اصحى صواحيهم يشادي سكورها

هذه رائعه من الروائع التي جاد بها احد ابناء شمر عندما تذكر امجاد الطنايا


للشاعر:عبد السعدون الدليلي الحريري الشمري

دارت بي الافكار ياعنف دورته =واستدرجت مركب خيالي بحورها
استسلمت عند الاراده لحكمته =افكار والافكار عسر ندورها
ومشيت اباري طيفها وش نتيجته =عساه تكشف بالنهايه سفورها
قامت تقلبني على كيف ماتبي =نوب تزيد ونوب تقصر شبورها
وسارت مراسي فكرتي باكتمالها =وارست برهراه الجزيره وقورها
بهكا الدياراللي بها بان مجدنا =قصة تنومس لياتوالت ذكورها
أرقبت انا شبيجان والهم لاعني =وادنيت من ماضي الليالي عصورها
رددت للناعم هجوسه وحكمته =حكمتة تخلدها حزاين سطورها
يارجم وين اللي رخاص عمارها =للي خذوا ذروة سنامه بدورها
ربعي ضنى صبحي مواريث للفخر =اللي عطوا حدب الهنادي نحورها
تشهدلهم سبع الجموع بفعايله =يوم تعنا واعتناهم بدورها
مضنين عيراة الرمك بجتوالها =ماقد عطوا يوم المناحر دبورها
كهل الدروع وروحها ساعة الوغا =بمسندساة فنها جاب طورها
زحول الرجال اللي طربهم كتامه =وسيوفهم دم المشايخ عطورها
جمال التخوت اليا اعتزت من صيحته =صبحي وحيضان المنايا تزورها
يوم انطلق صوت العزى واعتزابهم =فكو على رجم ذكرته انهورها
دما" حمر لليوم مابان عشبه =منه اصطفك فوق الولايش نسورها
عاشتبه الغربان ايام والرخم =من ضرب عطبين الاهاوي صقورها
ذكرني العمري على ابيات قالها =يوم الحرايب شب سامك شرورها
من غير صبحي ماصديق لحالنا =يوم اعتنينا ماتوانو حضورها
يوم بكى شيخ القبيله لفعلتلهم =كل الاصايل هي قلايع نمورها
يكفيك منهم عملتن سار سوقها =ابن عجاج اودع حياته برورها
يوم زهد لجل السميه وشيخها =وسمي بعملتن للسواري فخورها
زهيد والزهيد منا توارثت =لبج شمل كل الطنايا وقورها
بكل امتداد مفاخير لابتي =شمر شبك عرج المعالي جذورها
ماحسبوا يوم الوغى من يضدهم =لاقيل شمر وين غلبا ظهورها
تطابفوا عصمان الاريا بساعته =اصحى صواحيهم يشادي سكورها
ولوهو يفيد الحيف والنوح والبكى =وترجع سنين زالت وقفت دهورها
لابكي لما العين تنشف ذخايره =دمع يذوب صم صافي صخورها
فانا اتمجد ياملا مجد لابتي =والهم من تحت المحاني يسورها
قامت مداريج المحاجر تزودني =اعييت اكاعم عبرتي عن ظهورها
ودلت تعطر مسفح الخد دمعتي =واركت علي صكات بقعا بجورها
بالله يادنيا الغثى وين لابتي =هل ياترىاقفى سعدهم بدورها
كانه تقفى واقشع اليوم عزهم =ماني بعايش لحظة في سرورها
وكانه تجدد ماضي المجد عندنا =ثم بان من بعد الطلاسيم نورها
لنذر نذر المسقم على الشفى =ولا اظن يكفي وان نذرنا جزورها
يمار الحميدي يطرق الباب ساعته =ثم انقطع حلو الفكاير بكورها
ثم انتهت قصة خيالي بلذته =لو كنت وارد بالمصايب كورها
اقفت تبعد حلو الافكار بالنيا =ماعاد ترجع لو احاول اثورها
اقفت وسديت باب الهم والبين الغثى =وسديت من كل النوافذ ثغورها
انكفت للواقع كما كنت عايش =لوسمك داخل حشاي حرورها
واختام قافي صلاتي على النبي =عد الثواني في تعاقب شهورها

تصدق تهيضت بغيت اقصد وانا ماني شاعر


الله يعافيك على النقل الجميل والرائع

صح لسان الشاعر ولاهنت اخوي على النقل الاكثر من رائع

ارجو ان لاتطيل علينا بجديدك سواء لك او منقول

ننتظر بشغف

تقبل مروري المتواضع

صح لسانك وصح لسان الشاعر/عبد السعدون الدليلي الحريري الشمري

ولاهنت على النقل الرائع

صح لسانه والله

قصيده شامخه وتسلم يديك اخوي

ولاهنت على هالنقل الرائع

تقديري

اسعدتنا واتحفتنـا بنقلك الرائع اخي الكريم
لكـ منـا جزيل الشكـر وموفور الأحتــرام

ودمت بخير.

الاخ ابو ساير الله يعطيك العافيه يالغالي اسعدني مرورك الكريم



والاخ صوت الرعد شرفتنا بمرورك الكريم ولك جزيل الشكر



الاخ ابو فهد لاهنت يالسنافي اسعدني تعليقك



الاخ فيصل الجبرين الله يعافيك ومشكور على هالدعم يالغالي



الاخت همس الشمال الشكر لك انتي واسعدني مرورك ودمتي بخير


الشكر للأخوه المذكورين اعلاه والله انكم افلجتو صدري بردودكم الداعمه والمشجعه
ومعا انشاء الله لفائده وحفظ (عرين الاسود)شامخا