يابو فهد يازين بعض التعاليل

17-10-2016

أخواني وأخواتي ابيات لصتوال معكم

ارجو ان تنال شي من رضاكم عني وطابت اوقاتكم

يابو فهد يازين بعض التعاليل=والفضفضه بالي ورا الصدر مكبوت
الصمت مايبرد قلوب المغاليل =والذل مافك الحباري من الموت
ولايذبح الرجل سوا بردت الحيل=والذيب ماجفل من النبح والصوت
والحر لو جتبه شبوك المحابيل=يبقا عزيز ولو سجن وسط تابوت
من حولنا كبود الاوادم مغاليل=والنذل يحسدنا على نصف بسكوت
ماسده المنحه ولاجبايت النيل=هلفوتتاً تبي سنع كل هلفوت
وحنا تغطرسنا تغطرس رياجيل=وليا تغطرنا خزا كل طاغوت
نعطيه من سجين طير الابابيل=والا يهود قبل مايفوته الفوت
ال السعود محلحلت كل حلحيل=اليا طحنت صم الصخر صار مفتوت
وتعطي ولاتمع ولاتبخس الكيل=وليغضبت تبطش بكل الجبروت
وحنا فداهم في جميع المحافيل=وتاريخنا يبقا على الصخر منحوت
ويو فهد يازين بعض التعاليل=والفضفضه بالي ورا الصدرمكبوت

17-10-2016

الف صح لسانك شاعرنا المميز عبدالعزيز الحشيان وسلمان العزم والحزم يستاهل المدح والكرم طبع الاكارم وحكومتنا كريمه وماتبخل على احد بس الكرم بغير اهله خساره والليالي تعلم الانسان بعدوه من صديقه /

جزى الله الشدايد كل خيرٍ / علمتني عدوي من صديقي

لاهنت لاهنت على القصيدة الجزلة ياجزل /

تحياتي لمقام سموكم الكريم :

17-10-2016

اقتباس

المشاركة الأصلية كتبت بواسطة نايف الشويب السليمي

الف صح لسانك شاعرنا المميز عبدالعزيز الحشيان وسلمان العزم والحزم يستاهل المدح والكرم طبع الاكارم وحكومتنا كريمه وماتبخل على احد بس الكرم بغير اهله خساره والليالي تعلم الانسان بعدوه من صديقه /

جزى الله الشدايد كل خيرٍ / علمتني عدوي من صديقي

لاهنت لاهنت على القصيدة الجزلة ياجزل /

تحياتي لمقام سموكم الكريم :

ههههههههههههه صدقت والله ان الحيات تعلم وتبين العدو من الصديق

الف شكر لك على الاطرا وصح بدنك يالنشمي اسعدني مرورك الرائع والمميز