سفينة حلم

السلام عليكم ورحمة الله وبركاته

صبحكم ومساكم الله بالخير جميعاً

الناس عابت زمان ٍ غيَّر اطباعه=ما تدري إن المعابه فعل امانيها
احدن يكيل الحسد ما يكترث صاعه=ما يبغي الا حضوض النفس يرضيها
واحدن على حزن غيره يضرب اصباعه=والنار ما تحرق إلا رجل واطيها
واحدن شرى كنز فاني يطلب اشباعه=ما يدري إن القناعه كنز شاريها
واحدن يهجر القرابه في غضب ساعه=حتى الحسايف يجنِّب ذكر طاريها
واحدن يدوس الصداقه والوفا باعه=ما يركب إلا ذلول الصدِّ راعيها
واحدن يهاجر دياره يبغي امتاعه=نفسه دنيّه يبي يشبع مشاهيها
واحدن يجنِّب دروب الدِّين واتباعه=يتبع طرايق دخيله خاب ماشيها
ياكيف نبغي حلول الوقت واسناعه=وهذي مماشي عباد ٍ صوب باريها
ياكيف نبغي غيوم الغيث وارجاعه=وقلوبنا عايفه غيث ٍ بياديها
وشلون نبغي نحلَّ الفقر واوجاعه=وحنا نمانع زكاة المال جابيها
وشلون تامن هنوف الستر واقناعه=في غابة ٍ صار حاميها حراميها
هذا زمان ٍ عجيب ٍ تلهث اسباعه=ما همَّها غير كسب ٍ في مساعيها
المجتمع في سفينة حلم واشراعه=صدق وأمان وتفاني في مباديها
كانك تعيب الزمن والهمِّ واصراعه=حنا سقوم الزمن نقدر نداويها
حنا قصور الأمل والنور واشعاعه=نبني سعادة شعوب ٍ غاب بانيها
نجبر صدوع الأمل لا بيَّن اصداعه=ونشعل فوانيس عتْمه ضاع ساريها
نِخْضِع بعزم القوي ما يصعب اخضاعه=وراعي المهونه دروبه ما نداريها
يلِّي تعيب الزمن لا غيَّر اطباعه=حنا عيوب الزمن نهدم مبانيها

وسلامتكم،،،

الشاعر القدير / محمد الشولاني
نص شعري فاخر وجزل بجزالة حظورك الطاغي ابداع غير مستغرب من شخصك الكريم
صح لسانك وعلا شانك ملالاين ولايكفونك يالذيب
تقبل مروري واحترامي خيو

الله عليك

شاعرنا الجزل

كلام نبيل وعقلاني فيه جلد للذات بأسلوب النصيحه

غيرتك وملاحظاتك تجسدت لنا في ابها الصور

ابدعت والله يبيض وجهك ويجعل احلامك حقيقه

تقديري

عـليكم السلام ورحمة الله وبركاته
وأسعد الله جميع أوقاتك بكل خير وصحة وسلامة
الشاعر / محمد الشولاني
صح لسانك وبيض الله وجهك قصيدة جميلة جداً
إبداع لاهنت.
فائق تحياتي وتقديري لشخصك الكريم،،،

نعيب الزمن والعيب فينا ، الله الله

الشاعر الكبير والجزل / محمد الشولاني

صح الله لسانك الى يوم الدين

قصيده تستحق تكتب حروفها بماء الذهب لله درك يامبدع

شكري وتقديري لسمو شخصك النبيل

الله الله

محمد الشولاني

صح لسانك وطاب فالك ابدعت ابدعت الله لايضرك
نص جزل ولايكتبه الا شاعر متمكن وانت كذلك
نص يستحق كل التقدير والأجلال ايها الشاعر الفذ

لك كل التقدير

صح لسانك والله يعطيك العافية قلت فاابدعت
بيض الله وجهك

وياهلا

الشاعر محمد الشولاني

صح السانك مليون

تقديري لك

الشاعر محمد الشولاني

صح السانك يابعدي

تقبل مروري

شاعرنا القدير محمد ضرمان الشولاني

قصيدة فاخره لاهنت يالنشمي صح السانك مدد بلا عدد

تقديري لسمو شخصك الكريم ؛؛؛