آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 27-03-2009   #11


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي بعـــد الغياب



بعـــد الغياب


صوت الرعد هاكم سبايب غيابه = فـي دورة الـتـأسـيـس يـانـاس محتار

قـاطـعـت كـل الاصدقـاء والقرابه = عـذري معـي مـا نـختلق كثر الاعذار

من لايجـيـب الـعلـم بـأول شبابه = صـعـبـاً عـليه الـعـلـم لاصـار خـتـيار

يـصيـر فـيهـا يالنـشامـى غـرابـه = ومهـما يـحـاول كــن ينحت على غار

وخـو يـكـم رام الـتـفـوق وجـابــه = من بعد خمس شهور غيبه ومشوار

( صوت الرعد ) لـو الزمان انتحابه = يلقى على شاطئ هل العلم معبار

وبـعـد الـغـيـاب الـمـر بالي طرابه = نـقـول لأهـل الـمنتدى كيف الاخبار؟


صوت الرعد هاكم سبايب غيابه = فـي دورة الـتـأسـيـس يـانـاس محتار
قـاطـعـت كـل الاصدقـاء والقرابه = عـذري معـي مـا نـختلق كثر الاعذار
من لايجـيـب الـعلـم بـأول شبابه = صـعـبـاً عـليه الـعـلـم لاصـار خـتـيار
يـصيـر فـيهـا يالنـشامـى غـرابـه = ومهـما يـحـاول كــن ينحت على غار
وخـو يـكـم رام الـتـفـوق وجـابــه = من بعد خمس شهور غيبه ومشوار
( صوت الرعد ) لـو الزمان انتحابه = يلقى على شاطئ هل العلم معبار
وبـعـد الـغـيـاب الـمـر بالي طرابه = نـقـول لأهـل الـمنتدى كيف الاخبار


 
 توقيع : صوت الرعد



قديم 30-03-2009   #12


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي اقراء وارسم



اقراء وارسم








ساحل غرام الحـب يلعب مع الموج == والموج من زود الخجل ينحني له



وضو القمر شوفوه عاشق ومرجوج == يضـم مـوجات الــبحر طــول ليله

ولـيـل الفضاءحمراء خدوده ومحروج == مـعجـم عـبارات الغـلاء هد حيله

سحبت لك صوره من افضل كـتالوج == تستـاهلين وصدق مـافيك حيله



غـلـفـتـها بأحـدث نظـام المنـالــوج == واهــد يـتـهـا وانا أعتبرهـا قليله







 

قديم 10-04-2009   #13


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي غروب الشمس










تدري وش اللي شدني ؟ غيبة الشمس === واكثر. وش اللي شدني ؟ حاجتاً فيه

نــدري شـعـاع الشمس مايقـبل اللـمـس === وشـلون فـي كــف السـحـابه يـحنيه؟

قـبـل الـظـلام وقـبـل لايـدمـس الـدمس === دقـق عـلـى اللـي يـعـجـبـنـك مـباديه

ذاك البـحر!! لاحـس. لارس .لاهـمس. === كـنـه يـتـابـع يـالــنـشـامـى بـعـيـنـيه

يـشـيـل ضــو الشـمس والغيم بالخمس === باسـط كـفـوفــه جـعـل ربـي يـقـويه

المنظـر اللي شدني قـبـل/ قـبـل امس === سـبـحـان ربـاً يـاجـمـاعـه مـسويه



الرعـــــــــد


 
 توقيع : صوت الرعد



قديم 04-05-2009   #14


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي فيها وفيها وفيها!!!!!!!



(ظاهره في مجتمعنا اتمنى ان تزول واكثر ماتقع في مدارسنا )
لما كان الحب بين شاب وفتاه فكان في ذلك الوقت له وجه واحد..وكان مصاب ببعد النظر..وكان سلطاناً ..
اما الآن فيحدث العكس وهذا جعل الحب له وجهان .. ومصاب بالعمى.. واحمق..
اخواني في الماضي كنا نقول إن اجمل مافي الحياة الحب,, والرغيف,, والحريه
اما اللان فالحب لم يعد هو الحب الذي نعرفه..



احـتـرت يـالموضوع مـن وين ابـبـديـك ****** بـعـض الـحـكـايا خاسراً من تبعها

خـلك كــذا.. مايـفـهـمـك غـيـر راعـيـك ****** السـالـفـه صـعـبـه ومعها.. ومعها

ياصــاحب الـحب الـجـنــونـي ( لغاليك) ****** خـلك مـن عـلـوم الردى وامتـنعها

(هذا) و(هذا) (ذيك) (هذي) معه(ذيك) ****** مـانــي بـعـارف بـس ربـي جـمعها

يـاذا ألـزمـن يـاجـعـــل ربــي يـخـلـيـك ****** بعض السوالف قل لنا وش سنعها

فـيـنا (البلآ) والا (البلآ) فـي مـباديـك ****** قـلي بـنـود الـسالـفـه مـن شرعها؟

شـياً عـجـيـب ولـلأسـف حـاصلاً فيك ****** ومـافـيـكـم اللـي للأسف ماسمعها



__________ رد الــــــزمن__________



(صوت الرعد) يـاجـعـل ربـي يحيـيـك ****** صـوتـك دوا ســقــم القلوب وولعها

الله (ياصــــوت الـرعـــد) لايــوريــك ****** مـهـمـا تـكـلـم شـيـخـنـا مـامـنـعــهـا

انـا واعــوذ مــن الـعـنا يـامـحـاكيك ****** ثــابــت ونـاســك ذنـبـهـا مـجـتـمـعها

نـاظــر ودقــق يالــرعد من حواليك ****** دنـيـا وإذا مـاطــاوعــت فـأ نت طعها



 
 توقيع : صوت الرعد



قديم 10-05-2009   #15


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي صور خاصه



اخترت لكم هذه الصور المتواضعه من مذكراتي.... اتمنى يعجبكم ماكتبت




[SIZE=4]تحميل"]http://up.arabseyes.com/"]تحميل صور[/URL]

صـــوت الـرعـــد بالرياض الديره الغبرا === وقلبه على شوف حايل رايحاً فيها

يطــري عــلي لاطــلعت بلــيــلة الــقـمرا === شعبانها والجبال ومن سكن فيها

ويطري علي ظلع اجاء ياناس والسمرا === وايام راحت زمان وكنت ناسيها




بـعـض الصور تعيد لي ماضياً فات === يوم اننا نكشت شمال الرفيعه

وقتاً مضى فيه الطرب والوناسات === ذكـراه تـبـقى للـنشـامـى نذيعه

اغــنـم زمـانـك بالفرح والمسرات === دنـيـا لـيا لـيـها عـلـينا سريعه





صوره وله في داخلي الف عنوان === الله يا مأجمل حيــاة الطـبيعه

خلاص بمشي يم حايل من اللآن === واشب ناري في صياهد ضبيعه

والله ياسلطان ضايق وطفشان === والعمر يمضي والليالي سريعه




[SIZE=4]تحميل"]http://up.arabseyes.com/"]تحميل صور[/URL]

الله علـى ضو الـقـمر يـلـعب على الموج ويموج ===ابداع من عند الولي قمرا بحر والوقت ليل

وقفت افكر وانتظر وامشي على الشاطئ وادوج === كن البحر ياصاحبي خلا غزير الماء سبيل

الا!!!! عــلى ذكر الــقــمــر ذكــرت لي خلاً غنوج === شفت القمر يشبه لها لكن بدون اسود جديل

صوره وتدري وش حصل شفته وضيعت الدليل


[SIZE=4]تحميل"]http://up.arabseyes.com/"]تحميل صور[/URL]

لاوالله الآ رحت فيها ووليت === وضاعت معالم فرحتي من حياتي

ياليتني في بيتنا مابعد جيت === هالحين من يجمع بقايا شتاتي

يارب يارب الملا ويش سويت === اليوم اشوفك ناوياً في مماتي


[SIZE=4]تحميل"]http://up.arabseyes.com/"]تحميل صور[/URL]

يـا ظـالـمـيـنـه لــيــه لاتـظــلــمــونه === يامـا ,,, دخل بالـسجــن ناساً مظاليم

شوف البراءه واضحه من عيونه === الميم . والظا . لآم . والواو . والميم


[SIZE=4]تحميل"]http://up.arabseyes.com/"]تحميل صور[/URL]

ياموت ابونـا وش تـبي فـي حـياته === ماعاد لي في دنيتي غيره انسان

واهــل الـحــسـد خليتهم والشماته === اللي سوالفهـم سوالـيـف ديـبان

وان كان عـنـدك شي ياموت هاته === دنياي من بعد الاهل شانها شان


[SIZE=4]تحميل"]http://up.arabseyes.com/"]تحميل صور[/URL]

والله مهي هقوتي بالجيب === شفت النشامى يدفونه

يالشاص والله حرام وعيب === آخر زمن تطلب العونه

رد .. الجـــيب.. ويقول

صوت الرعد جرباً تجريب === الشاص مثلك يعرفونه

بلآي من سايقاً به شيب === وضعف النظر صار بعيونه


[SIZE=4]تحميل"]http://up.arabseyes.com/"]تحميل صور[/URL]

من زعلك قولي ,,لي,, الحين الحين=== والله لغــســل ياحــيــاتــي شراعه

قــولــي وانا بأدبـه لــين تــرضـيــن === يصعب علي تبكين لو ربع ساعه


[SIZE=4]تحميل"]http://up.arabseyes.com/"]تحميل صور[/URL]

العلم مثل النور مع فتحة الباب === واصل الجهل في واقع الحال مظلم

العلم يرفع بيت لوسوره اطناب === واللي يـظــن الـجــهل لـه بيت يحلم

نهاية الاثنين تدرون يـأحباب!! === مثل النهايـه بـيـن كـــافــر ومسلم

[SIZE=4]تحميل"]http://up.arabseyes.com/"]تحميل صور[/URL]

بعطيك موجز حالنا عقب ماغبت === ضاعت جميع حلولنا من يدينا

يانبع غبت ومات من بعدك النبت === ياليت تدري بعدكم وش جنينا

اكبر دليل اللي جرا ليلة الـسـبت === صـارت ثــلاثـيه وصعبه علينا

بقلم الرعـــد


 
 توقيع : صوت الرعد



قديم 27-08-2009   #16


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي ثمانين ورده




ثمانين وردهلا


قصيده لها مناسبه ومناسبتها خاصه اتمنى تعجبكم الابيات

الورد مايسقيك من ضــمـَــوة الـشوق

وش عاد لو تهدي ثمانـيــن وردهـ

خلاص ابكتب بــيت واجــــــر طــــاروق

بيتين فيها الــصوت لازم نمدهـ

انشــهــد انـي بالغلا صـــرت مـحــروق

ابني لها ســور الغــرام وتـهدهـ

ماني من اللي يعطي الـــرقم بالسوق

او يكتب الارقام في كـــف يــدَهـ

شخـــصاً نــزيـه ومركـــزي حيل مرموق

وعندي على لوعات الايام شدهـ

........................


لكن
..........................

لكـــن!! ذبحني يامــخاليق مـــــخلــوق

عطيتها وجهــي وراحت وصدهـ

واعــطــيـتــها مــشــاعـر الروح والموق

وقصايدي تحت امرها مستعدهـ

وانقــلــبــت الاوضـاع مـن تـحت لا فـوق

وآهات صدري جـاوبت موج جدهـ

والحين وين القى لــي انــسـان بـه ذوق

والحب انا قــدهـ وقــدهـ وقــدهـ

وان مالقــيت اللي بها حســن مـنطــوق

برقد... وشيلي دمعتي يامخدهـ

بقلمي


 
 توقيع : صوت الرعد



قديم 12-09-2009   #17


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي بوح الصوره العدد الثاني



بوح الصوره العدد الثاني





قبل يومين كنت هناك بالقريه كنت هناك
وهذا بيتنا الشعبي بآخر حي قريتنا
احبك يالمكان اللي سند لاغاب مر وجاك
لانك تحكي الواقع طبيعتك وطبيعتنا
الا يالله ياخالق نـجوم الـكــون والافلاك
تديم البيت واهل البيت وتزود محبتنا
الا ياوقت ذي يمناي تكفى مــد لي يمناك
ابي حايل ومافيها وقريتنا وحارتنا ...




مابه غريب بــهــا الــزمـن كلـش يصير== حتى القوانين فــ زمنا تشابه
مدام الاحمر فيه يســمــح لك السير == الله يســتر من جروح الاصابه
حتى البشر صارت مضـاميـنـهـا غيــر == اقلها قـــطع الرحــم والقرابه





وزعـت عـمـري لـعـينك يالغلا يوم يوم == وكتبت بأيام عمري حق عينك
لوفي
العمر هو يوم واحد ماهـقـيـتـه يـــدوم == وفاجأتني بالخيانه كنت احسبك
وفـي
وان كان تبغى اوضح لك جديد العلوم == معاك ثابت وبعدك اعربوني
نفــي



الوقت ثعـــبــان والعصـفور طبـــع الطيبين == والـطـيـبـيـن فــي هــالـــزمـــن راحـو غدر
الله على الدنيا يعين الله على الدنيا يعين == المشكله هذا القضى والمشكله هذا القدر




لا ياطيـور الحــب روحي وشوفيه === يمكن على الشباك الايمن مكانه
واذا على الشباك صدفه لمحتيه === قولي سنــــــد بعدك تجنن جنانه
ياناس احــبــه واتــــلذذ بـطاريــه === معــذور لــو دمــعي ذرفته عشانه





التقطها المصور وســط وادي مشار === المصور خطير وجو حـايـــــــــل خطير
كن لون الغروب من البـــيـــاله يــغار === وانت دقـق ونـاظر وش مـعاهم يصير
هو يقول انه الحاكم وهي مستشار === وهي تقول انت خادم عند بنت الامير




ارهاب من نوع آخر... بطلها ( ببســـــي )
ياعلبة الببسي على الــراس والعـين == اللي تبــينه كلنا تحت امرك
بس اتركي( كـــولا) فــديناه مسكين == خلـيه جعـل الله يطول بعمرك
ادري صنعه انسان ماهو على الدين == لكن يجيله يـوم يـابـنـت صبرك





الحمام والكلام اللي صار بينهم
الاول......

انتي نويتي خلاص الصد والفرقا ==== الله يعيني على فرقاك ياهاله

من وين ابلقى بدالك وحدتاً طرقا ==== الحين جنبك وبكره حالتي حاله


ردت الحمامه ( هـــاله )

بعدك عيوني بكت وبدمعها غرقا ==== ادري حياتي بدونك ماهو اشواله

ابوي وامي وانا مسفارنا شرقا ==== ماعاد لي حل في دنياي واحواله


صوت الرعد يوضح وش صار لهاله وخويها

طارت وهو طار ترقى والوله يرقا ==== ومن القهر ياحياتي صك جواله



ابسألكم سؤآل ؟؟؟؟؟

وكل(ن) يجاوب على دوره

وش تذكركم بـــــــــه الصوره؟؟؟؟

جــــــــــــــــدك العود الحـــــليم!

او حارتاً فيها تربيت وكــــــــبرت !

او بيتــــك الطــــــين القــــــــــديم!

اللي بطوفـــــانه تعلمــــت وصبـــرت!


مــــــــــــــــصلى العــــــــــــــــيد

صحيح إنا تطورنا وصرنا في زمن تجديد

عسى الله ينصر الدوله وعسى الله ينصر الاسياد


!!ولــــــــــــــــــــــــكن!!

فــي مصلى العـــــــيد تذوقنا جمـــال العيد

!!وتـــبــــــــــــقى !!

في زمنا اليــوم الاعيـــاد اســــم اعـــيـــاد

فقط لاغيـــــــــــــــــــر


***مصـــــــــــــــــلى العـــــــــيد***

اخيراً انتهى الموضوع في صورة مصلى العيـــــــــد

واذا قصرت لاتلومو

رامي

خانه التسديد


احترامي للجميع واعذروني على القصور


 
 توقيع : صوت الرعد



قديم 30-12-2009   #18


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي بوح الصوره العدد الثالث



بسم الله الرحمن الرحيم

بعد تأخري وعدم تواجدي معكم احب ان اضع بين ايديكم هذا العدد الجديد اتمنى ان ينال على اعجابكم واستحسانكم.

كلمات متواضعه لعلها تعجب من يمر هنا .



بوح الصوره العدد الثالث






فديــت يـاروحــي عيونك وقلبك === الله يخليكي حياتي ويــــرعـــاك


عيني على عينك وقلبي يحبك === وسند بدون مجامله حيل يهواك


وإن كان زعلناك قولي بـــربـــك === وعذري يجيك وياصلكــ ويـتـعدآك






تعال ناخذ يأبيض الــوجه فـنـجال === وسط النفود وعندي النار حيه


وبنن يداوي ضيقة الــصـدر والبال === في دلتاً صفرا مهي زمـزمـيـه


ونبعد عن الروتين وكثار الاشغال === وناخذ لنا سجه بنجد العــذيـه






البحر مالح وانا وســـط الـبحر غـرقــانــه = من زرعني؟من ظلمني؟إش عملتو فيني!

شبت من همي وخوفي والبحر واعوانه =موج يغزيني صباح وبالــمسا يــمــسيـني


(والسـند) فيني تجمل الف صح لسانه =جابني في مــنــتــداكــم واسـتـقرت عيني







ياســحاب الهمــوم وياظـلام الـخيانه == وياقـيــود الـــحياة ويـادمـــوع الــعـيــون


صار بيني وبين احزان عمـــري ميانه == جــرح روحي يمون وحـــزن قلـبي يمون


ياخساره بذلت اشياء كثيره عشانه == لين (حد) الــعــذاب ولين (حد) الجنون


اندمر برج روحي وانهدم في مــكانه == والمشاعر توفت والبقاء في الشــجـون


بس حبيت اوضح ماجـرى للأمــانــه == نـفـسي,, اهل المحبه والغلا يعــرفــون








لبى الورود وحامل المزهريه === ولبى الوجيه اللي طواها الزمن طي


وجيههم بالكون مافيه زيـــه === لبى وجيهاً ساحره شعشعت ظي


ايه هين






واجــب وارددها لك بعالي الصوت === لكن لبعض الناس ماهو بواجب


تلقاه بنقالي حرامــي وسـربـوت === وبينه وبين الدين ساتر وحاجب





تمنيت لي جنحان مثل الطيور اطـــير === وابدل هموم القلب حب ورومنسيه


واسافر على داري ديار الكرم والخير ===فديتك حياتي يالديار الــشــمــالـيــه





نطق الموت فـقــال بـيـــتــاً === ظلمت الكون في اخذي لزايد


ياليت الارض تحيي كل ميتاً === وتاخذ ناس مامنهم فــوايــــد


ياليت ياليت .... رحمك الله يازايد





ارفق بحالك طلبتك يأبن الاجوادي === بعض الاوادم حــــرام انك تجندها


اشكالكم ياولـي الكـــون ياهــادي === مافاد نفـــخ الــــصدور ولاتـمـددها


الأخ يبغى يســاعد شرطة بلادي === والناس هذي تبي منهو يساعدها






مايهزك ريح ياشخصاً بـــعيني === حافظك يامنيتي بين الجفون


ياغلاك اللي بقلبي محتويني === فدوتك روحي وقلبي والعيون


كلمتين وقلتها بينـــك وبـيني === مايهون الحب (لا لا) مايهون





ببقى احبك ولو زودت بــطـعــونـــــك === ماعـاد تــفــرق قسم بالله ماتفرق


لكن طلبتك على هونك على هونك === حتى فؤآدي من الطعنات صار ازرق



]


لاتطلعين ارجوك والجسم عريان === تراك فتنه للقلوب الضعيفه


بعض البشر ماهمه اشكال والوان=== اهم ماعنده غرامه وكيفه



هذه المزيونه ترد وتقول ....



يمكن لو اني عنـدكم كان ماكان === دارك شريفه بس ماهي شريفه!


ادري بها ياعــــم طلقين الايمان === لكــن قـلـوب الناس ماهي نظيفه


وانا على الشاطئ وبديار الالمان=== اطلع واجـي واروح من دون خيفه





سفينة احلامي على بحر حبي == على ( اطلسي )فكري( وهــادي ) خيالي


الاشرعه من صنع روحي وقلبي== من نســـج تــفــكــيــري وتــصــمــيـم بالـي


وامواجها من مالكـ الملك ربــي == وانــا عــلــى مــتــن الــســفـيـنـه لـحـالي


وريح البحر صارت تعاكس مهبي== مــدري نــوايــا هـالــبــحـــر وش نـــوالـــي





وينك فقدنا طلتك يبـــــو نـــــواف === انشهد انك يخو نورهـ فــقــيـده


آخر لقا قبل السفر عنـد عسـاف=== والنار شبت وسط صدري وقيده







ياقايد الجيش جـــويه وبـــريـه === اطلـــع فديــتك سنود وربنا معكم


مادام خالد معاكم ناركم حيه === ومع كل هذا عسى ربي يوفقـكم


والله ماهمنا حــوثي وحـوثـيه === بـــرجالـنا نلعن اولكم على آخركم






أخوان نبقى دايــم الــدوم اخـوان == مهما أختــلـفـنا في شعوب وقبايل


ولا .. تــفــرقـنا المظاهر والالـوان == نــعــمـيـن فـيــكـم ياعيــال الحمايل


من الغرب والا من صناديد نجران == واهل الجنوب اهل الكرم والجمايل


والا.. من الدمام وحدود ظـهران == والا.. شمـالي من سناعيس حايل



وسلامة الجميع


 
 توقيع : صوت الرعد



قديم 28-04-2010   #19


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي نــيــة غــصـن



نــيــة غــصـن ..


ياغير ياللي عن جميع البشر غير=ياعاليه والناس ادنى في ادنا
انتي مثل رش المطر في سنة خير=وغيرك يقول اليوم يارب زدنا
وانتي مثل باس اليمامه مع الزير=وغيرك جواري في نواحي بلدنا
وانتي مثل ظل النخل داخل الحير=اذا تعبنا في ظلاله قعدنا
وغيرك سراب يهلكك بالمشاوير=قريب لكن نلحقه وابتعدنا
وانتي مثل نية غصن يسكنه طير=يحفظ فروخ الطير من بطش يدنا
وانتي حفيده للشيوخ المغاوير=وحنا بعد صلنا وجلنا وسدنا
وانتي مثل وقت الفجر والعصافير=لولا جمالك يالغلا ماقصدنا
كم هير يبن الناس ارجوك كم هير=حظي على درب المحبه قردنا

قلمي


 
 توقيع : صوت الرعد



قديم 02-09-2010   #20


الصورة الرمزية صوت الرعد
صوت الرعد متصل الآن

بيانات اضافيه [ + ]
 رقم العضوية : 979
 تاريخ التسجيل :  18 - 04 - 2008
 أخر زيارة : 28-09-2012 (04:04)
 المشاركات : 791 [ + ]
 التقييم :  125
 اوسمتي
الحضور المميز 
لوني المفضل : Cadetblue
افتراضي صور وأبيات



صور وأبيات..

















أبكـ .. إسكتي يامسربته يأم قذله
أقسم برب البيت لآجيك أربيك
لبست لي قبوع لأجلك وبدله
وقيتار كله لأجل حضرة معاليك
خلك على خبري حليله وعدله
وألا.. قسم بالله لآجيك أبكيك

قلمي


 
 توقيع : صوت الرعد



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:52


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام