ياهيه !؟

ياهيه وش سبعة رجالٍ عجيبين=عاشو بوقتٍ قبل وقت القنوات
احملو وانجبو سبعة بنات مزايين=والحمل حال حوله في كلام الروات
ابوانهن عاشو وماتو من سنين=وبناتهم عايشات ٍ يشبهن الخوات

بأخونا القدير أبو فيصل
أســــــــــعدنا كثيراً إنضمامك لاقافلتنا المتواضعة بارك الله فيك ونتمنى من شخصك الحضور المستمر وإثرائنا بمشاركاتك الجميله
أياديك يالنشمي
على الطرح الراقي ،وبكل تأكيد الزميل القدير فكاك زمل المخيفات والشاعر الكبير ابو طلال
والخال الفاضل ابو يوســــــــــــف وجميع اخوانك وأخواتك سوف يشاركونك بالحل عن قريب بإذن الله
خالص التحايا لك

صح الله لسانك اخوي القدير ابوفيصل على اللغز وياهلا ومرحباً في محلك وبين اخوانك ولاعليك زود اخوي القدير ابو غازي
جاري التفكير ولنا عوده بأذن الله

تحياتي

ياهــــــــــــــلا والله ومسهلا باابو فيصل

تسلم على اللغز الجيد


ابي اسبق فكاك هالمره قبل ما يجي

رمعتي يمكن يكون (( سبع السنابل المذكوره بسورة يوسف عليه السلام ))


ولك خالص التحايا

هلا ابو يوسف طرت على السنابل لكن ابوهن حبه والحبه مؤنث على شان كذا مارمعته

تحياتي

هلا وغلا ابو فيصل

مشكور على الغز الجميل والطرح الرائع لاهنت
جاري التفكير ولو اني متوقع ابو يوسف وفكاك
يفضخون عينه ماشاء الله عليهم وبالتوفيق للجميع

تحيااتي

أهلاً ومرحباً بك أبو فيصل
شكراً لك لغز جميل لاهنت
تسجيل حضور مع التحية والتقدير،،،

الف الف الف شكر لك عل هالغز الجميل القوي
يالربع انا اطر الغز وبالحل وسط ابي الشوف رمعات الربع
غديهم يقربونا له
لك كل التقدير والله يحيك
حفظك الله بحفظه

ابو غازي لك خالص التحايا وان شاء الله نعين ونعاون
والكل فيهم الخير والبركه

فكاك زمل المخيفات صح بدنك وان شاء الله تفك اللغز