ديوان الشاعر / نايف بن حزل العنيزان

	انقاض الرماد

	يامحرث انقاض الرماد المبطيات الباليه=يامحاول منه؟؟ تقتبس نار وشرارت جذوتك يامسقي غصون ٍ ذوت يبست وصارت باليه=من يابس غصون ٍ ذوت ترجي اليان لزهرتك يا محاكي اطلال القصور الخاويات الخاليه=كب القصور وخلها راحت عليك وطافتك كنتي عن دروب الهوى لك وقت ونتي ساليه=وشرجعك عك عقب الجفاء ماتت بقلبي لهفتك وينك قبل يوم الغلاء يرجي سنين وصاليه= يوم الوله ياعاليه يجني الصدود وجفوتك ياعاليه ياعاليه خلاص منتي عاليه=فارع شموخك انكسر ياعاليه من دبرتك روحي على فالك وانا خلاص رحت ابفاليه=سوقي سنينك ونتحي الله يبارك وجهتك روحي فمان اللي معك غير جميع أحواليه=روحي فمان الله.. معك خوذي بقايالوعتك جرد السنين الممحله تنهي غلات الغاليه=شهب السنين وطولها تمسح بقاياصورتك

شعر.نايف حزل العنيزان

	اوسمه

	يافهد فكري تلبسه الهجوس=به صهيل وخيل وليل وهمهمه هاجس ٍ في هاجسي طال محبوس=حن سجانه عليه وكلمه ماضي ٍ ضمته احضان الرموس=ومسحه ها الوقت مسح المرسمه وحاضر ٍ كشر لنا بوجهٍ عبوس=يحفر لماضي شريف ويهدمه يافهد وقتٍ عمى ليل ٍ غلوس=كل دروبه مضلمات ومعتمه يافهد وقتٍ معوكس ومعكوس= غامض ٍ باالحيل صعبٍ نفهمه صعب نفهم منهجه هو والدروس=وكل اسئلته غامضات ومبهمه ساد فيه العفن وعيال التيوس=ونزل السيد لعبد وحطمه مال بالاجواد شهمين النفوس=ماعطاء الاجواد نوط وأوسمه كم حديا شيخه ثقل الفلوس=عقب ماهو من خساس وشرذمه مافلح باالطيب نمام ٍ بلوس=مافعل طيبٍ ولا قد قدمه وكم عزيز ٍ دش والعالم جلوس=ماحد ٍ عبره ولاحد ٍ شيمه مارث رجال ٍ على العليا تدوس=ومن جواهر نادرات وقيمه كم طفت ياصاحبي به من شموس=واخرس افاه ٍ قبل متكلمه وكم خذل فرسان وشيوخ ٍ وروس=وبه قصور ٍ خاويات امهدمه وبه ضروس ٍ تعلك ابلياء ضروس=وبه سيوفٍ بغمدتها مشرمه وبه حصن تهذب بلا حذوه تدوس=وبه كديش امحذيات مكرمه وبه وجيه اصحاب وقلوبٍ انجوس=وبه ضمايرمضلمات ومعتمه يافهد والحكي نوب ٍ حد موس=والحقيقه نوب صعب اترجمه وانت فاهم بالذي تحت الرموس=زايده حدة ذكاك ومفعمه والاكيد تغيرت فيه الطقوس=والوفاء والطيب الله يرحمه

شعر,, نايف حزل العنيزان

	قصة الزعفران

	ياقصة الزعفران اذاحكى الهيل=وسوالف البن لا فاحة مراسيله يا جرهد العشق في ليل المواصيل=يادمع الاشواق ياكفه ومنديله يامن بك انت اجتمع ليل ٍ وقنديل=يامن بك انت اجتمع البدر مع ليله ياغيبة الجدي لا من ضيع اسهيل=قل لي وش اخبار عشق ٍ انت قنديله ياحب ياهيام ياعشق وغرابيل=ياقصةٍ من غرام ٍ صعب تاويله يانادر ٍفي حلاك ونافل الجيل=ينادر ٍ في حلاه ونافلٍ جيله اعشقك مايعشق الشاعردجاء اليل=فيه يتغزل بخلٍ هوسبب ويله وأعشقك انا عشق شايب واهن الحيل=عــشق دلاله ونجره مع فناجيله وأعشقك عشق بدوي يشد ويشيل=راعي حلا لٍ تشفق ماطر مخيله وأعشقك اناعشق صقارٍ غدا يخيل =طــيــرٍ لـه اقــفى يرف وصــاح يـدعيله بأول هدد يوم هده وابتعدحيل=انبح صوته وهويصيح يوميله ارتاح لك راحت السهران لليل =الي ركاب السهرقدانهكن حيله واهيم بك مثل ماهام بهوى الخيل=سلطان ابونايف الي هام في خيله الصافنات الجياد ان جن مقابيل=لك أشقرٍ ياحلو به شبه من ذيله واحن لك مثل ام ٍ طفلها شيل=من حضنها وبثلاث اقفت تراعيله وحتاجلك حاجت ارضن مبطي السيل=مازارهاوالحمى كثرت نوازيله ياعين حر ٍ مع سلطان قدشيل=يوم يترزم يبي جولٍ يراعي له قصة غرام ٍ بدت يانافل الجيل=معك انت قلب الهوى لا قول عزي له

شعر.. نايف حزل بن عنيزان

	قصيده رثاء في الشيخ غازي بن حمدان الشريم.. رحمه الله واسكنه فسيح جناته,

	دقت لخطوات المفارق نواقيس=وخذت مخاليب المنايا كحيلان الموت قفا بواحدٍ من السناعيس=قفا بزيزوم المراجل بليهان قفا بسليل الطيب حبس المتاريس=ارسل رسوله عشق هايم وشفقان اثرالمنايا له سبور وعواسيس=تشفق على الطيب وعشقه بليهان ما دوجت عند الحثال الدنافيس=شبحه على الطيب شغوفٍ وولهان ياغازي ابن شريم ريف المتاعيس=ينعاك ركب المرجله بكل ميدان وينعاك صدق ٍ مايعرف التماليس=وينعاك مجلس طيب وجلسه وشيبان وينعاك مبدى واضح ٍ دون تدليس=وينعاك بيتٍ ماعرف صك بيبان وينعنك ادلالك وليل التوانيس=ورجل ٍ على مسامرك شفق ٍ وضرمان نطيت انا عقبك رجوم الهواجيس=جلست في راسه مع الحزن سهران عانقت في راسه سواد القراطيس=ودوهت لذواد الهواجس والاحزان في غصة ً بالنفس مثل الدبابيس=لا تبلعه ولا ترده وبلشان وأعود لله وذكره والعن أبليس=واتوب واومن بن هلعمرنقصان واسأل عظيم ٍ عالم ٍ بالاحسيس=يجعل خواتيمك بجنه وغفران مرحوم ياشيخ الفخر والنواميس=يابو علي ياشيخ طلقين الأيمان لايابعد غيبة رجال ٍ برابيس=ناس ٍ عليها الطيب ماهوب عطشان رجال ٍ من الدنيا تنحو مفاليس=ادناهم ألي بالمواجيب مابان عسا على قبرك تهب النسانيس=من جنة الفردوس روح ٍ وريحان وعسا جنان الخلد لك به مجاليس=وطلح ٍ نضيد وحور بجوار رحمان وصلاة ربي ماتشب الفوانيس=على النبي ألي معزز بقران

شعر..نايف حزل العنيزان

	ضيوف ليل الوتر

	يا ضيوف ليل الوتر لا صد غاوي=سمر الجباه اللي با الأسحار باكين رطبين الألسن با الذكر والدعاوي=اهل التهجد لا غدا اليل ليلين حمالت المصحف وكتب الفتاوي=بيض الوجيه مروضين الشياطين اهل الحا والوجه بدر ٍ سماوي=اهل الشرف حماية العرض والدين يا ما حلا هندامكم ام تساوي=بخير البريه والصحابه متقدين يا بعدها عنكم دروب الهقاوي=لو لاذ معكم با النويا خبيثين لو التحا معكم خبيثٍ وناوي=تشويه سمعتكم حشاكم نزيهين لو شككو فيكم دعاة البلاوي= والموبقات السبع عنهم بعيدين لو سولفو عنكم بزيف الحكاوي=انتم شعاع النور وأصل البراهين انتم بصيرة من عن الدرب غاوي=منهل هدى للي عطاشا وضامين فوادكم منمنهل الدين راوي=تنضح سرايركم با لايمان راضين كم احتويتو من مقفي نحاوي=في لهفت المشفق وعطف المحبين أمشو على من هاجكم والخطاوي=نهج احمد وصحبه ونهج الشريفين

شعر,,نايف حزل العنيزان

	عندما تخط الاقلام فأنها تقف عاجزه امام صفاة هذا الرجل العظيم والنجم الثاني من نجوم الاسلام عمر ابن الخطاب عمر الفاروق رضي الله عنه

	(الفاروق) ياثاني نجوم الخلافه والاسلام=ياكوكب ٍ بين الكواكب تعلا ياقامة ً في جنبها القاده اقزام=لاقاسو اسم العدل فيك وتجلا ياشامخ ٍ بصفاتك تجف الاقلام=بل الصفات بذكر وصفك تحلا عمر؟ عمر؟ فل تخرس أفاه الازلام=اسم ٍ على صدرالشموخ يتعلا فاروقها يوم انها رمح وحسام=بسطوتك كسرأ عن عروشه تخلا زيزومها لاقالوا الشرك قدام=قدت الجيوش بسربة ماتملا وخضت الفتوح بقادة اجيوش ٍ اعضام=بيارق التوحيد معهم تفلا ياعادل ٍ في عهدك العدل منضام=هيهات يبخس حق مسلم وكلا عين تراعي خدمة الناس متنام=وعين تراقب ربها ماتكلا زهدت في دنيا المغره والاوهام=في عكس من يلهث وراها وضلا ياخاشع ٍ لله وساجد وصوام=واخيرمن لله تعبد وصلا ،،بعد النبي،، وبوبكر خير الانام=في امه الي بسمه الشرك ولا ياشمعة الاسلام،، بل انت الاسلام ،،=بسمك وامثالك يقف ويتجلا لك الرضاء ياسيدي تاج ووسام=من الخالق الي له عباده تذلا

نايف حزل العنيزان

	السلام عليكم ورحمة الله اليكم ماكتبته في مضض.. حسبناالله ونعم الكيل (نداء القدس)

	في زمان الضماء والمهمهيه=نرجي النور من ليل العتم في زمن ضعف وعزومن رديه=صرخةٍ مالقت له معتصم ينادي القدس وين اهل الحميه=ويصرخ اطفال وين اهل الشيم وين الاسلام وين اليعربيه=وين هالعالم وين اهل الذمم وينكم ياهل النفس الابيه=من صلاح الدين واصحاب الهمم وين مليارعن اشرف قضيه=طالت وطولت وين الحسم قصة القدس صارت سرمديه=مانفع شجب وأحراق العلم وين من ينطق الكلمه الجريه=يوم صهيون عربد وقتحم اولى قبلاتنا ومعرج نبيه=صار لعبه بيدين الرمم جيش صهيون في يده الدنيه=دنس القدس وين اهل القيم يقصف بطايرات ومروحيه=يقصف الشعب الاعزل ويهدم يزهق ارواح ونفوس ٍ بريه=يوجع الكبد ويجيب الألم نسوه وكهل واطفال الضحيه=وينها وينها هيئة أمم الى متى ذل وضلم وعنجهيه=واحقر الخلق هو اللي ضلم الى متى العرب في نومه هنيه=تغرق بنوم وسبات ووهم الى متى احلامنا هالنرجسيه=الى متى فبوش راجين العشم لعنبو هاالسياسات الغبيه=لامتى ودمناء تحت القدم تذبل بكفنا غصون ٍ نديه=نرتجي ري بوش المحترم منهو الجاني ومنهو الضحيه=ومنهو المعتدي ومنهو الخصم ومنهو اللي خذا خاطر خويه=لين الاقزام وصلو للهرم الكرامه تبي وقفه عصيه=قدم وجه العصي مهما عضم يكفي نصافح ايدين ٍ خزيه=لطخت في دماء اطفال الحرم نرتجي من شموس القيض فيه=نرتجي منهم عطف ورحم مابها النارللضميان ميّه=ضحكت السن يتبعها سهم يعاهدون ولهم الفين نيه=بنقضت العهد عرفو من قدم لعنو بكتاب خلاق البريه=الله اعلم وهو افضل حكم والعذر منك يا غزة السبيه=الهمم غير هذيك الهمم مالنا الأ ندن الهاشميه=عقب مانكسو روس القمم

شعر,نايف حزل العنيزان

	السلام عليكم ورحمة الله وبركاته رسالة الى الاخ حميدان التركي المعتقل من قبل القضاء الامريكي حتى هذه اللحظه بتهمه كاذبه نسأل الله ان يرده الى اهله وذويه سالم ٍ معافا ,,, (الظلم)

	كان للظلم فاه وللقضاء افترا=للعداله عظيم ماخسرمن رجاه ياحميدان كان الحكم ضدك جرا=فيه زيف الحقايق غلفه واحتواه كان قانون بوش المجرم الفاجرا=سِلطةٍ تستبيح الظلم بكل اتجاه كان فرعون هالامة ظلم وإجترا=في غروره وشيطانه اعان وأغواه فيه يوم يجي المظلوم به ينصرا=يجمع الله قدامه جميع الطغاه كل انسان بكتابه يجي يحضرا=ان يكن ثقل ذره محصيه مانساه فيه يقتص ربك والبشر تنظرا =كل مخلوق ينصف به وياخذ جزاه الله اعظم واجلّ واقدر واكبرا=مايكن شي في هالكون الا يراه الله اكبرعليهم والله الأقدرا=يفرج الكرب ربٍ عاليٍ في سماه مانقمو منك اللى انك لربك ترا=كل شي لوجهه هالك في رضاه ومن جعل خالقه نصب اعينه يبشرا=يبشر اللي وكّل امره لربه دعاه الله انه يفك اسرك ولك يجبرا=بالصبر واحتسابك واحد ٍ لاسواه ردك الله لعين تحتري تنطرا=مُر غيبتك ياحميدان كاسه سقاه طفلة من محاجر حزنها تنثرا=دمعها لجل قلب ٍ حاني ٍ مانساه وامك اللي بمحاجر عبرته تكسرا=دمعة اشواقها اللي مُر حزنك كساه والله ان العيون تشاهد وتبصرا=ياحميدان في وقت وهنها اعتراه ظلم في ظلم في ظلم نشوف ونرا=وكل شخص رضى واذعن ترى الله وراه قولوا آمين يعتق كل من يأسرا=خالق الكون رب واحد ٍ في علاه

شعر..نايف حزل العنيزان

	خادم الاحرمين حفظه الله ورعاه

السلام عليكم ورحمة الله اطرح بين ايديكم هذه القصيدة والتي ولدت بعد عقد قمة الكويت الإقتصاديه بعد إلقاء سيدي خادم الحرمين الملك عبدالله كلمته والتي تدل على شموخ هذا الحاكم وطيب مبادئه وسماحته كعادته وعدم الإلتفات لصغائر الأمور والحرص على جمع الأمة العربية خاصه والإسلامية عامه حفظك الله سيدي خادم الحرمين ورعاه

(خادم الحرمين)

	حاكمٍ لامن نطق تهتز قاعه=ولا غضب تغضب جموع المسلمين لانطق حكمته تسبق اندفاعه=غلفه بالصدق والعقل الرزين انصت العالم واصغى لستماعه=والعقل والفكراصغو سامعين حاكمٍ في منطقه صدق ووقاعه=خادم الإسلام واطهربقعتين كوكبٍ ماضاق رحبن بتساعه=صدر حاني يرتوي منه الحنين قايد بلادٍ لها في كل ساعه =تتجه ابصارناسٍ عابدين شامخٍ في عنفوانه وارتفاعه =مالتفت للبلبله والمرجفين يعربيٍ والشهامه من طباعه=قادها ومثله كفو للفرقدين سيدي في لفتتك لفتت شجاعه=والعفوطبع الكرام القادرين مرتضيت التفرقة بصف الجماعه=التأمت الصف بلفتت مصلحين المواقف له رجال وله صناعه=يصنع التاريخ طلقين اليمين سيدي فيك العدل طالت ذراعه=انت زيزومه ورغم الحاقدين كم بذلت بدون من وفي قناعه=بلسم جروح الضعوف البائسين سجل التاريخ لك اروع طباعه=في سجلات البذل والمحسنين سيدي والشمس مايحجب شعاعه=والمهاتر من سمات العاجزين ماعبينا بالهروج وبالخناعه=بالسياسه والمبادئ واضحين تكبر القالات لافلت شراعه=ويحتمي الموقف وحنا شامخين لك يابومتعب ترد العرب صاعه=لك يردالشوروالعلم اليقين

شعر,نايف حزل العنيزان

	يعودون من جديد لسب الرسول عليه السلام

السلام عليكم ورحمة الله بعد الاسائه الدنمركيه للرسول تعود من جديد قناة اسرائيليه فظائيه عاشره لسب النبي علنن بلا مبالي

	عليهم لعنة الله ما يهل من السماء همال=على شا ن الصدور الموجعة تبرا مواجعها وعسا بالدانهم ياسيدي للحرق والزلزل=وعسا نفس ٍ أسأت لك إله الكون يقطعها الاقزام الذي صارت تطاول يم راس الجال=ولأ به احد عن راس الهرم يجزع ويمنعها بعد ما قاسو الغيرة وهمتنا ووضع الحال=عادو يوم ماشافو احد ياجزع ويردعها اسأو لرمز امتنا نبين لطهارة شال=نفس ٍ اصطفاه الله وكرمها ورافعها تجرو ليش؟! مدري بأامة احمد مارؤ رجال=أساتهم لخير الناس كل انسان يسمعها من الحاكم ألى المحكوم عجزمن يشرب الفنجال=عجزنا مالنا حيله سوى أنا نقول قا طعها ركاب الضعف وألذله لقت بنفوسنا مدهال=على هامش ضعا فتنا تفلي في مرا بعها ابو القاسم ابو القاسم فدتك النفس والأموال=يا خير اللي بعث من خالق الكون ابشرايعها ابو القاسم بنا منك خجل والله ما ينقال=من الفعل وردود الفعل وماخطت صنا يعها ابو القاسم لنا بك هيبتٍ يوم السيوف اثقال=يوم ٍ كانو اصحابك على القمه تربعها ابو القاسم عقب عز ٍ لنا يمشي فخر يختال=ابو القاسم غدينا اليوم ترعبنا وقايعها رسول الله يا خير الملا لا نامت الأرذال=ولا نامت أمم تروى أهانتك وتجرعها رسول الله كيف العذر منك بلحظة الاهوال=بيوم ٍ لإمتك تشفع وعند الله تشفعها رسول الله هل هذا جزاك يسئ لك انذال=ومليار أمتك صامت لهم أرخى مسامعها ألا يا ساسة المليار طال الوضع طال وطال=وحنا نخنع لناس ٍ يشتتنا تجمعها ماذا بعد احمد كان فينا لنبي منزال=بوضع ٍ منه يغضب خالق الدنيا ومبدعها لون شموخك الطاهر محال ٍ سيدي ينطال=ولا كن كلمةٍ ضدك تغيض النفس توجعها وصلاة الله يا خير الملا ما فاح ورد ومال=صلاة الله ما فاحة بعطر أسمك جوامعها وسلام الله يالي في سناء نورك ضلامة زال=سلام الله ما تحرك أمم باسمك أصابعها

شعر,نايف حزل العنيزان