ولايطـول=من حلوها في مرهـا وتمرهـا عابـر سبيـل

	((ليت الهوى كـــــــــــــــذبه))

	البارح الواقع سها والحلـم حلّـق فـي فضـاك=وأنا على أوتاره من الحاني عزفت أحلا حنيـن من يوم ما أشعلت الأصابع للمرابع فـي شفـاك=للحين تايه وأنتِ آيـه فـي فصـول العاشقيـن حبيبتي سقت العبايـر والبشايـر فـي رضـاك=أتخيّلـك ياقمـة أحلامـي تجيـن وماتجـيـن ياسيّدة هـذا المكـان إن كـان قلبـي ماسـلاك=يحق له من دون شرط يعيـش مـوال الحزيـن من وين أبسلا والغلا كله رخيـصٍ مـع غـلاك=ياخطوة المستقبل الـذاوي ظمـا لـو تبعديـن قلت أستغلْ اللحظه اللي هـدت الظامـي لمـاك=أحسب دقايقها وأنقصها مـن عجـاف السنيـن ليت الهوى كذبه وأسوق العـذر للعمـر وفـداك=أو ليت هذا الحلم علـم وليـت لآمالـي يديـن أرحـل وأسافرفـي مكانـي للأمانـي بإرتبـاك=وأشك في ما لايشـك وعنـدي لشكـي يقيـن وآذكرك وأرضى من زعل والطير في ظلم الشباك=إذا سها لحظه يذكْـره الفضـا فـي كـل حيـن وإذا سكن ساق البشاير والعبايـر فـي رضـاك=يتخيّلك وآنتِ كـذا يمكـن تجيـن ومـا تجيـن

	العرابي ومجاراه لقصيده سمو الأمير الشاعر / خالد الفيصل

	ليت العمر يهـدى وبهديـك عمـري=تستاهـل الأيـام يـا زهـو الايـام لو الهوى المحبوس في جوف صدري=يظهرعلى العالم غشى العالـم اهيـام فيني غرام فـوق محمـول صبـري=وفيني خيال فوق تصويـر الاحـلام صباحي اسرح لك وفي ليلي اسـري=والى هجع فكري خفوق الهوى قـام والله مالـي غيرالاشـواق عـذري=واللي عرف شوق المواليف مـا لام يا من يبيع الصبر يا ناس واشـري=محتاج كل الصبر واصخـي بالاقيـام يا مالك امري وش نوايـاك بامـري=ارحم خفوقٍ عن هوى غيركم صـام حالي غدا مثـل المساويـك مبـري=يا بـاريٍ حالـي ترىالبعـد ظـلام ادري بحالك وانـت بالحـال تـدري=يالله عسى ذا العام احسن من العـام ليت العمر يهدى وابهديـك عمـري=تستاهـل الايـام يـا زهـو الايـام

شعر الأمير/ خالد الفيصل

(الـمـجاراه)

	شبيت نار الشوق وأشعلت جمري=بين الضلوع يسارجه ريح الأنسام أربع سنين أذوب في كاس خمري=وأصد جيش العشق بسيوف الأحلام نخل إنتظاري في رجا عذق تمري=أبطا وأنا في عيون شرهات الأيـام (يادايم السيف) أمر الأقدار وأمري=متناقضين إثنين والطـرف مانـام القلب عش الحب والشوق قمـري=هزّ الغصون وردد ألحـان وأنغـام ليت الدوى في ملة العشق يبـري=وياليت من هو لامني فيـه ينـلام كتبت في خدود التباريـح شعـري=ورجعت مزقته وكسّـرت الأقـلام تهاوت أوراقي بعد جـفّ حبـري=واللي كتبته كله أوهام فـي أوهـام أحس حتى الشعر ما يطلق أسـري=أتعبت صدق الحرف وأتعبت الأقدام ومع كل هذا قلـت يفـداه عمـري=فدوة عيونه (والرضى سيدالأحكام)

	(رساله غاضبه ) - قلهم - ياقلهم - كلهم !!!!!

	ضجّت الريضان بأزهار الربيـع وضـجّ بابـي=بألف طارق من فنون الشعر وأقطف من فنونـه شاعرٍ لاقال طال وصاحبي يحسب حسابي=الخوي نحمي جنابه والعدو نكحل عيونه والله إني ماحسبت حساب لكبار العلابي=الهلافيت الضعوف اللي مكاني جات دونه أدخل التاريـخ مـن بـابٍ وسيـع ولا تهابـي=لاتهاب اللي من أجلك يختلـف شكلـه ولونـه صاحبي دنياك لوتضحك لـك بضـرسٍ ونابـي=ضحكها لو هو عجب لاتحسـب الدنيـا حنونـه صاحبي سجّل حضوري قبـل لاتكتـب غيابـي=وإسأل الناي الحزيـن اللـي تراتيلـك لحونـه كلهم في عيني أصغر مـن تفاصيـل إغترابـي=كلهـم ياقلهـم حتـى لـو إسمـي يسرقونـه جيتهم وإسمي (عبيدالله بن سعيد العرابي)=والرخيص المشتبه في سوقهم ماني زبونه صاحبي وإسمي على إسمي ما لبست إلا ثيابـي=ماسك الحبل الوثيق اللـي تواصـوا يقطعونـه رتبوا لي غيضهم وآبدوا ـ (هلا يامرحبابي)=ماتحاشوا من غباهم لين عاشوا في مهونه وإن سألني صاحبي ياصاحبي هذا جوابي=الصحيح اللي يشتت كل كذبٍ يجمعونه ماكشف خرمس قلوب الحاسدين ألا شهابي=من حسدهم كل سهمٍ مايصيب يسددونه من حسدهم يحسبون إن الخطا مثل الصوابي=العمى فى قلوبهم صوّر لهم مالا يرونه صاحبي لاتكثر بلومي وتسرف في عتابي=والله ليبطون مايلقون فى القاسي ليونه صاحبي لازلت حـر ومـر وإستقبـل ركابـي=لاتغض الطرف وأنت الحرف وأنت أقصى جنونه إيه/ ياكثري. وهـذا مزهبـي يحمـي زهابـي=قلهـم / ياقلهـم / لوكلهـم / حرفـي يجونـه جيتهم وإسمي (عبيدالله بن سعيد العرابي)=والرخيص المشتبه في سوقهم ماني زبونه

	صـــــــلْ بعيوني جمع

	مافيه شـيٍ مستطـاع!! ألا ومايعصـى يطيـع=شاعر رقا من سطوته صعب اللحـون وجرّهـا كم مستحيله تفتل الحيلـه علـى يـد مستطيـع=وكــم حيـلـةٍ لله در المستحـيـل ودرهــا ياسيّدي والدمـع سـال ولاينـال مـن الرفيـع=صلْ بعيوني جمـع عـلْ الدمـع يجـلا ضرهـا البارح الضيقـه غـزْت بجيوشهاالصدرالوسيـع=ماكنـي أحكـم بحرهاالغـدار وأحـكـم بـرّهـا جرْدت سيفي راويٍ عطشـان والشـاري يبيـع=(خذهـا وهـات) وكلّهاأيامـي حلاهـا مُـرهـا لا تاهبي خطوه ولاغالـي علـى بالـي يضيـع=جتني بـلا موعدوغيـري مـن فـراغ يمرّهـا قالوا سحابة صيف.قلت الضيـف همالـه ربيـع=لبّدسماْ أفكاري وروحـي مـن جروحـي برهـا والشعر خيلٍ كـل ماعـجّ بصهيلـه هـجّ ريـع=وتطيح من دونـه همـومٍ كـم تمـادي شرهـا ياصانع المعروف لاتشقـى علـى رد الصنيـع=خذمن سعددنيـاك مايطـرى والآخـرى سرّهـا واللي تضيـع بمُغتْلَقهـا لقّهـا السـد المنيـع=إسجـن رداهـا فـي مداهـا لاتبيـح بسرِهـا في سيرة العشاق ماشـاق القلـوب إلا شجيـع=وأبردهموم القلـب فـي وقـت اللـزوم أحرهـا وأناعصيت الوقت في ساعة رضى وإشتقْت أطيع=قِسمه ولوماكل(كلمه)قلت لـلْه درها

	{ ياعيد جفني ماغــــــفا }

	جيت ياعيدي وأنا في مواعيدي صريح=إنتظرتك مثل غيري وجفني ماغفا في يدي ورد وقصيد وفرح واوراق شيح=والذبول وضيقة الصدر والحزن حلفا جيت كن أول مواعيدي الكف الشحيح=المرايا سلة أحلام للوجه القفا ياصباح العيد كم حلم نرفع له ضريح=قبل ميعاده وكم جرح ياعيدي صفا ياصباح الجرح ماشارف الوجه الصحيح=إنتظرته طاوي الجوف من طعن الجفا كل ماقلت الفضا عانق البر الفسيح=أجدبت كل المواعيد وآظهرت الخفا مابقالي في حناياك بالٍ مستريح=كل ماطوّلت لي بال حوّل وإختفا في خيالي كم رياح البرس تلقح بريح=والمسا موعد مخاض الربيع من الدفا مالقيت الذنب يعذرك يالسهم الجريح=لو سقيت أغصان الأحباب من دم الوفا والنوايا سرجها من عنا وقتي يطيح=في ظهور خيول الايام منبتها حفا

	(صدري شمالي )..!!!

	كان حلم ولآجمل أحلامي حكيته=ليلة البارح وآنا صدري شمالي ماوصلت بدايته حتـى آنتهيتـه=في مواعيد وزغاريـد إحتفالـي للمسا . لنعاس ليـلٍ ماغفيتـه=للبياض وما صبغ رمش الليالي لآخر آخر دربي اللي مامشيتـه=لأول اول مُر مَـر وذاق حالـي السهر دربٍ سراني لو سريتـه=والتعب كيفي ليافاحـت دلالـي كم سقاني ضيقة الصدر وسقيته=صافي حروفي وشلال إبتهالـي كل ماهد التعـب حلـم وبنيتـه=لوّحت لي بسمةٍ في ثغر سالـي والحبيب اللي سرقني وإصطفيته=الزمان إستكثره يومـه صفالـي مامنعني عن ظما ماه ورويتـه=عن ظما ياما هما ماه الزلالـي لين رتب لي جفاه وقلـت ليتـه=ماتركني مقتسم جرحـه لحالـي أكتبه وآنسى إني أكتب لاقريتـه=وأنثره للريح وألقى به خيالـي بعت لجله كل غالي وإشتريتـه=والمكاسب ماطلع لي راس مالي ياقصيدي والله إنـي مارجيتـه=وإن تغلا ياقصيدي فآنت غالـي كم دعاني داعي الشوق وعصيته=لا دفا شمسه ولا بـارد ظلالـي إنتهى بي للطريق اللـي بديتـه=وإنطفى واشعل معه نور إحتفالي

	((العيد في (عيـون الصغـار) ))

الأحبه في منتديات نشامى شمر
السلام عليكم ورحمة الله وبركاته
للعيد فرحه وللشاعر طقوسه الخاصه في رؤيته للعيد
سامحوني على هذه العيديه المختلفه هذه المره
لكنني لازلت اقول (وإذا تبي صدق الفرح تلقاه في (عيـون الصغـار)
كل عام وأنتم بخير وعاد عيدكم
.
.
.
.

	قالوا لي أصحابي غريبه منكسـر واليـوم عيـد=وش فيك ياخي ماتمـل مـن الحـزن والإنكسار إلبس فرح عيدك مثل ماتلبـس الثـوب الجديـد=والليل عيش بفرحتـه وإستقبـل أفراح النهـار العيد بهجه وآنت ليه أصبحت عـن نهجـه تحيـد=إكسرقيود الحزن ياخي وأعـط لأفراحـك قـرار قلت:إيه/ هذا اليوم يحمل بهجـة العيـد السعيـد=لكن وش معنى الفرح لاصـارت البهجـه شعـار العيد معناه القريب إسمـه . ولـه معنـى بعيـد=وإذا تبي صدق الفرح تلقاه في (عيـون الصغـار) ياعيد جيـت تجـدد أحزاني وتشعلني قصيـد=تستدرج الذكرى بذكرى وأمست أفراحي دمار ياعيد أنا شاعر مشاعر له من همومـه رصيـد=محتاج لولحظة فرح تعلن على الحـزن إنتصار ياعيد عطني فرصه أفـرح لو دقيقـه ماتزيـد=جرحي كبير وكل من مـروا علـى بالي كبار