آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 22-03-2009   #21


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي (ايران وما ادراك ماايران)






(ايران وما ادراك ماايران)



الكيان الايراني والثوره الخمينيه لها ابعادها السياسيه واطماعها التواسعيه مع العبه السياسيه الأربيه القذره دعتني الى كتابة هذه القصيده,,


من صنع ايران لولأ الغرب قلي=من دعم ثورت خمينيها ومده
الخلاف المصطنع خله يولي=ولعبة الحبل ارخلي مره واشده
واضح المضمون واضح ومتجلي=لو تقول ايران بأن الغرب ضده
دولة بالغرب دايم تستضلي=من زمن والفرس فيهم مستمده
ماهو سجال وسياسات وتسلي=ودها مفهوم ان ساعده وده
مومسه والمومسه لوهي تصلي=لاتثق في دينها ترفيه رده
نجمة بزوغها اللي بان؟!واللي=يهدد استقرار هاالامن ويهده
تشعل الفتنه وتبدا باالتخلي=والقلاقل والفتن من صنع يده
كان سيف الحق ضده مايسلي=والله الأ تطغي وتجتاز حده
كان ماردعت وعن غيه تذلي=والله انه شر قادم صعب رده
كان طال الجار في نومه مفلي=وماصحا به يومٍ يعيف المخده
والعرب انما وقفو وقوف كلي=بتصدي ضدهم ينباح سده
السكوت يغث ون طول يذلي=ولكلا م اللي تضايق منه بده


نايف حزل العنيزان


 
 توقيع : نايف بن حزل العنيزان



قديم 07-05-2009   #22


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي حوار مع الزمن



أسئله





الا والبارحه خاوى السهرجفن وهدب وعيون=وشفت العين تتجاهل دروب النوم ونعاسه
وشفت الهم خاوى الياس صار بصحبته مرهون=على رغم التنافر شفت انا همه صحب ياسه
وشفت اللى بشلفى الوقت ورماح الزمن مطعون=تعب يلملم جروح ٍ تبعثر فوق قرطاسه
تعب ينطرشروق الشمس وصبح ٍ ماتهيا يكون=على جال السماء يبصر بليل ٍ يخلع لباسه
وانا اللي في سوال الوقت عن ماضيٍ قضا مفتون=عن اللى يكمن بصدره وعن اللى وسط هوجاسه
عن افكاره وتفكيره وعن اللي بداخله مكنون=وعن اليمه ووجهاته وعن الباقي وحساسه
وعن ذاك الذي من اول وصار اليوم يرجي العون=وعن اللي امس وصار اليوم يتفاخر حيل بلباسه
وعن رجال ٍلهم صولات مداهيل ٍ قبل وركون=عليهم يزبن المقهور ومن ضيم وضعف باسه
وعن حر ٍ رما سبوقه وعاف الرجم وحب الهون=وعن خربن تمخض ونتهض عن وكر قرناسه
وعن ذاك الذي جيته حزين ٍ ساكتٍ مغبون=وعن اللي قبل كان اطرم وتكلم وكبر مقياسه
وعن اللي ماعرف ينطق وغدا شاعريجر الحون=وعن اللي مايعرف الرسم وله ريشه وكراسه
وعن اللي يدعي بالعرف وهو جاهل وما من لون=دروب الجهل بقدامه وطاها وطبه وداسه
وعن ذاك الضباب اللي يتهزى في حقوق مزون=وعن ذاك الرماد اللي هزا بالنار ومقباسه
وعن ذاك الجراد اللي كلا خضر الشجر وغصون=وعن ذاك الذي ينجح بلا تقدير ودراسه
وعن ذاك الحصان اللي بلا رغبه غدا مرسون=وعن راع الكديش اللي يشوم اليوم لفراسه
وعن ذاك الشباب اللي اخبره فارع ٍ مزيون=وعن العود الذي جيته يتشهد يلفض انفاسه
وعن قصر ٍ قبل شامخ بقلاعه يفتخر وحصون=وعن الجاه وعن الهيبه وعن رجاله وجلاسه
وعن كنوزه وما يحوي وعن خزنته والمضمون=وعن بابه وشباكه وعن قفله وترباسه
وعن ذاك الكرم والجود وعن حيل ٍ بوسط صحون=وعن حصن ٍ قبل تصهل وعن الفريس والساسه
وعن الخيل ومرابطها وسيفٍ صارم ٍ مسنون=وعن الدرع وعن الجوخه وعن جيوشه وحراسه
وعن العود وعن الهيل وعن رجال ٍ قبل يلفون=وعن النار ومواقدها ومداهيله ووناسه
وعن المرجان والياقوت وعن در ٍ قبل مكنون=وعن اللي بدل الجوهر يحسبه كسب بنحاسه
انا اللي احترت في قلوب البشر وبعالم ٍ مجنون=قلب وضع الزمن خلاه منكوس ٍعلى راسه
صدور ٍ بالحقد فاضة وقلبٍ بالحسد مشحون=عسا ربي يجنبنا شياطينه ووسواسه
وقتٍ صارمتذبذب على خذل الرجال يمون=هل الخيل وهل السيف وهل الدرع وهل الطاسه
الا ياوقت جاوبني وانا شاكر ولك ممنون=من اللي كسب في سوقك ومن اللي اعلن افلاسه
قال ان الذهب بدل كسد سوقه غدا ممهون=وغلي في سوقي الفضه ورخص في سوقي الماسه
رخص في سوقي الياقوت ودر ولولو ٍ مصيون=عزيز القوم صار اليوم حول الباب مجلاسه
غدا فيه الذنب راس وطا الراس به ومتون=امور ٍ صعب تفهمها غدت بالحيل محتاسه
قفا ونتحا عني وقال الصبح صح النون=وتبخر هاجسي عني وصافح صبحها لعاسه
قلت اشكرك ما لومك الوم العالم المجنون=الوم اللي تنكر في طباعن لهله وناسه
وانا مؤمن بأن الكون يدار بأمر رب الكون=ولكن شاعر ٍ حاول يجسد واقع احساسه







شعر.نايف حزل العنيزان


 
 توقيع : نايف بن حزل العنيزان



قديم 11-06-2009   #23


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي رسالة من أنثى؟؟؟!!!!!



كتبت هذه القصيده بعد رسالة من انثى وصلتني على الايميل وطلبت مني تصوير معاناتها بحس شاعر..

رسالة أنثى




كان للأنثى مشارية وعتب=وكان للابأ خفاق وحنان
ودي اعتب أن سمح لي في أدب=يرسم الأهات تصوير اللسان
قصة أنثى بين حرمان ولهب=قبل تطويها مسافات الزمان
شوقي اللي من الأماني ماشرب=يارد النهر ويعود حيث كان
حلمي اللي يؤد بليا سبب=يلفض أنفاسه قبل شمسه تبان
ذنبه انه مطلبه في ما يجب=شرع ربه لجل عفتها تصان
حقي اللي من اقرب الخلق اغتصب=بين ابوي وبين أخويه مستهان
كل ماجا فارس أحلامي ذهب=والله انه يايبه أقسى امتحان
والدي حلمي يحاصره التعب=والعنوسه تحاصر أرجا المكان
والسهر خاوى عيوني واصطحب=وحدتي يالله عليك المستعان
والدي حرمتني وش السبب=الزواج أحصان للأنثى وأمان
كان هي مقايضة مال وحسب=ويش ذنبي كان فيني العطف خان
هذا حقي مثل ما حقك كـا أب=أحفض اسمك بالكرامة لك يصان
مثل مالك حق بر ٍ يحتسب=في سجلات الأبوة والحنان
بنتك اللي حافظه اسم ونسب=لشرف فيني شموخ العنفوان
والله أني بالشرف فوق الشهب=شامخة في كبريائي عن الطمان
يايبة لي مطلبٍ ماهو صعب=مهرتك يابوي تبحث عن حصان
زوج يحكي لي همومه لأكتئب=واشتكي له لا قسى وقتي وشان
منيتي في طفل مني يقترب=احضنه ويكون مستقبل أمان
بسالك بااللي رفع سبع ونصب=أسالك بااللي عليم بكل شان
لا تخلي حلمي بريح المهب=والدي ماهو جزاي الامتهان
والدي اقبل عتابي بلا غضب=الجناية بلا ادله ما تدان
واقبل شعوري وتقديري بأدب=وحترامي لك قبل لفض اللسان

شعر.. نايف حزل العنيزان


 
 توقيع : نايف بن حزل العنيزان



قديم 18-07-2009   #24


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي رغبة النساء؟!وضعف الرجال





رغبة النساء؟!وضعف الرجال


قصيده اكتبها مع الأسف في هذا الزمان الذي نرى فيه الكثير من ضعف بعض الرجال امام رغبات النساء ولااقصد في ذالك امورهاً الخاصه فلاضير في ذالك..
ولا اعم جميع الرجال وكذالك يوجد من النساء من هي تنأ بنفسها عن ذالك وتحترم الرجل. ولاشك ان النساء شقائق الرجال وهي الام والأخت والبنت والزوجه.ولاكن من منطلق قول الرسول صلاة الله وسلامه عليه.(هلك الرجال ان اطاعو النساء)


النساء


شفت لي ناس ٍ ورى رغبت حريمه=وش تبين اتدللي وش رغبتك
أمريني وش بغيتي ياعظيمه=انا تحت أمرك ورهن اشارتك
ولا زعلت كنك مسوي له جريمه=مايبي قربك ويكره شوفتك
ولاكرهت يكره وينظرلك خصيمه=ولارضت يرضا ويشري صحبتك
وابسط الامثال لوعنده عزيمه=قال من اعزم من اللي يشرفك
وان بغى يبني علاقات ويقيمه=قال من امشي معه من يعجبك
ماتلقى بيده الا وبل غيمه=وبمعاييره يقوس محبتك
يالله آنا في رجاك من الهزيمه=وانكسار الذات ياالله رحمتك
ياضعيف النفس نظراتك عقيمه=يابهيمه لا تبيع رجولتك
قصةٍ فيها العوج مبطي قديمه=ضلع ٍ اعوج كيف يحدد خطوتك
مانقول انك تجافيها اوتضيمه=بس لا تجعل هواها سكتك
ومانقول اشطب لها أيات قيمه=بس لا تضيع بضعفك قيمتك
ولا تصير بضعف ذاتك له وليمه=والله الا تاكلك وتشوتك
الرجال تقاس باالحشمه وشيمه=ما تقاس بنظرته؟!!أونظرتك
النبي اوصالها بعيشه كريمه=والهلاك ان طعتها في دبرتك
باالرجوله لا تفرط والحشيمه=تصغر بعين المراجل عزتك
لا تبيع المرجله لعيون ريمه=لا تسلمها بيدينك لحيتك
ما اقول انه نواياها لأيمه=بس في شوره تدهور حا لتك
دون ذكر اشخاص والنيه سليمه=مابقى الا يقول البس غطوتك

شعر.. نايف حزل العنيزان


 
 توقيع : نايف بن حزل العنيزان



قديم 28-09-2009   #25


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي غصوان الراك




غصن الراك



لك الله مايقوا خفوقي على سلواك=مع انك علي تقسى وانا مقدر اتحمل
انا أضما لشوفك وارتويك وارد اظماك = نهر دجلتك وفرات لاماك مايمل
شربتك على لهفه وشق المحاني ماك =رغم العذوبة في مناهلك منك ازمل
عليك الله اكبر ياحلو جل من سواك= رعاك الذي سواك كل شي بك يكمل
من أخمس اقدامك الين اشقرٍ غطاك= ومن عرضك لطولك ولا خص بك أجمل
فديت العيون النجل رف بالذي اغلاك = ولا تحمل الخفاق فوق الذي يحمل
ابتبع خطا دربك ونور الامل لقياك= ولا اسأل عن اتعابي ولا قول ويش اعمل
ولاكن امانه لايطول انتضاري هناك= على جمر اشواقي ترى القلب مايصمل
دروب الهوا تنهك ولاكن لجل لاماك =ابتبع خطا عشقك لجل عينك اتحمل
سريتك وانا طامع بنور وشفق قمراك =وخانت بي أخطى هقوةٍٍ فيك كنت أئمل
ابصبر على الله ياحلو والعزى ذكراك =عسا ابقا على بالك ابصبر ولا تهمل
مع اني ولا اذكر قلت لي يوم دوك وهاك=تعبت اترجا يلين خافقك واتئمل
بروقك تلوح وارتجى منك قطرة ماك= الذا اجنبت لبروقك تنحى عني تشمل
حنايا خفوق القلب تبكي على ليلاك= رغم جرحها اللي من شباريك مايدمل
ومل الغرام ونوح ورقه وغصن الراك=وهو يسقي الهفه ولا زال بك ياأمل


شعر. نايف حزل العنيزن


 
 توقيع : نايف بن حزل العنيزان



قديم 03-11-2009   #26


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي اهل الشيم



الى جميع الخيرين اهل الشيم الاجواد في هذا الزمان
واتمنى ان يمتعهم الله بالصحه والعافيه


(أهل الشيم )


دام هاالدنيا بها غرسات طيب=وارضها تنبت شهامات ووفاء
ودام شمس ٍ تشرق وشمس ٍ تغيب=لا زمٍ تشع بوجيه اشرفاء
رجال تدرى سمعته عن كل عيب=ولسمهم يدرون عن قولت افاء
رجال هقواتك بهم دايم تصيب=وجيه طيبٍ معرفو وجه الجفاء
رجال تمشي الطيب لودربه صعيب=معدنه صافي ومنهلهم صفاء
كل هم ٍ في مجالسهم يغيب=وكل انسٍ في مجالسهم لفاء
وكل خير ٍ تاجده منهم قريب=اجواد مابوجيههم صد وجفاء
لويضيق الكون له صدر ٍ رحيب=ولوتكدر جو له جو ٍ صفاء
فوق بيد الطيب له ركبٍ يليب=من دروب المرجله صابه حفاء
الردى ماله بمدهلهم نصيب=واضحين ٍ معرفو هرجت قفاء
الردى من سيفهم ينزف صويب=للمراجل والفخر بلسم شفاء
الردى من طيب موقفهم يشيب=للمروه والشيم دوم حلفاء
مزبن النخوات باليوم العصيب=فعلهم شرع على النخوة ضفاء
يا عضيم الملك ياربٍ مجيب=مد بعمار الرجال اهل الوفاء


شعر.. نايف حزل العنيزان


 
 توقيع : نايف بن حزل العنيزان



قديم 12-11-2009   #27


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي الوفاء للوطن



(ياوطن)






لااله الاالله الرب العظيم ... الا اله الاالله البر الرحيم
لااله الله الواحد
لااله الله الماجد
الااله الا الله الخافض
لااله الا الله الرافع


كلنا لك يا بلدنا جنود ... كلنا لك يابلدنا جنود
ما نساوم فيك شبر حدود ... ما نساوم فيك شبر حدود
ــــــــــــــــــــــ
يا وطن

يا وطن تحملك ارواح الرجال ... تحتضنك بحب وتشيلك وفاء
يا وطن
يا وطن لك الوفاء في كل حال... ابتهج مايلحقك صد وجفاء
ـــــــــــــــــــــ
ابشري يا دارنا
ابشري
وارقي سنود
وانعمي يا ارض الحرم
انعمي
برد وسلام
ــــــــــــــــــ
وارقدي في ضل حكام ٍ اسود... تحت ضل اللي عيونه ما تنام
ـــــــــــــــــــــــ

يا وطن تبقى لنا حضن ٍ حنون
يضمك صدر وتحضنك محاجر
يا وطن تبقى لنا نور العيون
عليك ااااالله وأمانه لك نخاطــر
يا وطن لا تبتئس مهما يكون
عليك اااالله مـن ينويــك خاسر
ـــــــــــــــــــــــــ
نعم .. نعم حنا أهل
واللي يخون بوسطنا ماله محل
نعم..نعم نبقى صفوفٍ واحدة
يا اهل القلوب الحاقدة
ضد العدو والشرذمة أصفوفنا متماسكه
ـــــــــــــــــــــ
لبيه.. لبيه
لبيه
يا دار الوفاء
يا ارض النبي المصطفى
بالموت دونك لا لفاء

ضد الغزاة الطامعين
الحاسدين المعتدين
يوم طعنو صدر امهم
وخانو ترابٍ ضمهم
جو يهرعون لجارهم
بأوامر من اشرارهم
ــــــــــــــــــــ
محاربين باالولايه
بدون مبدأ ودون غايه
وبانت فصول الروايه
وانكشف سر الجنايه
ــــــــــــــــ
انتم فلول من الظلام
وما يتفق حق وظلال
ــــــــــــــــــ
وياشهيد الواجب انعم بالشهاده
الهديه جنه وطلح ٍ نضيد
جاوراحمد في سعاده
وابشر بخير وزياده
عند ربك ياشهيد
عند ربك ياشهيد
ــــــــــــــــ
سيدي نبقى على العهد القديم
جيشك اللي ما تزعزعه المحن
نستعين بخالق الكون العضيم
رابطين الجاش لا خوف ووهن
ــــــــــــــــ
تحت راية سيدي سمع ٍ وطاعه
تحت راية سيدي سمع ٍ وطاعه
تحت راية سيدي سمع ٍ وطاعه





شعر..نايف حزل العنيزان


 
 توقيع : نايف بن حزل العنيزان



قديم 17-02-2010   #28


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي ناعس الطرف




ناعس الطرف..




ناعس الطرف في طرفك غرام=ودي اصفه من وين ابتدي
يلزم الصمت شعري عن الكلام=ويعتذر كل حرفٍ ابجدي
لأنك انت الحلاء ومهد الغرام=والحسن خادم وانت السيدي
والقصايد على وصفك حيام=والمشاعر غلاء جتك تعدي
مايس القد يامحلا القوام=صارم العشق يانجم ارجدي
ياهلا الفين والفينٍ سلام=فيك ياقصة غرامٍ تبتدي
يوم جيتن وبعيونك هيام=تحضنه في رموشك وتهدي
ياهلابك عدد قطر الغمام=ياهلا بفرحة زماني ومقصدي
انتي عشقي على مر الدوام=ونتي النبض في وسط جسدي
وانتي المبتدى ومسك الختام=وانتي العمر ونتي مولدي
سيد الحسن في طرفك غرام=ودي اصفه وشلون ابتدي



شعر.نايف حزل العنيزان


 
 توقيع : نايف بن حزل العنيزان



قديم 05-06-2010   #29


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي الغيرة !!؟؟




الغيرة ..

ان تنحيت قال الناس عنك ردي=وان برزت بحياتك حاربوك البشر
عالم بفهمهم صارالحليم يغدي=نسأل الله يكملنا بحلم وصبر
صار مابالرجال صدور يامسندي=ينخر السوس فيها وضاق فيها النحر
احسب الغيره بطبع النساء توجدي=اثرها بالرجال اليوم ادها وأمر
ابشري بنت حواء ابشري واسعدي=بغيرتك شاركوك وصار ماهو حكر
خلهم جرهد البيداء طويل ومدي=لو بغو ماثنو عن الشامخات الصقر
ماعلي دام وسط الصدر ذيب يعدي=خالق الكون هووحده يسر ويضر
والله اني مني شاقي بهم يبعدي=ولاحملهم شقا اوهم ربع الصدر
بالسماء سهيل ماضيقه نجم الجدي=شامخ ومايضيق أللى صدر من صغر
الرجوله تبي صدر ٍبساط احمدي=والصغير ضعيف الذات صدره حشر
دايم الحر صدره واسع وجرهدي=ويجتمع بالضعيف الزوم واصل الكبر
امش شامخ ولأ غير الولي يعبدي=واحذر الدلبحه تقطع نخاع وظهر
لق وجهك لقيوم السماء الاوحدي=وزين النيه وترها مئونة سفر

نايف حزل العنيزان


 
 توقيع : نايف بن حزل العنيزان



قديم 22-09-2010   #30


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي روح القدس جبريل عليه السلام




السلام عليكم

انه ليشرفني و اتمنى ان اكون من السابقين في كتابة
هذا النص في الروح الأميـن روح القدس
[ جبــريــل عليـه الســـلآم ]
رسول الرسل والمتنزل بالوحي على سيدنا محمد عليه الصلاة والسلام
وأرجو ان يكتب لنا و لمن قرأها و رد عليها الأجر والثــواب .
((روح القدس ))

روح القدس جبريل عليه السلام ..


سبوح قدوس انفرد في كماله = بسمك يارب الكون اببدى بالاقوال
يامن تفرد واعتلأ في جلاله = يامن بالأ عفوك هبا كل الاعمال
استاذنك يامعتلي في مقاله = ارجي بها عفوك بلحضات الأهوال
سلام ماتشرق شموس وزواله = وماتنتحي بامر الله وضلها زال
سلام ماساقت مزون (ن) خياله = واخضر هشيم العود بمرالله وطال
سلام ياجبريل في كل حاله = من الله يروح القدس ثم عبده الذال
عليك ياللي كاملاتن خصاله = بعدالله اللي له مخاليقه اذلال
روح القدس وأمين وحي الجلاله = رسول رسل الله في كل الحوال
يامن بوحي الله نزل والرساله = على نبي الله تنزل بالأنفال
يامن الى منه غضب ذلجلاله = ترسل بأمره ثم تبطش ولا تبال
بقدرة عزيز(ن) مقتدر لأمحاله = عليه لامنه بغأ معجزة حال
أمر العزيز اللي محال (ن) مناله = المبدي اللي يوجد ويفني اجيال
والله والي له نوحد لحاله = اني أشهده في حب شامخ لك وعال
بعد الذي له نعترف في افضاله = بعدالله اللي ليس له ند وامثال
ومهما كتبت من القصيد وغداله = لجلك ياروح القدس بالصدر تجوال
يقصر عنك حرف الشعر والجزاله = ويبقى معك ذره مقاسه بالأحمال
ولالي بحرفن بك كتبته جماله = لنك عنه اغنا واسما بلا جدال
بعدالله المعبود رب العداله = اللي تخضعله كل خلقه بأجلال
وسلام ياجبريل في كل حاله = من الله يروح القدس ما هل همال
وصلاة رب الكون مرسي جباله = علي نبين باالأفق شافك وخال


نايف ابن عنيزان


 
 توقيع : نايف بن حزل العنيزان



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:29


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام