آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 01-11-2009   #1
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي ديوان الشاعر / نهير النمش






عشرين السعد... مصافحه اولى .. ..


ياهاجس اشعاري لك ايام مفقـود= وين انت عني مختفـي يارفيقـي
اول تسلينـي ليـاهبـت النـود= وتطفي لياشبت بجوفـي حريقـي
يسعد مساك بنفحة المسك والعود= يامبعدٍ عن خاطري كل ضيقي
تعال واسكب ماتيسر مـن الفـود=من بوح فكري هات حلو الرحيقي
هات الكلام الزين من غير منقـود=احفظ مجالك وانت حرٍ طليقي
دايم تسولف لي وش حكاية الجود= واقول ماتقـدر تغيـر طريقـي
عن ماجرى ياطيش الايام مردود= ويلاه ياجرحٍ بقلبـي عميقـي
من بعد عشرين السعد جفت عدود= واعتاد جفني للسهـر ياصديقـي
للوجد للحرمان للنقـص للـزود= للطيب يادرب الـردا مـاتطيقـي
لولاي احسب للشكـالات والكـود= ماخذ حساب التايهـه واللحيقـي
الناس تفهم وضح الافكار والسود=وراع الشبب يشبع جياع الفريقـي
والكلمة اللي تفرق ذياب وفهـود= اصد عنهـا دامهـا مـاتليقـي
يوم الحقايق صارت اليوم بحـدود= موت الحرامي مثل موت الغريقـي
يالادمي دنياك لـو انهـا سهـود= لازم عليك ايـام بقعـاء تويقـي
صل الصلاة بوقتها لخيـر معبـود= ينجيك لامنه نشـف كـل ريقـي
خذ مؤجز النشره بلا قيـد وقيـود= من شاعرٍ يحسب خويه شقيقي
ولو هاجس اشعاري له ايام ويعود= ما يرجع ايـام السعـد يارفيقـي


 

قديم 09-11-2009   #2
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي جنون الوقت



جنون الوقت .. ..



هب الشمال وجابلي ريح الاطلال=وذكرني الاطلال معنى البطوله
اشعل فتيل السالفه بين الابطال=مجدن بقاء من آخر كنوز دوله
ياحيف ياوقت المكارم والافعال=ماكن شيٍ صار وأندار حوله
شانت نوايا الذيب ياطيب الفال=من عقب ماهو مرتكي للرجوله
الوقت غير سيرته مثل الاطفال=ينسى ولا يفهم معاني ميوله
اهتز عرش الطيب ياراع الامثال=ضاعت مساعي رحلته من فضوله
هذا جنون الوقت ياكثر الاهوال=في هالزمن كل المبادي عجوله
نرسم ونبني كلها آمال بآمال=نضرب ونطرح بس مامن عموله
ياكثر لجتنا على صدق الاقوال=بس الصحيح إنسير عكس المقوله
ضاعت مبادينا على كل الاحوال=وحنا ندوس الارض عرضه وطوله
ندري وندرك والخطا شر مازال=فينا مقام رجال وفينا طفوله
وصاح الشمال وجابلي كل الاطلال=احرق فتيل السالفه والبطوله


مجاراة من الشاعر / محمد السعود
يقول
نص اجبرني على الوقوف عليه والاحتفاء به
صح لسانك وبيض الله وجهك يانهير كفيت ووفيت
واعتذر عن ابداء هذه الابيات
ولكن اكيد انك بتعذرني لاني انسجمت مع نصك الفاخر
والواقعي.

مجاراة من الشاعر محمد السعود يقول


ياصاحب المبدا ترا الحلم رجال=اذا ذبحت الحلـم راحـت رجولـة
راح الزمن في ما مضى به من افعـال=وكلـن علـى ماقيـل نـوخ ذلولـه
هذا زمن (من لـه حيلـه فيحتـال)=عادي ترى والنفس ماهـي خجولـة
ياما عليها الارض من زود الاحمال=ياهي تحمل شي ماحـدٍ يطولـه
بعض البشر يحتاج له ضربة اعقـال=نقصٍ على الدنيا بعرضه وطوله
وبعض البشر متكبرٍ كنه جبـال=ودك تصطـر خشتـه فـي نعــولـه
وبعض الرجال من النعومة بيختـال=ودك يلبس طرحةٍ مثل خولـه*
وبعض البشر بالبخل يضرب بالامثال=اذا طلبتـه شـي قـفـى بـزولـه
وبعض البشر لاضقت وقف ولك قال=ضيقتك هـذي هينـاتٍ حلولـه
تبي وجاهـة فيـه والا تبـي مـال=بس لاتضيق بشـي يابـن الحمولـه
هـذا هـو اللـي لاتمنيـت رجـال=يسـد بالدنيـا بعرضـه وطـولـه



مجاراة من الشاعر القدير / طلاع مسند الزميلي

نهير محيط الاطلسي لازما شـــال= شال القوافي في رجولة بــــــطوله
لاهاج موجه يصفق الجال بالجال=وياخذ بها بالعنف صوله وجـــوله
يفداه شعراً زايفاً كأشهب الـــلال=سراب قيضاَ زامياً بالمــــــــــــحوله
خم الكواكب في خياله والاطــــلال= بقناع زيف الكذب شهباً خـــــــيوله
يقول انا بالشعر فارس وخيــــــــال= غروه ناساً بالخطا صفـــــــــــقوله
يكذب على نفسه ويضحك ويحتـــال= وعاش بغرور مجامله ياضحكوله
شاعر يموت ويعيش شعره للاجيال = مثل الذهب للناس يبقا عمـــــوله
وشاعر يموت شعر وهو حي مازال= ساعة وفاته حين لحظة نزوله
واحلى تحيه عد مازايـــــــــــــــلاً زال= لابن نمش راع الوفا والرجوله


 

قديم 24-11-2009   #3
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي صدري شمالي



صدري شمالي .. ..



احيان اضيق بضيق الايام وآفيق=اخذ حساب السالفه واستفيدي
صدري شمالي ماخبر فيني الضيق=يجتاح صدري كل همٍ جديدي
البارحه واحكاية الشعر تلفيق=ياخاطري وضح مخازن رصيدي
كانك تمشيني على فكة الريق=الدرب واضح والمسافه تبيدي
غنيت في راس الطويله طواريق=وابحرت في جو الكلام الفريدي
الصبر مفتاح الفرج والتوافيق=والله وحده فوق عرشه اكيدي
الناس له شوفات سلم ومواثيق=ومايفلح الا راع راين سديدي
اجنب وغرب للشمال وتشاريق=تلقا البشر فيها جزيل وزهيدي
دنيا تجمع والنهايه تفاريق=والرابح اللي حاش منها الحميدي
ياقلبي اللي كل ماقلت له ليق=عيا يطيع الشور عيا يحيدي
وين انت ياذيب الهواجيس ماتويق=ماتشوف رجم الذاكره مستهيدي
ذكر الحيا وعلوم الاجواد تشويق=الطيب يبقا والفنى للعبيدي
لاصار ماتحسب حساب المطاليق=تراك ناقص مرجله يالبعيدي
الحر يرقا عاليات الشواهيق=والبوم لو انه رقا مايصيدي
مرات اجامل واحتمل فوق ماطيق=ومرات اواجه صاحبي بالزنيدي
واحيان اضيق بضيق الايام وافيق=واعيد كل السالفه واستفيدي




نهير النمش


 

قديم 09-12-2009   #4
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي الوقت دوار



الوقت دوار .. ..

البـارحـة مـــر بـالــي كـــم طـرقـيـه=منـهـم مـصـدر ومـنـهـم كـــم وراده
تفرقـوا مـن خيـالـي وأخـلـوا النـيـه=وأخـتـارو الـصـد والعـربـان مـــداده
ما فيهـم اللـي وقـف وانمـدت أيديـه=وما منهم اللي يرد الصوت لأسيـاده
النـاس بالنـاس يالأصـحـاب معنـيـه=والطيب مـا ينحسـب لمكبـر وسـاده
كم واحـدٍ راح عمـره مـا لحـق غيـه=راحـت لياليـه مـا جابـت لـه أمـراده
الــوقــت دوار والـدنـيــا مـضـاويــه=أغنـم زمانـك قبـل لا يقبـس أزنــاده
الحـر يشـفـق عـلـى عـالـي مراقـيـه=والنـاس يـا صاحبـي بالحيـل نـقـاده
ســلام لـلــي يـســر الـبــال طـاريــه=ياوارثٍ طيب أبـوه وسطـوة أجـداده
يا صاحـب الخلـق مأمـوره ومنهيـه=بأمـر الكريـم العزيـز منجـي عـبـاده
نــارِ تلـضـى بـجـوفـي قـــل والـيــه=بيـن المعالـيـق نــار الـجـود وقــاده
لو مالرخاء فطـرت صـدورٍ شماليـه=كان أحتفل بالصدور الضيق بأعياده
ولو أن الأرزاق تأتي لك على النيـه=محـدٍ تكـبـد مــن الأتـعـاب وجـهـاده
يـا بعـض الأحـلام لا تبقيـن ورديــه=تـغـيّــر الــوقــت والأيــــام جــــلاده
والنـاس كـلـن بـجـوده دون عانـيـه=وعمـر البنـادم مـحـدد قـبـل مـيـلاده
مجموعـة أحــلام وأحـلامـه خيالـيـه=يبني له أمجاد ولا طّول مـع أمجـاده
هـــذي حــيــاة الأوادم دوم مـقـفـيـه=طلابـهـا دوم واقـــف لـــه بمـعـيـاده
وهالحيـن لـو مـر بالـي كـم طرقـيـه=تـركــت كـــلٍ بـمـصـداره ومــيــراده


نهير النمش
(صفق الهواء)
---------------------
مجاراه من الشاعر الكبير / طلاع الزميلي الشمري


قصايدك يانهير اثرت فيـــــــــــــه =ولعبي الهجس بمصداره ومـــــــيراده
واقسمت لالونها بالوان ورديــــــه = وشذا عبيره الزهور الورد به ســـــاده
قعد من ضيقتي تسوج رجــــــــليه = وذكرت وقتاً مضالي فات ميـــــــعاده
اسوج مالي جدا صفقت بيديـــــــه = والدموع عيني على الخدين شـــراده
نفسي ابيه طموحه دوم رمزيــــــه = تمح لعيطا لصرح المــــجد رواده
ونفس الوفا تنتخي لعيون داعيـــه = لاذل ماتنــحني للــــــــــــعز وراده
وأحلام ورديتاً وأجوأء رومنســــيه =وانلاعب الوقت وألأيام شداده
والمسعد اللي لربه مخلص النيـــه =والنفس على طاعت إلاله معتاده
وارجي عسى الله يزين لي تواليـه = قبل دعا عباد له بالأرض سجــــــاده


 

قديم 24-12-2009   #5
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي ذود اربعيني



ذود اربعيني .. ..

ياسابقي دارت بالافكار حاجات=راحت وردت واستدارت وجابت
اخذت معها ياجماعه مسافات=وميزانها في كل الاحوال ثابت
ذود اربعيني شرفت للطويلات=ياصاحبي كل العواريض شابت
والحمد لله ماعليه ملامات=مادام نفسي للدنيات هابت
اشوم عن قول الخطا والدناسات=النفس من عوج السواليف طابت
ناسٍ تحرف باللقصص والروايات=يبغون للتاريخ درب ومنابت
اهدافهم ياحسبي الله حيالات=مفهومهم تغيير سيره وعابت
هي عولمه وإلا تطور حضارات=وإلا علومٍ عبر الازمان ذابت
ياهيه عل بخاطري واشعل الذات=شمس الحقيقه والمفاهيم غابت
ليت المؤرخ يلتفت للبدايات=ويعيد قوله يوم الاقوال صابت
دام البدايه ترتبط بالنهايات=ياعاذلي وشلون الاهداف خابت
معذور ياوقت النقاء والميانات=معذور ياشفت التقاليد سابت
نسأل ونبحث والمقادير عجلات=نطرد سرابٍ للوجاهات كابت
وياسابقي تاهت بالافكار حاجات=من كثر مادارت وراحت وجابت





نهير النمش


 

قديم 02-01-2010   #6
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي البوش العفر



البوش العفر .. ..

الطيش ودروب السفر والمتاهات=واحلام ورديه عسى ماتعودي
راحت عليه أيام وارض ومسافات=بمزارق الشرهات فخر الجدودي
ياساريه خوذي معك كل مافات=سوقيه مابين الجلد والنفودي
قولي له اصلاً ماتفيد الروايات=وقولي له اني ماعبرت الحدودي
بيني وبينه مابعد صار شرهات=لاهو ولا جيله يشرف وجودي
الله يخرب كوش بعض الصداقات=مامن وراه الا الغثا والجحودي
تيارها ياخذ مع الوقت موجات=على أختلاف الراي ناره تزودي
ويامدورين الطيب للطيب طلعات=ومايطلع الصلفات كود الاسودي
الخيل والبوش العفر والمهمات=حنا اهلها والعمى للحسودي
وياعارفين الراي قولو سلامات=للي يدور للسوالف وقودي
خلوه ياخذ له مع البيض سجات=لاصار ماله بالمجالس ورودي
وقولو له اصلاً مابعد صارمونات=وقولو له ادري طول عمره حقودي
والطيش وعلوم السهر والتفاهات=وأحلام ملويه عسى ماتعودي



نهير النمش


 

قديم 08-01-2010   #7
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي خـلـك حـلـيـم



خـلـك حـلـيـم .. ..


الليل والذكرى والأحزان والخوف=والوقت وجروح الزمان العتيه
والدان والدندان والدبك والأووف=والزيف وحدود الضياع وخويه
ياهوه صدق وأصدق العلم بالشوف=لاتنتظر رد العقول الرديه
يامعزب الرحمن في بيتك ضيوف=لاتقدم الترحيب من غير نيه
اللي عنالك من عنا الوقت مكلوف=حيه على المقدور بأحلى تحيه
أحذر تكون بوجه الأجواد عاصوف=خلك حليم وحكم العاقليه
بيض النوايا والسوالف له وصوف=لايلحقك من بعض حكيك أذيه
أعقل ذلول الهرج عن كل ملقوف=يزعم بنفسه والذمم عامريه
خل التباعد بينكم شي مالوف=ابعد عن اللي مالهم قابليه
تكثر مشاكل والبشر عنده ظروف=ضاعت مبادي روحنا اليعربيه
مريت بالي والمشاعر لك وقوف=ماجبت علم ولا طلبتك حذيه
والوقت والذكرى والأحزان والخوف=والليل وظروف الزمان العتيه






نهير النمش


 

قديم 12-01-2010   #8
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي مـوت الأحساس



مـوت الأحساس .. ..



الفوت لامن فات ماينفع الصوت=والصبر مفتاح الفرج خير مقياس
خلك رزين وبدل الصوت بسكوت=لاصار ماترقب على كل مرواس
علم الحيا والطيب تلقاله اثبوت=يلفح عبيره كل ماهب نسناس
العمر دين ولاتحسف على الفوت=مافات راح وكل شيٍ على ساس
أن جاد حظك بالكرم وانت مبخوت=وياعاضبت دنياك لاتخضع الراس
لاترجي اللقمه بعد لقمة الحوت=أحفظ علو الراس من وقعة الفاس
تنوع الأسباب والخاتمه موت=بس الوكاد الموت في موت الأحساس
لاكفنت دنياك حظك بتابوت=ماعاد تسوى دنيتك جر الانفاس
ابعد مجالك عن هوى كل سربوت=نقال هرج وماكسب غير الافلاس
تلقا مجاله بين الاجواد مبهوت=ماحاش في عمره معزه ونوماس
من يحترم قوت العرب ياجد القوت=ومن لحترم باس العرب يفقد الباس
حبل التواصل بين الانذال مبتوت=مثل التخاذل بين حاسد وهلاس
والشاعر اللي جاب له عدت بيوت=قله يخاف الله ولايعذرب الناس
شوف التشابه بين صنعاء وبيروت=مثل التجانس بين جده ومكناس
والحلم لامن صاب والا طلع أوت=لاتعلق افكارك على كل هوجاس
خل العتب ببحور الأخلاق مزتوت=اكتم همومك واخفها عن مدى الياس
والصوت ماينفعك لافاتك الفوت=مافات راح وكل شيٍ على ساس






نهير النمش


 

قديم 08-02-2010   #9
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي الجار وخوة الوافين



الجار وخوة الوافين..


يالله تجعلنا مع الصحب الاخيار=في قدرتك يامعطين من يسآله
رحمتك يامعبود ياوال الاقدار=ياباسطن ارضه ومرسي جباله
انت الكريم المعطي النافع الضار=يارب عفوك ياعظيم الجلاله
ومن بعد ذكر الرب رتبت الاشعار=وبدعت من زين المعاني جزاله
وجهزت قيفانه على كيف ماختار=من هاجسن درب المعالي رقاله
غض النظر عن عورة الجار ياجار=احفظ جوار الجار وادمح خماله
الجار غلطاته ولو انه كثار=استر عليه وعامله بالجماله
عليك بالعليا ولو صار ماصار=احذر مجال الطيب ترخي حباله
ارق السنود وجنب اوكار الاشرار=الخايبين الناقصين الحثاله
ابعد مجالك بدل الدار بديار=وارتك على اللي كاملاتن خصاله
الصاحب اللي عادته شبت النار=النادر اللي ماتدور بداله
اللي ليا جاله من الناس خطار=يفرح بجيت من تعنا وجاله
مدهال لاهل الصيت وافين الاشبار=الطيبين الغانمين الشكاله
ودلال بغداد بهن بن وبهار=يغدن عماس الراس في كل حاله
هذا هواي ورغبتي ياهل الكار=في خوة الوافين عز وبساله
ومشين مع البيدا على وقت الاخضار=يطرب لها قلب الهواوي وباله
في خايعن ماديجبه عقب الامطار=انا أشهد انه طب قلبي وفاله
والعمر يعلم فيه قصاف الاعمار=والرابح اللي مامشى بالضلاله
وأختامها صلو علي خير الابشار=اعداد ماهب الهوى من شماله



نهير النمش


 

قديم 17-03-2010   #10
نائب المشرف العام
صفق الهواء


الصورة الرمزية نهير النمش
نهير النمش متصل الآن

بيانات اضافيه [ + ]
 رقم العضوية : 1812
 تاريخ التسجيل :  29 - 10 - 2009
 أخر زيارة : 19-12-2023 (07:46)
 المشاركات : 8,412 [ + ]
 التقييم :  223
 اوسمتي
درع التميز درع وسام وسام وسام 
لوني المفضل : Cadetblue
افتراضي مطامع الـوقـت



مطامع الـوقـت ..

صوت الربابه سرى والقوس جاوبني=صوتٍ عبر مسمعيني وين وداني
ان جيت ابكتبه عود صار يكتبني=وان جيت ابقراه عود صار يقراني
يسج فكري معه والحال تندبني=ياحظي اللي تغيب احيان وأحياني
سافر صديقٍ وفينٍ كان يعجبني=مطامع الوقت غرة بعض صدقاني
واللي على الطيب والطولات صاحبني=مايلتفت في كلام افلان وفلاني
والصاحب اللي علومه دوم تطربني=ياوين ابلقاه مدري وين يلقاني
علمني الوقت اميز من يعذربني=وعلمني الوقت اساير من تبلاني
واللي دمح زلتي ليته يحاسبني=ويحز في خاطري لامن تناساني
شيل القوافي على الطاروق يسحبني=لو المعانات تملا كل الأركاني
للبوح ذكرى مع الونات تذهبني=والجرح باقي مع الأيام يشظاني
احيان اشوف الوله والشوق يتعبني=واحيان اشوف الوله ماعاد يهواني
من وين إلى وين مديني وجايبني=يادرب الاقراح بعدني عن احزاني
وصوتٍ سرى البارحه بالحيل ناسبني=وذكرني الصوت صوتٍ مر الأذهاني
راحت سواليفنا نهدم ولا نبني=ومطامع الوقت هزت بعض الأخواني
وصوت الربابه سرى والنوم حاربني=وصوت الربابه يغني جرح وجداني


نهيّر النمش


 

 

مواقع النشر (المفضلة)

الكلمات الدلالية (Tags)
2000, ملامح, متصفح, أيام, أشباحنا, أغرب, مفيده, أوهام, الأيام, الميانه, المرمره, المرجله, المشاعر, المعالي, الموحشه, البارحه, البيت, الترب, الحاضر, الدروب, الدغيرات, الصلف, الصدقان, السهر, العم, العتيبي, العرب, العولمه, الفكره, الهلالي, الهبوب, الهند, النمش, النبع, الوضح, الوكاد, الطنايا, القمه, القدس, القصايد, ابن, تايه, بشرى, بعض, ثوب, بقايا, حلم, حمله, حلوى, يارب, خاص, حنا, دنيا, دور, ريح, روس, صلة, شيخ, صحراء, صوت, عام, عايد, عفراء, عفريت, ظنوني, فريح, فزعة, هجن, والمعاميل, والخال, والشطرنج, والفشخره, والنبت, ورث, وشمر, وصدى, نفخ, نهير, وهضاب, ضجعة, طيش, قدرك, قسوة


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:50


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام