آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 09-04-2013   #181


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي ياعين لاتبكين محبوب رماني بالرحيل



ياعين لاتبكين محبوب رماني بالرحيل .. ..

يـاعـين لاتـبـكـيـن محـبـوبٍ رمانـي بالرحيل=دام الـمفـارق هو نـصـيـبي فـي حـيـــاتـي كلها
مالي بغرس اهل السعاده لا مبيت ولا مقيل=ولو راح قلبي صـوب بـيـبـان الـفـرح ما دلها
ياويل حالي يوم شفت الردف غطاه الجديل=وعـطـرٍ يفـوح من الجـدايـل كان ساح وفلها
وعينٍ سكنها بين خد الورد والرمش الكحيل=رمشٍ سـطـى بـعـروق روحي في هواه وسلـها
وامسيت مثل اللي ولدها غايبٍ وقتٍ طويل=تسهر عـقـب عـيـنـه تحـت نـار الغـبون وذلها
تاقف بدرب اهل الضـعاين ثم تومي بالشليل=من حين يـظهر ظـل شمـسه لين يرحل ظلها
ترجي بشيرٍ جاب عـلـمٍ يشـفـي القلب العليل=لاشـك ماجـاهـا الـبـشـيـر الـلــي يـعـالج غـلها
والا الخلوجٍ اللي يروح اللـيـل تـرزم بالـعويل=شافـت ولـدهـا وسـط ذودٍ مـع عـقـيـدٍ شلـها
قامت تراعي لين غـاب الذود واخـفاه المسيل=وبالـقـيــد لو تـرزم قـبــال الـنــاس مـحـد حـلها
حـالـه مـثـل حـالـي وعـيـنـه مثل عيني بالهميل=مـلــت مـنـــامـه والـمـنــام بـوســط لـيــلــه ملـها
لو نام جفن العين شفت الجـفن سـوا بي جميل=لاشـك مـاتـركـــد ظـلــوعٍ هـجــــر خــــلـه تلـها
القلب عـيــا يرتـضـي بـرمـوش مـحـبـوبـه بديـل=ولا كل مـن يـفـزع لـكـبـــدي بالـمــظـامي بـلـها
دام الـضـمـاير مع هواء المحبوب لاذعذع تـميل=صـعـبٍ تـقـاوم مـن غـزى روح الشقى واحتلها
ياعـيـن قـولـي للـمـهـا سـهـري على حـبك دليل=والا انـت ياقـلـب الـعـنى رح للـعـنـود وقل لها


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 22-04-2013   #182


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي حالف باللي رفع مقدار حايل



حالف باللي رفع مقدار حايل..

ضاع معيار الندى بين القبايل=واستوى راس الخلايق مع متونه
والكديش اليوم من ضمن الاصايل=وراعي المعروف يجزى بالمهونه
ومن يريد المجد جانا الظهر صايل=في تواريخ غدت تسجع لحونه
في غواني هيه ياخضر الفنايل=ظنوا التاريخ لوح يصبغونه
وحضرة الدكتور لو ممشاه مايل=راح يطبع والعرب مايمنعونه
وحالف باللي رفع مقدار حايل=وحط نسل الهون بالمقدار دونه
وزادها بين العرب مجد وفضايل=لين نالت رتبة ما ياصلونه
ما ينوش امجادنا راع الغوايل=في هجين الكتب واللي ينشرونه
قبلهم قوم وحواسيد وهبايل=وعالم مال الخلايق في بطونه
وحاربوا سيرة كريمين الشمايل=ورغم حرص القوم عجزوا يطمسونه
وجربوا بدروبهم كل الوسايل=وغادرت تحت الظمى تقرع شنونه
ماخبرت اللي طمس شمس القوايل=او مفاخر لابة مايلحقونه
ماكسبنا الطيب صوغات ونحايل=من شريف بالعرب يسحب ردونه
او دعايات على شاشة موبايل=لاجل شيخ بالهدايا يرتجونه
نالها اللي له عزوم وله نفايل=تنتهض من دون دعم ولا معونه
وشيمة شالت عواجيز وعوايل=وتطلق اللي بالقسى طالت سجونه
رغم كون احوالنا مامن صمايل=ولا ملكنا بالعرب نقوة خزونه
وصار من يسكن على جال الثمايل=والموارد بالظمى مايقربونه
وان نزل ماله مع العالم نزايل=وان رحل كل العرب مايفقدونه
صار له في نجد صولات وعمايل=والعرب من خوفهم تسهر عيونه
ياسلام الله عدد وبل المخايل=وما تلالا بالدجى بارق مزونه
للديار اللي لها قول وفعايل=وتكرم اقدار الرجاجيل وتصونه
في وقوت الحرب وعكوب الفتايل=جمرة حروب العدى مايكرهونه
من يحاول حربها كز الشلايل=وكل فرسان الجزيره يجمعونه
والقبيله مالها ربح ونوايل=ضد قوم خصمهم مايرحمونه
ورغم هذا حربنا كانت دوايل=ياربحنا الكون والا يربحونه
الصريف جموعها ماهي قلايل=وانهزم شيخ العرب يشكي طعونه
وسمنها بالكود والشدات سايل=لو يغيب الغيث ماغابت صحونه
جارهم بجوارهم يلقى الجمايل=وان وقع في زلته مايفضحونه
بالعرب مايرتجي عنهم بدايل=خايف جيرة هتول يشتكونه
ومن ينادي وين وافين الخصايل=في جبال الطيب ماخابت ظنونه
قبل حاتم طي وعصور الاوايل=وقبل تطلع في جبل سلمى سنونه
وانشد الوافين في كل القبايل=والخيار من العرب مايجحدونه
وعندك العتبان والا نسل وايل=وراضي بالكلمة اللي يذكرونه
عادة اهل الطيب ورفاع الحمايل=لو حكوا عن خصمهم مايظلمونه
او شواعير العرب واهل المثايل=كان قلبان الرذيله يفهمونه
والمفاخر له براهين ودلايل=وسكة كل العرب مايجهلونه
والسوالف عند زينات الجدايل=شغلة اللي بالرخى ثارت شجونه
أثر نيران الجبل تشعل شعايل=بالقلوب اللي غدت تطحن غبونه
من سباع بالجبل تاطى الجلايل=والثقايل لا بدت مايرهبونه
له تواريخ جديدات وسمايل=والعفون من العرب مايرغبونه


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 24-04-2013   #183


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي كتاب (ابطال من الصحراء) ماله وماعليه



كتاب ابطال من الصحراء
ماله وما عليه

إن الجوار في منازل قبيلتي عنزه وشمر يولد بينهما شيئاً من الندية والمنافسة في اغلب الفترات التاريخية السالفة كما هي الحال في جميع القبائل المتجاورة
في جميع انحاء الجزيرة العربيه وغيرها من الاقطار وهذه الندية تولد حروباً ومصادمات في أغلب الفترات ولكنها على كثرتها لاتسبب شيئاً من
الحساسية بين افراد القبيلتين بسبب ظهور ملامحها ومعرفة أسبابها ونتائجها , الا أن هذه الحساسية والاختلافات والمناقشات تظهر جلياً
عند الخوض في فترة الاحداث التي كانت في عهد وجود عقاب وحجاب ابناء سعدون العواجي لسبب اساسي وعدة اسباب ثانوية .

الاسباب الثانوية:
===========

الاسباب الثانوية للاختلاف الذي حدث في هذه الفترة ويحدث في جميع القبائل بشكل عام هي:
(أ):- قلة من يحفظ جميع الأشعار النبطية لكلا الجانبين في تلك الفترة والتي تعتبر في الغالب هي الشاهد الوحيد لتلك الأحداث
ولذلك تجد أكثر الناس لايعرف عدد المعارك والمواجهات التي حدثت ولا يجزمون بتاريخ حدوثها ولا الأحداث التي صاحبت كل معركه والاشعار التي تخصها . علما ان المساجلات
الشهيره التي دارت في تلك الفتره ليست متساويه في العدد لكون الشعراء في تلك الفتره لايقولون الشعر الا بعد الانتصار في المعركه واما عند
الهزيمه فهو ينتظر ولايرد على قصيدة الخصم مالم تحقق قبيلته انتصارا يستحق الفخر ولذلك لايعتقد البعض ان القصائد يجب ان تكن متساويه في العدد .

(ب):- عدم تحقيق تلك القصائد والتي دخلها الكثير من العبث المتعمد أو العفوي مما جعل البعض يبني أحكاماً على ادله غير ثابته وغير مؤكده
او تم تغيير كلمه واحده فيها تقلب المعنى راساً على عقب وهي من أسباب الاختلافات أيضاً وأحياناً يقع التصحيف عند قراءة القصائد المكتوبة
فتقلب النون إلى تاء بزيادة نقطة او العكس فينقلب المعنى كذلك .

(ج):- ان لكل قبيلة من قبائل الجزيرة العربية من يعتبر رمزاً من رموزها ومثلا يضرب لكل اجيال هذه القبيلة فيدفعهم ذلك الى رواية ايجابياته فقط
وتضخيمها وإخفاء سلبياته والتقليل من أهميتها ومن شانها ويكون ذلك سبباً من أسباب عدم قبول أي رواية تفيد بهزيمته أو أن فارساً تغلب عليه أو
أنه ارتكب خطأ لايرتكبه شخص في مقامه .
فعلى سبيل المثل يوجد في قبيلة عنزه الفارس عقاب العواجي وفي قبيلة شمر عبدالله بن رشيد ولدى العجمان الشيخ راكان بن حثلين
وفي قحطان الشيخ محمد بن هادي وفي عتيبة الشيخ تركي بن حميد وهكذا في جميع القبائل تجد من استطاع بتاريخه المشرف ان يحصل
على حصانه دبلوماسيه لدى القبيلة تدفعهم لقبول كل ايجابي ورفض كل سلبي يتختص بهم دون النظر للدليل او حتى مناقشته.

(د):- أن الناس إعتمدوا على رواية كبار السن في المجالس واثناء الاجتماعات القبلية وهي للفخر والاعتزاز بمواقف رجال القبيلة وشجاعتهم وطيبهم
وهذه تعتمد على الانتقائية لما هو فخر للقبيلة وترك ماسواه لعدم مناسبته لتلك الاجتماعات ولذلك تجد ان الأحداث التي تعتبر سلبيه للقبيلة لايتم
ايرادها او ذكرها اطلاقا وهنا تزداد المشكله عندما يسمع الشخص معركة انهزمت فيها قبيلته فتجده يستنكرها بحجة عدم سماعه لها من رواة القبيلة
وعدم السماع لايعني النفي . فكل قبيلة تروي مفاخرها وتتجاهل ماعدى ذلك والراوي يتطرق لجانب واحد من الحادثه ويتجنب الاخريات ولذلك
يعتبر هو صادق امام الناس لكونه ذكر اشياء صحيحه ولكنه كما يقال في مجال الجرح والتعديل انه (تدليس) اي انه لم يكذب بالكلام ولكنه اخفى
امورا مهمه تتعلق في هذه الحادثه وتؤثر في الحكم عليها لدى المستمع. وانا اعتبر ذلك نوعا من الكذب ولايختلف عنه لان عمله هذا يجعل في ذهن
المستمع شيئا غير الشي الحقيقي وان صدق في لفظه وهذا هو بعينه.

السبب الاساسي:
===========
إن أول من تطرق لبعض أحداث تلك الفترة وأخبار الفارسين عقاب وحجاب العواجي وهو مؤلف كتاب (أبطال من الصحراء)
الامير محمد الاحمد السديري الشاعر الفحل والاديب الشهير في الجزيرة العربية خلال النصف الاخير من القرن المنصرم
والذي استعان ببعض الرواة الذين كانوا في رفقته الدائمة من القبيلتين ولاسيما الراوي والشاعر الشهير الاسمر الجويعان من عنزه الذي
استعان فيه خلال التنقيح الاخير لكتابه.
ولايزال هذا الكتاب هو المرجع الوحيد المطبوع والذي يعتمد عليه القراء في بحثهم عن احداث تلك الفترة ,

ولكونه الوحيد في الساحة الذي يتكلم عن أحداث تلك الفترة فقد اختلف الناس حوله. فهناك من يعتمد عليه ويثق بمحتواه
اعتماداً كلياً سواء في اثبات الحدث او نفيه بشكل كلي ودون استثناء. وهناك من كان العكس تماماً
والحقيقة انه كتاب يحتوي على فوائد غزيرة ولايخلوا من النقاط التي تحتاج الى نقاش مناسب لكي تتضح فيها الامور
التي هي اقرب الى الواقع في تلك الفتره.
وسوف احاول هنا الكلام عن هذا الكتاب ماله وماعليه وتوضيح بعض الاخطاء والمغالطات التي تفيد الطرفين وجميع من يهتم
بالمجال التاريخي القبلي في الجزيرة العربية .

(اولا):- كتاب روائي وليس تاريخي:
=======================
ان الكتاب التاريخي يعتمد على توضيح وتحديد السنة التي جرت فيها الحادثة وترتيب الاحداث التاريخية زمنياً حسب تاريخ
حدوثها لكي تتضح الصورة بشكل جيد للقارئ ولاتختلط الافكار وتختلط الاوراق لديه .
في حين جاء كتاب (ابطال من الصحراء ) بشكل روائي أكثر من كونه تاريخياً فهو لم يذكر تواريخ الاحداث ولم يرتبها ترتيباً زمنياً
بل ولم يتطرق لهذا الامر مما يعني ان المؤلف أراده روائياً يحفظ من خلاله الروايات والاشعار المحفوظة لدى الرواة الموجودين
في تلك الفترة قبل رحيلهم وضياع الكثير منها , وقد يكون المؤلف جعل مهمة البحث في تواريخ الاحداث لمن يأتي بعده من الباحثين
والمؤرخين .

(ثانيا):- الخطأ العفوي اوالمتعمد:
====================
مهما كانت ثقة الراوي والمؤرخ إلا أنه قد تفوت عليه بعض الأمور , وتزداد الاخطاء لمن يعتمد على راوٍ واحد او طرف واحد
وتقل الاخطاء لمن يعتمد على العديد من الرواة ويستمع من جميع الاطراف وحتى الاطراف المحايدة
فهذا يزيده إطلاعاً وثقةً في سلامة ماكتبه ويكون ذلك أقوى من الاعتماد على طرفٍ واحدٍ بلاشك.
ومن المؤكد ان الاخطاء شئ لابد منها لكل كاتبٍ كما هي حال البشر جميعا ولكنها اخطاء تكون متفرقة بحيث لاتتركز جميعها في مصلحة طرف
واحد على حساب الطرف الاخر وهذا مايسمى(الخطأ العفوي) واما إذا كثرت الملاحظات وكانت جميعها في مصلحة طرف واحد ضد طرف واحد
فبلاشك ان القارئ سوف يفهم من ذلك أحد أمرين هما:

*- ان المؤلف تعمد ذلك لمحاباة قبيلة على حساب اخرى.
*- ان المؤلف أخذ الرواية من طرف واحد فقط .

وهنا اقول يخطئ من زعم ان المعلومات والروايات التي وردت في كتاب (ابطال من الصحراء) قد حابت قبيلة عنزة على حساب قبيلة شمر وغيرها ,
والحقيقة انها حابت شيوخ العواجية فقط على حساب قبيلتي شمر وعنزة معاً .
فالاضواء كانت مسلطة في الكتاب على شجاعة وفروسية الشيخين عقاب وحجاب العواجي ولم يشيد او يمتدح شجاعة أحد من فرسان شمر
او فرسان عنزة على الاطلاق وجعل الصورة لدى القارئ تدل على عدم وجود فارس من الطرفين يقارب عقاب وحجاب في الفروسية ,
بل وتعمد التقليل من شأن البعض او عدم الكشف عن هوية من فعل فعلاً واضحاً للناس .
ومن الامثلة على ذلك:
==============
(أ): الفارس هذلول الشويهري السويدي
وقد صوره الكتاب بأنه مجرد حنشولي لا قيمة له .
والحقيقة انه كان من كبار فرسان وعقداء السويد وشمر بشكل عام .
وعندما عقد الامير عبدالله بن رشيد الهدنة مع العواجية عام 1253ه كان هذلول في مقدمة الرافضين لهذا الحلف ولم يرضى به
فواصل غاراته على اطراف عنزه لكسب الحلال بالرغم من معاهدتهم مع ابن رشيد ومعارضة بعض السويد له في ذلك
وانضم له بعض مناصريه في هذا الاتجاه . والذي جعل الفارس عقاب العواجي يعطي نذراً لقتل هذلول انه غزى بعد هذه المعاهدة مباشرة
ومعه عشرون شخصاً قد أغاروا على بعض القبائل الشماليه واثناء عودتهم كان لابد لهم من المرور على -كحله-
( موقع ماء على حدود شمر مع عنزه) لكونها اقرب مواقع المياه لهم لاسيما انهم في ظمأ بعد نفاد المياه التي بحوزتهم .
وعندما اشرفوا على كحله كان يقيم على الماء بعض رجال العواجية كان الوقت مع غروب الشمس وكان فرسان
العواجية يطبخون عشائهم وهذا دليل على عدم نية الرحيل هذه الليله بل سيبقون للغد وربما بعده أيضاً إلا أن جماعة
هذلول لايحتملون البحث عن مياه اخرى لعدم وجود مياه قريبه ولكونهم عطاشى وركائبهم عطشى . وعندها تشاوروا بالامر
وقرروا مهاجمة العواجيه على حين غفلة والمجازفه للوصول للظلع القريب من الموقع وهذا يضمن سلامتهم ,
وفعلا حدث ذلك وقتل في هذه الهجمة فهيد ومحمد العواجيه اعمام عقاب ورجاء البوهي من الجعافرة وقتل من جماعة هذلول عمر بن نوفل الهربيد
وعندما علم بالامر عقاب العواجي نذر نذراً على الا يذوق حليب نياقه الا إذا قتل هذلول الشويهري .
قال الشاعر حسين الذنيب:

دونك رجــا فــي ملعب الغانميـنــا=عقب الوجب تذرى عليه السوافـي
هـذا جـزا اللـي مـن شمـام يجينــــا=يـبـي الجمـل ولا الرّكـايـب جـزافي
ومحمـد يسـرى الحمـر مـن يميـنـــا=واستقـرعـه سـتـر البـنـيّ العـفـــافي
فـهـيـد وقــــع بـالـجــرّ يالذاهـبـيـنـــا=مــاخــوذ يــاركــب تـروّح خــفــافي

وبعدها بعام أي عام 1254ه تمكن عقاب العواجي من القبض عليه وقتله للاخذ بالثأر والوفاء بالنذر.
فكان الخبر موجعاً لدى قبيلة شمر حتى رثاه البعض ومنهم الشاعر المعروف رشيد بن طوعان قائلا:

الكبد يبست وايبسه هـم هذلـول=والشرب عــيـا لايــبرد غـليلـه
والراس شاب وشيب القلب هذلول=والـعيـن عــيا لايكمل هميـلـه
البارحه قـامت تنـوح ام هذلـول=مثل الخـلوج اللي تزايـد عـويله
والله فلاجابنـه البيـض هذلـول=مثل الفهد ياطب فـرق الجميلـه
والله فلا يطلع لنا مثـل هذلـول=حـمـاي تـالــي شـمـر بالـدبيله
ليا ركب ريمه على الخيل هذلول=كم عزبه بالقيض يطوي صميله
يامن خـبر نـيــه عــقـابٍ بهذلول=من يذبح البارد وهـو مع دخيله
والله فلا تبـرد مساميـر هذلول=وعقاب ما رزت عليـه النصيلـه
يالله وان ترمـي عـقابٍ بهذلول=يارب يامنطي الـعـطـايـا الجزيلـه

واعتقد ان هذا فيه الدلالة الكافية على مكانة هذلول الشويهري وان الكتاب اخطأ في تحجيمه والتقليل من شأنه .

(ب):- لزام بن صالح المطردي
(ج):- دهيثم بن شامخ العواجي

لقد تجاهلهما الكتاب بالكلية وهما من اشهر فرسان عنزة المعروفين في تلك الفترة وكانا دائماً عن يمين عقاب وشماله في الحروب ,
وقد تأسف عقاب العواجي عليهما بعد اختلاف معهما مما دفعهما للابتعاد عن السير معه بعد موقعة (السعيرة)
بين عقاب ومعه الجعافرة ضد جنود الترك عام 1253ه بسبب الفرم ومن معه من قبيلة حرب .
فندم عليهما عقاب وقال في قصيدته الشهيرة ومنها:
ياعيال ياللي جالسـيـنـن على كـيـف=يامن يـبـاصـرني بحالي من العـــام
حالي كما عودن برتهـا النحـاحيـف=والا كسير العرش مع حــد الاقدام
الـعـام يالـزام نـرعـى مـن الــريـف=واليـوم يـالــزام فـي حــكـم الاروام
صبري قضى ياحيف ياحيف ياحيف=واقصد بها منكـم دهــيـثــم ولــزام

وفي قصيدة الهقاز بعد ظفرة شهادة للفارس لزام المطردي في قوله:

صارت العوجان مآبه تحاريف =مـاغـيــر لزامــاً وخـطــو الغـلامـي
صارت على ذباحة الكبش للضيـف=كـرارة ياخـلـيـف مـابــه كــلامي

وبالرغم من مكانتهما الرفيعة والمهمة في قوة جموع عنزة الا ان الكتاب لم يتطرق لهما لامن بعيد ولا قريب
وهناك العديد غيرهما ولكني اوردت هؤلاء الفرسان الثلاثة المشاهير كنموذج فقط .
فهذا الاهمال العجيب لمجموعة من الفرسان والمشاهير في قبيلتي عنزة وشمر وخلال احداث استمرت قرابة عشرة اعوام
لن يكن منطقياً ولامقبولاً لدى الطرفين ....

(ثالثاً): عدم توضيح الاطراف المتحاربه.
=========================
تكرر في الكتاب الاشارة للمواجهات بأنها بين شمر والعواجية وهذا جعل البعض يعتقد ان جموع عنزة هم الجعافرة فقط
وان بطون شمر متواجدة جميعها وهذا غير سليم بالنسبة للطرفين معاً.

@ جموع شمر :-

ثلاثة بطون من عشيرة الدغيرات وهم ( الغيثه 0 الشريهه 0 التريبان ) وكبارهم مفتاح الغيثي ومبيريك التبيناوي
لغياب ( العليان ) وشيخهم ابن سعيد و( الحسين ) وشيخهم الدوح 0
وعشيرة الاسلم مع شيخهم عدوان بن طواله .
وعشيرة التومان مع شيخهم مسلط التمياط .
والباقي في نجد من عشيرة السويد 0
وبعض الفرسان من اهالي حائل وعددهم ليس بالكبير .
ويشهد لذلك قول سعدون العواجي:

قل صبحتنا اجرودهم مالها اقيـاس=سكن الجبل جانا مع الصبح صايـل
وانا احمد اللي عاضهم كسرة الباس=كــسـيــرة وصـلـــت قـفـار وحـــايـل

فقوله (سكن الجبل) وقوله (قفار) فيه إشاره ولو من بعيد على مشاركة بعض سكان حائل بالرغم من معارضة اميرها صالح بن علي
الذي نهاهم عن المشاركة في حروب البادية .
وكانت القيادة بيد الشيخ فهد بن سلطان بن مطلق الجربا الذي قدم الى نجد جالياً ومعه بعض خاصته0
فقد جاء في كتاب(تاريخ ال محمد الجربا وقبيلة شمر في نجد والجزيره)ص144-145 قوله:

((في حدود عام 1824م-1239ه قام فهد بن سلطان بن مطلق الجربا بقتل بن عمه ظاهر بن فارس الجربا بسبب خلاف
عائلي ومعه صديق له يقال له مزعل ثم نزح إلى جبل شمر وشارك الدغيرات ومن معها من شمر ضد العواجيه من عنزه في ظفره
وكانت بقيادة الشيخ فهد بن سلطان الجربا)).
وهو المقصود بقول التبيناوي:

يتلون ابن سلطان راي وتصريـف=ماسال عن كثـر الخسايـر الياقـام
خـيالـنـا اللي موالف للـزعـانـيـف=مداوي سـقــام للمـنـاعيـر سطـام
من جـيته لديارنا جـالهن عيـف=مثل الحباري من شبى الحر خـرام
مبري نحسة الجوع في جية الضيف=خلا شرايدكم هـجـيـجه اليـا الشام

وأيضا هو المقصود في قول التبيناوي:
ياعـقـاب عقـبـان المنـيـصـب كـثـيـره=أولهـن الـلـي ضـربـك مــع زليغـيـف
جــاك العـقـاب الـلـي جــواد ٍ نـحـيـره=مـعـــه رجـــال ٍ وردوك الميـاهـيـف
الشـيـخ إبــن سلـطـان هــذا بـشـيـره=فـرز الـوغـى ياعجـلّـت باالتحـاريـف
جنك حــرار ٍ من طيور الـجـزيـره=طيورٍ لياراجت على الشيـخ ماشيـف

@ جموع عنزة:-

وكانت ايضاً عدة بطون من قبيلة عنزة بقيادة الفارس عقاب العواجي وقد ذكر بعضها مبيريك التبيناوي
في قصيدته التي توجد فيها على شيوخ الجربان ورحيلهم عن نجد ومنها قوله:

جونا عـيال الـولد مثل الـتـهـامي=رود يريدون الفـياض المعاشـيب
ابـن مـريـخــان تـزبن ردامي=عـقب القسى مافك فرقه من الذيب
جبنا شذى حشوانهم والجـهـامي=مع حلة الـيديان هـم والمغاصيب

وبالنظر لقوله ( عيال الولد ) فالمقصود ولد سليمان وكبارهم الجعافرة والغضاوره
وكذلك ولد علي واشهر شيوخهم الطيار والغبين واليديان وابن سمير .
لكننا لانسلم بمشاركة كافة هذه البطون جميعاً ولكن كانت هناك مشاركة من البعض هنا وهناك .
وهنا ذكر ( اليديان ) كما قلت من ولد علي .
وكذلك ( المغاصيب ) من المنابهة .
وجاء ذكر الشيخ (مظهور بن شامان) كبير البجايدة من السلقاء لقول التبيناوي:
شامت لمظهور اليا ما ذبحناه,,,
وجاء ذكر الشيخ (صلال الشملاني) كبير الشملان في نجد في وقته لقول عقاب العواجي يتوعده بعد ظفره:
يا لعنبوا صلال لابو رجاله,,,لابو رجال مايلوطون صلال
علماً ان هذه الاشعار تجاهلها الكتاب كما هو منهجه في تهميش الكل ولكن بعضها بقيت محفوظة لدى الرواة الثقاة من الطرفين
وقد وجدت نفياً قاطعاً لدى بعض مؤرخي عنزه لمشاركة غير الجعافرة اعتماداً على عدم ذكرهم في ابطال من الصحراء
الا ان المحفوظ من الاشعار في تلك الاحداث تثبت ذلك .

(رابعاً): ربط حجاب مع عقاب في كل شي.
===========================

لقد اعتاد المؤلف ذكر الفارسين عقاب وحجاب العواجي فقط دون غيرهما في كل صغيرة وكبيرة وفي الحل
والعقد والقبول والرفض دون غيرهما كما سبق ان اوردنا من الامثلة .
لكنه لم يذكر او يعرض للفارس حجاب أي موقف بطولي يبرر فيه هذا الربط الدائم مع الفارس عقاب العواجي .
فقد قدم له المديح ووصفه بالفروسية والشجاعة دون أن يذكر للقارئ شيئاً من مواقفه البطولية التي تؤهله لهذه
المكانة وتبرر للقارئ سبب هذا الربط مع عقاب .
فالمؤلف وخلال جميع الاحداث التي وردت في كتابه لم يذكر للفارس حجاب العواجي مبارزة له مع الخصوم ولا مطاردة
ولا كونه رمى هذا او قلع فرس ذاك على عكس مواقف عقاب الشهيرة .
وانا لااقصد التقليل من مكانة حجاب العواجي ولكنني اوضح التناقض والاخطاء التي وردت في الكتاب ,
ولكي ترفع مكانة شخص على غيره فلابد ان تقدم الدليل على ذلك .
فهو إما انه اخطأ في تهميش مواقفه وعدم التطرق لها في الكتاب!!!
او لم تكن له مواقف من هذا القبيل وبذلك سيكون قد أخطأ في تقييمه والربط التام له مع عقاب!
فتهميش فرسان كانت لهم مواقف بطولية وقيلت فيهم الاشعار مع الاشادة بفارس دون ذكر المبررات
سيكون تناقض كبير لايخفى !!

(خامساً):-اسقاط ابيات الشعر الحساسة
==========================

في الكتاب عدة قصائد تاريخية تم اسقاط بعض الابيات ذات الدلالة المهمة والقادرة على توضيح الحادثة بشكل تام.
واذا كان النسيان والسقوط وارد في الاشعار ولدى جميع الرواة في الابيات الكمالية التي لا تمس جوهر القصيدة
ولكنه لن يكن كذلك عندما تكون الابيات المتروكة هي الاساس والزبدة وموضع الشاهد التاريخي من كل القصيدة .

وهذا المثال (1):
اورد الكتاب قصيدة واش العواجي الشهيرة والتي نسبها المؤلف للشيخ سعدون العواجي وهي:

قــالــوا تحـورف قلـت يالربع نجاع=قالوا تـقـيـم وقلـت يالربع ماقـيـم
قالوا عـلامك قـلـت من قل الافزاع=صيحة خلا ماعـندي الا الـهذاريم
والى بغيت الحق من عـفـنهم ضاع=يطـرم علـيـه دايـخ الراس تطريـم
يبعد عن الـقـالات طـقــه بالاصباع=من قـلـة الـلـي يـضـربـه باللهـازيم
(ياخليف من زوداتهم ماانـت جزاع=مالـك هـمــوم غـيـر لم الـمـطاعيم)
ليا صار ماتوفي عميلك من الصاع=ماينـقـعد لك عند حـصن النواهيـم
شبر من الـبـيـدا يعوضك الافـزاع=وسود الليالي يبـعـدنك عن الضيـم

لقد سقط لدى المؤلف او الراوي البيت الخامس الذي بين القوسين!!! فهل سقوطه سهوا ياترى!!!
وبالتدقيق على الابيات نجده في البيت الثالث قد ابدل كلمة (عفنهم) الى (شامخ) ليكون:
(والى بغيت الحق من شامخ ضاع)
في حين ان ذكر ( خليف ) في البيت الخامس سيكون دليلاً على عدم دخولها في موضوع شامخ!!
وانها في موضوع آخر , وهذا يفسد عليه هذا التركيب ولذلك قام المؤلف او الراوي بحذفه!!!!!

اليكم مثال (2):
قصيدة الشيخ سعدون العواجي المؤثرة جداً وهي من ضمن قصائده الرثائية لابنيه عقاب وحجاب وهي:

الله من هـم بكبدي سعرهـا=دلى يمل القلب مل الشواتـي
دلا يمل الكبد واحرق سحرها=وأيبس عروق القلب بأتلى حياتي
من عقب مانا نازح عن خطرها=اليوم بين القين هو والحذاتي
وهي خـانة الدنيا سريع دورها=لو اقبلن ايامـهن مقـفـياتي
ومن عقب مانلبس غرايب شهرها=من فوق قبٍ عندنا مكرماتـي
يوم ان خيال الندم ما قصرهــا=عمن جذت به نفهق الاولاتــي
واليوم طيبنا عن الشيل مرهـا=ياحيف مانستاهل المعسراتــي
حلال عقداتٍ كبارٍ عبرهـــا=وخالق نجومٍ بالسما ساهراتـي
ما مالٍ الا فـارغٍ مـن زبرهـا=ولا حي الا مقتفيه المماتــي
يا رازق اللي مابعشه ذخرهــا=طيور الهوى في قدرتك عايشاتـي
تفرج لمن عيـنه تـزايـد سهرهـا=الطف بنا ياعالم الخافياتــي
ياللي خلقت أقفارها مع بحرهـا=يا من بحكمك تجري الكايناتــي
أوجست من حر الليالي سعرهـا=وذكرت طيب أيامنا الفايتاتــي
ونشدت وين اللي ينثر حمرهــا=وقمت أتذكر وين حروة شفاتـي
اللي الى جاء الخيل خبث كدرها=صوته ذعار القرح الصافناتـي
عقاب السبايا كان جاها ذعرهـا=عوق العديم ومشبع الحايماتـي

وقد رواها المؤلف او الراوي بهذا الشكل وزعم أنها قيلت عندما شعر سعدون بالضيم من شامخ العواجي
وليست بعد مقتلهما فلماذا ياترى!!! وماهو الفرق في كونها قيلت هنا او هناك!!!
وبالتدقيق في القصيدة نجد ان بقيتها تدل على ان العواجية لديهم الخبر والعلم بوصول هايس القعيط بواسطة النذير الشمري
الذي طار لاخواله بالليل نذيراً , واعترف بذلك الشيخ سعدون في بقية القصيدة وهي:

جانا النذير وقال خوذو حذرهـا=سباع الجزيرة يـمكـم عادياتـي
سبـاع كلـنه بالجزيـرة ديـرها=سباع جذبها الصوت قبل المماتي
وهايس ورا الشطين يمي عـبرها=عبر علي بالثـار شـط الفراتـي
بالسربة اللي يوم ربـي نصرهـا=خلوا عيوني بالدجى ساهراتـي

ومع الاطلاع على القصيدة كاملة سيتضح أنها ضمن مراثيه الشهيرة لأولاده وأنها بعد مقتلهم وليست قبله!!
ولكن هذه الزيادة لاتتوافق مع روايته بأن قتلهما كان بالخفاء والغدر!!
لكون الابيات الاربع الاخيرة تثبت وصول الخبر لهم في قوله(جانا النذير وقال خوذوا حذرها)
ولذلك اضطر لحذفها!!!!
ولكون الكثير من ابياتها مشهورة لدى عوام الناس اضطر لاعتمادها وتغيير موضوعها من الرثاء الى شكوى شامخ!!!!
وهذا الذي يدفعنا دائماً للقول بأن التحريف المتعمد مكشوف ولايشبه الخطأ العفوي .
وحتى بدون هذه الزياده لو تمعن القاري للقصيده مثل:
يوم ان خيال الندم ما قصرهــا=عـمن جذت به نفهق الاولاتــي
فهذا يوضح انها معركه وقوله(خيال الندم)يقصد الخيال الذي لحقت فرسه بعقاب
وكان سبب مقتله .

(سادسا):- عدم توضيح نتائج المواجهات:
==========================

كانت احداث الكتاب تشير الى ان جموع عنزة كانت تسير في اتجاه مدينة حائل وخاضت من اجل ذلك المواجهات
الحربية مع جموع شمر ولكنه وبعد عدة مواجهات سكت تماماً عن النتائج التي صارت اليها الامور لدى الطرفين ,
فياترى مالذي جرى بعد ذلك وهل تحقق هدف جموع عنزة ام لا؟
وماهو السبب في عدم المواصلة لتحقيق هذا الهدف؟
وهل تعرضت لهزيمة او تغيير في الاراء لدى قادتها؟
طبعاً حدث انشقاق في صفوف عنزة بسبب مشكلة نتجت بين الجعافرة والغضاورة بسبب جار الغضاورة الشمري
ودفع الطرفين للمواجهة الحربية بينهما , وهذا الانشقاق الداخلي تسبب في ضعف قوة هذه الجموع مع قوة صمود
جموع الخصم في الذود عن ديارهم فكانت هذه الاسباب دافعاً لانتهاء الاحداث كلها ..
ولكن الكتاب لم يتطرق لذلك كله وجعل الامور معلقة لدى القارئ والصورة غير واضحة لديه ..

وخلاصة هذا البحث:
==============
(1):- ان كتاب (ابطال من الصحراء) لن يعطيك الصورة التاريخية الحقيقة لتلك الاحداث لا عن قبيلة عنزة ولا عن قبيلة شمر
بل سيدخل القارئ الحاذق في حيرة واستفهامات دون اجابات مقنعة .
(2):- ان الاشعار المذكورة فيه جرى العبث المتعمد فيها بالحذف والزيادة لتغيير مدلولها التاريخي الحقيقي سواء كان العبث
من المؤلف او من الراوي الذي اعطاه القصيدة .
(3):- ان الكتاب كان منحازاً بشكل فاضح لشيوخ العواجية فقط على حساب الجميع سواء عنزة او شمر فكان يبالغ في تضخيم
انتصاراتهم وتمجيدها ويبرر موقفهم عند الهزيمة او عدم تحقيق الهدف ويختلق لها الاعذار الواهية . مع ان شيوخ العواجية
لهم من المكانة والفروسية مايشهد به الخصوم ويعرفه الجميع وليسوا بحاجة لمحامي او مذيع يرفعهم للشهرة عن طريق التزوير
وتعمد الخلط في الروايات التاريخيه واشعارها الثابته . ومن يحب قبيلة او فارس فهو يستطيع تقديم النفع والمساعدة له بطرق كثيرة
ولا تكون عن طريق بخس الاخرين والعبث في تاريخهم الثابت والموثق والله ولي التوفيق.....


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 28-08-2013   #184


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي انا لاضقت بهمومي عن العالم لزمت الصمت



انا لاضقت بهمومي عن العالم لزمت الصمت..

انا لاضقت بهمومي عن العالم لزمت الصمت=مع ان جروحنا تزداد كان اني كتمت الصوت
ولكني عن اصحاب المهازل والخباثه شمت=ولا يخفي شعاع الشمس هرج العفن والسربوت
ولو دام السعد بالعمر لابواب السعد ما دمت=مصيرك للنعش والا سريت بظلمة التابوت
عزاي عن التي لا طاف طيفه ياسعد مانمت=عنود لا بغت مرمى معاليقك تشوته شوت
مع اني ياسعد دافعت قدامه ولا هاجمت=ابيـها ياسعد ترفق بقلب ذاق منها الموت
لك الله لو عرفت جروح حبه كان ماسالـمت=ولا خليـت جمر الهجر داخل مهجتي مكبوت
ولا كانت تخاصمني وانا بالظلم ما خاصمت=ولا سلمتها روح تبرمجها بلا ريموت
الا ليتـي تركت السوق ماجيته ولا سلمت=ولا شفت الهوى يومـي بجسم مثل غصن التوت
او اني عقب ماشفـته شطفت امـره ولا كـلـمت=ولاصاب الحشى قصف شبيه اللي قصف بيروت


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 11-09-2013   #185


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي نوب انتقد شدة نظام الحكومه



نوب انتقد شدة نظام الحكومه..

نوب انتقد قسوة نظام الحكومه=وكثرة دبابيس البلد والمسامير
وكثرة حواجزها وكثرة عقومه=ونقاطها اللي بالبلد عاقت السير
وكثرة مطالبها وكثرة رسومه=وكون الرواتب ماتسد الفواتير
وطيحة نوادرها وحومة رخومه=وكون الحباري ماتهاب الصقاقير
ولا شفت خبث اجيالنا ماتلومه=وتهتال مع حكمة ولي المقادير
دام العرب بالفعل ضاعت سلومه=غدر وخديعه واستطاله وتزوير
ولانام ضيف القوم تسرق هدومه=ماعاد له بالقوم حشمه وتقدير
بالكذب يعطيك القمر مع نجومه=ويضحك بعقلك لاجل حفنة دنانير
ويقلب عناوينه ويقطع رقومه=ويضيع حقك رغم كثر المداوير
حتى شيوخ القوم ضاعت ختومه=وصاروا على بيت المعزب نواطير
تشرب نبوع المهزله طول يومه=وترضى المهونه في بيوت الهوامير
واللي يبيع البنت للي يسومه=لو عرسها ليله على سالم الزير
وهو يدري ان العرس للبنت نومه=في حفلة ماله ضيوف ومسايير
شيخ يريد البكر تطرد همومه=وعنده رجاجيل تبيع الغنادير
دام الشرف بالناس طاحت سهومه=وسط النفوس الخايبات المثابير
نضحك على الشيعه صلاته وصومه=ونفعل فعوله دون فيزه وتاشير
بالمتعة اللي واضحات وشومه=وخلت بكار القوم حيل معاشير
ويفخر بها الديوث قدام قومه=دامه غدى ضمن الرجال المشاهير
يقدر يشيد المزرعه في حزومه=ويشبك بحوش البيت عدة نوافير
وشيخ الحنابل طايحات عزومه=ما قام يصدر بالرذيله تقارير
مدري يفكر في خسارة سهومه=والا لقى للقوم بعض المعاذير
امسى سفرها مثل لحظة قدومه=وطارت بروس القوم هوج المعاصير
ومادام جيل اليوم هذي علومه=تستاهل اللي داسها بالبساطير
جيل الحضاره قام ينفث سمومه=وشيوخ ظلم للبشر مابها خير


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 14-04-2014   #186


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي نسل الضياغم مثل عقد الجماني



نسل الضياغم مثل عقد الجماني

نوم الخلايق بالتوالي جفاني=وماعاد لي في جمرة القيظ مقيال
مدري على طول القطيعه نساني=او صار بين نزولنا عدة اميال
اسهر وغيري يرقد الليل هاني=مع هاجس في لجة الفكر يجتال
هجس بمسمار الغبينه كواني=زال الشباب وهاجس الفكر مازال
يسرح بميدان الخلايق ثواني=ويرجع يعاني يافهد ضيقة البال
ماهو لعين الفاتنه مشعلاني=عين العنود اللي على نايف الجال
والا البنوز بصالة البهبهاني=اللي موديلاته قصيرات وطوال
بس الزمان اللي بجيشه غزاني=في سربة فيها ثمانين خيال
واليانويت الهرج عقلي نهاني=وقال الجمل ماينقل الشيل لامال
الكذب ماله بالضماير مكاني=والصدق ماله بالميادين منزال
ودونت قاف الهاشمي والكناني=ورب الملا لعقود الايام حلال
تجري بحور القاف عشر وثماني=مع وادي يجرف طريقه الياسال‎ ‎‏
سهل القوافي والهدف والمعاني=صعب على اللي يجلب الروح بريال
يشبه شروح الفتح للعسقلاني=اللي سرد كل المذاهب والاقوال
ويكشف تواريخ طمسها الفلاني=وخلا النوادر بالملا مثل الاذيال
والحمد للي بالكرامه حباني =منجي سفينة نوح في غب الاهوال
رزقه عن ارزاق الخلايق كفاني=ولولاه كان الله عليم بالاحوال
ولو رزقنا بكفوف هادم وباني=ويحتاج توقيع ابو بدله وسروال
تلقى النشامى لاجل رزقه تعاني=ذل العرب من كثر الاقفى والاقبال
قدام بيت القايد الصيرماني=وراع السماحه والمساحه والافضال
وفي كل وجبه صك مثل الضماني=يثبت له انك جايع غير محتال
وتاتي بنود الحسم قبل الاواني=مع خصم للي يشتكي ضيقة الحال
والغيث مره في ليال رمضاني=وفاتورته تاصل قبل نصف شوال
لو جاع بطن عبيد والتلمساني=ومات اليتامى والفقارى والاطفال
تلقى الذي ياكل صحون وصياني=وغيره يموت من المجاعه والامحال
وهي حالة صرت عياناً بياني=في تالي الثاني عشر تقل تفصال
بالسبع والتسعين هاك الزماني=يوم النعايم والغنايم والانفال
اللي بعرس الزاهد المربحاني=تصرف صناديق الذهب دون مكيال
وخمسين من جزل النياق السماني=في حفلة منها المخاليق تهتال
والجوع يقتل كل قاصي وداني=والطفل مايلقى عن البرد طربال
علم رواه الزاير السعلواني=اللي لبس في ليلة الحفل سلسال
واترك هروج الناصح المهلقاني=واللي تغرك بالمظاهر والازوال
ربي جعل قلب الاوادم اناني=ويجمع على اللي يشبعه عدة ادبال
ولا شاف رزق الغير جاه الجناني=وشلون لو يملك مقادير الاجال
وهو يعلم ان العمر ملفاه فاني=والشيب لاح بعارضه يشعل اشعال
وشفنا الذي يملك شطوط ومواني=ومن الذهب يقوى على عدة ارتال
اقفت ظعونه عن عدود الدجاني=وامسى تحت رمل الفيافي والاوحال
وشر الاقارب مثل طعن السناني=يسطي بمعلوق الحشى تقل سلال
لو رحت للدكتور والصيدلاني=او سقت للحاسد عيونك بفنجال
ماراح تلقى فيه طيب وحناني=ولا تنتظر مزنة هل الحسد تنجال
ان شاف طيبك صار فيه احتقاني=ولا يذكره قدام عم ولا خال
وان شاف زلاتك غدى له غواني=ويركض بها وسط الملا تقل دلال
والناس لو ترفض دروب الهواني=مايشتكي من جمرة الهون رجال
بس الطمع خلا الخسيس الهداني=يرتاح بدروب المهونه والاذلال
لما غدى طبع العرب شقلباني=يمشي على كل الطرايق والاشكال
وراقب مصايب مصر والقيرواني=فيها تفاصيل الجدايد والاسمال
للي غدت تعزف لحون الكماني=لو مالها في نوتة القوم موال
تخشى ركود الساحل المسلماني=واعراضها تسري على نفد وسهال
وجابوا قنوص الذيب والكيرواني=ومحدن عرف موقع محطات الارسال
ويدفع لها المريخ والكوكباني=واهل المرابح بين سوسه وعرسال
وقادة عربنا بالقسى واللياني=تضبط سياسات الجريمه والاغلال
شره لشعبه والشعوب الدواني=بين الجريمه والظليمه والاهمال
وخليت حال الجاهل الهذرماني=لاصار مالي في هوى القوم مدخال
وشديت عقدات المرس بالسواني=فوق القليب اللي نقل كل الامال
بين الغروس اللي عذوقه ثماني=والطلع بين فروعها يذهل اذهال
ميره يقلط في ليال الصخاني =للجار وضيوف لفت طيب الفال
بأرض الجبل والظلع والديعجاني=حايل مقام اهل الوعايد والافعال
من دور حاتم والفرس والعناني=اللي غدى رمز الكرم بين الاجيال
لعهود ابو تمام والقسطلاني=لليوم وامجاده تردد بالامثال
مكارمه صارت عطور المكاني=وداجت دياوين العرب دون مرسال
دار الندى والهيل والزعفراني=زمل التخوت اللي يشيلون الاثقال
ديرة هلا للي لفى الدار عاني=لو كان مايملك من المال مثقال
عند الكريم الشامخ المرحباني=للطيب حواش وللزاد بذال
اللي ذبح لذيابة الظلع ضاني=ذيب زمانه في وقوت الدهر عال
ماراغ عن ضيف العرب تقل جاني =مثل الظليم اللي تقفاه شعال
وبالحرب لا ساج الحقب بالبطاني=وسارت ظعونه بين سجه وزرفال
يتلون شيخ ضاري للطعاني=له هدة وسط العدى تقل زلزال
نسل الضياغم مثل عقد الجماني=تنحاش عن وجهه صماصيم الابطال
ياطى العوالي عن دروب الطماني=ويدري بعلمه كل حافي ونعال
وتمشي له العربان تبي الاماني=عن ضيعته مابين حل وترحال
ضرب المدافع بالحجر والمباني=يودع قلوب اهل الفراغات تنشال
واعطت مناجيب النياق المقاني=عن سربة فيها الصوارم والاشبال
داجه من الشنبل لدار اليماني=وطوع صناديد الجزيره بالاجمال
كلن يشوف الجمع شوف العياني=تطوي بمسراها صحاصيح وجبال
ان سار اخو رثعه شلع كل واني=ولاسار اخو جوزاء وطاها ولاسال
وان قام ابوخوذه رقى الفرقداني=وان قاده التمياط يازن ويكتال
ماهو كمين الخايف المسرداني=اللي يدسه بين قشعه ودركال
والخصم يلبس ضدنا الصولجاني=ويجمع مخاليق العرب مثل الاجوال
تسري من البصره لساحل عماني=مثل الجراد بتالي البرد لاصال
وتاريخنا معروف بأول وثاني=واقوالنا تثبت شهوده بالافعال
تشهد بها وايل وراع الحصاني =وساجر وقاعد والعقيد ابن هذال
وتشهد بها العتبان واهل السناني=اللي لها من طاقة الطيب سربال
قوم يشار لطيبهم بالبناني=وبيوتهم للي شكى الضيم مدهال
واليوم صارت سهلة سمهداني=وساد الامان بكل مخرج ومدخال
وصارت علابينا عراض متاني=وكلن معه راتب وموتر وعمال
امسى لشعار الخلايق نواني=وجتنا القصايد دون عازف وطبال
تذكر علوم القايد القهرماني=اللي قهر عكا ودكا ونيبال
لما غدى بين العرب سوبرماني=وشاد المراجل والمكارم بصلصال
خلا المكارم مع طوال الاذاني=وسجل تواريخ جرت مالها امثال
واللي يبيع البيض والبيدجاني=امسى على روس الرجاجيل غربال
واللي يبي عكس الدلايل يداني=ويضحك بعقله كل راحل ونزال
ونيل المكارم مايجي بالتماني=لا صرت ماتقوى على ثقل الاحمال
والصدق يظهر والله المستعاني=دامه جرى مابين راحل ونزال
جتنا علوم الذيب والغيهباني=من وسط يام بلا براقي وجوال
واللي لكم يوم الفرس بالعناني =معروف للي له مع الزمل زمال
وشمر وراع الجوخ والطيلساني=مالك بها يالقرم ناطي وفتال
وبينك وبينه بالدرج والمباني=هيفية مابه مواريد وظلال
حنا هل الطولات واهل المعاني=كيف ومفاطيح ودياوين ودلال
وان هاج رمي الملح والجبخاني=نقلط على الجمع المعادين مشوال
صلنا وجلنا بين حاني وماني=مثل السحاب اللي على القاع همال
والكذب تنفاه العقول الذهاني=اللي تجيب لطعنة الكذب جيزال
والناس فيها الشري والقحوياني=وربي جعل فيها النشاما والانذال
وصعب تعم الناس في كل شاني=والكثر غالب بالعرب عند الاشكال
وما والله اجحد فعلكم يالفلاني=لو كان لك فعل بالامجاد ينقال
غير الردى والبخل يالبهلواني=والنوم عن ضيف حداه اشهب اللال
والناس تفهم ماتبي ترجماني=مادام بالربع القريبين عقال
وكانك خلطت الترك والتركماني=الناس تدري بالجدايد والاسمال


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 23-05-2014   #187


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي ام الملاحم الشمريه للغسلان





 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 08-03-2015   #188


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي يقول اللي ثمان سنين في حله وترحاله



يقول اللي ثمان سنين في حله وترحاله
يقول اللي ثمان سنين في حله وترحاله=ورغم الحجر ماراجع بنوك القرض والتمويل
اذا بانت نجوم الليل صارت حالته حاله=ولا تركد هواجيسه لما تسري نجوم الليل
يبوج الدرب في غابة طبوع الجيل وادغاله=وبالشدات شوف العين يغنيني عن الدربيل
لاني تارك بالناس درهامه وزرفاله =ولاودي تضيع ايام عمري بين قال وقيل
وعيب النفس يكفيني عيوب الناس واهماله=وراع العقل مايغويه كثر المدح والتطبيل
ولاتلقى الذي ماداج درب العيب خياله=وراع العيب مايدخل مجال الجرح والتعديل
و دام الله كتب باللوح رزق الخلق وأجاله=ولاجانا من الخلاق لا رخصه ولاتوكيل
لي اعمالي وكل الخلق له دنياه واعماله=ورب العرش يكفينا هموم الجمع والتحصيل
ولاتخفى على الخالق جداد الخلق واسماله=ولاتمشي على المولى دموع الكذب والتمثيل
وراع العقل ما ينقد طعوس داج برماله=ولايفتح على راسه هروج العيب والتفشيل
ومن يطرد كلام الناس ضاع وضاع مرساله=بعصر صار فيه الكذب والبهتان رمز الجيل
وكذب الناس مايهفي عزيز طاب منواله=ولايرفع ردي العزم قاف اللي مثل جهويل
يصير الهرج بالتالي طيور طارت اجواله=وتلقى الثلث والباقي كساه الكذب والتضليل
الا ياكثر من يظلم حريم الناس ورجاله=وشال الذنب بهروج وطاه النقص والتكميل
واذا ماجاك هرج الحاسد اللي ثار زلزاله=وشفته ينشر الزلات بالجمله وبالتفصيل
فلا نلت المقام اللي ينوش الغيم سرباله=ولا حزت المقام اللي يحرك ثورة التاميل
ونار الحسد ماترحم خباث الخلق وارذاله=ولاتسكن صدور اللي غمرها الذكر والتهليل
ولولا الحسد ماشانت طبوع الناس وخصاله=ولا شفت البشر تاطى الخطايا من زمن هابيل
ومن ناسب شحيح القوم حط البخل بعياله=ولا يمحى عروق البخل كثر المسح والتغسيل
ولايجذب قراح البير دلو العفن وحباله=ولا يفجر نبوع الحرص كثر العيب والترزيل
وراع البوق يبقى البوق في كاسه وفنجاله=وناب الداب مايطهر بكثر الخلع والتبديل
ونمام العرب مفتاح باب الخبث واقفاله=ومقباس الجحيم اللي يشب النار بالمنديل
وانا مرتاح بديار يعيش الجود بجباله=بفضل اللي عطى رزقه بلا شاهد ولا تكفيل
يسوق الرزق للعاصين في حجه وشواله=ولا يطلب من العالم حقوق النقل والتوصيل
منعت النفس عن ناس تشوف الريف بسهاله=لعل البعد يحميني فساد الراي والتحليل
واذا زادت على كتفي حمول العمر واثقاله=وشفت الميل قدامي وطبعي مايحب الميل
دفعت النفس عن سكة قصار الناس وطواله=وسقته للرجال اللي تعزك لاوطاك الشيل
نجي عبدالله الباشا عرين السبع واشباله=وبين شيوخنا الجربان رمز الجيل والتبجيل
سليل اللي صمد بالدار رغم الحرب واهواله=وبرميلان سجل لك ثبات الشامخ الحلحيل
حلف واقسم ظنى العاصي برب شاعت افضاله=وجابه من ظهور اللي فخرها يوم عام الفيل
فلايترك ركون الدار دام الروح مازاله=ودام صفوق له نسل تنازى في ظهور الخيل
وقال الشيخ مايترك بوقت الضيق منزاله=ويبقى في ظلام الليل لربوعه تقل قنديل
ومن يسقي غروس الخير يلقى الخير بظلاله=لان الفرع مثل الاصل بالصنعه وبالموديل
ثبات قلوبهم يرفع بصدر المجد ثمثاله=ونبع كفوفهم بالجود زاد المجد والتفضيل
ولا زرنا حفيد دهام لاجل اهواه وامواله=مع ان الله جعل خير ال محمد مثل وبل السيل
ولكنه يذكرنا لجيل غابت ابطاله=وفعل شيوخنا اللي له تواريخ تهد الحيل
نقل هم العجوز اللي بشمر ضايق باله=وطفى جمرة اللي خاف نار الطرد والترحيل
مع ان عصورنا حاست عقول الجيل واشكاله=وخلت جيلنا ياطى عيوب مالها تعليل
غدت كشخة شباب الجيل في جنزه وسلساله=ومعها موضة تحوي بنود الورس والتكحيل
لما شفنا الذي يرخي بوسط السوق بنطاله=لاجل يمشي على منهج هل التوراة والانجيل
وبعض شيوخنا تشري هوان النفس واذلاله=وترمي بنتها ليله بحضن الفاجر الزنقيل
ولاادري ماتت الغيره على اللي لاح خلخاله=مثل مامات هاتفهم سبايب خدمة التحويل
او ان رجالنا هانت وجاها الهون من خاله=او ان اسبابها العيشه وكثر الطبخ والتخليل
لما صار الفخر للي يدوس الطيب بنعاله=وللي يشكي انسابه اليا منه طلع طربيل
وعافت سربة الباشا دروب الهون واوحاله=ولاشفنا لهم بالهون لا هاتف ولا ايميل
سقى الله سربة العاصي مزون سال شلاله=عدد مانفدت يمنى ال محمد من خياش الهيل


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 29-03-2016   #189


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي هلا ياغزال حن قلبه لنا وارسل



هلا ياغزال حن قلبه لنا وارسل
هلا ياغزال حن قلبه لنا وارسل=ذكر رقم جوال الجريح وعناوينه
لو ماذكر رقمي عقب مانساه افضل=ولا عودة جروح الغرام وطواعينه
انا يوم اروح لديرة الشيخ ابومشعل=اخاف اجمع الثنتين دهر ومعاوينه
وابي ترك محبوب بعهد الغرام اهمل=وخشف وقعنا تحت مرمى نياشينه
تكز القذايف راجمة رمشها الاكحل=وتقصف دفاعات الخفوق وميادينه
لما صار قلبي في لهيب الحروب اعزل=وقيل الجمل لا طاح كثرت سكاكينه
غدى تايه بين العواصيف والحنشل=وقصف من اريام الخشوف مزايينه
رموش العنايد تطعن الخصم في مقتل=وتترك ضعيف الحيل تنزف شرايينه
مدامه يعاملني كما الغازي المحتل=ويسجن مطاريح الهوى في زنازينه
له اعوام لاينشد علينا ولا يسأل=مثل فعل ضباط العرب مع مساجينه
سجين يعاني في طواريف ابو زعبل=لانه دعم مرسي وحرم غلاوينه
لما ضاعت افكاري وحالي بدت تنحل=على نار عقال الهروج ومجانينه
اذا شافني شديت لاهل الجنوب اشمل=واذا حان وقت الوصل تكثر مصاخينه
عقب ما رماني بالبحر قال لا تبتل=هروج تكرر ما فهمنا مضامينه
تثاقلت هجره والرضى بالهوان اثقل=ولا راح اطارد بالهبايب كراتينه
واذا كان مرسال السعاده علي اقبل=وغابت هواجيس الفراق وشياطينه
وقيل البشر في بادي اعمارها تجهل=قبل تكتشف زين الطواريق من شينه
فأنا حالفٍ باللي فرض شرعه المنزل=فلا انزل بعمري فوق فوهة براكينه
واذا زان حكمه راح اعاند واقول اشكل=واركب على باب الضماير كوالينه
ولا هو مقال اللي اليا قال مايفعل=او اللي يقول ولا يقدم براهينه
او اللي يدوس عهود قوله ولا يخجل=ولو عاهدك وسط الرجال ودياوينه
مدام السوالف بالفراغات ماتنقل=ومن ينقله يصبر بلدغة ثعابينه
ولا ني من اللي لا لقى الهون ما يزعل=لاجل عين شرهات الشيوخ وصوالينه
او اللي كفوفه في وقوت القسى تبخل=ومحدن قلط يبي الدسم في مواعينه
او اللي مع اهل المال والسلطنه طهبل=وساوى النسور الجارحه مع كراوينه
ولا اقول خلك مع رزيل الكفوف ارزل=وتترك مرابيع الكرام وبساتينه
وتجعل مقامك مع رذيل الطبوع ارذل=وتدخل محلات العفون ودكاكينه
انا اقول خلك مع جميل النفوس اجمل=وخلك بمنزال العلا مع شياهينه
واذا شفت هراج الجهالات لا تجهل=عقول البشر ماتستوي في موازينه
ولا تفضح اللي في دروب الحياة اخمل=ترى الستر من طبع الكرام وقوانينه
ولاتحسب ان الله تناساك يوم امهل=ولابد للديان يطلب ديايينه


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


قديم 28-08-2017   #190


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي رقم جوالك



رقم جوالك
فـديـتـك بروحي ياشفى ضامرن مـجـروح=وفـديـت الجـهاز اللي نقل رقـم جـوالك
وفـديـت العيون اللي غـدى رمـشـها ذابوح=على خـافـقـن يـسـجـع بقـافـك ومـوالك
لك الروح ياروح الحـشـى ياعـذاب الروح=لك الخـافـق اللي ذاق بلـواك واهــمـالك
الا واشـقـى قـلـبـن لـمـح خـدك الـمـمـلوح=نسى حـالته واليوم يـنـشـد عن احـوالك
خفوقه شكي جـرحـن نزف دمـه المـسفوح=وهـو صـابـرن لاضـاق باللـيـل نادا لك
من اول رجـب قـلـبـه على شوفكم مشفوح=وقـعـد ضايـعـن مابـيـن عـيدك وشوالك
لو ان الزعل وسط الضماير غدى له فـوح=يروح الـزعـل لابـان زولك وراعـا لك
طـواريك لاداجـت بفـكري تـمــوحـه مـوح=ولا داج جـرحـي يـاغـنـاتـي عـلى بالك
واذا يسعدك جرح الحبايب ترك مـسـمـوح=ولو عـاث بالسرجوف هجرك وغربالك
فـلا قـافـلـن بـابـك ولا هـو لـنـا مـفـتـوح=وانا واقـف عـيـنـي تـراعـي لـمـنـزالك


 
 توقيع : فواز الغسلان

جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله


 

مواقع النشر (المفضلة)


الذين يشاهدون محتوى الموضوع الآن : 72 ( الأعضاء 0 والزوار 72)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:53


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام