لكم إهدائي //مساجله بيني وبين القارحي الهذلي !!!!!

قصيده من وصلتني من الشاعرالكبير / عطاالله القارحي .

ما يميّز معـدن الرجـال ليـن اليـا نخيتـه=تاجد اللي يحتويه مـن الشهامـه والرجولـه
ان تباشر بك بفرحه كـل مـا تطلـب لقيتـه=و ان تلفت في جنوبه كُـن سـرك لا تقولـه
و الحذر تستعجل الاحداث تهـدم مـا بنيتـه=والرجال اتقـدر المعـروف والدنيـا جهولـه
يا الله انـك لا تحملنـي بذنـبٍ مـا جنيتـه=والرضا محمول " والنيه على الطِيب امحموله "
و الضمير اللي يطاوعني ولا آنا ما عصيتـه=قال لا تعطي ولا تاخذ مـن المُفْلـس عمولـه
اتركه لو جاك راكب بنز , و اركب بسكليتـه=المهم ان التخلص منـه مـا هـو بالسهولـه
والكلام اللي عـلا معنـاه بعتـه و اشتريتـه=والكلام اللـي بـلا معنـى تركتـه للطفولـه
نـادر المكتـوب تلقـى فيـه لامنـك قريتـه=مثل قصة متهم غايـب يحـوم الشـك حولـه
يا " عبيدالله " سـلام الله سـلامِ ذاع صيتـه=والسلام بسنة الإسـلام ثابـت مـن رسولـه
والسوالف بيننا جزله , وعمري مـا نسيتـه=لازمين احدودنا و وجيهنا ما هـي امغسولـه
شفت لي مكتوب والمكتوب ضني مـا نسيتـه=فيه من قصة ولد يعقوب في عرضه وطولـه
انتبه تزعم بدم الذيـب و انتـه مـا رميتـه=الجبل من يمنا مقعود يـا مصعـب وصولـه
ومن يدق ابواب خلق الله دقـوا بـاب بيتـه=والقصاص اللي يرد الحق من سـر البطولـه
يا العرابي لي عليكم حق و انته مـا عطيتـه=يوم جا ميحال ديانـك عطيتـه مـن حثولـه
احسب انك كنت حقاني و اثَرك اللـي غبيتـه=طيبك المعهـود خـلاّ نيتـي فيـك امعسولـه
لين نبهنـي منبـه خيـر قـال إمـا خذيتـه=العرابي كل مـا شافـك يبـا يشعـب ذلولـه
قلت لاحق خير عندي الحـل لامنـي بغيتـه=كلها " انترنت " و ارسلها على اللي صفقوا له
والسلام ختام , والمقصود مثلـك مـا قفيتـه=غير بالمعروف "والنيه على الطيِب امحموله "

الشاعر/** عطا الله القارحي **

"
"
"
,
وكان هذا ردي عليه :
"

يامنادمنـي ولايمنـي علـى لـيـلٍ سريـتـه=لاعلى قلبـك همـوم ولا علـى بالـك حمولـه
مستريح ولا بـلاك الوقـت حتـى لـو بليتـه=هاجسي ماقد نسي وأدري بـرده مـن قبولـه
السهر لو هو جمرفـي سكـة الغالـي وطيتـه=والبحر كله ثلاث حروف وأثـر الهـول هولـه
والأوادم في حيـاه ’ قلوبهـا حيّـه// وميتـه=والمفيد المختصـر ماآعامـل المقبـل بزولـه
والعدو لـو ماغزانـي يمكـن إنـي ماغزيتـه=من يقول إني رميت الذيب وإيديـه مغلولـه!!!
ما أدعي بالكذب والموقف على كيفـي حميتـه=بالوفا والطيب والمعروف لـي صولـه وجولـه
ماحدانـا الجـوع للفـوّال لـو فولـه وزيتـه=عند بعض الناس نعمـه حدّهـا زيتـه وفولـه
والحقايق واضحه والحـق أعـده مـا أدعيتـه=أركب أعلى خيل من خيلك وطول اللـي تطولـه
بعدها يا أهل الكتاب اللي وصل لو ما أحتريتـه=مرحبا في مرحبـا ماحـال حـول ودار حولـه
عد من صـلا وولاّ بـإذن ربـه شطـر بيتـه=في خضوع وفي خشوع وعد من هو طاف حوله
ياعطـاالله ماتنوّشنـا الشـداد إليـا أعتليتـه=وآنت شاعر عندنا قولـه يعبّـر عـن فعولـه
راجـع المكتـوب لا تومـي بباكـورٍ حنيـتـه=بعدها أبشر ياعطـاالله ليـن مطلوبـك تنولـه
من عرض للسيل ميعانه نقـول إلـه إمتليتـه=والفضولي فيه طبع ولا يجنـب عـن فضولـه
والخطا نعمـه يعلمـك الصحيـح إليـا محيتـه=والدروب سهود وأحيان الخُطا تصبـح عجولـه
وإن نويت الطيب غيرالطيب عمـري مانويتـه=لو يقولون الخطا يدوْش والأجـواد هتفـوا لـه
يالهذيلي علـم اللـي سرعتـه تقلـب ونيتـه=إنهزم والمنهـزم عيـبٍ علـيّ أطـرد فلولـه
قالوا إن البادي أظلم قلت علمـي مـا أفتريتـه=إن قنع برضاه يقنع وإن طمع يرجع قلـوا لـه
راجع المكتوب واللي ترتضيـه إنتـه رضيتـه=بعدها آبشر ياعطـاالله ليـن مطلوبـك تنولـه

الشاعر ((بعيدالنظر)) /**عبيدالله العرابي

صح لسانك ولسان الشاعر .. عطالله القارحي

عبيدالله .. قصيدك غير يارفيقي والله اني صادق

ننتظر المزيد بحول الله لاتبخل على عشاق شعرك الجميل

صح السنكم يالشعار

قصايدكم جميله .. الثنين فحول شعار ماشاء الله عليكم

تحياتي لك

مااجملها من مســــــــاجله ياشاعرنا الذيب / العرابي

صح لسانك ولسان الشاعر عطالله القارحي


تسلم والله / يابو سعيد

مساجله رائعه

صح للسانك وللسان الشاعر عطا الله القارحي ..

ابوسعيد الراقى بشعرك وبطيبه نفسك


ماذا اقول وهل ينفعك قولى يابوسعيد فحل من فحول الشعراء

مشكور وصح لسانك ولسان الشاعر القارحى

صح لسانك ولسان القارحي

مساجله رائعة

صح لسانك ولسان الشاعر .. عطالله القارحي

صح لسانك وعلى شانك
اجد نفسي امام هذه الباذخه متلعثم انطق اكتمل جمالها بوفي صياغتها منك وتراقصت عذوبتها بأحساسك
وحرفنتك الشعريه
دمت بخير/اخوك سراب الراحل